21/07/2025
07/21/25 //Mga Opisyal sa Dakbayan sa Tangub apil sa mga nisalmot sa Kapin 1,000 ka Runners sa Asenso Lopez Jaena Run Leg 2
Lopez Jaena, Misamis Occidental – Hulyo 20, 2025– kagahapong adlawa, Domingo sa buntag dihang kapin sa 1,000 ka runners gikan sa nagkalain-laing bahin sa Misamis Occidental ug kasikbit nga mga lugar ang misalmot sa gipahigayong Asenso Lopez Jaena Run Leg 2.
Usa sa mga niapil nga mga partisipante mao sila Hon. Antonio Caylan Jr., Konsehal sa Dakbayan sa Tangub, ug Konsehal Hon. Leonillio “Ontuy” Restillador Jr., SK Federated President sa Tangub, nga parehong nga misalmot sa 12-kilometro nga kategorya.
Nahuman ni SK President Restillador ang dagan sulod sa 1 ka oras ug 35 ka minutos, samtang si Konsehal Caylan mi-abot sa finish line human sa usa ka oras ug 55 ka minutos.
Pag-abot sa finish line ug pagkahatag sa mga medalya, gibati sa tanan ang kusog ug kadasig nga nagpakita sa kalampusan sa maong kalihokan ug sa positibong epekto niini sa pagtukod og mas himsog ug lig-on nga komunidad.
Gikalipay usab sa Mayor sa Lopez Jaena mga si Mayor Pinky Gutierrez ang presensya og supporta nga gipakita sa atoang mga konsehales.
Tungod sa padayon nga suporta sa mga lider sama nila Hon. Caylan ug Hon. Restillador, ug sa aktibong partisipasyon sa kapin usa ka libo ka runners, ang Asenso Lopez Jaena Run nagpadayon sa pagdasig sa panaghiusa ug paglambo pinaagi sa kahimsog ug panaghiusa.
📷 by: Ontuy Channel
