Ang Siglaw

20/02/2026

Sa kabila ng mahigpit na kompetisyon, muling nagpamalas ng husay at dedikasyon ang pahayagang Ang Siglaw matapos masungkit ang ikaapat na puwesto sa seksyong pampalakasan sa Regional Schools Press Conference na idinaos sa Nasipit, Agusan del Norte, nitong Pebrero 16–20, 2026.

Patuloy na pahalagahan ang Boses ng Kabataan. Sinag ng Katotohanan!

13/01/2026

Hindi sukatan ng limitasyon ang espesyal na pangangailangan ng Special Needs Education (SNED) students. Ito ay bahagi ng kanilang lakas at pagkatao.

Taos pusong ibinahagi ng Ang Siglaw ang ika-33 isyu tungkol sa karanasan ng mga SNED students sa paaralan, at pangyayari sa komunidad. Sama-sama nating itaguyod ang pag-unawa, suporta at inklusibong paaralan.

Maaaring basahin ang espesyal na isyu rito: https://heyzine.com/flip-book/b83b1c2654.html

01/11/2025

𝐔𝐧𝐝𝐚𝐬 l Noong panahon ng Kastila, ang paggunita sa mga santo ay tinatawag na ‘Dia Delos Todos Santos,’ mula sa Espanyol na ‘Honrar,’ na nangangahulugang ‘to honor.’ Dahil mahirap bigkasin ng mga Pilipino noon, pinaikli nila ito mula sa ‘Honras’ hanggang sa naging ‘Undas.’

Batay sa propesor ng Philippine Studies na si Schedar Jocson, nakagawian ng mga Pilipino na paikliin ang mga salita ang dahilan kung bakit nabuo ang salitang ‘Undas.’

Ngayon, ginugunita ang Undas tuwing Nobyembre 1 bilang All Saints’ Day at Nobyembre 2 bilang All Souls’ Day, kung saan bumibisita ang mga tao sa puntod ng kanilang mga yumao sa buhay, nagdarasal, naglalagay ng kandila, at bulaklak.

21/09/2025

20/09/2025

𝗧𝗜𝗡𝗚𝗡𝗔𝗡 | Talento, talino, at husay ang naging puhunan tungo sa tagumpay.

Pagbati para sa dedikasyon at galing na ipinamalas ng mga natatanging kalahok na Elpanians!

Bitbit ang malalim na kaalaman at kahusayang nilinang sa pagsasanay, matagumpay nilang naipakita ang kahandaan sa iba't ibang larangan ng Division Festival of Talents (DFOT), Setyembre 20, 2025.

Larawan l Gng. Fe Lagumbay at Gng. Irmademdel Miña

20/09/2025

𝗧𝗜𝗡𝗚𝗡𝗔𝗡 | Isinagawa noong Setyembre 19 ang unang Learning Action Cell (LAC) ng mga guro ng Jacinto P. Elpa National High School sa pamumuno ng bagong punungguro na si Dr. John Michael A. Tuyor at sa pangangasiwa ni Dr. Zyx Raxie R. Cuartero, LAC Coordinator.

Tinutukan sa sesyon ang Republic Act No. 12288 o Expanded Career Progression System for Teachers Act, isang batas na nagtatakda ng competency-based promotion system para sa mga guro sa elementarya at sekondarya. Itinatakda nito na ang promosyon ay nakabatay sa performance, kwalipikasyon, at pagsasanay, at hindi lamang sa tagal ng serbisyo.

Ipinanukala sa pamamagitan ng LAC ang pagbibigay-linaw sa mga guro hinggil sa mga hakbang at oportunidad para sa kanilang propesyonal na pag-unlad.

19/09/2025

𝗧𝗜𝗡𝗚𝗡𝗔𝗡 | Pangalawang araw ng Phase 1 ng DSPC ang isinagawa ngayong araw. Sa kauna-unahang pagkakataon, isinasailalim sa tatlong pagsubok ang mga kalahok upang mapili ang pinakamahusay na manunulat na kakatawan sa darating na RSPC.

Magaganap ang Phase 2 sa Oktubre 2 at 3 sa ALS Rooms ng Tandag City Division, habang ang Phase 3 o Final Round ay nakatakda sa Oktubre 16 sa JPENHS.

10/09/2025

Ipinagdiriwang ngayong Setyembre 10, 2025 ang World Suicide Prevention Day na layong itaas ang kamalayan at magbigay pag-asa sa mga nakakaranas ng matinding pagsubok sa buhay.

Higit pa sa selebrasyon, paalala ito na ang bawat ngiti, salita, at simpleng presensya ay maaaring maging ilaw sa gitna ng dilim ng iba.

Makinig, magmahal, mag-abot ng kamay, sapagkat may dahilan pa upang mabuhay.

Salita at Disenyo I Karla Somera