19/05/2026
๐ข๐ฃ๐๐ก๐ฌ๐ข๐ก | ๐๐ข๐ฃ๐ถ๐ญ๐ข๐ฏ: ๐๐ข๐ฌ๐ฃ๐ถ๐ฉ๐ข๐ฏ ๐ข๐ฏ๐จ ๐๐ถ๐ด๐ต๐ช๐ด๐บ๐ข
nina Gem Rodil at Jamella Macalanda
Nagsimula ang habulan sa 'pagbabalik' sa Senado ni Sen. Ronald โBatoโ dela Rosa noong nakaraang linggo matapos ang sunod-sunod niyang pagliban sa mga sesyon at tila pag-iwas sa publiko sa loob ng ilang buwan dahil sa umanoโy banta ng posibleng warrant of arrest mula sa International Criminal Court (ICC). Kaugnay ito ng imbestigasyon laban kay dating Pang. Rodrigo Roa Duterte hinggil sa mga extrajudicial killings (EJKs) sa ilalim ng war on drugs, kung saan naging sentro rin ng atensyon si dela Rosa bilang dating hepe ng Philippine National Police (PNP) noong mga panahong iyon.
Dahil sa pitong buwan niyang pagkawala sa mata ng publiko, umugong ang pagbatikos ng maraming mamamayan sa patuloy niyang pagtanggap ng sahod bilang senador kahit madalas hindi siya dumadalo sa mga sesyon sa Senado. Dapat linawin, gayunpaman, na hindi umalis ng bansa si Sen. Bato dela Rosa sa buong panahon ng kaniyang pagkawala sa publiko at nanatili lamang sa Pilipinas. Kaya naman naging malaking usapin ang kaniyang biglaang pagdalo nitong Mayo 14, na nagsimula sa simpleng tawag ni Sen. Peter Cayetano, na personal pa siyang inimbitahan na pumasok at isinabay pa sa kaniyang sariling van patungong Senado. Ang pagdalong ito ay naging susi sa naganap umano na 'change of leadership,' dahil siya ang kukumpleto sa labintatlong boto na kinailangan para sa panig ni Sen. Cayetano.
Sa kaniyang 'pagbabalik', naging emosyonal si Senator Bato at agad na nagpahayag ng kaniyang pagkadismaya sa mga bumabatikos sa kaniya. Aniya, "Kung hindi pumapasok, hinahanap n'yo ako. Di ba? Ngayong pumapasok ako, tatanungin n'yo ako bakit ako pumapasok!" Ang kaniyang pahayag ay mabilis na kumalat sa social media at naging sentro ng samuโt saring reaksyon mula sa publiko.
Kasunod nito, sinalubong siya ng mga tauhan ng National Bureau of Investigation (NBI) upang isilbi ang arrest warrant na inilabas kaugnay ng ICC case. Nauwi pa ito sa tensyon at kaguluhan sa loob ng Senado, dahilan upang marami ang magkumpara sa pangyayari sa isang โfun runโ o โcircus.โ Bagamaโt naging katatawanan ito para sa ilan, hindi maikakailang seryoso ang usaping nakapaloob dito.
Higit pa sa eksena ng habulan, mas mahalagang pag-isipan kung ano ang ipinapakita nito tungkol sa pananagutan ng mga opisyal ng gobyerno. Bilang mga halal na lingkod-bayan, inaasahang magiging ehemplo sila ng paggalang sa batas at kahandaang humarap sa anumang akusasyon o proseso ng hustisya.
Nakakabahala ring isipin na habang maraming ordinaryong mamamayan ang agad na napapanagot sa oras na silaโy mapagbintangan, may ilang makapangyarihang personalidad na tila may kakayahang umiwas, magpaliban, o gawing drama ang isang seryosong usapin. Sa halip na malinaw na pagpapaliwanag at tahasang pananagutan, emosyon at kaguluhan ang mas nangingibabaw na nakikita ng publiko.
Sa huli, ang pangyayaring ito ay hindi lamang tungkol kay Senador dela Rosa. Isa itong repleksyon ng mas malawak na suliranin sa ating lipunanโang kultura ng pag-iwas sa pananagutan ng ilang nasa kapangyarihan. Habang nagpapatuloy ang tila โhabulanโ sa pagitan ng batas at ng mga opisyal ng pamahalaan, ang tunay na nawawalan ay ang tiwala ng mamamayan sa hustisya at sa mismong sistema ng gobyerno.
Ang Senado ay hindi entablado para sa isang palabas. Ito ay institusyong dapat nagsisilbing simbolo ng dignidad, integridad, at paggalang sa batas. Sapagkat sa dulo ng lahat ng ito, walang sinomanโmaging ordinaryong mamamayan o mataas na opisyal man ng bansaโang dapat mas mataas sa batas.
~ dibuho ni fiend
