CAVITE CONNECT

CAVITE CONNECT For collaboration inquiries, kindly send email.
📩 [email protected]

Ramdam ang matinding init sa Cavite City ngayong araw matapos umabot sa tinatayang 44°C ang init sa Sangley Point, na it...
13/05/2026

Ramdam ang matinding init sa Cavite City ngayong araw matapos umabot sa tinatayang 44°C ang init sa Sangley Point, na itinuturing na “mala impyernong” temperatura ng mga residente at kawani sa lugar.

Ayon sa ulat, sobra ang init na nararanasan sa naturang bahagi ng lungsod, dahilan upang magpaalala ang mga awtoridad sa publiko na umiwas sa direktang sikat ng araw, uminom ng maraming tubig, at magsuot ng preskong damit upang maiwasan ang heat exhaustion o heat stroke.

Patuloy na pinapayuhan ang lahat na maging maingat sa ganitong matinding kondisyon ng panahon.

Ipinahayag ng United States Trade and Development Agency ang suporta nito sa planong pagtatayo ng bagong internasyonal n...
13/05/2026

Ipinahayag ng United States Trade and Development Agency ang suporta nito sa planong pagtatayo ng bagong internasyonal na paliparan sa Cavite, na layong palakasin ang koneksyon sa transportasyon sa pagitan ng Pilipinas at Estados Unidos.

Aprobado na ang pondo para sa pagsasagawa ng feasibility study ng panukalang Sangley Point International Airport, na inaasahang makakatulong sa pag-decongest ng Ninoy Aquino International Airport at maging pangunahing international gateway ng bansa.

Ayon sa USTDA, ipinagkaloob ang grant sa Philippine project developer na Cavitex Holdings Inc., na pumili naman sa California-based na SAP Group LLC para magsagawa ng pag-aaral.

Layunin ng proyekto na mapabuti ang kapasidad ng paliparan para sa pasahero at kargamento, pati na rin mapalakas ang seguridad at modernong sistema ng operasyon. Bahagi rin ito ng mas malawak na Luzon Economic Corridor na naglalayong palakasin ang konektibidad at ekonomiya sa rehiyon.

Ayon sa USTDA, makatutulong ang proyekto sa pagtugon sa lumalaking demand sa biyahe at patuloy na pagsisikip ng mga paliparan sa Metro Manila.

News source: Philstar

Patuloy na nananatiling aktibo ang industriya ng asin sa bayan ng Noveleta kung saan maraming pamilya pa rin ang umaasa ...
13/05/2026

Patuloy na nananatiling aktibo ang industriya ng asin sa bayan ng Noveleta kung saan maraming pamilya pa rin ang umaasa sa tradisyunal na pag-aasin bilang kabuhayan, bagama’t aminado ang ilang sektor na nabawasan ang bilang ng mga mang-aasin sa paglipas ng panahon.

Isa sa mga itinuturong dahilan ay ang pagpapatupad ng Republic Act No. 8172 o mas kilala bilang ASIN Law, na nag-aatas ng iodization ng asin upang matugunan ang kakulangan sa iodine at mapalakas ang kalusugan ng mamamayan. Dahil dito, nagbago ang ilang proseso sa produksyon na nakaapekto sa tradisyunal na gawain ng mga asindero.

Kamakailan, bumisita si Noveleta Vice Mayor Dino Chua sa ilang asinan upang personal na makita ang kalagayan ng mga manggagawa at alamin ang mga hamon na kinakaharap ng sektor.

Ayon sa lokal na pamahalaan, patuloy ang kanilang pagsuporta sa mga asindero sa pamamagitan ng mga programa at inisyatiba na layuning mapanatili ang kabuhayan habang isinusulong ang modernisasyon at pagsunod sa pambansang pamantayan.

Layunin ng LGU na mapanatili ang natitirang industriya ng asin sa Noveleta bilang bahagi ng kultura at kasaysayan ng bayan, habang sinisiguro na ito ay makakasabay sa mga patakarang pangkalusugan at pangkabuhayan ng bansa.

Isang ama ang lumapit sa Pamahalaang Bayan ng Tanza upang humingi ng tulong matapos ang malungkot na pangyayari sa kanil...
13/05/2026

Isang ama ang lumapit sa Pamahalaang Bayan ng Tanza upang humingi ng tulong matapos ang malungkot na pangyayari sa kanilang bagong silang na sanggol na pumanaw.

Ayon sa ulat, dala ang mabigat na sitwasyon ng pamilya, agad silang humingi ng assistance sa lokal na pamahalaan upang maisaayos ang maayos na pagpapalibing ng sanggol.

Agad namang umaksyon ang pamahalaan sa pangunguna ni Mayor SM Matro at sinagot ang tulong para sa libing ng sanggol. Tiniyak din ng LGU ang karagdagang suporta sa pamilya, kabilang ang tulong sa asawa ng ama na kasalukuyang naka-confine sa ospital.

Nagbigay rin ng ₱10,000 cash assistance ang lokal na pamahalaan upang makatulong sa pang-araw-araw na pangangailangan ng pamilya habang patuloy nilang hinaharap ang mabigat na pagsubok.

Ayon sa mensahe ng alkalde, “𝗠𝗔𝗛𝗜𝗥𝗔𝗣 𝗠𝗔𝗚𝗜𝗡𝗚 𝗠𝗔𝗛𝗜𝗥𝗔𝗣. 𝗦𝗨𝗕𝗔𝗟𝗜𝗧 𝗠𝗔𝗦 𝗠𝗔𝗛𝗜𝗥𝗔𝗣 KUNG WALANG GOBYERNONG HANDANG MAKINIG AT UMALALAY SA PANAHON NG PANGANGAILANGAN.”

Nagpahatid din ng pakikiramay ang Pamahalaang Bayan ng Tanza at tiniyak na patuloy na nakaalalay ang LGU sa mga pamilyang dumaranas ng matinding pagsubok sa buhay.

Lubos na pakikiramay ang ipinaaabot ng lokal na pamahalaan sa naulilang pamilya.

Namahagi ng mga school supplies ang Pamahalaang Bayan ng Alfonso, Cavite para sa mga mag-aaral sa elementarya sa mga pam...
13/05/2026

Namahagi ng mga school supplies ang Pamahalaang Bayan ng Alfonso, Cavite para sa mga mag-aaral sa elementarya sa mga pampublikong paaralan, bilang paghahanda sa nalalapit na pagbubukas ng klase.

Ayon kay Mayor Randy Salamat, layunin ng programang ito na matulungan ang mga estudyante at maibsan ang gastusin ng mga magulang sa darating na school year.

“Ready na po bang mag back to school ang ating mga chikiting? Sa pamamagitan po ng pondo ng ating bayan, muli po tayong nakapagbahagi ng school supplies para sa mga minamahal nating mga estudyante sa elementarya sa mga pampublikong paaralan. Hindi man po mabigyan ang lahat ng estudyante, taon-taon po ay sinisikap nating mabigyan ang ilang baitang,” pahayag ng alkalde.

Nagpahayag din siya ng pasasalamat sa mga nagbabayad ng buwis na aniya’y malaking bahagi ng naturang programa.

“Maraming salamat po sa ating mga taxpayers! Malaking tulong po ito para sa edukasyon ng ating mga bata’t kabataan sa darating na school year,” dagdag pa nito.

Patuloy naman ang pagsisikap ng lokal na pamahalaan na makapaghatid ng mga programang sumusuporta sa sektor ng edukasyon sa bayan.

Kinumpirma ng Sangguniang Panlalawigan ng Cavite na mayroon nang ganap na naipatupad na healthcare proxy policy o mas ki...
13/05/2026

Kinumpirma ng Sangguniang Panlalawigan ng Cavite na mayroon nang ganap na naipatupad na healthcare proxy policy o mas kilala bilang “Right to Care” ordinance sa lalawigan.

Ang ordinansa ay akda ni 6th District Board Member Kerby Javier Salazar at suportado ng kaniyang kapwa board members sa Sangguniang Panlalawigan ng Cavite.

Sa ilalim ng Provincial Ordinance No. 532-2026 na pirmado noong Abril 20, 2026, maaari nang magtalaga ang isang pasyente ng taong magdedesisyon para sa kanilang pangangalagang medikal sakaling hindi na nila ito magawa dahil sa kanilang kondisyon.

Layunin ng ordinansa na mas mapangalagaan at marespetuhan ang kagustuhan ng mga pasyente kabilang ang mga solo parent, single, nasa same-sex relationships, at mga kabilang sa non-traditional households pagdating sa usaping pangkalusugan.

Ayon sa ordinansa, ang mga itatalagang healthcare proxy ay bibigyan ng “CareCavite ID” na kailangang i-renew taon-taon.

Nakasaad din na kailangang parehong sumailalim sa renewal process ang principal at ang healthcare proxy upang mapatunayan ang patuloy nilang pahintulot at kasunduan. Mananatiling balido ang CareCavite ID hangga’t hindi ito pormal na binabawi ng principal.

Dagdag pa rito, inaatasan ang mga healthcare provider na agad kilalanin ang bisa ng CareCavite ID at ang kapangyarihang ibinibigay nito sa healthcare proxy sa oras na ito ay maipakita.

Nilinaw rin sa ordinansa na maaari lamang magdesisyon ang healthcare proxy para sa principal kapag hindi na ito mental at pisikal na kayang gumawa ng sariling desisyon, at kung ang first-degree relative ay wala o hindi rin kayang magdesisyon.

Ayon pa sa ordinansa, kinakailangang sertipikahan muna ng attending physician ang kawalan ng kakayahan ng principal na gumawa ng healthcare decisions at ito ay dapat maitala nang maayos sa medical records bago magamit ng healthcare proxy ang kaniyang kapangyarihan, maliban na lamang kung kinakailangan ng agarang life-saving intervention.

Sa pamamagitan nito, nakasama na ang Cavite sa lumalawak na listahan ng mga lugar sa Pilipinas na may healthcare proxy o “Right to Care” policy.

Nagsibabaan ng bus ang mga pasahero matapos mabulabog nang batuhin at mabasag ang bintana sa passenger seat ng isang Sau...
13/05/2026

Nagsibabaan ng bus ang mga pasahero matapos mabulabog nang batuhin at mabasag ang bintana sa passenger seat ng isang Saulog Transit bus.

Naganap ang insidente kagabi sa kahabaan ng Antero Soriano Highway sa Brgy. Sahud Ulan, Tanza.

Patuloy naman ang isinasagawang imbestigasyon ng mga awtoridad kaugnay sa insidente.

“‘Kain na, puro kwento!’ pabirong sabi ni Deo Balbuena o mas kilala bilang si Diwata sa isang vlogger na nag-feature ng ...
13/05/2026

“‘Kain na, puro kwento!’ pabirong sabi ni Deo Balbuena o mas kilala bilang si Diwata sa isang vlogger na nag-feature ng kanyang paresan sa General Trias City.

Matatandaang nangako si Diwata na hindi na siya magtataray sa mga customer at vloggers na bumibisita sa kanyang paresan.

12/05/2026

PANOORIN | Lalaki, humingi ng tulong kay Tanza Cavite Mayor Sm Matro upang maipalibing ang kanyang anak.

Video source: Matro Bros

42°C na heat index ang inaasahang mararanasan ngayong araw sa Sangley Point sa Cavite City, ayon sa latest forecast ng P...
12/05/2026

42°C na heat index ang inaasahang mararanasan ngayong araw sa Sangley Point sa Cavite City, ayon sa latest forecast ng PAGASA.

Ayon sa PAGASA, kabilang ang 42°C heat index sa ilalim ng “danger” category kung saan posible ang heat cramps at heat exhaustion, habang may mataas ding panganib ng heat stroke kapag matagal na nabilad sa init.

Pinapayuhan ang publiko na umiwas sa matinding sikat ng araw lalo na mula alas-10 ng umaga hanggang alas-4 ng hapon, uminom ng maraming tubig, at magsuot ng preskong damit upang makaiwas sa mga sakit na dulot ng matinding init.

Magpaalala rin sa mga bata, senior citizens, at outdoor workers na maging maingat ngayong nararanasang matinding init ng panahon sa Cavite.

Sinabi ni Cong Kiko Barzaga na tila “sure win” na umano si VP Sara sa Cebu at Cavite, ngunit kailangan pa rin daw nilang...
12/05/2026

Sinabi ni Cong Kiko Barzaga na tila “sure win” na umano si VP Sara sa Cebu at Cavite, ngunit kailangan pa rin daw nilang palawakin ang kanilang hanay upang mas matiyak ang tagumpay nito sa susunod na halalan.

“Mukhang sure win na ang Duterte sa Cebu at sure win na sila sa Cavite. But we have to expand, we have to grow our numbers,” dagdag niya.

Ayon pa kay Barzaga, inaasahan nilang lalo pang dadami ang kanilang suporta hanggang sa makamit umano ang “landslide victory” sa 2028 elections.

Address

Trece Martires
4109

Website

Alerts

Be the first to know and let us send you an email when CAVITE CONNECT posts news and promotions. Your email address will not be used for any other purpose, and you can unsubscribe at any time.

Contact The Business

Send a message to CAVITE CONNECT:

Shortcuts

Share

Category