DZCV Tuguegarao City

DZCV Tuguegarao City Oldest and Number One (1) Local community Radio station in Cagayan Valley

21/11/2025

NOVEMBER 22, 2025

21/11/2025

TRAFFIC DAHIL SA HINDI MADAANAN ANG CAPATAN OVERFLOW BRIDGE

Walang ibang lagusan papuntang Eastern Barangays ng Tuguegarao o para sa mga biyaheng Timog kundi ang bahagi ng National highway at dadaan sa Alimannao Peñablanca.

Bumper to bumper ang mga sasakyan mula sa Caggay paakyat ng Alimannao kagabi.

Maluwag naman ang kabilang lane papunta ng Centro Tuguegarao. Sarado pa rin ang Capatan overflow bridge na siyang short cut na daan papuntang eastern barangays ng Tuguegarao dahil sa pag-apaw ng tubig sa ilog.

Ang latest update na inilabas ng City hall sa water level ng Buntun Water Gauging Station ay nasa 7.8 meters o isang metrong mas mataas kaysa sa alarm level nitong 6.8 meters.

21/11/2025

BAHAGI NG PIGGATAN DETOUR ROAD MAPUTIK AT LUBAK LUBAK NA

Sanhi ng tuloy tuloy na pag-ulan ang dati na maalikabok na bahagi ng ginagamit na Piggatan detour road ay naging maputik na at lubak lubak.

Dahil sa masamang kondisyon ng kalsada may mga oras na one way lamang ang pagdaan ng mga sasakyan galing timog at mula sa Norte.

Nakabantay naman ang mga tauhan ng Alcala Police Station para masigurong walang pasaway na motoristang dadaan sa detour road.

Samantala.. ayon naman sa DPWH Region 2 nasa halos 85 percent na ang completion rate ng ginagawang Piggatan detour bridge. Tiniyak ng ahensiya na matatapos ito sa takdang panahon kung saan dalawang buwan ang ibinigay na timetable ni Secretary Vivencio Dizon. Bumagsak ang Piggatan bridge noong October 6 dahil sa overload na dumaang mga sasakyan.

21/11/2025

SHIPMENT NG ULING NASABAT SA BAYAN NG LASAM

Isinakay sa isang elf ang 50 sako ng uling na idedeliver sana ng suspek na itinago sa pangalang Nestor, 37 anyos, residente ng San Pedro Lasam.

Pasado alas nuebe ng gabi (9:20pm) noong November 18 napara si Alyas Nestor sa bahagi ng Centro 1 Lasam habang karga ang mga uling sa elf na hindi binanggit ang plaka. Batay sa report ng PNP Lasam ang lahat ng nasamsam na uling ay nagkakahalaga ng 14 thousand pesos.

Walang maipakitang permit to transport sa apprehending team ang suspek kaya ito ay dinakip. Mahaharap ang suspek ng kasong paglabag sa PD 705 o Revised Forestry Code of the Phils.

21/11/2025

GOVERNMENT EMPLOYEE NAGBENTA NG BARIL

Arestado ang isang kawani ng pamahalaan na sangkot umano sa gunrunning activity sa bayan ng Peñablanca.

Ikinasa nitong November 18 ng joint team ng Cagayan PPO at Peñablanca Police Station ang dragnet operation na nagresulta sa pagkakaaresto sa suspek na itinago ng pulisya sa pangalang Nando, 30 anyos at residente ng Obispo Street, Centro, Peñablanca.

Nagbenta si Nando ng isang unit ng caliber 9mm TPR 9 Bersa sa isang sibilyan na ginamit ng pulisya bilang buyer. Nasamsam sa operasyon ang nasabing armas na may isang magazine na naglalaman ng sampung bala,karagdagang 20 na piraso ng live ammunition para sa

nasabing baril, isang chest bag, ang ginamit na 30 thousand pesos marked money at isang kulay asul na branded android phone.

21/11/2025

DALAWA ARESTADO BENTAHAN NG DE TAKAL NA GASOLINA SA TUAO

Nagsagawa ang pulisya ng dalawang hiwalay na operasyon sa barangay San Luis at Angang pawang sa bayan ng Tuao nitong Martes (November 18)

Sa San Luis dinakip ang 65 anyos na negosyanteng si Alyas Janeta, 65 anyos samantalang sa Angang naman nahuli si Alyas Susan, 37 anyos.

Nasa anim na litro ang nasamsam ng operating troops sa pwesto ni Janeta samantalang 20 liters naman ang nakuha kay Susan.

Ayon sa PNP Tuao sina Janeta at Susan ay walang kaukulang permit mula sa pamahalaan para sila magsagawa ng ganitong uri ng Negosyo. Iginiit ng apprehending team na ito ay hayagang paglabag sa PD 1865 o ang tinatawag na

21/11/2025

ESTUDYANTE TIMBOG SA DAMO

Sinalakay ng pulisya ang tinitirhang bahay ng isang estudyanteng sangkot sa drug peddling sa siyudad ng Tuguegarao.

Inaplayan ng pulisya ng search warrant sa korte para maisagawa ang paghahalughog sa bahay ng suspek na itinago sa pangalang Pablo, 21 anyos sa bahagi ng Ipil-Ipil Street, Capatan, Tuguegarao City.

Madilim na ang paligid bandang 6:05 ng gabi ng isagawa ang operasyon sa bisa ng search warrant na inisyu ni RTC Branch 5 Judge Jezarene Aquino. Nakuha ng searching personnel ang apat na piraso ng nakabalot sa rolling paper na pinatuyong dahon ng ma*****na , isang natuping pahina ng notebook kung saan ibinalot ang karagdagang damo na may fruiting tops at tangkay at isang glass water pipe na may naiwang latak ng shabu at damo at isang pakete ng sigarilyo.

Ayon sa pulisya, umaabot ng 20 grams ang nasamsam na damo at nagkakahalaga ng 2,400 pesos. Isang barangay kagawad ng Capatan at

isang personnel ng DOJ ang kinuhang saksi sa imbentaryo at dokumentasyon sa mga nasamsam na ebidensiya kay Alyas Pablo. Pagkatapos ng isinagawang dokumentasyon, dinampot ang suspek na ngayon ay nakapiit sa PNP Tuguegarao detention cell sa Carig Sur. Kakasuhan ito ng paglabag sa RA 9165 o Comprehensive Dangerous Drugs Act of 2002.

21/11/2025

NOVEMBER 22, 2025-NO COPYRIGHT INFRINGEMENT INTENDED ON THE BACKGROUND MUSIC OF THIS PROGRAM. THE NEWS BED BELONG TO ITS RIGHTFUL OWNER.

21/11/2025

DRUG DEN NI-RAID SA GONZAGA, ANIM KATAO NAARESTO

Dalawang magkatabing bahay sa Purok 3 Barangay Progressive nakuha ang anim na suspek habang nagsasagawa ng pot session.

Kasalukuyang “gumagamit” ang anim na itinago ng pulisya sa mga pangalang Andy, 27 anyos, Ronald, 49 anyos,Ryan, 26 anyos, Mark, 29 anyos, Jeric, 26 anyos at Vince, 42 anyos.

Inaplayan ng search warrant ng pulisya ang isinagawang operasyon. Naglabas naman ng S.W. si Aparri RTC Branch 6 Judge Neljoe Cortez. Nasamsam sa operasyon ang 13 na sachet na naglalaman ng nasa 3.2 grams na shabu na may market price na 21 thousand 760 pesos, tatlong

basyong sachet na may naiwang latak ng shabu, swako, isang digital weighing scale na ginagamit sa illegal drug trade ng dalawa sa mga suspek, mga aluminum foil, pitong lighter, dalawang kutsilyo at tatlong piraso ng forceps.

May nakuha din ang operating troops na isang unit ng kalibre 38 na baril na may tatlong bala, labing dalawang (12) bala ng kalibre 45, 4,200 pesos na cash, hiwalay na cash na aabot ng 11 thousand pesos mula sa pag-iingat ng suspek na si Jeric, tatlong unit ng android at IPhone at iba pang drug paraphernalia.

Dalawang barangay kagawad ng Progressive ang naging saksi sa imbentaryo at dokumentasyon sa mga nasamsam na ebidensiya sa anim na suspek.

Isinailalim sa drug test ang anim sa tanggapan ng PDEA Regional Office 2 sa Tuguegarao at kalaunan ibinalik sa Gonzaga Police Station kung saan sila pansamantalang nakakulong ngayon.

Mahaharap ang anim ng kasong paglabag sa RA 9165 o Comprehensive Dangerous Drugs Act of 2002.

21/11/2025

BAHAY NG JANITOR CUM DRUG PUSHER SINALAKAY SA APARRI

Mag-aalas onse ng gabi (10:45pm) nang isagawa ang raid sa bahay ng suspek na itinago sa pangalang Jaime, 34 anyos, utility worker ng Aparri District Hospital at residente ng Barangay Toran sa nasabing bayan.

Armado ang raiding team ng search warrant na inisyu ni RTC Branch 6 Judge Neljoe Cortez ng isagawa ang paghahalughog. Nagresulta ang operasyon sa pagkakasamsam ng siyam na piraso ng heat sealed sachet na naglalaman ng tinatayang nasa 0.45 gram na shabu na may market value na mahigit tatlong libong piso.

Nakuha din ng operating troops ang apat na piraso ng nakabukas na sachet na may naiwan pang latak ng shabu, labing isang (11) piraso ng nalukot na aluminum foil at ilang gamit na maituturing na non-drug items tulad ng lighter, pouch, duct tape at toothpaste.

Kinuhang saksi sa imbentaryo at dokumentasyon sa mga nasamsam na ebidensiya kay Jaime ang dalawang barangay kagawad ng Toran at isang empleado ng DOJ. Mahaharap ang suspek ng kasong paglabag sa RA 9165 o Comprehensive Dangerous Drugs Act of 2002. Nakakulong si Alyas Jaime sa piitan ng Aparri Police Station.

21/11/2025

TECHNICIAN PATAY SAMANTALANG ISA ANG MALUBHANG NASUGATAN SA AKSIDENTE SA CLAVERIA

Dead on arrival sa Northern Cagayan District Hospital sa bayan ng Sanchez Mira ang 24 anyos na biktimang si Nelson Rei Clacio na residente ng Taggat Sur, Claveria.

Napuruhan ang biktima nang aksidente silang mabundol ng kulong kulong kasama si Wilhenson bandang 12;25 ng hatinggabi. Batay sa report ng pulisya, naglalakad pauwi sa kanilang bahay sina Nelson at Wilhenson sa barangay road sa Taggat Sur. Galing daw ang mga ito sa bahay ng isa nilang barkada. Bigla na lamang daw silang sinalpok ng kulong kulong na minamaneho ng suspek na si Jamel, 24 anyos. Depensa ng suspek hindi niya napansin ang dalawang biktima dahil sa malakas na buhos ng ulan. Isinugod ng mga rescuers ng LGU Claveria ang dalawang biktima sa ospital. Hindi pa matiyak ngayon ang kalagayan naman ng biktimang si Wilhenson. Dinakip naman ng pulisya ang suspek na si Jamel. Kung walang aregluhan mahaharap ang suspek ng kasong reckless Imprudence Resulting to Homicide.

21/11/2025

PASOK SA LGU BAGGAO SUSPENDIDO KAHAPON, LIMANG PANGUNAHING TULAY HINDI MADAANAN DAHIL SA BAHA
Buong araw na walang pasok kahapon ang lokal na pamahalaan ng Baggao.

Isinabay na sinuspinde ng LGU ang pasok sa munisipyo dahil sa pagbaha kung saan apektado ang limang tulay na kinabibilangan ng Bagunot bridge, Taytay-San Isidro bridge, Annayatan bridge, Bitag Pequenio bridge at Dabbac-Asinga Via Bridge. Lubog sa tubig baha ang nasabing mga tulay hanggang kahapon.

Pasado alas singko ng umaga kahapon (5:12) inihayag ng LGU sa pamamagitan ng social media post na hindi rin madaanan ng mga sasakyan ang bahagi ng Alcala- San Jose National Road sa Zone 4 Bitag Grande dahil din sa baha.

Samantala… inabot din ng baha ang bahagi ng Dugo-San Vicente road Mission Sta. Ana section sa Tapel Gonzaga at sa barangay Casambalangan.

Tanging mga heavy vehicle lamang ang makakadaan kahapon ng umaga bagaman binuksan din bandang hapon sa lahat ng uri ng sasakyan.

Address

Maribbay Street , Ext. Ugac Norte
Tuguegarao City
3500

Telephone

+639175679509

Website

Alerts

Be the first to know and let us send you an email when DZCV Tuguegarao City posts news and promotions. Your email address will not be used for any other purpose, and you can unsubscribe at any time.

Contact The Business

Send a message to DZCV Tuguegarao City:

Shortcuts

Share

Category