DZCV Tuguegarao City

25/07/2025

PALABAS NA SA KALUPAAN NG LUZON SI EMONG

Namataan ito sa bisinidad ng Calanasan Apayao. Patuloy ding humihina ang bagyo habang tinatahak ang Central Cordillera. Nasa 95 km/h na lang ang bilis ni Emong at may pagbugsong aabot ng 160 km/h. Patungo ang bagyo sa direksiyong Hilaga hilagang kanluran sa bilis na 40 km/ h.

Nakataas pa rin sa signal number 3 ang mga bayan ng Claveria, Pamplona, Sta. Praxedes at Sanchez Mira kasama ang mga bayan ng Calanasan at Luna sa Lower Apayao province ganundin ang Northeastern portion ng Ilocos Norte.

Nasa ilalim naman ng signal number 2 ang labing isang bayan ng Cagayan tulad ng Aparri, Allacapan, Abulug, Ballesteros, Buguey, Camalaniugan, Piat, Lasam, Piat at Tuao kasama ang ibang bahagi ng Apayao at Northern portion ng Abra.

Nasa ilalim ng signal number 1 ang iba pang natitirang bahagi ng Cagayan, Northern portion ng Isabela, Ilocos Sur at Hilagang bahagi ng La Union.

Lalabas ng PAR si Emong bukas ng umaga (July 26)

25/07/2025

25/07/2025

BAGYONG EMONG HUMINA AT NAGING SEVERE TROPICAL STORM, NORTHWESTERN CAGAYAN NASA ILALIM NG SIGNAL NUMBER 3, 5:10AM NG MAGLANDFALL ANG BAGYO SA BISINIDAD NG CANDON CITY, ILOCOS SUR

Bahagyang humina si Emong at nasa kategorya na lamang ito ng severe tropical storm at lalo pang hihina hanggang sa maging tropical storm na lamang habang binabagtas ang kabundukan ng Cordillera Administrative Region.

Nangyari bandang 5:10 kaninang umaga ang pangalawang landfall ni Emong sa bisinidad ng Candon City, Ilocos Sur at tinatawid na nito ang kabundukan ng Northern Luzon hanggang sa Babuyan Channel bago tanghali.

Ang direksiyon ng bagyo ay Northeastward at maaring madaanan ang Babuyan Islands bago magtanghali o hanggang mamayang hapon at maari ding madaanan nito malapit sa Batanes province mamayang hapon o mamayang gabi. Tuloy tuloy itong papalayo sa direksiyong Hilaga Hilagang Silangan.

Lalabas ng PAR si Emong bukas ng umaga o tanghali (July 26)

Batay sa inilabas na tropical cyclone bulletin Number 14 ng PAGASA kaninang alas otso ng umaga (8am) si Emong ay nasa bisinidad na ng San Isidro Abra sa ngayon.

Taglay na lamang ni Emong ang lakas ng hangin na umaabot ng 100 km/h mula sa dating 120 km/h samantalang nanatili ang pagbugsong aabot ng 165 km/h at tinatahak ang Hilaga Hilagang silangang direksiyon sa bilis na 25 km/h.

Inalis na ng PAGASA ang nakataas na tropical cyclone wind signal number 4 sa timog kanlurang bahagi ng Ilocos Sur at Hilaga at Gitnang bahagi ng La Union.

Signal number 3 na ngayon ang Hilagang Kanlurang bahagi ng Cagayan katulad ng mga bayan ng Aparri, Abulug, Ballesteros, Lasam, Rizal, Allacapan, Claveria, Pamplona, Sanchez Mira at Sta. Praxedes, ang mga lalawigan ng Ilocos Norte, Ilocos Sur at La Union, Apayao, Abra, Kanlurang bahagi ng Kalinga province na sumasakop sa mga bayan ng Balbalan, Pasil, Tinglayan at Lubuagan, kanlurang bahagi ng Mountain Province at North western portion ng Benguet.

Nasa ilalim naman ng Signal Number 2 ang natitirang bahagi ng Cagayan kasama ang Babuyan Islands, Batanes, hilaga at kanlurang

bahagi ng Isabela, northwestern portion ng Quirino province, Western at central portion ng Nueva Vizcaya, ibang bahagi ng Kalinga province, Mountain province, Ifugao, Benguet, ibang bahagi ng La Union at Hilagang Kanlurang bahagi ng Pangasinan partikular ang mga bayan ng Anda at Bolinao.

Nasa ilalim naman ng signal number 1 ang ilang bahagi ng Pangasinan, Isabela, Quirino, Nueva Vizcaya, northern at central portion ng Aurora Province, Hilagang bahagi ng Nueva Ecija, Zambales at Tarlac.

25/07/2025

JULY 25, 2025

24/07/2025

JULY 25, 2025

24/07/2025

PUBLIC ADVISORY
Walang Pasok Ngayon July 25,2025
( Fb Posting from Philippine Information Agency)

Inanunsyo ng DILG ang suspensyon ng klase sa lahat ng antas sa pampubliko at pribadong paaralan ganundin ang work suspension sa gobyerno maliban sa mga frontliners at empleyadong naka-flexible work arrangement, ngayong Hulyo 25, 2025, sa mga sumusunod na lugar:

METRO MANILA

CORDILLERA ADMINISTRATIVE REGION
Benguet
Abra
Mountain Province
Ifugao
Apayao
Kalinga

ILOCOS REGION
Ilocos Sur
Ilocos Norte
La Union
Pangasinan

CAGAYAN VALLEY
Cagayan
Isabela
Quirino
Nueva Vizcaya

REGION III
Zambales
Bataan
Tarlac
Pampanga
Aurora
Nueva Ecija
Bulacan

MIMAROPA
Occidental Mindoro
Oriental Mindoro
Marinduque
Romblon
Palawan

CALABARZON
Cavite
Laguna
Batangas
Rizal
Quezon

BICOL REGION
Camarines Sur
Camarines Norte
Albay

24/07/2025

24/07/2025

|| Due to the prevailing effects of the Southwest Monsoon (Habagat) and in compliance with government directives, please be advised that transactions in all DENR offices across the provinces of Cagayan, Isabela, Nueva Vizcaya, and Quirino are further suspended today, July 25, 2025. This decision prioritizes the safety of both our personnel and the public.

Kindly monitor official announcements for subsequent updates. Stay safe and alert.

24/07/2025

JULY 25, 2025-NO COPYRIGHT INFRINGEMENT ON THE BACKGROUND MUSIC OF THIS PROGRAM. THE NEWS BED BELONG TO ITS RIGHTFUL OWNER.

24/07/2025

WOMAN POWER SA VMLP CAGAYAN CHAPTER

Nahalal bilang bagong Presidente ng Vice Mayor’s League of the Phils. Cagayan chapter si Lallo Vice Mayor Ma. Olivia B. Pascual.

Hindi lang nabanggit sa nakuhang impormasyon ng DZCV kung may nakalaban si Pascual sa posisyon na dating hawak ni Former Tuguegarao City Vice Mayor Bienvenido de Guzman II.

Ang iba pang nahalal na opisyal ng VMLP ay sina Vice President Reymundo King Villacete ng Piat, Secretary si Tuguegarao City Vice Mayor Ross Resuello, Treasurer si Pamplona Vice Mayor Arnie Angelica S. Fernandez, Auditor si Camalaniugan Vice Mayor Jamuel Rosario, PRO si Sto. Niño Vice Mayor Vicente Pagurayan.

Susunod at inaabangan ngayon ang gaganapin namang halalan sa Councilors League Cagayan Chapter na pinamumunuan ni Tuguegarao City Councilor Charo Soriano. Ang mahahalal na Presidente ng Liga ay uupong Ex-Officio Board Member sa lalawigan.

24/07/2025

DALAWANG METRO NA ANG LAWAK NG NAKABUKAS NA RADIAL GATE NUMBER 4 NG MAGAT DAM

Dinoble ang opening ng gate valve ng binuksang isang spillway ng Magat dam sa Ramon Isabela kahapon. Naglalabas ito ng tubig na 359 cubic meter per second (cms)

Sinabi sa DZCV ni Engr. Carlo Ablan ng NIA na precautionary measure lamang ito ng NIA para mapanatili ang ligtas at normal water elevation ng dam. Hanggang kaninang alas singko ng umaga (5am) ang water elevation ng dam ay 186.65 meter above sea level (masl) Mas mataas ito ng .10 meter kumpara sa water elevation ng dam kahapon ng umaga na 186.55 masl.

Binigyang diin ni Ablan na walang dapat ikabahala ang publiko dahil hindi naman mararamdaman ang epekto ng discharge water ng dam lalo na sa area ng Cagayan province. Mananatiling nakabukas ang isang radial gate hanggang sa magiging normal na ang water elevation ng dam.

Ang normal rule curve ng dam ay 178.07 masl samantalang ang spilling level nito ay 190 masl. Ang kasalukuyang inflow ng dam ay 504.16 cms na mas mababa na sa inflow nito kahapon na 793.08 cms.

Nakakaranas pa rin ng manaka-nakang pag-uulan sa watershed area ng dam.