One Surigao RADTV

20/05/2025

𝙇𝘼𝙇𝘼𝙆𝙄 𝙎𝘼 𝘽𝙄𝙎𝙇𝙄𝙂 𝘾𝙄𝙏𝙔, 𝙂𝙄𝙋𝙐𝙎𝙄𝙇, 𝙋𝘼𝙏𝘼𝙔!

Patay ang usa ka lalaki human kining gipusil sa wala pa mailhing mga suspetsado ning miaging alas 6:45 sa gabii, Mayo 18 didto sa P-3 Caramcam, Brgy. Mangagoy, Bislig City.

Ang biktima ang gipaila sa mga kapulisan nga mao si Hilario Bueno Balberas, 54 anyos ang edad, menyo, walay trabaho ug residente sa P-1 Dampingan, Tabon, Bislig City.

Sa inisyal nga imbistigasyon sa mga kapulisan, nga samtang ang biktima ang sumala pa nagmaneho kini sa usa ka motorsiklo angkas ug sakay niini ang iyang live-in partner ug bata nga nag edad 6 anyos ug gikabutyag nga gikan sila sa Barangay Mangagoy ug mopauli na unta sa ilang pinuy-anan sa P-1 Dampingan, Brgy. Tabon sa nahisgutang syudad.

Samtang ang duha ka mga suspek usab ang sakay kini sa usa ka motorsiklo, nga mihimo sa pagpamusil duha ka beses ug naigo ang biktima sa ulo ug sa likod sa iyang lawas.

Tungod niini, nagbuy-od na sa iyang kaugalingong dugo ang biktima hinungdan sa iyang hinanaling kamatayon.

Human sa maong pagpamusil dali usab nga misibat ang suspek sa dili matino nga direksyon.

Narekober sa crime scene ang duha ka mga basyo sa bala nga iya sa kalibre 45 nga pi***la.

Ang patayng lawas sa biktima ang dali usab nga gipailawom sa post mortem examination samtang ang motibo sa maong pagpamusil ang wa pa usab masayri sa mga otoridad.

Kasamtangan usab nga nagpadayun pa karon ang makuti nga imbestigasyon sa Bislig CPS alang sa posibleng pagdakop sa mga gawasnong suspetsado.

📸 SDS PPO




Like, Share and Follow One Surigao RADTV