https://issuu.com/the-work-jr./

Tarlac State University - The Work, Jr., Lucinda Campus Road, Tarlac (2026)

30/08/2026

𝐏𝐀𝐍𝐈𝐓𝐈𝐊𝐀𝐍 | 𝐈𝐥𝐚𝐧𝐠 𝐀𝐫𝐚𝐰 𝐧𝐚 𝐖𝐚𝐥𝐚𝐧𝐠 𝐁𝐢𝐭𝐚𝐰

Gumuho na ang Aquino at Agana.

Nakakahiya.
Nakakasuka.
Pero hindi nakakapagtaka.

Kaya sig**o buwaya ang ginagamit na simbolo sa kanila dahil bumaha man at magpatuloy ang pag-ulan, nakatunganga pa rin sila at lumalangoy sa kapabayaan. Sa lagay na ito, tila sila’y maihahalintulad sa mga hayop na ang tanging alam lang ay sumabay sa agos ng kapalaran at tanggapin ang mga nangyayaring kawalang-hiyaan.

Kung sabagay, kung ikaw naman mismo ang may kagagawan ng katiwalian, hindi mo isisiwalat at ilalaglag ang iyong pinaka-iingatang pangalan. Imbes na akuin ang kasalanan, mas pipiliin mo nga namang sisihin ang pag-ulan dahil “hindi ito mapipigilan”. Tama naman. Ang pag-ulan, hindi mapipigilan. Ngunit ang pagbaha, gawa ng inyong pagiging gahaman.

Tinatapos tayo hindi sa pamamagitan ng dahas, kundi ang alas. Hindi na balisong at baril ang ginagamit sa atin ngayon, posisyon na at koneksyon. Ang malala pa, ang mga iniluklok ang dahilan ng pagbagsak ng bansa.

Paano kaya nila nakakayanang umupo sa isang tabi, i-angat ang kanilang sarili, at ngumiti, habang batid nilang sa bawat segundo at minutong lilipas, mayroong napapahamak at maaaring mapahamak dahil sa kagagawan nila? Mabuti nga at pinapakalma pa sila ng kanilang konsensya, dahil kung hindi, siguradong wala na tayong makikitang politikong nakakangiti pa rin sa balita.

Binibilang din kaya nila ang bawat delata para alam nila ang magiging bilang ng kanilang ipapanalong balota? Dahil kung oo, dapat sig**o bilang din ang lahat ng buwis na ipinapataw ng gobyerno sa mga Pilipino, ibinubulsa ng mga politiko, at nagiging dahilan ng pagkawala ng buhay ng maraming tao.

Salamat na rin sig**o sa mga ipinamimigay nila, baka maaari na itong solusyon sa pagkasira ng mga proyektong “para sa mga Pilipino”. Ang mga lalagyan ng delata na lang sig**o ang ipapain natin sa mga tulay upang wala na muling buhay na malalagay sa katapusan. Dahil sa bagal ng pagkilos ng mga nasa pwesto, baka mamuti ang mga mata natin sa paghihintay ng pagbabago.

Iyong malakas na ulan na sig**o ang paraan ng kalikasan upang isiwalat ang lahat ng pang-uuto sa atin ng mga kandidatong minsang pinagkatiwalaan. Dahil kung tunay nilang ginugugol ang oras nila sa paggawa ng makakabuti para sa atin, magdamag mang hindi humupa ang ulan at paghampas ng hangin, hindi tayo babahain, walang imprastrukturang kailangang ayusin, at walang buhay na malalagay sa alanganin.

Kumbaga sa bubong na patuloy nasisira tuwing tag-ulan, hindi natin kailangan ng pantapal para ang suliranin ay mawakasan, kundi pamalit na hindi hahayaang malunod tayo sa loob ng ating tahanan. Walang silbi ang mga tulong nilang aabot lang ng ilang araw kung ang mga proyektong dapat inayos, pinag-isipan, at hindi kinulimbat ay wala namang bitaw.

Hindi tayo binabaha dahil sa ulan. Binabaha tayo dahil sa kapabayaan, katiwalian, at kawalang-hiyaan.

Nalulunod na tayo.
Nilulunod nila tayo.
Mananatili na lang ba tayong ganito?

Kaya maging mapagmasid tayo, huwag maging panatiko. Dahil sa oras ng paglubog at kapahamakan, mananatili sa tuktok ng tatsulok ang pamahalaan, habang patuloy na nalulunod at inaanod ang mga mamamayan.

Aminin man natin o hindi, mas mayroon silang pribilehiyo. Tayo? Mga ordinaryo lamang na Pilipino. Pero iyon ang mahalaga. Mga ordinaryo tayong Pilipino at hindi parte ng gobyerno. Dahil kung kasama nila tayo, kawawa ang susunod na henerasyong Pilipino.

Kung sanang ang makakapal na mukha ng mga kurakot lang ang ginawang pundasyon sa mga tulay, tiyak ang mga ito’y matitibay.

Hindi pala sila maihahalintulad sa hayop. Dahil ang hayop, nakikiramdam. Sila, walang pakialam.

Lumipas na ang ilang araw, wala pa rin kayong bitaw.

| Isinulat ni: Tala
| Dibuho ni: Joyce Xyriel Ramos
| Inilapat ni: Jayden Bermudo

───────────────────────
𝐂𝐨𝐧𝐭𝐚𝐜𝐭 𝐮𝐬:
📩: 𝐥𝐬𝐭𝐡𝐞𝐰𝐨𝐫𝐤𝐣𝐫@𝐠𝐦𝐚𝐢𝐥.𝐜𝐨𝐦
𝐓𝐢𝐧𝐭𝐚. 𝐓𝐢𝐧𝐢𝐠. 𝐓𝐢𝐧𝐝𝐢𝐠.

30/08/2026

𝐊𝐎𝐋𝐔𝐌 | 𝐁𝐚𝐡𝐚-𝐥𝐚 𝐍𝐚 𝐊𝐚𝐲𝐨

Habang nakaapak ang inyong mga paa sa tuyong sahig, ang mga paa ng ordinaryong mamamayan ay nakababad sa maruming tubig bunga ng kapabayaan at kawalang pananagutan.

Kalabog ng ulan ang gumigising sa pangamba ng mga ordinaryong mamamayan. Sa bawat patak, nakamasid sila sa unti-unting pagtaas ng tubig. Samantala, ang mga nasa tuktok ay nananatiling tahimik—mas tahimik pa sa kaluskos ng daga.

Subalit ayos lang, dahil ayon nga sa gobyerno, “resilient” ang mga Pilipino, gayunpaman nakakapagod maging matatag at patuloy na magtiis sa paghihirap. Nakakapagod labanan ang mga problemang maaari namang maagapan kung may maayos lamang na pamahalaan. Nakakapagod umasa na baka magbago rin ang lahat, pero hanggang ngayon ay wala pa ring tunay na aksyon—patuloy pa rin ang panlilinlang sa sariling bayan.

Ang ilang parte ng Central Luzon ay muling nilamon ng baha. Kabilang dito ang Tarlac, Pampanga, at Bulacan, mga lugar na matagal nang humaharap sa matinding pagbaha at nakatanggap ng malaking pondo para sa flood control at mga imprastrakturang dapat sana’y nagsisilbing proteksyon laban sa kalamidad. Ayon sa dattos ng Department of Public Works and Highways (DPWH) at Department of Budget and Management (DMB), humigit-kumulang 548 bilyong piso ang inilaan para sa flood control mula 2022 hanggang 2025 sa rehiyon. Ngunit sa harap ng rumaragasang tubig, isang tanong ang patuloy na bumabagabag sa mga mamamayan: nasaan ang mga pondong inilaan para sa kanilang kaligtasan? Inaanod na nga ba ng baha, o naanod na lamang patungo sa bulsa ng mga taong dapat sana’y naglilingkod sa bayan?

Taon-taon na lang ganito. Sanay na ang mga Pilipino sa paglusong sa baha, paghihintay ng masasakyan, at pangamba kung makakauwi pa nang ligtas— kahit hindi naman dapat. Sa bawat paglusong ng mamamayan sa baha, hindi lamang putik at maruming tubig ang kanilang kinakaharap, kundi ang bigat ng katotohanang may mga pagkukulang na paulit-ulit na ipinapasa sa kanila..

Sa tuwing bumubuhos ang ulan, hindi lamang tubig ang umaapaw—lumilitaw din ang mga problemang matagal nang tinatakpan. Hindi naman sig**o kinulang ang Pilipinas sa pondo para sa flood control—kinulang lang sa matitinong politiko.

Umani ng paghanga sa social media ang maraming Pilipino na napipilitang gumawa ng sariling flood barrier sa kanilang mga tahanan upang maprotektahan ang kanilang pamilya. Nakalulungkot isipin na sa halip na maramdaman ang agarang tulong at proteksyon mula sa pamahalaan, ang mga mamamayan mismo ang napipilitang humanap ng sariling paraan upang harapin ang paulit-ulit na pagbaha. Tila wala nang natitirang hiya sa pamahalaan, sa laki ng pondong nawala at inagaw mula sa bayan, habang hinahayaan na lamang ang bawat pamilyang mag-isa sa pagharap at paglaban sa mga sakuna.

Hindi tungkulin ng mamamayan na magtiis habang ang iilan ay nakikinabang. Tungkulin ng gobyerno na paunlarin ang bansa, protektahan ang mga tao, at magbigay ng tunay na solusyon—hindi punan ang sariling bulsa. Panahon na upang mamulat. Hindi dapat ituring na normal ang takot tuwing bumabagsak ang ulan.

Hindi lamang basura ang lumilitaw tuwing sumasapit ang ulan, kundi pati na rin ang matagal nang nakatagong kapabayaan ng pamahalaan. Kung tutuusin, wala ring pinagkaiba ang dalawa—parehong bumabara sa daloy ng pag-unlad at parehong nag-iiwan ng malaking pinsala sa mamamayan.

Gumising na at mamulat. Hindi na ito basta baha lamang na huhupa pagkatapos ng ulan. Ito ay laban para sa katarungan, at hindi dapat pahupain hangga’t walang nananagot.

Hindi natatapos ang lahat sa pag-alis ng tubig. Ang bawat suliranin ay kailangang tugunan—hindi tulugan. Ang pamahalaang mas inuuna ang pagpapataba ng sariling bulsa kaysa kapakanan ng mamamayan ay mas masahol pa sa basurang nagpapalutang-lutang sa maitim na karagatan—mas masangsang pa sa baha na puno ng kapabayaan at kasinungalingan.

Kahit paulit-ulit na ibaon ang mga ebidensya ng pang-aabuso at kasakiman, hindi kailanman mananatiling nakatago ang katotohanan. Tulad ng maitim na karagatan na patuloy na umaapaw sa kalsada at lumalamon sa mga bahay, kasabay nitong umahon ang mga bakas ng kapabayaan na matagal nang pilit itinatago.

Sa bawat baha na sinusuong, mas lalo lamang lumilinaw ang katotohanang hindi na kayang itago ng mga pekeng proyekto.

| Isinulat ni: Clover
| Inilapat ni: Vae Reyes

_________________________________
𝐂𝐨𝐧𝐭𝐚𝐜𝐭 𝐮𝐬:
📩: 𝐥𝐬𝐭𝐡𝐞𝐰𝐨𝐫𝐤𝐣𝐫@𝐠𝐦𝐚𝐢𝐥.𝐜𝐨𝐦
𝐓𝐢𝐧𝐭𝐚. 𝐓𝐢𝐧

30/08/2026

𝐊𝐎𝐌𝐄𝐍𝐓𝐀𝐑𝐘𝐎 | 𝐍𝐚𝐬𝐚𝐚𝐧 𝐚𝐧𝐠 𝐁𝐚𝐤𝐚𝐥?—𝐈-𝐃𝐢𝐤𝐞!

Nasaan ang bakal? I-d**e. Nasaan ang pondo? I-d**e. Sino ang dapat managot? I-d**e rin.

May mga bagay talagang madaling mawala sa Pilipinas—oras, pasensya, at kung minsan, bakal. Kahit may plano, pondo’t proyekto, wala pa ring epekto.

Kamakailan, ang nasasabing “bagong gawang” d**e sa San Isidro, Tarlac ay napinsala ng tubig. Base sa mga larawan na kumakalat, hindi mapagkakaila ang tanong ng mga mamamayan na hindi madaling simentuhan—nasaan ang bakal?

Inanod? Mahinang kalidad? Kulang sa materyales? Enggkkk! Depende kung tinipid yan.

Siyempre, hindi tayo agad mag-aakusa. Baka naman may napakagandang paliwanag. Baka nagbakasyon, baka nag-resign, baka nagtatago. Pero kung talagang kulang o wala ang bakal na dapat sana'y nasa loob ng d**e, mas nakakatawa ang sitwasyon kaysa sa dapat. Dahil ang d**e ay hindi naman proyekto sa paaralan, ipapasa sa g**o, bibigyan ng grado at itatapon matapos. Kapag bumigay ang d**e, mamamayan na dapat pinaglilingkuran angmahihirapan hanggang sa wala na silang matatapakan.

Hindi rin naman sig**o tinamad ang gumawa. Tinipid lang. Hindi tinamad, pero tinipid. Kung may nagtipid, may nagpasya. Kung may pasya, may nakinabang. Kung may nakinabang, sino?

May plano. May materyales. May pondo. May kontrata. May pirma. May litrato. Ngunit kapag dumating ang tubig, tila may isang bagay na hindi nakasama usapan—tibay. Tibay na ano? Tibay na naging tibag? Akala ko ba nasa San Isidro ang d**e?

Ang d**e sana ang haharang sa tubig—pero parang ang tubig ang humarang sa d**e? Ano na?

Ayon sa paunang pagsusuri ng pamahalaang lungsod, isa sa mga tinukoy na dahilan ng pagkasira ay ang hindi pa natatapos na ground sill sa bahagi ng Brgy. Mabini. Napinsala ng malakas na agos ng Tarlac River ang Stations 58 hanggang 114 ng d**e sa Brgy. San Isidro, kasama ang kalsadang nasa ibabaw nito at ang humigit-kumulang 350 metrong lumang slope protection.

Kapag may nasirang imprastraktura, mabilis nating marinig ang salitang “sakuna.” Totoo namang malakas ang ulan at tubig. Ngunit hindi naman dapat ginagamit ang kalikasan bilang taga-salo ng lahat ng sisi. Ang sakuna ay maaaring malakas, pero ang mahinang konstruksyon ay desisyon ng tao.

Kaya balik tayo sa simpleng tanong “nasaan ang bakal?”

Kung talagang hindi ito nailagay nang maayos, sino ang dapat managot? Kung nagkaroon ng pagtitipid sa materyales, saan napunta ang perang para sana rito? At kung walang nakakaalam, bakit parang ang pinakamadaling mawala sa isang proyekto ay ang bagay na pinakamahirap makita?

Baka naman mali lang ako. Tayo. Baka may bakal talaga. O baka naman kampante ka lang—tutal may mga anghel ka namang sasagip sa ilalim nito. Baka ang tunay na problema ay hindi ang kawalan nito kundi ang sobrang galing nitong magtago.

Ngunit kung may mga “buwaya ng bayan” na talagang kumakapit sa pondo ng publiko, sana huwag naman nilang kalimutang may mga taong umaasa sa mga proyektong binabayaran din ng mamamayan. Dahil ang perang ginugol sa kalidad ng isang d**e ay hindi lang pera sa papel kundi seguridad ng isang komunidad.

Kung ang d**e ay ginawa para pigilan ang tubig, hindi dapat ang katapatan ang unang inaanod. Sa tuwing sasapit ang tag-ulan, sino ba talaga ang kalaban? Ang baha o ang dapat naglilingkod sa bayan?

| Isinulat ni: Bumblevae
| Inilapat ni: Jayden Bermudo
| Mga litrato mula sa: Tarlac Standard, Tarlac Filipino Chinese Volunteers Fire Brigade, Tarlac News Update

_________________________________
𝐂𝐨𝐧𝐭𝐚𝐜𝐭 𝐮𝐬:
📩: 𝐥𝐬𝐭𝐡𝐞𝐰𝐨𝐫𝐤𝐣𝐫@𝐠𝐦𝐚𝐢𝐥.𝐜𝐨𝐦
𝐓𝐢𝐧𝐭𝐚. 𝐓𝐢𝐧𝐢𝐠. 𝐓𝐢𝐧𝐝𝐢𝐠.

29/08/2026

𝐅𝐀𝐂𝐓 𝐂𝐇𝐄𝐂𝐊 | San Jose, Tarlac Mayor Roemeo Ong Capitulo has debunked a circulating message claiming that the Balog-Balog Dam is nearing capacity, labeling the rumor as “FAKE NEWS.”

Mayor Capitulo clarified that no emergency water is immminent and urged the public to refrain from spreading unverified reports that cause unnecessary panic. Residents are advised to rely strictly on official government channels for accurate safety and weather updates.

___________________________________
𝐂𝐨𝐧𝐭𝐚𝐜𝐭 𝐮𝐬:
📩: 𝐥𝐬𝐭𝐡𝐞𝐰𝐨𝐫𝐤𝐣𝐫@𝐠𝐦𝐚𝐢𝐥.𝐜𝐨𝐦
𝐓𝐢𝐧𝐭𝐚. 𝐓𝐢𝐧𝐢𝐠. 𝐓𝐢𝐧𝐝𝐢𝐠.

29/08/2026

𝐅𝐀𝐂𝐓 𝐂𝐇𝐄𝐂𝐊 | Following the unfortunate incidents and the rise of the flood levels in Tarlac City, false information has begun circulating regarding local utility operations.

Tarlac Electric Inc. (TEI) clarifies that it has not issued any advisory or official notice regarding a scheduled power interruption. Residents are strongly urged to avoid sharing unverified claims and to rely solely on TEI’s official communication and customer service channels for legitimate updates and power-related concerns.

___________________________________
𝐂𝐨𝐧𝐭𝐚𝐜𝐭 𝐮𝐬:
📩: 𝐥𝐬𝐭𝐡𝐞𝐰𝐨𝐫𝐤𝐣𝐫@𝐠𝐦𝐚𝐢𝐥.𝐜𝐨𝐦
𝐓𝐢𝐧𝐭𝐚. 𝐓𝐢𝐧𝐢𝐠. 𝐓𝐢𝐧𝐝𝐢𝐠.

29/08/2026

𝐁𝐑𝐄𝐀𝐊𝐈𝐍𝐆 𝐍𝐄𝐖𝐒 | 𝐀𝐠𝐚𝐧𝐚 𝐁𝐫𝐢𝐝𝐠𝐞 𝐬𝐚 𝐓𝐚𝐫𝐥𝐚𝐜 𝐂𝐢𝐭𝐲, 𝐆𝐮𝐦𝐮𝐡𝐨 𝐍𝐚 𝐑𝐢𝐧; 𝐈𝐥𝐚𝐧𝐠 𝐑𝐞𝐬𝐢𝐝𝐞𝐧𝐭𝐞, 𝐍𝐚𝐝𝐚𝐦𝐚𝐲

Sunod-sunod na pagguho ng mga tulay ang kinakaharap ng Tarlac City matapos tuluyang bumigay ang bahagi ng Agana Bridge dulot ng tuloy-tuloy na pag-ulan at malakas na daloy ng tubig sa Tarlac River ngayong Sabado, Agosto 29, pasado alas-siyete y medya ng gabi.

Ayon sa mga residente, biglaan na lamang gumuho ang tulay habang may dumadaan pang mga motorista, kung saan hindi mapalad na nadamay ang isang tricycle at isang kotse.

Agad namang tumugon ang mga awtoridad sa pamamagitan ng paglalagay ng mga harang at opisyal na pagdedeklara sa kalsada bilang sarado para sa kaligtasan ng publiko.

Nagsagawa rin agad ng search and rescue operation para sa mga biktimang nahulog. Nakaahon man nang buhay ang drayber ng tricycle at naisugod sa pinakamalapit na ospital, kalaunan ay binawian din ito ng buhay.

Sa kasalukuyan, puspusan pa rin ang paghahanap ng mga awtoridad sa limang indibidwal—tatlong lalaki at dalawang babae—na umano'y sakay ng nahulog na kotse, kung saan ang isa sa kanila ay napaulat na mula pa sa Cavite.

Ang Agana Bridge pa naman sana ang gagamiting alternatibong ruta ng mga biyahero matapos ding gumuho ang bahagi ng Aquino Bridge nitong nakaraang madaling araw.

Balitang-hatid ni: John Dizon
Kuhang-litrato ng: Tarlac City Government
Inilapat ni: Vae Reyes
___________________________________
𝐂𝐨𝐧𝐭𝐚𝐜𝐭 𝐮𝐬:
📩: 𝐥𝐬𝐭𝐡𝐞𝐰𝐨𝐫𝐤𝐣𝐫@𝐠𝐦𝐚𝐢𝐥.𝐜𝐨𝐦
𝐓𝐢𝐧𝐭𝐚. 𝐓𝐢𝐧𝐢𝐠. 𝐓𝐢𝐧𝐝𝐢𝐠.

29/08/2026

PANOORIN: Kasalukuyang sitwasyon sa Carangian, Tarlac City matapos gumuho ang Agana Bridge ngayong gabi, Agosto 29.

Ipinagbabawal muna ang paglapit sa lugar habang patuloy ang responde ng mga ambulansya at rescuers sa umano'y mga nahulog na sasakyan.

| Ulat ni: Jayden Bermudo
| Mga video footage ni: Nathaniella Verna Geaga

___________________________________
𝐂𝐨𝐧𝐭𝐚𝐜𝐭 𝐮𝐬:
📩: 𝐥𝐬𝐭𝐡𝐞𝐰𝐨𝐫𝐤𝐣𝐫@𝐠𝐦𝐚𝐢𝐥.𝐜𝐨𝐦
𝐓𝐢𝐧𝐭𝐚. 𝐓𝐢𝐧𝐢𝐠. 𝐓𝐢𝐧𝐝𝐢𝐠.

29/08/2026

𝐎𝐏𝐈𝐍𝐘𝐎𝐍 | 𝐓𝐔𝐋𝐀𝐘-𝐚𝐧 𝐧𝐚𝐧𝐠 𝐁𝐮𝐦𝐢𝐠𝐚𝐲

Sa ilalim ng tulay, may mga lihim pilit itinatago, ngunit sa lakas ng agos ng tubig, unti-unting umaapaw ang mga bagay na matagal nang ikinubli.

Hindi lamang tulay ang bumigay, kundi pati na rin ang pasensya ng bawat Pilipinong pilit nagtitiis sa mga pagkakamaling dulot ng kapabayaan ng pamahalaan.

Hanggang kailan magpapatuloy ang kakapalan ng mukha ng mga taong nagbubulsa ng pondong dapat sana’y nakalaan sa pagsasaayos at pagpapatibay ng mga imprastraktura?

Matibay at makapal ang kanilang mukha sa pagharap sa publiko, ngunit ang kanilang mga proyekto ay tila walang sapat na pundasyon upang tumagal. Ilang bakal nga ba ang kinailangan nilang “kainin” upang lumakas ang kanilang loob na magnakaw mula sa kaban ng bayan? Sana’y inilaan na lamang nila ang mga materyales at pondong iyon sa mga imprastrakturang tunay na makapagpapagaan sa buhay ng mga mamamayan.

Bumigay ang Aquino Bridge sa San Isidro, Tarlac City, Agosto 28, 2026, 11:56 ng gabi, dahil sa malakas na agos ng tubig at walang tigil na pag-ulan. Ngunit bago pa man ito tuluyang gumuho, matagal nang napapansin ang mga bitak at sira sa istruktura nito na tila hindi nabigyang agarang pansin ng mga kinauukulan. Ang tulay na nagsilbing mahalagang daanan at nagpapadali sa buhay ng maraming mamamayan ay ngayo’y naging dagdag na pasanin. Sa pagbagsak nito, mas mahihirapan ang mga estudyante, manggagawa, at iba pang umaasa rito sa kanilang pang-araw-araw na paglalakbay. Ang ganitong hirap ay hindi kailanman mararanasan ng mga nakaupo sa pamahalaan sa parehong paraan na nararanasan ito ng karaniwang mamamayan.

Matatandaan din noong Agosto 17, kasagsagan ng bagyo, bumigay ang isang d**e sa San Isidro. Isa na namang paalala ito na ang mga proyektong walang sapat na pundasyon ay maaaring magdulot ng malaking pinsala kapag dumating ang oras ng pagsubok. Kung patuloy na hahayaan ang kapabayaan at korapsyon, hindi lamang mga tulay at d**e ang unti-unting guguho—pati ang tiwala ng mamamayan. Hanggang kailan magdurusa ang mga Pilipino sa mga pagkukulang na hindi naman nila ginawa? Sa bawat problemang lumalaki, nananatili ang tanong: kapag tuluyan nang lumalim ang krisis, saan kakapit ang mga mamamayan?

Nawa’y sa muling pagsasaayos ng mga imprastrakturang winasak ng bagyo ay hindi na naman maging daan ang pondo ng bayan upang mapunan ang bulsa ng iilan. Ang pagkasira ng mga tulay at d**e ay hindi lamang usapin ng mga nasirang istruktura, kundi isang malaking dagok sa araw-araw na pamumuhay ng mga ordinaryong mamamayang umaasa rito para sa kanilang kaligtasan at kabuhayan.

Habang ang mga tao ay nagdurusa sa epekto ng kalamidad, hindi dapat maging pagkakataon ang ganitong sitwasyon para sa pansariling interes ng mga nasa kapangyarihan. Ang pondong inilaan para sa mga imprastraktura ay pera ng mamamayan—at ito ay dapat ibalik sa kanila sa anyo ng matibay, maayos, at mapagkakatiwalaang mga proyekto, hindi sa luho ng iilan. Nauubos na ang pasensya ng bawat Pilipino. Kung hindi pa ngayon ang panahon para maningil ng pananagutan, kailan pa? Ang bawat pagkukulang na nagdudulot ng pinsala sa bayan ay dapat may katapat na kasagutan.

Sa pagsasaayos ng mga tulay at d**e, huwag nang bahiran ng mga taong biglang nawawala kapag kinakailangan silang humarap sa tungkulin. Ang kailangan ng bayan ay hindi mga palusot at matatamis na salita, kundi tunay na aksyon—maayos na materyales, masusing pagpapatupad, at matibay na pundasyon.

Dahil ang hinihingi ng bawat Pilipino ay hindi lamang bagong imprastraktura, kundi mga proyektong may integridad, tibay, at tunay na layuning magsilbi sa bayan.

Dapat may managot, dapat may makulong, at dapat nang wakasan ang katiwalian sa pamahalaan. Panahon na para tayo ay magbuklod-buklod at maging tulay ng pagbabago upang labanan ang gobyernong nagpapabaya at gumagamit ng pondo ng bayan sa pansariling interes. Panahon na para managot ang bawat sangkot.

| Isinulat ni: Kirsten Lagrimas
| Inilapat ni: Jayden Bermudo
| Litrato mula sa: Tarlac City Government

___________________________________
𝐂𝐨𝐧𝐭𝐚𝐜𝐭 𝐮𝐬:
📩: 𝐥𝐬𝐭𝐡𝐞𝐰𝐨𝐫𝐤𝐣𝐫@𝐠𝐦𝐚𝐢𝐥.𝐜𝐨𝐦
𝐓𝐢𝐧𝐭𝐚. 𝐓𝐢𝐧𝐢𝐠. 𝐓𝐢𝐧𝐝𝐢𝐠.

29/08/2026

𝐓𝐈𝐍𝐆𝐍𝐀𝐍 | (2/2) Puno ng sigla, talento, at pagkakaisa ang TSU Gymnasium nitong ika-26 ng Agosto sa ginanap na tampok na pagdiriwang ng Buwan ng Wika 2026, sa pangunguna ng Office of Culture, Arts, and Languages (OCAL). Nagsilbing entablado ang buong bulwagan para sa masining na pagtatanghal at pagpupugay ng pamayanang TSUian sa ating pambansang wika.

Sa ilalim ng temang “Wikang Filipino at AI: Kasangkapan sa Pananaliksik at Tulay sa Yaman ng Impormasyon,” bida sa palatuntunan ang makukulay na pag-awit, makabagbag-damdaming pagsayaw, at malikhaing pagpapahayag mula sa iba't ibang organisasyon ng unibersidad. Sa bawat himig at indak, ipinamalas ng mga mag-aaral ang patuloy na pag-unlad ng wikang Filipino kasabay ng modernong teknolohiya.

Isang matagumpay at makabuluhang selebrasyon ito na nag-iwan ng malalim na pagpapahalaga sa ating kultura, talento, at pambansang pagkakaisa.

Balitang-hatid ni: Jayden Bermudo
Kuhang-litrato nina: Jayden Bermudo, Kirsten Lagrimas, Vae Reyes
Inilapat nina: Kirsten Lagrimas, Vae Reyes

_________________________________
𝐂𝐨𝐧𝐭𝐚𝐜𝐭 𝐮𝐬:
📩: 𝐥𝐬𝐭𝐡𝐞𝐰𝐨𝐫𝐤𝐣𝐫@𝐠𝐦𝐚𝐢𝐥.𝐜𝐨𝐦
𝐓𝐢𝐧𝐭𝐚. 𝐓𝐢𝐧𝐢𝐠. 𝐓𝐢𝐧𝐝𝐢𝐠.

29/08/2026

𝐓𝐈𝐍𝐆𝐍𝐀𝐍 | (1/2) Puno ng sigla, talento, at pagkakaisa ang TSU Gymnasium nitong ika-26 ng Agosto sa ginanap na tampok na pagdiriwang ng Buwan ng Wika 2026, sa pangunguna ng Office of Culture, Arts, and Languages (OCAL). Nagsilbing entablado ang buong bulwagan para sa masining na pagtatanghal at pagpupugay ng pamayanang TSUian sa ating pambansang wika.

Sa ilalim ng temang “Wikang Filipino at AI: Kasangkapan sa Pananaliksik at Tulay sa Yaman ng Impormasyon,” bida sa palatuntunan ang makukulay na pag-awit, makabagbag-damdaming pagsayaw, at malikhaing pagpapahayag mula sa iba't ibang organisasyon ng unibersidad. Sa bawat himig at indak, ipinamalas ng mga mag-aaral ang patuloy na pag-unlad ng wikang Filipino kasabay ng modernong teknolohiya.

Isang matagumpay at makabuluhang selebrasyon ito na nag-iwan ng malalim na pagpapahalaga sa ating kultura, talento, at pambansang pagkakaisa.

Balitang-hatid ni: Jayden Bermudo
Kuhang-litrato nina: Jayden Bermudo, Kirsten Lagrimas, Vae Reyes
Inilapat nina: Kirsten Lagrimas, Vae Reyes

_________________________________
𝐂𝐨𝐧𝐭𝐚𝐜𝐭 𝐮𝐬:
📩: 𝐥𝐬𝐭𝐡𝐞𝐰𝐨𝐫𝐤𝐣𝐫@𝐠𝐦𝐚𝐢𝐥.𝐜𝐨𝐦
𝐓𝐢𝐧𝐭𝐚. 𝐓𝐢𝐧𝐢𝐠. 𝐓𝐢𝐧𝐝𝐢𝐠.

Tarlac State University - The Work, Jr.

30/08/2026

30/08/2026

30/08/2026

29/08/2026

29/08/2026

29/08/2026

29/08/2026

29/08/2026

29/08/2026

29/08/2026

Address

Opening Hours

Website

Alerts

Contact The Business

Shortcuts

Share

Category

Listing takedown request