https://www.facebook.com/281140071748803/

Bunga - Jose V. Yap National High School, San Miguel, Tarlac (2026)

29/08/2026

🚨 Manatiling ligtas at alerto, Yapians! Narito ang mga numerong maaaring kontakin para sa oras ng pangangailangan.

21/08/2026

𝐏𝐀𝐍𝐈𝐓𝐈𝐊𝐀𝐍 | Agosto Bente-uno

Isang eroplano.
Isang pagputok.
Umagos ang dugo ng sakripisyo sa NAIA
Sa pagpaslang sa isang bayani.

Pero sa dugo na 'yon,
sumibol ang tapang.
Tumindig ang bayan.
Sumigaw ang bayan.

Agosto Bente-uno,
pag-alala sa kanyang kamatayan,
ipinagdiriwang ng buong bayan.
Si Benigno “Ninoy” Aquino Jr. ang simbolo ng kalayaan.

Agosto Bente-uno,
sariwa pa ang alaala.
Ang puting kasuotan,
naselyuhan ng katapangan.

Agosto Bente-uno,
apatnapu’t tatlong taon na.
Ang kanyang kamatayan,
nagsilang muli sa demokrasya.

Ika nga niya,
“The Filipino is worth dying for.”

✒️ 𝐉𝐞𝐫𝐨𝐦𝐞 𝐒𝐨𝐫𝐢𝐚𝐧𝐨
🖼️ 𝐋𝐢𝐚𝐧 𝐊𝐫𝐢𝐬𝐡𝐚 𝐃𝐞𝐥𝐚 𝐏𝐞ñ𝐚

_‎______________________________________

𝙏𝙞𝙣𝙞𝙜 𝙣𝙜 𝙋𝙖𝙣𝙪𝙡𝙖𝙩, 𝘽𝙤𝙨𝙚𝙨 𝙣𝙜 𝙇𝙖𝙝𝙖𝙩

21/08/2026

𝐁𝐀𝐋𝐈𝐓𝐀 | JVYNHS, Matagumpay na Isinagawa ang Oath-Taking Ceremony, Project Handog Uniporme x ALALAY, at Launching of Project DOT

Matagumpay na isinagawa ng Jose V. Yap National High School (JVYNHS) ang Oath-Taking Ceremony, Project Handog Uniporme x ALALAY, at Launching of Project Dispose, Organize, and Transform (DOT) 2026 noong Hulyo 17. Dinaluhan ito ng mga g**ong tagapayo ng bawat organisasyon at club, iba’t ibang lider-estudyante ng mga organisasyon sa paaralan, kapitan ng Barangay San Miguel, mga head teacher, at ang punong g**o ng paaralan.

Sinimulan ang programa sa pambukas na panalangin na pinangunahan ni Trisha Daniella Tuparan, Pangalawang Patnugot ng The Campsite. Sinundan ito ng pag-awit ng Lupang Hinirang at mensahe mula kay Ma’am Maribel Cabusao, Head Teacher III - Mathematics, na nagbigay-diin sa kahalagahan ng pagiging lider sa iba’t ibang organisasyon sa paaralan.

Naghatid din ng makabuluhang mensahe si Dr. Raquel G. Bautista, Principal II, kung saan binigyang-diin niya ang mahalagang papel ng pagtutulungan ng mga lider sa pagpapaayos at pagpapaunlad ng paaralan. Binigyang-diin din niya ang kahalagahan ng pagiging responsable sa posisyong hinahawakan upang magsilbing inspirasyon sa kapwa mag-aaral.

Sinundan naman ito ng Oath-Taking Ceremony ng mga lider ng bawat organisasyon, na pinangunahan ni Hon. Sergio Canapi Jr., Barangay Captain ng San Miguel. Dito isinagawa ang panunumpa ng mga estudyante sa kanilang mga itinalagang posisyon sa iba’t ibang organisasyon.

Kasunod nito ang Project Handog Uniporme x ALALAY, na pinangunahan ni Hon. John Steven M. Yco, SSLG President. Layunin nitong mamahagi ng mga uniporme sa mga estudyanteng nangangailangan. Sinundan naman ito ng pagsasagawa ng Project DOT, na pinangunahan nina Andrei Valencia, YES-O President, at Hannah Alicando, Pangulo ng Science Club. Tinalakay dito ang kahalagahan ng pagpapanatili ng kalinisan sa mga palikuran sa bawat grade-level building.

Bilang pagtatapos ng programa, nagbigay ng pangwakas na mensahe si Ma’am Glenda C. Capulong, SSLG Adviser. Binigyang-diin niya na ang mga posisyong hawak ng mga lider ay kailangang gampanan nang buong puso at may malasakit, at higit sa lahat, ay gamitin bilang paraan upang maging inspirasyon sa iba pang mag-aaral.

Tinapos ang programa sa pamamagitan ng isang paalala: “Let us lead the student body with vision, not division.”

✒️ 𝐏𝐫𝐢𝐧𝐜𝐞𝐬𝐬 𝐀𝐧𝐭𝐡𝐨𝐧𝐞𝐭𝐭𝐞 𝐋𝐚𝐜𝐬𝐚
📷 𝐒𝐨𝐟𝐢𝐚 𝐉𝐚𝐬𝐦𝐢𝐧 𝐑𝐚𝐦𝐨𝐬, 𝐒𝐒𝐋𝐆
‎______________________________________

𝙏𝙞𝙣𝙞𝙜 𝙣𝙜 𝙋𝙖𝙣𝙪𝙡𝙖𝙩, 𝘽𝙤𝙨𝙚𝙨 𝙣𝙜 𝙇𝙖𝙝𝙖𝙩

19/08/2026

𝐈𝐭𝐨 𝐚𝐧𝐠 𝐝𝐢𝐰𝐚 𝐧𝐠 𝐁𝐮𝐧𝐠𝐚 𝐧𝐠𝐚𝐲𝐨𝐧𝐠 𝐭𝐚𝐨𝐧. ☘️✨

📢 Sa pagsisimula ng panibagong yugto ng Bunga, ipinakikilala namin 𝗮𝗻𝗴 𝗟𝘂𝗽𝗼𝗻𝗴 𝗣𝗮𝘁𝗻𝘂𝗴𝘂𝘁𝗮𝗻 𝗽𝗮𝗿𝗮 𝘀𝗮 𝗔𝗸𝗮𝗱𝗲𝗺𝗶𝗸𝗼𝗻𝗴 𝗧𝗮𝗼𝗻𝗴 𝟮𝟬𝟮𝟲–𝟮𝟬𝟮𝟳—mga kabataang hahawak sa panulat bilang binhi, katotohanan bilang ugat, at pamamahayag bilang bunga ng kanilang paninindigan.

Tulad ng isang binhing unti-unting tumutubo, ang bawat mamamahayag ay dumaraan sa mga hamon. Datapwat sa bawat pagsubok, lalong lumalalim ang kanilang mga ugat at tumitibay ang kanilang paninindigan.

Ngayong taon, patuloy kaming tutubo, mag-uugat, at mamumukadkad—𝒑𝒂𝒓𝒂 𝒔𝒂 𝒌𝒂𝒕𝒐𝒕𝒐𝒉𝒂𝒏𝒂𝒏, 𝒑𝒂𝒓𝒂 𝒔𝒂 𝒌𝒂𝒃𝒂𝒕𝒂𝒂𝒏, 𝒂𝒕 𝒑𝒂𝒓𝒂 𝒔𝒂 𝒃𝒂𝒚𝒂𝒏. ✊🏻🖋️

🎙️ 𝐌𝐮𝐥𝐚 𝐬𝐚 𝐛𝐢𝐧𝐡𝐢 𝐧𝐠 𝐤𝐚𝐭𝐨𝐭𝐨𝐡𝐚𝐧𝐚𝐧, 𝐚𝐚𝐧𝐢𝐡𝐢𝐧 𝐚𝐧𝐠 𝐛𝐮𝐧𝐠𝐚 𝐧𝐠 𝐦𝐚𝐤𝐚𝐛𝐮𝐥𝐮𝐡𝐚𝐧𝐠 𝐩𝐚𝐦𝐚𝐦𝐚𝐡𝐚𝐲𝐚𝐠. 🔥

09/08/2026

𝐀𝐍𝐔𝐍𝐒𝐈𝐘𝐎 | Magsulat. Magsiyasat. Magpahayag.
📢 Ikaw na ang susunod na manunulat ng ating paaralan!

Muling magbubukas ang pahina para sa mga kabataang may tinig, paninindigan, at kuwentong dapat marinig.

Kung ikaw ay may mapanuring isip, malasakit sa kapwa, at tapang na magsalita para sa katotohanan, narito ang pagkakataong gamitin ang iyong tinig at panulat.

Dito, hindi lamang tayo sumusulat.
Nagsisiyasat. Nagtatanong.
Naglalahad ng katotohanan.

Sa bawat balitang isinusulat, bawat kuwentong inilalahad, at bawat salitang binibigkas, dala natin ang responsibilidad na maging tinig ng mga hindi naririnig at maging boses ng katotohanan.

📌 𝐋𝐚𝐩𝐢𝐭𝐚𝐧 𝐚𝐧𝐠 𝐢𝐧𝐲𝐨𝐧𝐠 𝐠𝐮𝐫𝐨 𝐬𝐚 𝐅𝐢𝐥𝐢𝐩𝐢𝐧𝐨 𝐮𝐩𝐚𝐧𝐠 𝐦𝐚𝐠𝐩𝐚𝐥𝐢𝐬𝐭𝐚 𝐨 𝐦𝐚𝐚𝐚𝐫𝐢𝐧𝐠 𝐬𝐚 𝐩𝐚𝐦𝐚𝐦𝐚𝐠𝐢𝐭𝐚𝐧 𝐧𝐠 𝐥𝐢𝐧𝐤 𝐧𝐚 𝐢𝐭𝐨:
https://tinyurl.com/BungaRegistrationForm
https://tinyurl.com/BungaRegistrationForm

📢 : Ang mga mag-aaral na nakapagparehistro na sa kanilang g**o sa Filipino ay hindi na kinakailangang magparehistro muli online upang maiwasan ang kalituhan at dobleng talaan ng mga aplikante.

05/08/2026

𝐁𝐔𝐖𝐀𝐍 𝐍𝐆 𝐖𝐈𝐊𝐀𝐍𝐆 𝐏𝐀𝐌𝐁𝐀𝐍𝐒𝐀 𝟐𝟎𝟐𝟔

Malugod na nakikiisa ang Jose V. Yap National High School sa pagdiriwang ng Buwan ng Wikang Pambansa ngayong Agosto na may temang: “𝗪𝗶𝗸𝗮𝗻𝗴 𝗙𝗶𝗹𝗶𝗽𝗶𝗻𝗼 𝗮𝘁 𝗔𝗜: 𝗞𝗮𝘀𝗮𝗻𝗴𝗸𝗮𝗽𝗮𝗻 𝘀𝗮 𝗣𝗮𝗻𝗮𝗻𝗮𝗹𝗶𝗸𝘀𝗶𝗸 𝗮𝘁 𝗧𝘂𝗹𝗮𝘆 𝘀𝗮 𝗬𝗮𝗺𝗮𝗻 𝗻𝗴 𝗜𝗺𝗽𝗼𝗿𝗺𝗮𝘀𝘆𝗼𝗻.”

Sa panahon ng mabilis na pag-unlad ng teknolohiya, nananatiling mahalaga ang Wikang Filipino bilang wika ng ating pagkakakilanlan, kultura, at karunungan. Ipinaaalala ng temang ito na ang artificial intelligence (AI) ay maaaring maging makapangyarihang katuwang sa pananaliksik at pagkatuto, ngunit ang wikang ginagamit natin ang nagbibigay ng direksiyon, konteksto, at pagpapahalaga sa kaalamang ating nalilikha at naibabahagi. Sapagkat ang Wikang Filipino ay hindi lamang bahagi ng ating pagkakakilanlan, ito ay buhay na daluyan ng ating mga kuwento, kaisipan, at kaalaman.

Halina't maging bahagi ng pagdiriwang! Isabuhay ang ating wika, yakapin ang makabagong kaalaman, at sama-sama nating ipakita na ang Wikang Filipino ay nananatiling buhay, makabuluhan, at handang makisabay sa hamon ng makabagong panahon! 🇵🇭

19/05/2026

𝐓𝐈𝐆𝐍𝐀𝐍 | Nagpatuloy ang ikalawang araw ng pagpapatala para sa Taong Panuruan 2026–2027 sa Jose V. Yap National High School ngayong araw, Mayo 19, kung saan muling dumagsa ang mga mag-aaral at magulang upang magpalista para sa panibagong taong panuruan.

📍 Para sa detalye ng proseso sa pagpapatala, maaring tignan ang link sa ibaba. 👇🏻
https://www.facebook.com/share/p/18otXZF4qd/

15/04/2026

𝐏𝐀𝐍𝐈𝐓𝐈𝐊𝐀𝐍 | Tadhana sa Bawat Talata

Sa dulo ng pahinang nasilayan ng liwanag,
Aklat ng buhay ko’y unti-unting naglalakad,
Ikaw ang naunang kabanata ng aking pangarap,
Ako’y manunulat lamang, ngunit pusong hindi mapigilan ang hanap.

Sa bawat ngiting tila madaling dumaan,
May mga linya akong lihim na sinusulat sa hangin at buwan,
Di mo man napapansin ang tinta ng aking pagtingin,
Suportang tahimik, ngunit sa bawat salita’y damdamin.

Magkaklase lamang tayo sa iisang aklat ng tadhana,
Mga pahinang sabay binubuksan ng umaga,
Ikaw ang talatang laging may liwanag sa dulo,
Ako’y may-akda lang na sa’yo’y palihim na sumusunod.

Kasabay ng pagtatapos ng kabanatang ito,
Ng sekondaryang pahinang sabay nating tinakbo,
Di ko namalayang sa bawat sulat kong payapa,
Naisama kita sa pangarap na hindi ko inakalang dala.

Hindi ko namalayang ikaw na ang paksa sa bawat tula,
Ikaw na ang larawan sa bawat pintang dala ng gunita,
Kasabay ng aking pag-usbong sa bawat pahina ng buhay,
Lumago rin ang lihim na damdaming hindi ko inasahang tunay.

Kung minsan man, ang aklat ay mapahinto’t magsara,
At tayo’y mapunta sa magkaibang kabanata,
Nawa’y sa susunod na pahina ng aking akda,
Naroon ka pa rin bilang alaala o inspirasyong walang kagaya.

Sa pag-akyat mo sa entabladong parang huling eksena,
Sa pangarap mong isinusulat ng sariling panata,
Ako’y mananatiling manunulat sa gilid ng istorya,
Masayang tahimik, ikaw ang paborito kong paksa sa tadhana.

✒️ & 🖼️: 𝗞𝘆𝗹𝗮 𝗘𝘂𝗻𝗶𝗰𝗲 𝗠. 𝗭𝗮𝗯𝗹𝗮𝗻

14/02/2026

𝐏𝐀𝐍𝐈𝐓𝐈𝐊𝐀𝐍 | Tingin

Dahan-dahan sa gitna ng daan tayo’y huminto,
Sa pagitan ng ingay, ikaw ang natanto,
May mga saglit na kusang nabuo,
Sa titig mong tahimik, ako’y naligaw dito.

May sinag na bumaba sa kayumanggi mong balat,
Parang araw na marunong pumili ng ilaw,
Kakaiba ang tama, kakaiba ang hatak,
At puso ko’y di na marunong umatras.

Saan ba ako dinadala ng iyong ngiti?
Biglang guhit na agad ding naglaho sa gabi,
Parang pintang iniwan sa aking isip,
Isang hiwagang ayaw magpaliwanag ngunit nananabik at nanaginip.

Sa gitna ng gulo, ikaw lang ang malinaw,
Mga tinig sa paligid ay kusang naglalaho,
Umiikot ang mundo sa bawat hakbang mo,
At ako’y sumusunod, dahan-dahan lang, totoo.

Sa bawat sandaling ika’y minamasdan,
May kiliting dumarampi, ‘di mapangalanan,
Walang salitang handang bumitaw,
Ngunit ang mga mata’y marunong magsiwalat, puso'y umaalingawngaw.

Kahit mabitin ang aking sasabihin,
Ang tingin ko’y malinaw na umaamin,
Sa iyo ko lang hinahayaang magmarka,
Isang damdaming ayaw nang kumawala pa.

Hindi ko man alam ang darating na bukas,
Sa dilim o liwanag, ikaw ang bakas,
Sa dulo man ng takot o gitna ng alinlangan,
Sa iyo pa rin ang tingin, ikaw pa rin ang pagmamasdan.

Kaya kung muli tayong mapadpad sa daan,
Sa gitna ng mundo at ng kawalan,
Hayaan mong muli akong paikutin,
Dahan-dahan lang—sa iyo pa ring tumingin.

🖋️: 𝗞𝘆𝗹𝗮 𝗘𝘂𝗻𝗶𝗰𝗲 𝗠. 𝗭𝗮𝗯𝗹𝗮𝗻
💻: 𝗞𝘆𝗹𝗮 𝗘𝘂𝗻𝗶𝗰𝗲 𝗠. 𝗭𝗮𝗯𝗹𝗮𝗻

01/02/2026

𝐏𝐀𝐍𝐈𝐓𝐈𝐊𝐀𝐍 | Nang Tahimik

Sa umpisa'y isa ka lang tanawin,
Mukhang dadaan lang, walang nais aminin,
Isa sa ingay ng araw-araw na gawain,
Pangkaraniwan lang, walang pansin.

Pero may ngiting di ko maipaliwanag,
May tawang sa puso ko'y biglang kumakaway,
Sa simpleng usapan, oras ay lumalawig,
At mundi ko'y tila sa'yo sumasabay.

Dahan-dahan kang naging pahinga,
Sa gitna ng gulo, ikaw ang ginhawa,
Isang presensyang ayokong mawala,
Parang musika sa umagang payapa.

Di ko namalayang puso'y nahulog,
Sa bawat sandaling ikaw ay kasunod,
Bawat tingin mo'y tila may kulog,
Sa dibdib ko'y may lihim na tibok.

Ngunit may hangganan ang dapat damhin,
May linyang bawal tawirin, bawal aminin,
Kaibigan lang dapat ang tungkulin,
Kaya't puso ko'y pilit kinukubli rin.

Kaya sa gilid na lang tatawa,
Kunyaring payapa, kunwaring wala,
Itinatago ang munting pagtataka,
Kung bakit ikaw ang hinahanap ng mata.

May mga damdaming hindi dapat sabihin,
Mas ligtas kung hindi ito sambitin,
Sa katahimika'y doon ko hahabiin,
Mga lihim na ako lang ang aamin.

Kung sakaling hangin ay may dalang hiling,
Sana'y manatili ka lang sa paningin,
Kahit di maging akin ang iyong damdamin,
Masaya na akong malapit ka pa rin sakin.

Mamahalin na lang kita nang tahimik,
Sa paraang walang hinihinging balik,
Walang hiling, walang tanong na sasapit,
Pagmamahal na wagas, kahit di mo marinig.

🖋️: 𝗞𝘆𝗹𝗮 𝗘𝘂𝗻𝗶𝗰𝗲 𝗠. 𝗭𝗮𝗯𝗹𝗮𝗻
💻: 𝗞𝘆𝗹𝗮 𝗘𝘂𝗻𝗶𝗰𝗲 𝗠. 𝗭𝗮𝗯𝗹𝗮𝗻

Bunga - Jose V. Yap National High School

29/08/2026

21/08/2026

21/08/2026

19/08/2026

09/08/2026

05/08/2026

19/05/2026

15/04/2026

14/02/2026

01/02/2026

Address

Website

Alerts

Shortcuts

Share

Category

Listing takedown request