Ilonggo News Live Public Affairs

18/08/2025

NEWLY IDENTIFIED DRUG PERSONALITY DAKOP SA BUY-BUST OPERATION SANG SDET-ICPS-7 SA CITY PROPER


ILOILO CITY --- Dakop ang newly identified drig personality sa buy-bust operation sang Station Drug Enforcement Team-Iloilo City Police-7 sa Ledesma Street, Brgy. Kahirupan, City Proper, la 1:15 sang kaagahon, Agosto 19, Martes.

Ginkilala ang suspek sa kay Jeneil Boston 32 anyos, may asawa kag is aka bata, traysikad driver, residente sang Brgy. West Habog-habog Molo.

Aminado si Jeneil nga nagagamit kag nagabaligya ini sang druga bangud sa kapigaduhon.

Gintuad sang suspek nga tatlo pa lang siya ka adlaw nga nag-intra sang ilegal nga aktibidad kag kaina lang nkagamit sang druga.

Sa interview sang Ilonggo News Live kay Police Captain Michael Tuburan, Officer-In-Charge sang ICPS-7, ginaphayag sini nga nagdangat sa tatlo ka semana ang ila monitoring antes pa ang madinalag-on nga operasyon.

Magapatigayon pa sang interogasyon sa suspek para matul-id ang ginhalinan sang druga nga iya ginabaligya.

Nabaklan ang suspek sang isa ka sachet sang suspected shabu gamit ang P3 500.00 bilang drugbust-money.

Nakuhaan pa gid dugang sa paghinakop sini sang 6 pa ka mga sachet sang druga nga nasulod sa isa ka coin-purse.

Nagabug-at ang taanan nga narekober sang 5 ka gramos kag may estimated standard drug price nga P34,000.00.

Nakahunong na ang suspek sa ICPS-7 kag magapagatubang sang kaso sa paglapas sa Republic Act 9165 ukon ang Comprehensive Dangerous Drugs Act of 2002.



Arnold Cantores Soqueña || Aug. 19, 2025

18/08/2025

17/08/2025

SLI DAKOP SA BUY-BUST OPERATION SANG SDET-ICPS-1 SA YULO-ARROYO, CITY PROPER


ILOILO CITY --- Dakop ang isa ka Street Level Individual sa buy-bust operation sang Station Drug Enforcement Team-Iloilo City Police Station-1 sa isa ka boarding house sa Brgy. Yulo-Arroyo, City Proper, las 11:50 sang gab-i, Agosto 17, Domingo.

Ginkilala ang suspek sa kay Anna Rose Dalopines alyas Nene Rose 31 anyos, freelance s*x worker, naga-istar sa Brgy. Bolilao Mandurriao.

Nagapanginwala si "Nene Rose" nga nagabaligya ini sang ilegal nga druga, apang aminado nga nagagamit ini.

Apang sa dalayon naton nga pagpanghusisa ginasugo lang agud magdul-ong sang ilegal nga druga sa iya mga parokyano.

Dugang pa ni Nene Rose nga permi ginagamit ang cellphone sa pagtransaksyon sang ilegal nga druga kag masami iya giandul-ong sa mga lodging houses.

Sa interview sang Ilonggo News Live kay Police Captain Melchor Tolentino, Officer-In-Charge, ginaphayag sini nga nagdangat sa tatlo ka semana ang ila monitoring antes pa ang madinalag-on nga operasyon.

Dugang pa ni Tolentino nagahalin sa distrito sang La Paz ang druga nga ginabaligya sang suspek sa iya mga suki Brgy. Yulo'-Arroyo kag Bolilao sa Mandurriao.

Nabaklan ang subject person sang isa ka sachet sang suspected shabu gamit ang P1,000 bilang drugbust-money.

Nakuhaan pa gid dugang sa paghinakop sini sang 4 pa ka mga sachet sang druga nga nasulod sa isa ka -coin-purse nga nagaduag itom nga nakuha sa iya nga bag.

Nagabug-at ang tanan nga narekober sang 4 ka gramos kag may estimated standard drug price nga P27,200.00.

Nakahunong na sa ICPS-1 ang suspek kag magapagatubang sang kaso sa paglapas sa Republic Act 9165 ukon ang Comprehensive Dangerous Drugs Act of 2002.

|| Aug. 17, 2025

Arnold C Soqueña
Jongjong Labto

16/08/2025

16/08/2025

WARNING

INDI MAGPABIKTIMA SA SCAM!

Indi matuod nga may nagapanglista gikan sa opisina ni Rep. Julienne “Jam” Baronda para mahatagan sang P25,000 nga ayuda.

Wala sang kaangay nga pagpanagtag sang ayuda ang ginapatigayon.

Scam ini o mahimo nga sahi man ini sang propaganda sang pila ka grupo para gub-on ang inyo pagsalig kag suporta sa aton .

Mag-andam gid. Indi magpabiktima.



Arnold Cantores Soqueña || Aug.16, 2025

16/08/2025

MASOBRA P400,000.00 BALOR SANG ILEGAL NGA DRUGA ANG NAKOMPISKAR SANG ISDET-ICPS-2 SA HVI SA SAN NICOLAS LA.PAZ


ILOILO CITY --- Masobra P400,000.00 balor sang ilegal druga ang narekober sa High Value Individual (HVI) sang Station Drug Enforcement Team-Iloilo City Police Station-2, sa Zone 2, Brgy.San Nicolas, las 11 : 03 sang gab-i, Agosto 15, Biyernes.

Ginkilala ang suspek sa kay Mark Anthony Pasol 45 anyos, soltero Kag residente sang nasambit nga lugar.

Sa interview sang Ilonggo News Live kay Police Captain Jeffrey Delgado, Officer-In-Charge sang ICPS-2, ginpahayag sini halin pa bulan sang Hulyo ang ila monitoring antes pa ang madinalag-on nga operasyon.

Dugang pa ni Delgado nagahalin sa palibot ang sang Iloilo City nga ginapaagi sa dead-drop kon kaisa kaliwaan man ang modus sa pagtransaksyon druga sang nasmvit nga suspek.

Nabaklan si Pasol sang isa ka sachet sang suspected shabu gamit ang P1,100.00 bilang drugbust-money.

Nakuhaan pa gid dugang sa paghinakop sini sang 9 pa ka mga sachet nga nasulod sa isa ka coin-purse nga nagaduga sang gray sa diin dira man nakasulod ang buy-bust money nga nakuha sa iya nawala nga bulsa.

Narekober man sa lugar ang digital weighing scale, empty plastic sachet, aluminum foil, lighter, scissor, improvised tooter, drug residue kag iban pa nga mga drug paraphernalia.

Nagabug-at tanan nga narekober sang 60 gramos kag may estimated standard drug price nga P 408, 000.00.

Hunong na karon sa ICPS-2 ang suspek kag magapagatubang sang kaso sa paglapas sa Republic Act 9165 ukon ang Comprehensive Dangerous Drugs Act of 2002.

| Aug. 16, 2025

Arnold C Soqueña
Jongjong Labto