What are the opening hours?

Monday 8am - 5pm Tuesday 8am - 5pm Wednesday 8am - 5pm Thursday 8am - 5pm Friday 8am - 5pm

https://www.facebook.com/107053391044481/

An Paghurma, Imperio Street, Tanauan (2026)

22/08/2026

𝗠𝗮𝗴-𝗮𝗮𝗿𝗮𝗹 𝗻𝗴 𝗧𝗦𝗖𝗛𝗜, 𝗻𝗮𝗴𝗽𝗮𝗸𝗶𝘁𝗮𝗻𝗴-𝗴𝗶𝗹𝗮𝘀 𝘀𝗮 𝗥𝘂𝗻𝘄𝗮𝘆 𝗗𝗶𝘃𝗮 𝟮𝟬𝟮𝟲

Nagpakitang-gilas ang iba't ibang mag-aaral mula sa bawat baitang ng Tanauan School of Craftsmanship and Home Industries (TSCHI) sa pamamagitan ng pagpapamalas ng kani-kanilang mga kakaibang kasuotan sa TSCHI Runway Diva 2026, na ginanap nitong Agosto 21, 2026 sa TSCHI School Grounds.

Isinagawa ang kompetisyon bilang bahagi ng acquaintance party ng paaralan upang ipakita ang pagkamalikhain, husay, at galing ng mga mag-aaral ng TSCHI sa paglikha at pagdadala ng kasuotan. Dalawampu't pitong kalahok mula sa baitang 7 hanggang 12 ang ibinida ang kani-kanilang kakaibang kasuotan at estilo ng pananamit na hango sa magkaka-ibang tema.

Sa huli, limang kalahok ang nakapasok sa nangungunang pwesto. Nanguna si Jovet R. Espina ng baitang sampu (10) bilang kampeon, na sinundan ni Yushabell B. Argota ng baitang labing-isa (11) bilang ikalawang pwesto, Joles Angelo Cesar ng baitang labindalawa (12) bilang ikatlong pwesto, Shannel D. Nolasco ng baitang sampu (10) bilang ikaapat na pwesto, at Bella Amante ng baitang pito (7) bilang ikalimang pwesto.

ulat ni Fretche Caindoy, Rain Palo
mga kuhang larawan ni Adrian Raphael Maroto

22/08/2026

𝗕𝗔𝗟𝗜𝗧𝗔 | 𝗠𝗴𝗮 𝗺𝗮𝗴 𝗮𝗮𝗿𝗮𝗹 𝗻𝗴 𝗧𝗦𝗖𝗛𝗜 𝗻𝗮𝗴-𝘂𝘄𝗶 𝗻𝗴 𝗽𝗮𝗿𝗮𝗻𝗴𝗮𝗹 𝘀𝗮 𝗔𝗿𝗲𝗮 𝟏 𝗠𝗮𝘁𝗵𝗲𝗺𝗮𝘁𝗶𝗰𝘀 𝗤𝘂𝗶𝘇 𝗕𝗲𝗲

Nag-uwi ng mga karangalan ang mga mag aaral ng Tanauan School of Craftsmanship and Home Industries, matapos silang lumaban sa Area 1 Mathematics Quiz Bee na ginanap sa Tolosa National High School kanina, August 22, 2026.

Pinangunahan nina Joyce E. Abitong at Al Japy C. Chavez mula sa Grade 12 Azure ang panalo ng paaralan matapos nilang makuha ang unang pwesto sa Team Math Quiz Bee. Nasungkit din nina Francis Dionne D. Rumbaoa at Phoebe Nicole E. Almaden mula sa Grade 10 Narra ang ikalawang pwesto para sa parehong kategorya.

Sa kabilang banda, nagpakita rin ng galing ang mga mag aaral sa Individual Math Quiz Bee. Nakakuha ng ikatlong pwesto si Peter James D. Almarines mula sa Grade 11 Corundum. Nakamit naman nina Adnachiel P. Laboga ng Grade 7 Quezon at Jilianne Venice M. Intac ng Grade 12 Azure ang ikaapat na pwesto.

Nakuha ni Alyanna C. Chavez mula sa Grade 9 Velvet ang ikalimang pwesto. Nagtapos naman sa ikawalong pwesto si Sophia Ysabelle M. Intac ng Grade 10 Narra, habang nakuha ni Jeremy E. Importante ng Grade 8 Pintados ang ikalabing tatlong pwesto.

Ang tagumpay na ito ay hindi lamang nagbibigay ng malaking karangalan sa TSCHI, kundi ito rin ay nagpapatunay sa husay ng mga taga-craftsman sa larangan ng matematika. Ang mga nakapasok sa Top 3 ng Group Category at Top 5 ng Individual Category ay sasabak muli sa Division Level na gaganapin sa Dulag, Leyte ngayong darating na Setyembre.

ulat ni EIC Mark Roland Creer
Photo Courtesy: Alexis Gef Abrenio

14/08/2026

𝗠𝗮𝗴-𝗮𝗮𝗿𝗮𝗹 𝗻𝗴 𝗕𝗮𝗶𝘁𝗮𝗻𝗴 𝟏𝟏, 𝗻𝗮𝘀𝘂𝗻𝗴𝗸𝗶𝘁 𝗮𝗻𝗴 𝘂𝗻𝗮𝗻𝗴 𝗽𝘄𝗲𝘀𝘁𝗼 𝘀𝗮 𝗽𝗮𝗹𝗶𝗴𝘀𝗮𝗵𝗮𝗻 𝘀𝗮 𝗽𝗮𝗻𝗴𝗵𝗮𝗵𝗮𝗿𝗮𝗻𝗮

Wagi ang baitang 11 sa idinaos na patimpalak sa Panghaharana na ginanap bilang pakikiisa sa paggunita ng Buwan ng Wikang Pambansa 2026, na may temang "Wikang Filipino at AI : Kasangkapan sa Pananaliksik at Tulay sa Yaman ng Impormasyon" na ginanap kahapon, Agosto 13, sa TSCHI Carpentry Building.

Sa pagdiriwang ng buwan ng wikang pambansa, ipinamalas ng mga kabataan mula sa iba't ibang baitang ang husay sa pangha-harana at musika na parte ng kulturang pinoy. Isinagawa ang paligsahang ito upang muling maibalik ang kahalagahan at tunay na kahulugan ng panghaharana sa kabila ng makabagong panahon.

Kabilang sa nasabing patimpalak ang mga kalahok mula sa baitang 7, 8, 10 at 11. Ang bawat grupo ay may iba't ibang estratehiya sa pagtatanghal na naghatid ng kilig at aliw sa mga manonood. Napuno ng hiyawan ang silid-aralan, todo suporta naman ang ibang mga mag-aaral sa kani-kanilang piling mga kalahok.

Itinanghal na panalo sa patimpalak na naganap ang baitang labing isa, pang dalawa sa pwesto ang baitang walo, pangatlo ang baitang sampo at baitang pito naman sa ikaapat na posisyon.

Inaasahang magtatanghal muli ang nagwagi sa patimpalak ngayong Lunes, Agosto 17 pagkatapos ng Flag Ceremony.

Ashley Abello, Melrose Badion, Nathan Valera / An Paghurma Balita
mga larawang kuha ni Eloisa Permejo
pag-aanyo ni Rain Palo

12/08/2026

ICYMI | 𝗙𝗲𝘂𝗻𝗮 𝗟𝗮𝗴𝗮𝗿𝘁𝗼, 𝗶𝘁𝗶𝗻𝗮𝗻𝗴𝗵𝗮𝗹 𝗻𝗮 𝗸𝗮𝗺𝗽𝗲𝗼𝗻 𝘀𝗮 𝗧𝗮𝗻𝗮𝘂𝗮𝗻 𝗩𝗼𝗰𝗮𝗹 𝗤𝘂𝗲𝘀𝘁 𝗦𝗲𝗮𝘀𝗼𝗻 𝟭

Itinanghal na Grand Champion si Faith Feuna Lagarto ng Tanauan School of Craftsmanship and Home Industries (TSCHI) sa kauna-unahang Tanauan Vocal Quest na ginanap sa Amphitheatre ng Tanauan Public Plaza, Tanauan, Leyte, Agosto 9, 2026.

Nasungkit ni Lagarto ang pinakamataas na parangal matapos niyang ipamalas ang husay sa pag-awit sa pamamagitan ng kanyang bersiyon ng awiting “Himala,” na naging panalong piyesa niya sa kompetisyon at umani ng positibong reaksiyon mula sa mga manonood.

Isinagawa ang patimpalak bilang bahagi ng pagdiriwang ng ika-117 pista ng Tanauan, Leyte, na naglalayong bigyang pagkakataon ang mga kabataan ng bayan na maipakita ang kanilang talento at kakayahan sa larangan ng musika.

Sa unang bahagi ng kompetisyon, tatlo sa walong kalahok ang natanggal, habang limang mang-aawit ang nagpatuloy sa huling yugto. Kabilang sa nakapasok sa Top 5 sina Lagarto ng TSCHI, Chen Enfermo at Kristoffer Marabut Jr. ng Tanauan National High School (TNHS), Fritzie Mendigo ng ASSAC, at Chenly Cornejo ng TNHS.

Sa final round, muling ipinamalas ng limang finalists ang kanilang kakayahan sa pag-awit sa pamamagitan ng kani-kanilang napiling awitin. Pinili ni Lagarto ang “Himala” bilang kanyang piyesa, na naging mahalagang bahagi ng kanyang pagtatanghal patungo sa pagkamit ng kampeonato.

Sa pagtatapos ng kompetisyon, itinanghal si Lagarto bilang Grand Champion, habang nasungkit ni Cornejo ang ikalawang puwesto at ni Marabut Jr. ang ikatlong puwesto.

Ibinahagi ni Lagarto ang kanyang kasiyahan matapos makamit ang pinakamataas na parangal at pinasalamatan ang kanyang pamilya, mga coach, kaibigan, at lahat ng sumuporta sa kanyang paglalakbay.

“It akon nafe-feel kay super duper happy nga ako an naging Grand Champion ngan thank you ha akon family, ha akon mga coach, akon mga sangkay, ngan ngatanan na nagsuporta ha akon,” saad ni Lagarto.

Samantala, binigyang-diin din ni Lagarto ang kahalagahan ng kanyang paghahanda bago ang kompetisyon. Ayon sa kanya, naging bahagi nito ang regular na pagsasanay sa kanilang tahanan kasama ang kanyang pamilya at patuloy na paggabay ng kanyang mga coach.

“An akon po preparation hini na Vocal Quest kay pirme-pirme ako nagpa-practice kada pag-uuli ko ha balay. Hira Mama ginpa-practice gihap ak nira, ngan hira coach, hira gihapon an naggui-guide ha akon ha everyday na practice,” pahayag ni Lagarto.

Pormal na nagtapos ang programa sa pamamagitan ng Closing Remarks ni Mr. Rufino S. Almaden, Faculty Club President at MAPEH Club Department Head. | Fretche Caindoy, Rayne Palo / An Paghurma Balita

mga larawang kuha ni Adrian Raphael Maroto

12/08/2026

ICYMI | 𝗧𝗦𝗖𝗛𝗜, 𝘁𝘂𝗺𝗮𝗻𝗴𝗴𝗮𝗽 𝗻𝗴 𝗹𝗼𝗰𝗸𝗲𝗿, 𝗽𝗶𝗻𝘁𝘂𝗿𝗮 𝗺𝘂𝗹𝗮 𝘀𝗮 𝗶𝗻𝗱𝘂𝘀𝘁𝗿𝘆 𝗽𝗮𝗿𝘁𝗻𝗲𝗿, 𝗕𝗗𝗢

Nakatanggap ang Tanauan School of Craftsmanship and Home Industries (TSCHI) ng isang locker mula sa Tia Titas at tatlong gallon ng pintura mula sa BDO Network Bank bilang suporta sa pagpapaunlad at pagsasaayos ng mga pasilidad ng paaralan noong Agosto 4, 2026.

Ipinagkaloob ng Tia Titas, isa sa mga work immersion at industry partner ng paaralan, ang locker bilang pasasalamat sa nabuo nitong partnership sa TSCHI.

Inilagay ang locker sa food laboratory ng paaralan upang magsilbing ligtas na imbakan ng mga matutulis na kagamitan at iba pang gamit sa pagluluto. Tinanggap naman ang mga ito ni Jenny Rose Emoylen, Senior High School Teacher.

Samantala, nagkaloob din ang BDO ng tatlong gallon ng pintura bilang karagdagang suporta sa isinagawang Brigada Eskwela ng paaralan.

Gagamitin ang mga pinturang ipinagkaloob sa pagsasaayos at pagpapaganda ng mga pasilidad ng TSCHI upang higit na maging ligtas, maayos, at kaaya-aya ang kapaligiran para sa mga mag-aaral at kawani.

Ang mga donasyong ito ay bahagi ng patuloy na pagtutulungan ng TSCHI at mga katuwang nitong institusyon sa pagsusulong ng mas maayos na learning environment para sa mga mag-aaral. | via Fretche Caindoy/An Paghurma Balita

Photo Courtesy: Jonas Cabusbusan, Flora M. Pica

10/08/2026

𝗕𝗔𝗟𝗜𝗧𝗔 | 𝗙𝗲𝘂𝗻𝗮 𝗙𝗮𝗶𝘁𝗵 𝗟𝗮𝗴𝗮𝗿𝘁𝗼, 𝗞𝗮𝗺𝗽𝗲𝗼𝗻 𝘀𝗮 𝗧𝗮𝗻𝗮𝘂𝗮𝗻 𝗩𝗼𝗰𝗮𝗹 𝗤𝘂𝗲𝘀𝘁 𝗦𝗲𝗮𝘀𝗼𝗻 𝟏

Muling namayagpag ang pangalan ng TSCHI matapos masungkit ni Faith Feuna Lagarto ang titulo bilang Grand Champion sa kauna-unahang Tanauan Vocal Quest na ginanap sa Amphitheatre, Tanauan Public Plaza nito lang Agosto 9, 2026. Ipinamalas niya ang kanyang husay at talento sa pag-awit sa pamamagitan ng pagtatanghal ng awiting “Himala,” na siyang naging panalong piyesa niya.

Isinagawa ang kompetisyon bilang pakikiisa sa pagdiriwang ng ika-117 piyesta ng Tanauan, Leyte. Layunin nitong bigyan ng pagkakataon ang mga kabataan ng Tanauan na maipakita ang kanilang husay at talento sa larangan ng musika.

Sa unang bahagi ng kompetisyon, tatlong (3) kalahok ang natanggal, habang lima (5) naman ang nakapasok sa huling bahagi. Nakapasok sa Top 5 sina Faith Feuna Lagarto ng TSCHI, Chen Enfermo ng TNHS, Fritzie Mendigo ng ASSAC, Kristoffer Marabut Jr. ng TNHS, at Chenly Cornejo ng TNHS.

Sa huling bahagi ng kompetisyon, muling ipinamalas ng limang finalists ang kanilang galing sa pag-awit sa pamamagitan ng kani-kanilang napiling awitin. Dito ay inawit ni Faith Feuna Lagarto ang “Himala,” na umani ng iba't ibang reaksiyon mula sa mga manonood.

Sa pagtatapos ng kompetisyon, si Faith Feuna Lagarto ang itinanghal bilang kampeon, habang si Chenly Cornejo ang nakasungkit ng ikalawang puwesto at si Kristoffer Marabut Jr. naman ang nakakuha ng ikatlong puwesto.

Ibinahagi ni Feuna ang kanyang tuwa matapos makamit ang pinakamataas na parangal sa kompetisyon. “It akon nafe-feel kay super duper happy nga ako an naging Grand Champion ngan thank you ha akon family, ha akon mga coach, akon mga sangkay, ngan ngatanan na nagsuporta ha akon. Thank you guys, kun waray kamo, diri ako magiging sugad hini, diri ako magiging champion. So thank you guys, I love you all,” saad ni Feuna.

Samantala, ibinahagi rin ni Feuna ang kanyang paghahanda bago ang kompetisyon. Ayon sa kanya, naging bahagi ng kanyang paghahanda ang regular na pagsasanay kasama ang kanyang pamilya at mga coach.

"An akon po preparation hini na Vocal Quest kay pirme-pirme ako nagpa-practice kada pag-uuli ko ha balay. Hira Mama ginpa-practice gihap ak nira, ngan hira coach, hira gihapon an naggui-guide ha akon ha everyday na practice.", pahayag ni Feuna

Pormal na tinapos ang programa sa Closing Remarks ni Mr. Rufino S. Almaden, Faculty Club President/ MAPEH Club Department Head.

ulat nina Fretche Caindoy, Rain Palo, Melrose Badion
mga kuhang larawan ni Adrian Raphael Maroto

10/08/2026

ICYMI | Isinasagawa kagabi sa Tanauan Amphitheater ang Grand Finals ng TANAUAN VOCAL QUEST Season 1: Inter-High School Solo Singing Battle, kung saan naglaban-laban ang walong grand finalist mula sa iba't ibang paaralan para sa inaasam na kampeonato.

Tampok sa patimpalak ang natatanging talento sa pag-awit ng mga kabataang kalahok na nagtagumpay sa mga naunang yugto ng kompetisyon at ngayo'y humarap sa huling hamon upang mapatunayan ang kanilang husay at kakayahan sa entablado.

Sa pagtatapos ng gabi, isa lamang sa walong kalahok angitinanghal na kauna-unahang kampeon ng Tanauan Vocal Quest Season 1.

via Mark Roland Creer
mga kuhang larawan ni Adrian Raphael Maroto

07/08/2026

𝗚𝗿𝗮𝗱𝗲 𝟭𝟬 𝗠𝗼𝗹𝗮𝘃𝗲, 𝗻𝗮𝗻𝗴𝘂𝗻𝗮 𝘀𝗮 𝘀𝗮𝗯𝗮𝘆𝗮𝗻𝗴 𝗽𝗮𝗴𝗯𝗶𝗴𝗸𝗮𝘀 𝗻𝗴 𝗧𝗦𝗖𝗛𝗜 𝗕𝘂𝘄𝗮𝗻 𝗻𝗴 𝗪𝗶𝗸𝗮 𝟮𝟬𝟮𝟲

Nanguna ang Grade 10 Molave sa patimpalak sa Sabayang Pagbigkas na idinaos ng Filipino Department ng Tanauan School of Craftsmanship and Home Industries (TSCHI) bilang tampok na gawain sa pagdiriwang ng Buwan ng Wika 2026, Agosto 7, sa Carpentry Building.

Nasungkit ng pinagsanib na Grade 7 Aguinaldo at Laurel ang ikalawang puwesto, sinundan ng Grade 9 Velvet sa ikatlong puwesto at Grade 8 Pintados sa ikaapat na puwesto.

Lumahok sa patimpalak ang mga mag-aaral mula sa Baitang 7 hanggang Baitang 10 na nagtanghal ng sabayang pagbigkas ng tulang "Sa Aking mga Kabata," na iniuugnay kay Dr. Jose P. Rizal.

Isinagawa ang paligsahan bilang pakikiisa sa pagdiriwang ng Buwan ng Wika na may temang "Filipino: Wikang Filipino at AI: Kasangkapan sa Pananaliksik at Tulay sa Yaman ng Impormasyon." Layunin nitong malinang ang kahusayan ng mga mag-aaral sa masining na pagbigkas, mapaigting ang diwa ng pagtutulungan, at higit na mapatatag ang pagpapahalaga sa wikang Filipino.

Naging masigla ang programa sa matunog na palakpakan at suporta ng mga manonood habang sabay-sabay na itinanghal ng bawat pangkat ang kanilang interpretasyon ng tula, na nagbigay-diin sa husay, disiplina, at pagkakaisa ng mga kalahok.

Pinangunahan ang patimpalak nina Gng. Leah Marie Calibo at Gng. Jennifer Monteza bilang mga tagapag-ugnay, sa pangangasiwa ni Dr. Ma. Veronica Labata, Department Head ng Filipino Unit, katuwang ang iba pang g**o sa Filipino.

ulat nina Ma. Cheska Mas, Joylyn Mendiola/An Paghurma Balita
kuhang larawan ni Adrian Raphael Maroto

06/08/2026

The stage is set. The voices are ready. The battle begins!

Get ready for the Tanauan Vocal Quest Season 1 (Inter High School Solo Singing Battle) – Grand Finals. Witness the most talented young vocalists compete for the ultimate title in an unforgettable showcase of passion, talent, and determination.

📅 August 09, 2026
📍 Tanauan Amphitheater

Who will rise above the rest?

Bring your friends, cheer for your favorite finalist, and be part of a night filled with powerful performances and unforgettable moments!

📸 Andrew Miranda, Irish Lorraine Racho, Lucas James Turco, Ryan Roice Verona
💻 Timothy Encina

05/08/2026

𝐓𝐒𝐂𝐇𝐈 𝐂𝐄𝐋𝐄𝐁𝐑𝐀𝐓𝐄𝐒 𝐀𝐍𝐎𝐓𝐇𝐄𝐑 𝐌𝐈𝐋𝐄𝐒𝐓𝐎𝐍𝐄 𝐎𝐅 𝐄𝐗𝐂𝐄𝐋𝐋𝐄𝐍𝐂𝐄! 🏅

Muling pinatunayan ng Tanauan School of Craftsmanship and Home Industries (TSCHI) ang kahusayan sa paghubog ng mga mag-aaral at kawani na may angking kasanayan at kahandaan sa mundo ng trabaho matapos ang matagumpay na pagpasa ng ating mga kinatawan sa Food and Beverage Operations NC II.

Ang tagumpay na ito ay sumasalamin sa hindi matatawarang dedikasyon, disiplina, at pagpupunyagi ng ating mga mag-aaral, gayundin sa walang sawang paggabay ng ating mga g**o at tagapagsanay. Higit pa sa pagkamit ng isang sertipikasyon, ito ay patunay ng kanilang kahandaang makipagsabayan sa pamantayan ng industriya at harapin ang mga hamon ng makabagong panahon.

Isang taos-pusong pagpupugay kay Lovely Dee dela Cruz, na nagsilbing Teacher-Trainer, sa kaniyang walang pagod na paggabay at pagbabahagi ng kaalaman na naging daan sa tagumpay ng ating mga kalahok. Ang assessment ay isinagawa sa Arc Angelus Civitas School, Tacloban City.

Kabilang sa mga mag-aaral na matagumpay na nakapasa sina Sherlyn Sabalza, Windy Mae B. Meniano, Princess Norilyn L. Arcena, Glaiza Ruby Bilbao, Mikaela Jhanine C. Mosquito, Zairel Jane P. Malate, Jhaslyn D. Badana, Julie Ann A. Nogueras, Khurt M. Avila, at John Martin P. Caindoy.

Samantala, ang mga nakapasa mula sa hanay ng faculty at staff ay sina Jeff Thomas Lancanan at Jenny Rose Emoylan.

Taos-puso naming binabati ang lahat ng matagumpay na nagsipasa! Ipinagmamalaki ng inyong TSCHI Family ang inyong natatanging tagumpay at hangad namin ang patuloy ninyong pag-unlad at tagumpay sa lahat ng inyong mga susunod na adhikain.

____________________________________________________________________________

𝗧𝗦𝗖𝗛𝗜 𝗖𝗘𝗟𝗘𝗕𝗥𝗔𝗧𝗘𝗦 𝗔𝗡𝗢𝗧𝗛𝗘𝗥 𝗠𝗜𝗟𝗘𝗦𝗧𝗢𝗡𝗘 𝗢𝗙 𝗘𝗫𝗖𝗘𝗟𝗟𝗘𝗡𝗖𝗘! 🏅

𝘛𝘩𝘦 𝘛𝘢𝘯𝘢𝘶𝘢𝘯 𝘚𝘤𝘩𝘰𝘰𝘭 𝘰𝘧 𝘊𝘳𝘢𝘧𝘵𝘴𝘮𝘢𝘯𝘴𝘩𝘪𝘱 𝘢𝘯𝘥 𝘏𝘰𝘮𝘦 𝘐𝘯𝘥𝘶𝘴𝘵𝘳𝘪𝘦𝘴 (𝘛𝘚𝘊𝘏𝘐) 𝘱𝘳𝘰𝘶𝘥𝘭𝘺 𝘤𝘰𝘯𝘨𝘳𝘢𝘵𝘶𝘭𝘢𝘵𝘦𝘴 𝘪𝘵𝘴 𝘴𝘵𝘶𝘥𝘦𝘯𝘵𝘴, 𝘧𝘢𝘤𝘶𝘭𝘵𝘺, 𝘢𝘯𝘥 𝘴𝘵𝘢𝘧𝘧 𝘧𝘰𝘳 𝘴𝘶𝘤𝘤𝘦𝘴𝘴𝘧𝘶𝘭𝘭𝘺 𝘱𝘢𝘴𝘴𝘪𝘯𝘨 𝘵𝘩𝘦 𝗙𝗼𝗼𝗱 𝗮𝗻𝗱 𝗕𝗲𝘃𝗲𝗿𝗮𝗴𝗲 𝗢𝗽𝗲𝗿𝗮𝘁𝗶𝗼𝗻𝘀 𝗡𝗖 𝗜𝗜 𝘢𝘴𝘴𝘦𝘴𝘴𝘮𝘦𝘯𝘵—𝘢𝘯𝘰𝘵𝘩𝘦𝘳 𝘳𝘦𝘮𝘢𝘳𝘬𝘢𝘣𝘭𝘦 𝘢𝘤𝘩𝘪𝘦𝘷𝘦𝘮𝘦𝘯𝘵 𝘵𝘩𝘢𝘵 𝘳𝘦𝘧𝘭𝘦𝘤𝘵𝘴 𝘵𝘩𝘦 𝘴𝘤𝘩𝘰𝘰𝘭'𝘴 𝘶𝘯𝘸𝘢𝘷𝘦𝘳𝘪𝘯𝘨 𝘤𝘰𝘮𝘮𝘪𝘵𝘮𝘦𝘯𝘵 𝘵𝘰 𝘱𝘳𝘰𝘥𝘶𝘤𝘪𝘯𝘨 𝘨𝘭𝘰𝘣𝘢𝘭𝘭𝘺 𝘤𝘰𝘮𝘱𝘦𝘵𝘪𝘵𝘪𝘷𝘦, 𝘴𝘬𝘪𝘭𝘭𝘦𝘥, 𝘢𝘯𝘥 𝘪𝘯𝘥𝘶𝘴𝘵𝘳𝘺-𝘳𝘦𝘢𝘥𝘺 𝘪𝘯𝘥𝘪𝘷𝘪𝘥𝘶𝘢𝘭𝘴.

𝘛𝘩𝘪𝘴 𝘢𝘤𝘤𝘰𝘮𝘱𝘭𝘪𝘴𝘩𝘮𝘦𝘯𝘵 𝘪𝘴 𝘢 𝘵𝘦𝘴𝘵𝘢𝘮𝘦𝘯𝘵 𝘵𝘰 𝘵𝘩𝘦 𝘥𝘦𝘥𝘪𝘤𝘢𝘵𝘪𝘰𝘯, 𝘱𝘦𝘳𝘴𝘦𝘷𝘦𝘳𝘢𝘯𝘤𝘦, 𝘢𝘯𝘥 𝘩𝘢𝘳𝘥 𝘸𝘰𝘳𝘬 𝘥𝘦𝘮𝘰𝘯𝘴𝘵𝘳𝘢𝘵𝘦𝘥 𝘣𝘺 𝘰𝘶𝘳 𝘴𝘶𝘤𝘤𝘦𝘴𝘴𝘧𝘶𝘭 𝘤𝘢𝘯𝘥𝘪𝘥𝘢𝘵𝘦𝘴. 𝘐𝘵 𝘢𝘭𝘴𝘰 𝘩𝘪𝘨𝘩𝘭𝘪𝘨𝘩𝘵𝘴 𝘵𝘩𝘦 𝘲𝘶𝘢𝘭𝘪𝘵𝘺 𝘰𝘧 𝘵𝘦𝘤𝘩𝘯𝘪𝘤𝘢𝘭-𝘷𝘰𝘤𝘢𝘵𝘪𝘰𝘯𝘢𝘭 𝘦𝘥𝘶𝘤𝘢𝘵𝘪𝘰𝘯 𝘢𝘯𝘥 𝘵𝘳𝘢𝘪𝘯𝘪𝘯𝘨 𝘵𝘩𝘢𝘵 𝘦𝘮𝘱𝘰𝘸𝘦𝘳𝘴 𝘰𝘶𝘳 𝘭𝘦𝘢𝘳𝘯𝘦𝘳𝘴 𝘢𝘯𝘥 𝘱𝘦𝘳𝘴𝘰𝘯𝘯𝘦𝘭 𝘵𝘰 𝘦𝘹𝘤𝘦𝘭 𝘣𝘦𝘺𝘰𝘯𝘥 𝘵𝘩𝘦 𝘤𝘭𝘢𝘴𝘴𝘳𝘰𝘰𝘮 𝘢𝘯𝘥 𝘤𝘰𝘯𝘧𝘪𝘥𝘦𝘯𝘵𝘭𝘺 𝘮𝘦𝘦𝘵 𝘵𝘩𝘦 𝘥𝘦𝘮𝘢𝘯𝘥𝘴 𝘰𝘧 𝘵𝘩𝘦 𝘩𝘰𝘴𝘱𝘪𝘵𝘢𝘭𝘪𝘵𝘺 𝘢𝘯𝘥 𝘧𝘰𝘰𝘥 𝘴𝘦𝘳𝘷𝘪𝘤𝘦 𝘪𝘯𝘥𝘶𝘴𝘵𝘳𝘺.

𝘚𝘱𝘦𝘤𝘪𝘢𝘭 𝘳𝘦𝘤𝘰𝘨𝘯𝘪𝘵𝘪𝘰𝘯 𝘪𝘴 𝘦𝘹𝘵𝘦𝘯𝘥𝘦𝘥 𝘵𝘰 𝘔𝘴. 𝘓𝘰𝘷𝘦𝘭𝘺 𝘋𝘦𝘦 𝘥𝘦𝘭𝘢 𝘊𝘳𝘶𝘻, 𝘛𝘦𝘢𝘤𝘩𝘦𝘳-𝘛𝘳𝘢𝘪𝘯𝘦𝘳, 𝘸𝘩𝘰𝘴𝘦 𝘦𝘹𝘱𝘦𝘳𝘵𝘪𝘴𝘦, 𝘨𝘶𝘪𝘥𝘢𝘯𝘤𝘦, 𝘢𝘯𝘥 𝘶𝘯𝘸𝘢𝘷𝘦𝘳𝘪𝘯𝘨 𝘤𝘰𝘮𝘮𝘪𝘵𝘮𝘦𝘯𝘵 𝘱𝘭𝘢𝘺𝘦𝘥 𝘢 𝘷𝘪𝘵𝘢𝘭 𝘳𝘰𝘭𝘦 𝘪𝘯 𝘱𝘳𝘦𝘱𝘢𝘳𝘪𝘯𝘨 𝘰𝘶𝘳 𝘤𝘢𝘯𝘥𝘪𝘥𝘢𝘵𝘦𝘴 𝘧𝘰𝘳 𝘴𝘶𝘤𝘤𝘦𝘴𝘴. 𝘛𝘩𝘦 𝘢𝘴𝘴𝘦𝘴𝘴𝘮𝘦𝘯𝘵 𝘸𝘢𝘴 𝘤𝘰𝘯𝘥𝘶𝘤𝘵𝘦𝘥 𝘢𝘵 𝘈𝘳𝘤 𝘈𝘯𝘨𝘦𝘭𝘶𝘴 𝘊𝘪𝘷𝘪𝘵𝘢𝘴 𝘚𝘤𝘩𝘰𝘰𝘭, 𝘛𝘢𝘤𝘭𝘰𝘣𝘢𝘯 𝘊𝘪𝘵𝘺.

𝘚𝘵𝘶𝘥𝘦𝘯𝘵-𝘱𝘢𝘴𝘴𝘦𝘳𝘴 𝘪𝘯𝘤𝘭𝘶𝘥𝘦 𝘚𝘩𝘦𝘳𝘭𝘺𝘯 𝘚𝘢𝘣𝘢𝘭𝘻𝘢, 𝘞𝘪𝘯𝘥𝘺 𝘔𝘢𝘦 𝘉. 𝘔𝘦𝘯𝘪𝘢𝘯𝘰, 𝘗𝘳𝘪𝘯𝘤𝘦𝘴𝘴 𝘕𝘰𝘳𝘪𝘭𝘺𝘯 𝘓. 𝘈𝘳𝘤𝘦𝘯𝘢, 𝘎𝘭𝘢𝘪𝘻𝘢 𝘙𝘶𝘣𝘺 𝘉𝘪𝘭𝘣𝘢𝘰, 𝘔𝘪𝘬𝘢𝘦𝘭𝘢 𝘑𝘩𝘢𝘯𝘪𝘯𝘦 𝘊. 𝘔𝘰𝘴𝘲𝘶𝘪𝘵𝘰, 𝘡𝘢𝘪𝘳𝘦𝘭 𝘑𝘢𝘯𝘦 𝘗. 𝘔𝘢𝘭𝘢𝘵𝘦, 𝘑𝘩𝘢𝘴𝘭𝘺𝘯 𝘋. 𝘉𝘢𝘥𝘢𝘯𝘢, 𝘑𝘶𝘭𝘪𝘦 𝘈𝘯𝘯 𝘈. 𝘕𝘰𝘨𝘶𝘦𝘳𝘢𝘴, 𝘒𝘩𝘶𝘳𝘵 𝘔. 𝘈𝘷𝘪𝘭𝘢, 𝘢𝘯𝘥 𝘑𝘰𝘩𝘯 𝘔𝘢𝘳𝘵𝘪𝘯 𝘗. 𝘊𝘢𝘪𝘯𝘥𝘰𝘺.

𝘔𝘦𝘢𝘯𝘸𝘩𝘪𝘭𝘦, 𝘱𝘢𝘴𝘴𝘦𝘳𝘴 𝘧𝘳𝘰𝘮 𝘵𝘩𝘦 𝘧𝘢𝘤𝘶𝘭𝘵𝘺 𝘢𝘯𝘥 𝘴𝘵𝘢𝘧𝘧 𝘢𝘳𝘦 𝘑𝘦𝘧𝘧 𝘛𝘩𝘰𝘮𝘢𝘴 𝘓𝘢𝘯𝘤𝘢𝘯𝘢𝘯 𝘢𝘯𝘥 𝘑𝘦𝘯𝘯𝘺 𝘙𝘰𝘴𝘦 𝘌𝘮𝘰𝘺𝘭𝘢𝘯.

𝘊𝘰𝘯𝘨𝘳𝘢𝘵𝘶𝘭𝘢𝘵𝘪𝘰𝘯𝘴 𝘵𝘰 𝘢𝘭𝘭 𝘰𝘶𝘳 𝘴𝘶𝘤𝘤𝘦𝘴𝘴𝘧𝘶𝘭 𝘤𝘢𝘯𝘥𝘪𝘥𝘢𝘵𝘦𝘴! 𝘠𝘰𝘶𝘳 𝘛𝘚𝘊𝘏𝘐 𝘧𝘢𝘮𝘪𝘭𝘺 𝘪𝘴 𝘱𝘳𝘰𝘶𝘥 𝘰𝘧 𝘺𝘰𝘶𝘳 𝘢𝘤𝘩𝘪𝘦𝘷𝘦𝘮𝘦𝘯𝘵 𝘢𝘯𝘥 𝘸𝘪𝘴𝘩𝘦𝘴 𝘺𝘰𝘶 𝘤𝘰𝘯𝘵𝘪𝘯𝘶𝘦𝘥 𝘴𝘶𝘤𝘤𝘦𝘴𝘴 𝘪𝘯 𝘺𝘰𝘶𝘳 𝘧𝘶𝘵𝘶𝘳𝘦 𝘦𝘯𝘥𝘦𝘢𝘷𝘰𝘳𝘴.🩷

An Paghurma

22/08/2026

22/08/2026

14/08/2026

12/08/2026

12/08/2026

10/08/2026

10/08/2026

07/08/2026

06/08/2026

05/08/2026

Address

Opening Hours

Website

Alerts

Shortcuts

Share

Category

Listing takedown request

Monday	8am - 5pm
Tuesday	8am - 5pm
Wednesday	8am - 5pm
Thursday	8am - 5pm
Friday	8am - 5pm