14/03/2026
Chapter 4: The Green Zone Invitation
Matapos ang Intelligence Trial, parang may nagbago sa hangin ng Aurelius Academy.
Hindi pa lumalabas ang official results, pero halata na sa mga estudyante ang tensyon.
May mga confident.
May mga kinakabahan.
At may mga tulad ko…
na kailangang magpanggap.
Habang naglalakad ako papunta sa cafeteria, napansin kong mas maraming bulungan kaysa karaniwan.
“May special challenge daw sa trial.”
“Hindi lahat naka-access doon.”
“Ang sabi may nakasagot daw ng halos perfect.”
Tahimik lang akong nagpatuloy sa paglalakad.
Pagpasok ko sa cafeteria, katulad ng dati ay nahati ito sa iba't ibang zones.
Red.
Orange.
Yellow.
Green.
Blue.
Violet.
At ang pinakamataas—
Black and White.
Dumiretso ako sa Red Zone.
Ngunit bago pa ako makarating sa counter, may humarang sa daan ko.
Green blazer.
Messy hair.
Ngumiti siya.
“Kai Mendoza,” sabi niya ulit, parang hindi pa kami nagkakilala kahapon.
Napabuntong-hininga ako.
“Alam ko.”
“Tara.”
Napakunot ang noo ko.
“Saan?”
“Green Zone.”
Hindi pwedeng basta pumasok doon ang isang Rank F.
“Hindi ako pwede doon.”
“Pwede kung may invitation.”
Ipinakita niya ang Aurelian Card niya.
“Rank privilege.”
Hindi ko alam kung bakit niya ginagawa ito.
“Bakit?”
Ngumiti siya nang kaunti.
“Kasi boring kung puro predictable na tao lang ang kausap ko.”
Napatingin ako sa paligid.
May ilang estudyante na nakatingin na sa amin.
Kapag tumanggi ako…
lalong magiging suspicious.
“Fine,” sabi ko.
Sumunod ako sa kanya papunta sa Green Zone.
Mas maaliwalas ang area.
Mas comfortable ang chairs.
At mas maayos ang pagkain.
Habang kumukuha ako ng tray, naramdaman kong may mga mata na nakatingin sa akin.
Isang Rank F…
sa Green Zone.
Hindi normal.
Umupo kami sa isang mesa sa gilid.
“Relax,” sabi ni Kai habang kumakain.
“Hindi ka naman kakainin ng mga tao dito.”
Hindi ko napigilan ang bahagyang ngiti.
Ngunit biglang tumahimik ang buong zone.
Napatingin ang lahat sa entrance.
Blue blazer.
Seraphina Cortez.
Kasama ang ilang Rank A students.
Ngunit hindi sila sa Blue Zone pumunta.
Diretso sila sa Green Zone.
At diretso…
sa mesa namin.
Huminto si Seraphina sa harap ko.
Tinignan niya ako mula ulo hanggang paa.
“Interesting.”
Tahimik ang buong paligid.
“Rank F,” sabi niya.
“Sa Green Zone.”
Walang emosyon ang mukha niya.
Ngunit ramdam ang lamig ng boses.
“Alam mo ba kung nasaan ka?”
Bago pa ako makasagot, sumingit si Kai.
“Invitation ko.”
Tumingin siya kay Kai.
“Hindi iyon ang tanong ko.”
Bumalik ang tingin niya sa akin.
“Tanong ko…”
Lumapit siya nang kaunti.
“…kung alam mo ba kung gaano ka kababa sa system ng academy na ito.”
Tahimik lang akong nakatingin sa kanya.
Hindi ako nagalit.
Hindi rin ako natakot.
Dahil sa isip ko…
alam kong hindi niya alam ang totoo.
Na ang taong kinakausap niya ngayon…
ay maaaring mas mataas pa sa rank na pinoprotektahan niya.
Ngunit bago pa ako makasagot—
may isa pang boses na narinig sa likod niya.
“Seraphina.”
Napalingon ang lahat.
Sa entrance ng Green Zone ay nakatayo si Adrian Velasco.
Violet blazer.
Rank S.
Tahimik ang buong cafeteria habang naglalakad siya papunta sa mesa namin.
Huminto siya sa tabi ni Seraphina.
Pagkatapos ay tumingin sa akin.
Diretso.
Observant.
At may kakaibang interes sa mga mata niya.
“Leave her.”
Natahimik ang paligid.
Tumingin si Seraphina sa kanya.
“Why?”
Saglit siyang tumahimik.
Pagkatapos ay sinabi niya ang mga salitang nagpahinto sa buong cafeteria.
“Because she passed the Special Challenge.”
Parang biglang nawalan ng hangin ang paligid.
Napatingin sa akin ang lahat.
Hindi ako gumalaw.
Hindi ako nagsalita.
Dahil sa sandaling iyon—
alam kong nagsimula na ang problema.
Dahil kung nalaman ni Adrian ang tungkol sa Special Challenge…
gaano pa karami ang alam niya?
At mas mahalaga—
gaano pa karami ang kaya niyang malaman?
