31/10/2024
๐๐๐๐๐๐๐| Dilat hanggang halalan
Sa nalalapit na taong 2025 ay muli na namang haharap sa isang masusi, mapanuri, at malaking pagdedesisyon ang mga botante kung sino ang karapat-dapat sa posisyon sa senado.
Natapos na nga ang walong araw na paghahain ng Certificates of Candidacy (COC) para sa national positions ng pagkasenador sa Eleksyon 2025. Inilabas na rin ng Comission on Elections (Comelec) ang bilang ng mga naghain ng COC para sa pagkasenador, mula Oktubre 1 hanggang 8, 184 ang naghain ng kandidatura sa pagkasenador ngunit 12 lang ang maaaring maupo sa pwesto.
Ito na ngayon ang signos nang nalalapit na halalan, ang panahon kung saan binibigyan ng pagkakataon na itakda ang mga napupusuang kandidato sapagka-senador.
Ang mga tatakbong kandidato ay nagmula sa iba't- ibang larangan, ang ilan ay nagmula sa angkan ng politiko, showbiz, at ang iba ay mga negosyante. Ngunit ang iba ataโy tumakbo hindi upang maging boses ng masang Pilipino kundi ipako ang mga pantasyang kalimitang ipinapangako. Madaling tumakbo at maghain ng mga pangako ngunit isang malaking responsibilidad at tungkulin ang tuparin ang mga ito. Nararapat bang hayaan na makakaupo sa pwesto ang mga hindi karapat-dapat? Ang mga walang maiaambag? Ang mga tumakbo hindi upang maglingkod? Ang mga namumulaklak ang mga salita ngunit pipiโt bingi sa sigaw at hinaing ng tao? Ang mga nangangako ngunit tilaโy martilyong pumupokpok sa pag-asa ng sambayanang Pilipino?
Buksan ang mga mata, huwag magbulag-bulagan at maakit sa mga salita sa kung sino ang mayaman, at kilala. Huwag gawing biro ang halalang pangsenador, minsan nang nagkamali ang mga Pilipino nararapat nang ituwid upang hindi na muling bumaliktot.
Ang senador ay hindi lamang basta isang posisyon, ito ay kasapi ng institusyon na malaki ang magiging ambag sa pagtatalaga ng mga batas, paglilitis ng mga kaso, at bumubusisi sa mga kasunduang mapapakinabangan ng mga Pilipino. Nararapat na piliin ang senador na may interes na maglingkod at hindi magpasikat sa tao, senador na magiging mukha ng senado, matalino, mahusay, tapat, at kumililos na may katuturan para sa kapwa Pilipino.
Hindi laro ang halalan, sa bawat boto sa balota nakasalalay ang pangalan ng lider na magtatalaga ng kinabukasan para sa bansa. Huwag magpabulag sa akit ng mga salita at alon ng dila, ang bawat boto sa balota ang aakay sa tulay na pag-asa para sa kinabukasan ng bansa.
๐ฐ๐๐๐๐๐๐๐ ๐๐:
๐ฅ๐ต๐ถ๐๐ฎ๐ป๐ป ๐ฆ๐ฎ๐ฐ๐ฟ๐ฎ๐บ๐ฒ๐ป๐๐ผ | Tagapamahala sa Editoryal
๐ฎ๐๐๐๐๐๐:
๐ก๐ถ๐ฐ๐ธ ๐๐ป๐ฑ๐ฟ๐ฒw ๐๐ผ๐ฟ๐ฏ๐ฒ | Tagapamahala sa Kartuning
