19/09/2026
๐๐๐ง๐๐๐๐๐๐ก | ๐๐ข ๐๐ถ๐ธ๐ข๐ฏ๐จ ๐ฏ๐จ ๐๐ข๐จ๐ฅ๐ข๐ฎ๐ข๐บ
๐๐๐ง๐๐ง๐๐ฃ๐๐ ๐ฃ๐๐ฎ๐ค ๐๐ โ๐ ๐ค?
๐๐ด๐ข๐ฏ๐จ ๐ฉ๐ช๐ฎ๐ช๐จ, ๐ช๐ด๐ข๐ฏ๐จ ๐ฃ๐ถ๐ญ๐ฐ๐ฏ๐จ, ๐ช๐ด๐ข๐ฏ๐จ ๐ต๐ช๐ฏ๐ช๐จ ๐ฏ๐ข ๐ฎ๐ข๐ข๐ข๐ณ๐ช๐ฏ๐จ ๐ฏ๐ข๐ญ๐ถ๐ญ๐ถ๐ฏ๐ฐ๐ฅ ๐ฏ๐ข ๐ด๐ข ๐ช๐ฏ๐จ๐ข๐บ ๐ฏ๐จ ๐ฎ๐จ๐ข ๐ฏ๐ข๐จ๐ฌ๐ข๐ฌ๐ข๐ญ๐ถ๐ด๐ฌ๐ถ๐ด๐ข๐ฏ๐จ ๐ฑ๐ข๐ฑ๐ฆ๐ญ, ๐ฌ๐ข๐ด๐ข๐ฃ๐ข๐บ ๐ฏ๐จ ๐ถ๐ฎ๐ข๐ข๐ญ๐ช๐ฏ๐จ๐ข๐ธ๐ฏ๐จ๐ข๐ธ ๐ฏ๐ข ๐ต๐ข๐ธ๐ข๐ฏ๐ข๐ฏ, ๐ข๐ต ๐ฎ๐ข๐ฑ๐ข๐จ๐ญ๐ข๐ณ๐ฐ๐ฏ๐จ ๐ฎ๐จ๐ข ๐ฌ๐ถ๐ธ๐ฆ๐ฏ๐ต๐ฐ๐ฏ๐จ ๐ฎ๐ข๐ณ๐ข๐ฉ๐ช๐ญ ๐ข๐บ ๐ฎ๐ข๐ด ๐ฎ๐ข๐ฅ๐ข๐ญ๐ช๐ฏ๐จ ๐ด๐ข๐ฃ๐ช๐ฉ๐ช๐ฏ ๐ฌ๐ข๐บ๐ด๐ข ๐ด๐ข ๐ฎ๐จ๐ข ๐ฅ๐ข๐ฎ๐ฅ๐ข๐ฎ๐ช๐ฏ๐จ ๐ฎ๐ข๐ญ๐ข๐ญ๐ช๐ฎ ๐ฌ๐ถ๐ฏ๐จ ๐ฌ๐ช๐ฎ๐ฌ๐ช๐ฎ๐ช๐ฏ.
Sa isang kampus kung saan sabay-sabay na hinaharap ng mga mag-aaral ang mga pang-akademikong pangangailangan, mga personal na suliranin, at mga pagbabagong dala ng pagtuntong sa panibagong yugto ng kanilang mga buhay, karaniwan nang hindi madalas marinig ang bawat nilang paghingi ng tulong at saklolo. Kadalasan, pumaiilalim ito sa mga ngiting hindi tumutugma sa pagod ng mga mata o mga katahimikang madalas mapagkamalang karaniwang bahagi na lamang ng isang araw.
Sa ganitong mga tagpo, may mga payak na umaalalay sa mga pusong minsang nanghihimagodโ๐ช๐ต๐ฐ ๐ข๐บ ๐ข๐ฏ๐จ ๐๐ฆ๐ฆ๐ณ๐ด.
Ang Peers, o SLSU-TC Peerkada ay isang peer-led support group, na sakop ng serbisyong hatid ng Guidance Office, at isang grupo na mayroong layunin na paigtingin ang peer support sa loob ng kampus. Sa pamamagitan ng mga pagsasanay, ang peers ay inihanda bilang mga Peer Facilitator, Mental Health Advocate, Emotional First Aider (Wellness Companion o Care Ally), at Referrer. Bagaman magkakaiba ang anyo, nagkakaisa ang papel nito sa pagiging katuwang ng mga mag-aaral sa mga mabibigat na pasanin, na kung minsan ay mahirap harapin nang mag-isa.
Sa puwang ng kanilang pagdamay, sila ay maaaring maging unang kamay na umaabot, unang tainga na nakikinig, at unang kasama na tumutulong tuklasin kung anong uri ng suporta ang higit na kinakailangan. Bahagi ng kanilang tungkulin ang pagre-refer sa mga taong may sapat na kaalaman, at mayroong mas kakayahan na umagapay sa mga pangambang hindi na sakop ng kanilang kapasidad, sapagkat ang pinakapuso ng Peerkada ay hindi ang pagsagot sa lahat ng problema, kung hindi ang matiyak na walang kailangang magdala ng bigat nang mag-isaโ ๐ฅ๐ข๐ฉ๐ช๐ญ ๐ข๐ฏ๐จ ๐ฎ๐ข๐ฃ๐ช๐ฃ๐ช๐จ๐ข๐ต ๐ฏ๐ข ๐ฃ๐ข๐จ๐ข๐บ ๐ข๐บ ๐ฃ๐ข๐ฉ๐ข๐จ๐บ๐ข๐ฏ๐จ ๐จ๐ถ๐ฎ๐ข๐จ๐ข๐ข๐ฏ ๐ฌ๐ข๐ฑ๐ข๐จ ๐ฎ๐ข๐บ ๐ฌ๐ข๐ณ๐ข๐ฎ๐ข๐บ ๐ฌ๐ข.
Sa kabila nito, may mga suliranin pa ring hindi nila kayang akuin, at may mga bagay pa rin na hindi nila kayang gamutin. Hindi sila kapalit ng isang therapist, hindi sila kapalit ng isang propesyonal, sa halip, sila ay mga taong marunong makinig, maghandog ng presensya, umunawa, at kumilala sa bigat na dala ng iba. Ang pagiging peer ay hindi nangangahulugang tuluyang akuin ang lahat. Hindi nila kailangang maging tagapagligtas, tagapayo sa bawat suliranin, o sisidlan ng lahat ng bigat na maaaring ilapag sa kanilang harapan dahil may mga sitwasyong nangangailangan ng higit pa sa kanilang pakikinig, at ito ay ang paggabay upang makamit ng bawat estudyante ang mas angkop na suporta mula sa tulong ng mga propesyonal, at ng mayroong mas higit na kaalaman. Ang pagkilala sa mga hangganang iyon ay hindi pagtalikod sa kanilang gampanin, bagkus, ito ay ang pag-aalaga rin sa kanila na nag-alay ng suporta, at pang-unawa sa iba. Dahil minsan, maging ang mga takdang maging sandalan ay kailangan din ng sandigan, at maaari ring pagdudahan ang pagharap sa mundo habang patuloy na sinusubukang tumindig para sa kapwa tao.
Ang tunay na layunin ng peers ay hindi ang lumikha ng mga taong walang pangamba, kung hindi ay lumilikha ng isang komunidad kung saan walang sinuman ang kailangang magdala ng bigat nang mag-isa. Marahil, ito ang pinakamahalagang maiaalok ng Peerkada sa loob ng kampusโ hindi ang pangakong mawala ang mabibigat na dala, sa halip ay ang posibilidad na sa mga daraang araw, ay mas malawak na ang espasyong laan sa pakikinig at pag-unawaโna sa minsang may tinig na muling sambitin ang mga katagang โ๐ฏ๐ข๐ณ๐ช๐ณ๐ช๐ฏ๐ช๐จ ๐ฏ๐ช๐บ๐ฐ ๐ฃ๐ข โ๐ฌ๐ฐ?โ ay mayroong mga dalunggan na handang makinig mula sa puso ng kanilang serbisyo.
Sa isang kampus na may sari-sariling ritmo, nawaโy bigyang puwang pa rin ang mga tinig na halos hindi na marinig, at ang mga pusong marunong huminto upang makinig dito nang buo. Sapagkat ang isang maalagang kampus ay hindi nasusukat sa kung gaano ito katahimik, sa halip, ay sa kung gaano ito kahandang makinig.
~ panulat ni Micaela Escamillas
~ paglalapat ni Princess Basit
