14/08/2026
TNHS, Nanguna sa Pagdaraos ng Miss Tanauan Pasaka 2026
Matagumpay na idinaos ng Tanauan National High School (TNHS) ang Miss Tanauan Pasaka 2026 bilang bahagi ng pagdiriwang ng ika-117 Fiesta ng Tanauan sa Tanauan Freedom Park noong Agosto 12, 2026.
Binuksan ang programa sa pagpapalabas ng mga promotional video ng mga kandidata, na sinundan ng Doxology, Philippine National Anthem, Tanauan Hymn, at DepEd Leyte Division Hymn.
Sinundan ito ng mensahe ng inspirasyon mula kay Ginoong Richard N. Laurente, punong-guro ng TNHS at isa sa mga tagapangulo ng Miss Tanauan Pasaka 2026.
“Absence of a crown does not mean the absence of greatness. Tonight, we are reminded that a crown is more than a symbol of beauty—it is a symbol of responsibility, leadership, and service,” ani G. Laurente.
Binigyang-diin ni G. Laurente na higit pa sa korona at panlabas na kagandahan, mahalaga ang karakter, pamumuno, at paglilingkod ng isang kandidata. Aniya, ang isang reyna ay hindi lamang nasusukat sa koronang kaniyang suot, kundi sa pagbabagong naidudulot niya sa iba.
Matapos ang mensahe, itinampok ang fireworks display at dance production ng mga kandidata kasama ang piling mag-aaral ng TNHS na sinundan naman ng mensahe ni Mayor Gina E. Merilo para sa ika-117 Fiesta ng Tanauan.
“Tonight, our excitement reaches a new level as we witness the search for Miss Tanauan Pasaka 2026. This pageant is undoubtedly one of the highlights of our nightly activities,” ani Mayor Merilo.
Binigyang-diin din niya ang kahalagahan ng nasabing patimpalak bilang bahagi ng pagdiriwang ng fiesta ng lugar.
“This wonderful undertaking is a core part of our fiesta celebration which we joyfully hold in honoring our patroness, Our Lady of Assumption,” dagdag pa niya.
Sa pagtatapos ng patimpalak, itinanghal si Zhyra Rose Asis ng Atipolo bilang Miss Tanauan Pasaka 2026. Kinilala naman sina Rhianne Faye Catindoy ng Sacme bilang Miss Tanauan Pasaka Tourism at Margaret Olguera ng San Roque bilang Miss Tanauan Pasaka Charity. Sina Nickoline Igerna Boesen ng Licod at Nicole Shane Saez ng Maghulod naman ang itinanghal bilang 1st at 2nd Runner-Up, ayon sa pagkakasunod.
Tampok sa kompetisyon ang swimsuit, Filipiniana gown, at dalawang question-and-answer portions. Sa unang Q&A, hinarap ng mga kandidata ang magkakaibang tanong na sumukat sa kanilang kaalaman.
Kabilang sa mga tanong ang kahulugan ng Pasaka para sa mga kandidata higit pa sa pagiging isang pagdiriwang. Sa kaniyang sagot, binigyang-diin ni Asis ang katatagan ng mga Tanauananon sa kabila ng mga pagsubok.
“Pasaka means a lot of things. It could be pag-uswag o pag-ugdon or welcome. Being Pasaka as a festival for me feels different because it defines the people of Tanauan. We are resilient. There will be typhoons coming in every now and then each year, but we make sure to pagsaka and pagdindug pa and that is why we are called better and brighter Tanauan,” ani Asis.
Sa paunang yugto ng kompetisyon, hinarap naman ng Top 5 finalists ang iisang tanong tungkol sa makabuluhang pagbabagong nais nilang isulong sa komunidad. Ibinahagi ni Asis ang kaniyang Project Bloom, na nakatuon sa pagbibigay ng leadership opportunities, outreach, at mentorship para sa mga kabataan.
“I always believe that success is measured not by what we achieve by ourselves, but by the lives of others that we uplift along the way. That is why I want to materialize my Project Bloom, which focuses on building leadership opportunities, outreach, and mentorship for children. I believe that children are our bridge between the present and the future, so we must cultivate and nurture them. Because a Tanauan that blooms and flourishes is a Tanauan that is better and brighter,” pahayag niya.
Samantala, naghatid ng espesyal na pagtatanghal si Ginoong JM Yosures, nagwagi sa Tawag ng Tanghalan sa It’s Showtime Year 4, sa kaniyang pagharana sa mga kandidata.
𝘐𝘴𝘪𝘯𝘶𝘭𝘢𝘵 𝘯𝘪 𝘚𝘩𝘢𝘯𝘦 𝘌𝘯𝘳𝘪𝘲𝘶𝘦𝘻
𝘓𝘢𝘳𝘢𝘸𝘢𝘯 𝘯𝘪 𝘐𝘮𝘦𝘦 𝘚𝘢𝘭𝘷𝘢ñ𝘢
