https://www.facebook.com/113348574976744/

Laaytivi, Tangub City (2026)

05/09/2026

“AT LEAST ALAM NA NATIN ANG GUSTO NYA..”

Ito ang reaksyon ni political analyst at stand-up comedian Atty. Edward Chico matapos sabihin ni Sen. Joel Villanueva na pabor siya sa “firing squad” para sa mga responsable sa umano’y flood control scam.

Sa kanyang social media post, ani Chico:

“Ok daw sa firing squad si Sen. Joel para sa mga sangkot sa flood control scam. At least alam na natin ang gusto niyang parusa.”

Ang pahayag ay reaksyon sa naging matinding banat ni Villanueva sa Senate hearing sa proposed 2027 budget ng Commission on Audit, kung saan sinabi nitong “OK ako sa firing squad sa mga ’yan” habang tinatalakay ang umano’y anomalya sa flood control projects at matinding epekto ng pagbaha sa Bulacan.

05/09/2026

“MAY PACOVER-COVER PA NG TENGA PAG KUMANTA”

Muling binanatan ni former COA/Comelec Commissioner Atty. Rowena Guanzon si President Ferdinand Marcos Jr. kaugnay ng pag-awit nito sa birthday celebration ni First Lady Liza Araneta-Marcos, kasabay ng matinding pagbaha sa ilang bahagi ng bansa.

Sa kanyang social media post, tinuligsa ni Guanzon ang Pangulo at hinamon itong personal na makita ang sitwasyon sa Bulacan.

“Hayop sa party party si BBM. May pa cover cover pa ng tenga pag kumanta. B*NGAG. lumusong ka sa baha sa Bulacan para ma feel mo bakit ka most hated president this country has ever had.”

Dumating ang pagpuna kasunod ng pagkalat ng video ng Pangulo na kumakanta sa pagdiriwang ng ika-67 kaarawan ng First Lady, na umani ng kritisismo dahil sa kawalan umano ng delikadesa.

Nauna namang iginiit ng Malacañang na patuloy na mino-monitor ni Marcos ang sitwasyon at nakikipag-ugnayan sa kanyang Gabinete. Ayon kay Palace Press Officer Usec. Claire Castro, “walang holiday-holiday” ang Pangulo sa pagtugon sa baha.

05/09/2026

BREAKING: VP SARA, INISYUHAN NG ARREST WARRANT SA KASONG GRAVE THREATS

Naglabas na ang Quezon City Regional Trial Court ng arrest warrant laban kay Vice President Sara Duterte kaugnay ng kinakaharap niyang kasong grave threats.

Kinumpirma ng kampo ng Bise Presidente ang warrant ngunit tiniyak ng kanyang abogado na hindi siya umiiwas sa batas, kahit patuloy nilang kinukuwestiyon ang hurisdiksiyon ng korte.

“Regardless of the question on jurisdiction, she has no intention of evading the law and will continue to exercise all her legal remedies,” pahayag ni Atty. Paul Lawrence Lim.

Nauna nang naghain ang kampo ni VP Sara ng motion to quash at hiniling sa korte na ipagpaliban ang paglalabas ng arrest warrant habang pinagpapasyahan ang isyu ng hurisdiksiyon.

Nag-ugat ang kaso sa mga pahayag ni VP Sara noong 2024 kaugnay ng umano’y banta laban kay Pangulong Ferdinand Marcos Jr., First Lady Liza Araneta-Marcos at dating House Speaker Martin Romualdez. Naninindigan ang kanyang kampo na inosente ang Bise Presidente at gagamitin nito ang lahat ng legal na paraan upang kuwestiyunin ang kaso.

05/09/2026

ADIONG: “KANYON NA ANG NAKITA NG TAUMBAYAN”

Iginiit ni House prosecution panel spokesperson Rep. Zia Alonto Adiong na hindi na umano “smoking gun” lamang ang nakita ng publiko sa impeachment trial ni Vice President Sara Duterte.

“Kanyon na ang nakita ng taumbayan. Ano pa ’yung smoking gun na sinasabi nila?”

Ayon kay Adiong, sapat na umano ang mga dokumento at testimonya na naiharap ng prosecution upang maipakita sa publiko ang kanilang alegasyon ng maling paggamit ng confidential funds.

Pinuna rin niya ang mga tagasuporta ni VP Sara na aniya’y maaaring hindi tanggapin ang ebidensyang inilalatag sa Senado.

Gayunman, nananatiling alegasyon ng prosecution ang mga ito habang nagpapatuloy ang impeachment trial, at nasa mga senator-judge pa rin ang pagpapasya kung sapat ang ebidensya para sa conviction.

05/09/2026

‘NAUNA PA KAY MARTIN LOOTER KING’

Ito ang reaksyon ni Former COA/Comelec Commissioner Atty. Rowena Guanzon sa paglabas ng warrant of arrest laban kay Vice President Sara Duterte kaugnay ng kasong grave threats.

Sa kanyang social media post, ikinumpara ni Guanzon ang bilis ng paglabas ng warrant kay VP Sara sa kasong kinasasangkutan naman ni dating House Speaker Martin Romualdez.

“Nauna pa lumabas ang warrant ni VP Sara kaysa sa warrant ni Martin Looter King,” ani Guanzon.

Dumating ang pahayag matapos kumpirmahin ng kampo ni VP Sara na naglabas na ang Quezon City Regional Trial Court ng warrant laban sa Bise Presidente.

Tiniyak naman ng kanyang abogado na wala siyang intensiyong umiwas sa batas at patuloy niyang gagamitin ang lahat ng legal na remedyo.

05/09/2026

“CASTRO-TORRE” TANDEM PARA SA 2028

May bago umanong 2028 tandem na bet ang political pundit na si Sass Rogando Sasot—sina Palace Press Officer Claire Castro at MMDA General Manager Nicolas Torre III.

Sa kanyang maikling social media post, sinabi ni Sasot:

“Buo na desisyon ko: Claire Castro-Nicholas Torre for 2028. Kung hindi sa 2028… hwag na lang.”

Dumating ang hirit habang kapwa laman ng usapan online sina Castro at Torre.

Kamakailan ay umani ng batikos si Castro dahil sa kanyang “Bakit ka pa papasok kung traffic na?” na pahayag kaugnay ng panawagang pansamantalang gawing libre ang NLEX toll sa gitna ng matinding trapiko dulot ng pagbaha.

Si Torre naman ay nasangkot sa usapin matapos mahulihan sa camera ang Fortuner na ginagamit umano niya sa EDSA Busway, habang napansin ding ang plakang nakakabit sa sasakyan ay iniulat na hindi tugma sa rehistro ng naturang Fortuner.

Sa kabila ng mga kontrobersiya, tila buong suporta si Sasot sa pagtakbo ng dalawa sa 2028.

04/09/2026

MATIBAG, HANDA NA UMANONG IPATUPAD ANG ARREST WARRANT LABAN KAY VP SARA

Handa na umano ang National Bureau of Investigation (NBI) na ipatupad ang arrest warrant laban kay Vice President Sara Duterte kaugnay ng kanyang kasong grave threats.

Ayon kay NBI Director Melvin Matibag, obligasyon ng ahensya na sundin ang utos ng korte.

“We have no option but to enforce the warrant,” ani Matibag.

Dagdag niya, nakadepende na sa Department of Justice ang mga susunod na hakbang kaugnay ng pagpapatupad ng warrant.

Nauna nang kinumpirma ng kampo ni VP Sara ang paglabas ng warrant ngunit iginiit na wala siyang intensiyong umiwas sa batas at patuloy niyang gagamitin ang lahat ng legal na remedyo.

04/09/2026

MANIBELA CHAIR MAR VALBUENA, NANAWAGANG SIBAKIN SI MMDA GM TORRE SA EDSA BUSWAY, PLAKA ISSUE

Nanawagan si MANIBELA chairman Mar Valbuena kay Pangulong Ferdinand Marcos Jr. na sibakin si MMDA General Manager Nicolas Torre III kaugnay ng kontrobersiya sa Fortuner na ginagamit nito, na nakuhanan sa EDSA Busway at may government plate na hindi tugma sa rehistro ng sasakyan.

Sa kanyang video post, binanatan ni Valbuena si Torre dahil umano sa “utak wang-wang” at pang-aabuso sa kapangyarihan.

“Private, may blinker, may wang-wang. Private pero nilagyan ng plaka, red plate… para sabihin na nasa kapangyarihan sila, puwede silang umabuso at gumamit ng EDSA Busway.”

Dagdag niya:

“Mga ordinaryong Pilipino, mga riders, mga motorista… kung habulin ninyo parang kriminal kung ituring ninyo. Pero kayong mga nasa kapangyarihan, masyadong abusado.”

Direkta rin siyang umapela kay PBBM:

“Nananawagan tayo sa ating Pangulong Ferdinand Bongbong Marcos Jr. na sibakin (si GM Torre) sa puwesto.”

“Ano ’yung purpose para maglagay ka ng red plate dito sa pribado? Doon pa lang makikita mo na ang daming nilabag nitong si General Nic Torre.”

Ayon sa LTO, hindi tugma sa Fortuner ang nakakabit nitong government plate at nakarehistro ito sa ibang MMDA vehicle. Isinuko na rin ang sasakyan sa LTO habang nagpapatuloy ang imbestigasyon.

Nilinaw naman ni Valbuena na hindi personal ang kanyang pagbatikos:

“Wala pong personalan ito. Nakakahiya po sa mamamayang Pilipino kung ganyan ang namumuno.”

04/09/2026

PBBM, NAKAMONITOR HABANG BUMIBIRIT?

Iginiit ng Malacañang na patuloy na mino-monitor ni President Ferdinand Marcos Jr. ang lagay ng panahon kahit habang umaawit siya para kay First Lady Liza Araneta-Marcos sa birthday celebration nito.

Ayon kay Palace Press Officer Usec. Claire Castro:

“Kahit po siya ay nangharana ng gabi na ’yon, patuloy ang kaniyang pagmo-monitor kung ano ang maaaring maging lagay ng panahon, pero at that time, wala pong masamang panahon.”

Nilinaw din ni Castro na hindi umano kasagsagan ng malakas na ulan at pagbaha nang mangyari ang serenade.

Ang video ay kuha noong Agosto 26 ngunit kumalat nang husto makalipas ang ilang araw, kasabay ng malawakang pagbaha sa ilang bahagi ng Luzon. Giit ng Palasyo, nanatiling nakaantabay ang Pangulo at patuloy ang pagbibigay nito ng direktiba sa mga ahensiya ng gobyerno.

04/09/2026

BARBERS, AMINADONG MAPANGANIB PARA SA PROSECUTION ANG PAGPAPATAWAG KAY LACHICA

Aminado si House prosecution panel adviser Robert Ace Barbers na may “risk” para sa prosecution kung ipapatawag nilang testigo si Col. Raymund Dante Lachica sa impeachment trial ni Vice President Sara Duterte.

“Ba’t namin siya ipatatawag? It’s going to be a risk for the prosecution,” ani Barbers.

Ayon sa kanya, hindi pa tiyak ng prosecution kung ano ang magiging laman ng testimonya ni Lachica at kung makatutulong ba ito sa kanilang kaso.

“At this point in time, as we speak, hindi pa namin kailangan.”

Iginiit ni Barbers na sapat na umano ang mga naunang testimonya upang suportahan ang kanilang alegasyon sa Article I. Gayunman, kung ihaharap ng depensa si Lachica bilang testigo, sinabi niyang handa silang i-cross-examine ito.

Laaytivi

05/09/2026

05/09/2026

05/09/2026

05/09/2026

05/09/2026

05/09/2026

04/09/2026

04/09/2026

04/09/2026

04/09/2026

Address

Website

Alerts

Contact The Business

Shortcuts

Share

Listing takedown request