30/05/2026
𝗧𝗦𝗖𝗛𝗜 𝗕𝗮𝘁𝗰𝗵 𝟮𝟬𝟮𝟲 𝗧𝗼𝗽 𝗦𝘁𝘂𝗱𝗲𝗻𝘁, 𝗡𝗮𝗸𝗮𝗽𝗮𝘀𝗮 𝘀𝗮 𝗗𝗢𝗦𝗧 𝗨𝗻𝗱𝗲𝗿𝗴𝗿𝗮𝗱𝘂𝗮𝘁𝗲 𝗦𝗰𝗵𝗼𝗹𝗮𝗿𝘀𝗵𝗶𝗽
Isa na namang malaking karangalan ang naitala ng Tanauan School of Craftsmanship and Home Industries (TSCHI) matapos makapasa sa prestihiyosong Department of Science and Technology (DOST) Undergraduate Scholarship ang Batch 2026 top student na si Alwin Benedict Villero.
Batay sa opisyal na resulta na inilabas ng DOST, kabilang si Villero sa mga kwalipikadong iskolar para sa Academic Year 2026–2027. Siya rin ang nag-iisang pumasa mula sa mga mag-aaral ng TSCHI na kumuha ng pagsusulit para sa nasabing scholarship program.
Ang DOST Undergraduate Scholarship ay isa sa mga pinakaprestihiyosong scholarship program sa bansa na nagbibigay ng suporta sa mga estudyanteng magtataguyod ng kurso sa larangan ng agham, teknolohiya, inhinyeriya, at matematika (STEM).
Dagdag na tagumpay ito para kay Villero, na nauna nang nakapasa sa University of the Philippines College Admission Test (UPCAT) 2026, isa sa pinakamahigpit at pinakakompetitibong pagsusulit para sa pagpasok sa kolehiyo sa bansa.
