14/02/2025
๐๐ถ๐ป๐ฑ๐ผ๐น ๐๐ฎ ๐ด๐ฎ๐ฏ๐ถ ๐ป๐ด ๐ฉ๐ฎ๐น๐ฒ๐ป๐๐ถ๐ป๐ฒโ๐ ๐๐ฎ๐, ๐ป๐ฎ๐ฟ๐ฎ๐บ๐ฑ๐ฎ๐บ๐ฎ๐ป ๐๐ฎ ๐๐ฎ๐๐๐ฒ๐ฟ๐ป ๐ฉ๐ถ๐๐ฎ๐๐ฎ๐
EASTERN VISAYAS โ Isang magnitude 5.6 na lindol ang yumanig sa Eastern Visayas sa mismong gabi ng Araw ng mga Puso, Pebrero 14, 2025. Nangyari ito bandang 8:50 PM at ang sentro ng lindol ay 40 kilometro hilagang-silangan ng Hernani, Eastern Samar, at may lalim na 10 kilometro.
Ang lindol ay dulot ng paggalaw ng mga bitak sa ilalim ng lupa. Maraming lugar sa Eastern Visayas ang nakaramdam ng pagyanig. Pinakamalakas ito sa Palo, Leyte, kung saan umabot sa Intensity III. Ganoon din ang lakas ng pagyanig sa Can-Avid, Eastern Samar; Carigara, Dulag, at Abuyog, Leyte; at Gandara, Samar.
Samantala, mas mahina naman ang naramdaman sa Burauen at Kananga, Leyte; Villareal, Basey, at Marabut, Samar na umabot lang sa Intensity II. Sa iba pang lugar tulad ng Naval, Biliran; Isabel, Leyte; Mapanas, Northern Samar; at Sogod, Southern Leyte, mahina lamang ang pagyanig sa Intensity I.
Ayon sa PHIVOLCS, walang inaasahang pinsala, ngunit posibleng magkaroon ng aftershocks. Pinapayuhan ang lahat na manatiling kalmado at maging handa sakaling muling may maramdaman na pagyanig.
Sa kabila ng malawakang epekto ng lindol sa buong Silangang Visayas, wala namang naiulat na nasaktan o nasirang ari-arian.
