04/06/2026
Nakadawat og Fuel Discount Cards nga nagkantidad og tres mil pesos matag usa ang 27 ka mga mangingisda sa Tandag City atol sa distribusyon nga gihimo niadtong Hunyo 3, 2026.
Kabahin kini sa Fuel Subsidy Program sa DA-BFAR nga nagtumong sa pagpagaan sa gasto sa operasyon sa mga mangingisda, ilabina sa pagpalit og krudo alang sa ilang panginabuhi sa dagat.
Matud pa sa mga opisyal, ang maong programa makatabang sa pagpadayon sa ilang panginabuhian ug pagsiguro sa kalig-on sa sektor sa pangisdaan sa komunidad.
Atol sa maong kalihokan, mipahayag si Mr. Von C. Falcon og mensahe ngadto sa mga benepisyaryo diin iyang gipasiugda nga padayon ang ilang opisina sa pagserbisyo isip tulay tali sa gobyerno ug sa mga mangingisda aron mas daghan pa ang makaangkon sa nagkadaiyang programa ug serbisyo sa gobyerno.
Gipasiugda usab nga ang maong inisyatibo nahiuyon sa padayon nga suporta ni Tandag City Mayor Roxanne C. Pimentel alang sa kaayohan ug kalamboan sa lokal nga sektor sa pangisdaan.
Pinaagi sa maong ayuda, gilauman nga mas mapagaan ang adlaw-adlaw nga gastohon sa mga mangingisda ug mapalig-on pa ang ilang panginabuhian.(TNTV6)
Courtesy: City Agriculture Office
