Ang Siglaw

21/09/2025

20/09/2025

𝗧𝗜𝗡𝗚𝗡𝗔𝗡 | Talento, talino, at husay ang naging puhunan tungo sa tagumpay.

Pagbati para sa dedikasyon at galing na ipinamalas ng mga natatanging kalahok na Elpanians!

Bitbit ang malalim na kaalaman at kahusayang nilinang sa pagsasanay, matagumpay nilang naipakita ang kahandaan sa iba't ibang larangan ng Division Festival of Talents (DFOT), Setyembre 20, 2025.

Larawan l Gng. Fe Lagumbay at Gng. Irmademdel Miña

20/09/2025

𝗧𝗜𝗡𝗚𝗡𝗔𝗡 | Isinagawa noong Setyembre 19 ang unang Learning Action Cell (LAC) ng mga g**o ng Jacinto P. Elpa National High School sa pamumuno ng bagong punungg**o na si Dr. John Michael A. Tuyor at sa pangangasiwa ni Dr. Zyx Raxie R. Cuartero, LAC Coordinator.

Tinutukan sa sesyon ang Republic Act No. 12288 o Expanded Career Progression System for Teachers Act, isang batas na nagtatakda ng competency-based promotion system para sa mga g**o sa elementarya at sekondarya. Itinatakda nito na ang promosyon ay nakabatay sa performance, kwalipikasyon, at pagsasanay, at hindi lamang sa tagal ng serbisyo.

Ipinanukala sa pamamagitan ng LAC ang pagbibigay-linaw sa mga g**o hinggil sa mga hakbang at oportunidad para sa kanilang propesyonal na pag-unlad.

19/09/2025

𝗧𝗜𝗡𝗚𝗡𝗔𝗡 | Pangalawang araw ng Phase 1 ng DSPC ang isinagawa ngayong araw. Sa kauna-unahang pagkakataon, isinasailalim sa tatlong pagsubok ang mga kalahok upang mapili ang pinakamahusay na manunulat na kakatawan sa darating na RSPC.

Magaganap ang Phase 2 sa Oktubre 2 at 3 sa ALS Rooms ng Tandag City Division, habang ang Phase 3 o Final Round ay nakatakda sa Oktubre 16 sa JPENHS.

10/09/2025

Ipinagdiriwang ngayong Setyembre 10, 2025 ang World Su***de Prevention Day na layong itaas ang kamalayan at magbigay pag-asa sa mga nakakaranas ng matinding pagsubok sa buhay.

Higit pa sa selebrasyon, paalala ito na ang bawat ngiti, salita, at simpleng presensya ay maaaring maging ilaw sa gitna ng dilim ng iba.

Makinig, magmahal, mag-abot ng kamay, sapagkat may dahilan pa upang mabuhay.

Salita at Disenyo I Karla Somera

08/09/2025

𝗧𝗜𝗡𝗚𝗡𝗔𝗡 | Makukulay na kasuotan at masisiglang galaw ang hatid ng mga mag-aaral mula sa Jacinto P. Elpa National High School (JPENHS) sa kanilang paglahok sa Sangkaan Street Dancing Competition bilang tampok na bahagi ng 13th Sangkaan Festival, Setyembre 8, 2025.

Nakibahagi rin ang iba’t ibang paaralan na siyang nagbigay-buhay sa selebrasyon, kasabay ng pagpapakita ng malikhaing interpretasyon ng sining at tradisyon.

Caption l Karla Somera
Larawan | Anja Moral

07/09/2025

𝗧𝗜𝗡𝗚𝗡𝗔𝗡 | Narito ang ilang kuha mula sa makulay at kamangha-manghang pagtatanghal ng Jacinto P. Elpa National High School sa kanilang "Painsayaw" na nagkamit ng kampeonato noong Setyembre 5, 2025.

Larawan | Anja Moral

06/03/2025

Sa patuloy na hamon ng kakulangan sa suplay ng tubig, isinusulong natin ang pagkakaroon ng sapat na solusyon at suporta.

Buong pusong inilalahad ng Ang Siglaw ang ika-32 na isyu tungkol sa kalagayan ng paaralan at komunidad sa gitna ng matitinding suliranin. Mula sa mga hinaing ng mamamayan hanggang sa mga mungkahing solusyon, sama-sama nating pag-usapan at kumilos para sa pagbabago.

Boses ng Kabataan, Sinag ng Katotohanan!

Sumapi na sa Ang Siglaw at patuloy na ipayabong ang lumalabang tinta ng Elpa High!

Maaaring basahin ang espesyal na isyu rito: https://issuu.com/angsiglaw/docs/ang_siglaw_2024-2025_tomo_###ii_bilang_i

02/03/2025

𝐁𝐀𝐋𝐈𝐓𝐀 I TUBIG TO RISK!
Kakulangan ng tubig banta sa kalusugan

Hinamon ang matataas na lugar sa lungsod ng Tandag kabilang na ang Jacinto P. Elpa National High School (JPENHS) sa matinding kakulangan sa suplay ng tubig na pinangangambahang magdudulot ng problema sa kalusugan, hygiene, at magpalala sa umaalingasaw na amoy ng mga palikuran, simula pa nitong Septyembre hanggang sa kasalukuyan dahil sa pagtagal ng tag-init.

"Sa ibang lugar, sumusobra ‘yung suplay. tayo naman palaging kulang," ani Ronelio Tajonera, Head of Operations and Learners’ Support ng JPENHS.

Bagama’t may mga tangke na sa loob ng paaralan at sa iilang parte ng lungsod para mag-imbak ng tubig, hindi ito sapat para tuluyang matugunan ang kakulangan ng suplay.

Sa pahayag ni Engineer Adrian M. Geli ng Tandag City Water District (TCWD), isa sa mga problema ng pagkawala ng tubig kahit man tag-ulan ay ang pagkakaroon ng power outage sa pumping stations, bulk water plant, at turbid water, mahigit 75% sa matataas na lugar sa Tandag ang apektado nito.

Sa kanyang pahayag, apektado raw ang paaralan dahil sa lokasyon nito na malayo sa pinanggalingan mismo ng tubig.

Kasabay din kasi ng pagtagal ng tag-init ay ang malalakas na buhos ng ulan na nakapipinsala sa mga pumping station kaya maging sa tag-ulan ay inaasahan ang pahirapan sa pag-iimbak ng tubig.

Dagdag pa ni Tajonera, may panukalang daragdagan na ang mga tangke sa matataas na lugar kagaya ng JPENHS para matugunan ang problema ng suplay sa tubig.
Sa kabilang banda, nahihirapan ang mga nagmamay-ari ng karenderya malapit sa ospital at paaralan sa kawalan ng tubig na kadalasang walang pinipiling oras ng pagkawala.

Ayon kay Desa Sabal, isang trabahador sa karenderya, “Mahirap po talaga lalo na kapag dumadami na ang mga customer, hirap kami sa pag huhugas ng pinagkainan.”

Patuloy na umaasa ang mga residente na mabigyang pokus na ang pagdadagdag ng tangke at matugunan ang kakulangan ng suplay sa tubig.

𝐁𝐚𝐥𝐢𝐭𝐚 I Ashley Patis
𝐊𝐮𝐡𝐚 𝐧𝐢 I Anja Moral

14/12/2024

Sa ikatlong pagkakataon, muling pinatunayan ng Ang Siglaw ang kahusayan sa pamamahayag matapos tanghaling Best School Paper at pagkamit ng section awards sa Division Schools Press Conference 2024.

Habang sumisibol ang bagong henerasyon ng mga mamamahayag, nananatiling buhay ang sagisag ng lumalabang tinta ng Elpa High!

❤️💛
🌄

13/12/2024

Sa likod ng bawat tinta ng panulat ay kwento ng tagumpay.

Binabati ng Ang Siglaw ang mga mamamahayag na muling nagdala ng karangalan at liwanag sa larangan ng pamamahayag.

Gamit ang husay at dedikasyon, muling nagningning ang sinag ng malayang pamamahayag.

🌄

❤️💛

31/05/2024

Sa patuloy na pagtaas ng bilang ng self-harm cases, isinusulong natin ang malawak na suporta at kamalayan.

Inihahandog ng Ang Siglaw ang ika-31 na isyu, naglalayong magbigay ng karunungan at pag-unawa, paraan upang maging Boses ng Kabataan at Sinag ng Katotohanan!

Maaring basahin ang aming bagong isyu sa Issuu:
https://issuu.com/angsiglaw/docs/angsiglaw_rspc2024

Sumapi na sa Ang Siglaw at patuloy na ipayabong ang lumalabang tinta ng Elpa High!