DZCV Tuguegarao City

07/08/2026

DAMDAMAG ALAS SIETE WITH CADEL TRILLES
AUGUST 8,2026

07/08/2026

HALOS 10 METERS NA ANG TINAASAN NG WATER ELEVATION NG MAGAT DAM

Sa loob ng mahigit isang linggo ngayong buwan ng Agosto nadagdagan ng halos sampung metro na ang water level ng Magat dam sa Ramon Isabela.

Batay sa inilabas na Dam update ng NIA MARIIS kaninang alas singko ng umaga (5am) nasa 168.05 meter above sea level na ang antas ng tubig ng dam.

Araw araw nadadagdagan ang water level ng dam mula ng makaranas ng below critical low water level na mas mababa pa sa 160 masl. Magpagayunman mas mababa pa rin ng 11.5 meters kumpara sa normal rule curve nitong 179.55 masl.

Nakakaranas ng pag-uulan sa water shed area ng dam na dahilan ng unti unting pagtaas ng water level nito. Matatandaan na noong panahon na umabot ng critical low ang water level ng dam nakaranas ng fish kill sa mga tilapia fish cages sa lugar.

07/08/2026

APAT TIMBOG SA ISANG DRUG DEN SA BAYOMBONG NUEVA VIZCAYA

Nakorner sa isinagawang joint drug buy bust operation sa bahagi ng Barangay Salvacion, Bayombong Nueva Vizcaya ang apat na hinihinalang drug personality na pawang mga construction worker.

Batay sa report ng PDEA Regional Office 2, pare-parehong nasa lugar ang mga suspek na itinago sa pangalang Marco, 42 anyos, Manuel, 37 anyos, Rico, 27 anyos at si Randy, 22 anyos ng ikasa ang operasyon sa nasabing lugar.

Nasamsam sa operasyon ang anim na piraso ng heat sealed sachet na naglalaman ng walong gramo ng shabu na may market price na 54 thousand 400 pesos, ang ginamit na marked money, iba’t ibang drug paraphernalia at isang unit ng cellphone.

Sinabi ng PDEA na swak ang apat sa kasong paglabag sa sections 5,6,7, 11 at 12 ng RA 9165 o Dangerous Drugs Act of 2002. Pansamantalang nakakulong ang apat sa piitan ng Bayombong Police Station.

07/08/2026

5TH ID PINAUNLAKAN ANG KAHILINGAN NG PAMILYA NG ISANG NAPATAY NA HINIHINALANG REBELDE NA MAIUWI SA MINDANAO ANG KANYANG LABI

Pumayag ang 5th Infantry Division na maibiyahe hanggang sa kanilang lugar sa Agusan del Norte ang bangkay ng nasawing si Jony Escobilla.

Sinabi kahapon sa DZCV ni Major Ed Rarugal, tagapagsalita ng 5th Infantry Division ng Hukbong Katihan ng Pilipinas, isasakay sa chopper ang labi ni Escobilla pag gumanda na ang panahon.

Sa ngayon nananatili sa isang punerarya sa Bangued Abra ang bangkay ni Escobilla samantalang nakuha na ng kanyang pamilya at kamag-anak ang katawan naman ng dalawa nilang nasawing kasamahan na sina Enrique Dayandante at Eugene Hilaus.

Ang narekober kahapon na bangkay naman ng isang hinihinalang amasona ay kasalukuyan pang tinutukoy ang pagkakakilanlan.

Sa isang press statement sinabi ni 5th ID Commander Major General Gulliver Señires na aasikasuhin nila ang bangkay ng amasona sa tulong ng PNP hanggang sa makilala at makuha ng kanyang pamilya o kamag-anak.

Giit ng 5th ID na masaklap na katotohanan at realidad ang pag-abandona ng kanyang mga kasamahan sa makakaliwang organisasyon ang napatay na amasona.

07/08/2026

ISANG AMASONA PANG APAT NA CASUALTY OF WAR SA ENGKWENTRO SA ABRA

Narekober kahapon ang naaagnas ng bangkay ng isang babaeng hinihinalang kabilang sa miyembro ng Ilocos Cordillera Regional Committee (ICRC) na nakasagupa ng militar sa bahagi ng Bonglo, Licuan Baay lalawigan ng Abra noong Martes (August 4).

Hinihinalang sa kagubatan sa nasabing lugar na lamang inabutan ng kanyang kamatayan matapos masugatan ang di pa nakikilalang amasona habang sila ay nag-wiwithdraw sa encounter site. Ayon sa pamunuan ng 5th Infantry Division ng Phil. Army patuloy pang inaalam ang identity ng amasona na sinasabing may tattoo sa kanyang braso. Nagsagawa na rin ng kaukulang pagsusuri ang PNP SOCO sa cadaver bago ibinaba at dinala sa isang punerarya sa lugar.

Nauna rito nakilala na rin ang tatlong itinuturing na casualty of war sa naganap na engkwentro na kinabibilangan nina Enrique Dayandante Alyas Chico/Abdul na sinasabing dating Secretary ng Komiteng Larangang Gerilya North Abra na tubong Novaliches, Quezon City, Eugene Hilaus Alyas Aki/Ken/Dina na dating organizer ng Anakbayan Ilocos/Katribu Youth NCR at si Jony Davide Escobilla na dating 1st Deputy Secretary ng ng KLG Baggas at taga Lower Olave, Buenavista, Agusan Del Norte. Narekober din ang armas ng tatlo na kinabibilangan ng dalawang unit ng M-16 armalite r***e at isang M-14 r***e.

Patuloy pa rin ang ginagawang pagtugis ng militar sa hinihinalang anim pang natitirang kasamahan ng apat na napatay.

Nananawagan naman ang pamunuan ng 5th ID na sumuko na lamang ang mga ito para maiwasan na dadanak pa ang dugo at may maidagdag na malagas na buhay.

07/08/2026

AWARDING CEREMONY PARA SA MGA HONEST TRIKE DRIVERS NG TUGUEGARAO CITY

Naka-schedule sa Miyerkoles ng umaga ( 8am of August 12) sa susunod na linggo ang pagpaparangal sa siyamnapu’t limang (95)tricycle drivers sa siyudad ng Tuguegarao.

Ayon sa Tricycle Regulation Unit (TRU) ng City Hall kasabay ng pagpaparangal ang pagkakaloob din ng cash incentives sa nasabing mga tsuper bilang pagkilala sa kanilang katapatan.

Inilabas ng TRU ang listahan ng nasabing mga tricycle drivers para malaman ng publiko na may mga mapagkakatiwalaan at tapat pa ring mga naghahanapbuhay sa pamamasada sa kabila ng hindi magandang ginagawa ng iba.

Ang nasabing mga driver ay nagsoli sa TRU, TCTMG at sa PNP ng mga naiwang gamit ng kanilang pasahero sa mga ipinapasadang tricycle.

07/08/2026

BALITA NUMERO UNA WITH CADEL TRILLES
AUGUST 8,2026

07/08/2026

LINDOL

Earthquake Information No.1
Date and Time: 08 August 2026 - 04:11 AM
Magnitude = 2.4
Depth = 031 km
Location = 19.23°N, 121.02°E - 024 km N 57° W of Dalupiri Island (Calayan) (Cagayan)

07/08/2026

FIRST FRIDAY OF THE MONTH

Walang hanggang pasasalamat po mahal na Poong Jesus Nazareno, maraming salamat po sa araw-araw na gabay at patnubay patuloy mo po kaming palakasin, pagalingin sa aming mga sakit at pagkalooban mo po kami ng malakas at malusog na pangangatawan para sa araw-araw. AMEN.

07/08/2026