10/03/2026
Trentohanons, among ipahinumdom nga nagpabilin gihapon ang implementasyon sa fare matrix sa atong lungsod sumala sa Municipal Ordinance No. 0187, Series of 2023. Ang madakpan nga mosupak sa maong balaod makabayad ug Php 500 sa unang paglapas, Php 1,000 sa ikaduhang paglapas, ug Php 2,500 sa ikatulong paglapas ug revocation sa Mayor’s Permit sulod sa duha ka tuig.
Ginaaghat usab ang mga pasahero nga magpabilin nga maalamon ug magpahibalo, uban sa MTOP Number sa nasakyan, kon aduna moy masinati nga dili hustong pamasahe pinaagi sa BPLO Hotline: 0907 121 8461
Sa pagkakaron, ang Business Permits and Licensing Office, uban sa Trento Municipal Police Station, nagpadayon sa pagmonitor sa fuel prices sa mga fuel stations aron masiguro nga patas ug walay dili awtorisadong pagsaka sa presyo uyon sa price range sa atong Department of Energy.
Hinaut nga sa atong adlaw-adlaw nga paningkamot, magpabilin kitang makiangayon ug mapasinabtunon sa usag usa. Ang pagrespeto sa hustong pamasahe dili lamang pagsunod sa balaod, kondili pagpakita usab sa atong pag-amping ug pagrespeto sa isigkatawo.
