https://www.facebook.com/andresmania04

DJ ANDY, Writer & Broadcaster, Brgy. Maligaya, Tumauini (2025)

09/08/2025

𝐁𝐚𝐫𝐚𝐧𝐠𝐚𝐲 𝐇𝐚𝐥𝐥: 𝐇𝐚𝐥𝐢𝐠𝐢 𝐧𝐠 𝐒𝐞𝐫𝐛𝐢𝐬𝐲𝐨, 𝐒𝐚𝐠𝐢𝐬𝐚𝐠 𝐧𝐠 𝐏𝐚𝐠-𝐮𝐧𝐥𝐚𝐝

SAN PABLO, ISABELA — Matagal nang pangarap ng mga residente ng Sitio Caddangan, Barangay Limbauan, San Pablo, Isabela na magkaroon ng sariling Barangay Hall. Ngayon, unti-unti na itong natutupad.

Sinimulan na ang konstruksyon ng gusali matapos maaprubahan ang proyekto sa tulong nina Mayor Antonio Jose 'ANJO' T. Miro III; Vice Mayor Antonio Jose 'JOJO' N. Miro, at Municipal Administrator, Joko T. Miro, katuwang si Punong Barangay Babylyn G. Pagarigan.

Ayon kay Punong Barangay Pagarigan, higit pa sa isang gusali ang kanilang itinatayo — ito ay magiging tahanan ng serbisyo, pagtitipon, at pagkakaisa.

"Ito ang magiging lugar kung saan mas mapapalapit sa tao ang pamahalaan. Dito tayo magpupulong, magpaplano, at magsasama-sama para sa ikauunlad ng ating barangay,” aniya.

Samantala, hindi naman maitatago ng mga residente ang kanilang tuwa. Sa wakas, matapos ang mahabang panahon, magkakaroon na sila ng isang lugar na masasabi nilang kanila — isang lugar na tatanggap sa mga bisita at magsisilbing sentro ng mahahalagang gawain sa komunidad.

Kaugnay nito, ipinapaabot ng mga residente ang kanilang pagpapasalamat sa lahat ng tumulong para maisakatuparan ang proyektong ito, lalo na sa liderato ng administrasyong Miro at kasalukuyan Ina ng nasabing Barangay dahil sa kanilang malasakit at dedikasyon.

Bawat haligi ay patunay ng pagkakaisa. Bawat pader ay sagisag ng sama-samang pangarap para sa isang mas maunlad na bukas.

20/07/2025

PANIBAGONG BAGYO AT HABAGAT, NAGBABADYA NGAYONG LINGGO

Isang potensiyal na bagyo ang nagbabadya muling mabuo sa loob ng Philippine Area of Responsibility (PAR) ngayong linggo na patuloy hahatakin ang habagat na magdadala ng malalakas na ulan partikular sa ilang bahagi ng Luzon.

Sakaling mabuo ang panibagong bagyo ay tatawagin itong Dante.

Ito na ang ika-apat na bagyo sa loob lamang ng PAR ngayong taon.

Kaugnay nito, patuloy itong babantayan sa mga susunod na araw dahil posible pa rin itong magbago.

29/06/2025

𝗧𝗔𝗛𝗜𝗠𝗜𝗞 𝗡𝗔 𝗡𝗔𝗚𝗛𝗜𝗛𝗜𝗡𝗧𝗔𝗬 𝗦𝗔 𝗚𝗜𝗧𝗡𝗔 𝗡𝗚 𝗨𝗟𝗔𝗡- 𝗗𝗔𝗟𝗔 𝗔𝗡𝗚 𝗔𝗟𝗔𝗔𝗟𝗔 𝗡𝗚 𝗣𝗔𝗚-𝗔𝗦𝗔

"Sa wakas, umulan naman," ani ng isang Pato.

Habang ako’y nagtitimpla ng aking kape sa aming kusina, tahimik ang paligid dahil sa buhos ng lakas ng ulan. Tila na ang tunog ng patak ng ulan sa aming munting bubong ay nagsisilbing musika ng hapong ito.

Sa gitna ng katahimikan, lamig ng hangin, at dala ng ulan, bigla kong nasulyapan ang isang pato na nakatali sa likod ng aming kusina, at wari'y sa gitna ng ulan — ito'y tahimik, basang-basa, at tila rin maraming iniisip.

Makikita na ito'y nakatayo lamang sa likod ng aming bahay, hindi kumikilos, hindi naghahanap ng silong. Tila ba'y hindi alintana ang lamig o ang lakas ng ulan.

At sa puntong ito, nakita ko ang sarili ko — o marahil, naisip ang buhay ng aking itay bilang isang magsasaka.

Ang buhay na hindi laging maaraw.
Mayroong tag-init na kay-init ng araw, sinusubok ang kaniyang katawan at pasensya.
Mayroong tag-ulan na bumabaha ng pangamba, takot, at hamon.
Ang bawat araw, hindi sigurado kung mayroong siyang aanihin, kung may kikitain, at kung may susunod pang ani.

Ngunit tulad ng pato, ang magsasaka’y nananatili. Tahimik man sa labas, pero sa puso niya’y may dalang panalangin. Sa bawat pagharap sa unos, sa bawat araw na tila walang kasiguruhan, may pananatiling hindi nakikita ng iba — isang paninindigan na hindi kailangang isigaw.

Hindi dahil mahina ang tahimik.
Hindi dahil walang ginagawa ang nananatili.
Minsan, ang pinakamatatag ay ang mga hindi umaalis kahit pa ang mundo ay unti-unting lumulubog sa putik.

Sa buhay ng isang magsasaka — at sa ating lahat — dumarating ang ulan, ang init, ang bagyo. Ngunit ang tunay na lakas ay makikita sa kakayahang maghintay, maniwala, at muling bumangon.

"Tahimik siyang naghintay sa ulan — dala ang alaala ng pag-asa."
At sa bawat patak ng ulan, may itinatanim ang Diyos sa ating puso —
pananampalataya, pagtitiyaga, at pangarap na unti-unting mamumunga

11/03/2024

WEATHER UPDATE:

Ayon sa PAGASA, ang Northeast Monsoon o Amihan sa lagay ng panahon sa bansa ay maaaring matapos sa susunod na linggo, na binanggit ang unti-unting paglipat sa dry season o Summer.

Ang Amihan ay magdadala pa rin ng mas malamig na temperatura sa oras ng gabi at maulap na papawirin na may kalat-kalat na mahinang pag-ulan kadalasan sa hilagang bahagi ng Luzon ngayong linggo.

Samantala, ayon pa sa state weather bureau na ang El Niño Phenomenon ay maaaring muling lumitaw ngayong tag-araw hanggang sa buwan ng hunyo na magdadala ng mas mainit na temperatura dahil sa pagbabago ng klima gaya ng iginiit ng United Nations’ Climate Change Panel

07/03/2024

𝘿𝘼𝙇𝘼𝙒𝘼𝙉𝙂 𝘾𝘼𝙂𝘼𝙔𝘼𝙉𝙊𝙎, 𝙉𝘼𝙋𝘼𝘽𝙄𝙇𝘼𝙉𝙂 𝙎𝘼 𝙉𝘼𝙏𝙄𝙊𝙉𝘼𝙇 𝙏𝙊𝙋𝙉𝙊𝙏𝘾𝙃𝙀𝙍𝙎 𝙎𝘼 𝙆𝘼𝙏𝘼𝙏𝘼𝙋𝙊𝙎 𝙉𝘼 𝘾𝙍𝙄𝙈𝙄𝙉𝙊𝙇𝙊𝙂𝙔 𝙇𝙄𝘾𝙀𝙉𝙎𝙐𝙍𝙀 𝙀𝙓𝘼𝙈𝙄𝙉𝘼𝙏𝙄𝙊𝙉

Isang karangalan para sa Cagayano ang ibinigay nina FERNANDO VICENTE ABANTO at LEIAN KATE CAYARI REYES matapos ito mapabilang sa national topnotchers sa katatapos na Criminology Licensure Examination.

Sa nasabing Board examination, rank-3 si Abanto na may 90.65 na rating na nagtapos sa Saint Joseph College sa Bayan ng Baggao, Cagayan.

Samantala, nasa rank-8 naman si REYES na may 89.60 na rating
na nagtapos sa University of Cagayan Valley, Tuguegarao City.

28/01/2024

Sa buhay natin, minsan hindi natin napupuna ang sarili nating pagkakamali. Ang lagi nating napupuna ang pagkakamali ng iba.

It is too much better when our mistakes and mistakes of others, maaaring punahin to make it a lesson for ourselves. Just always spread kindness and let us teach our fellow to do the same thing in a good way in order to uplift the standard of their living.

Hindi tayo perpekto. Lahat tayo ay pantay-pantay. We all have mistakes. At ang mahalaga, napagsisihan natin ito.

Huwag natin burahin ang kabutihang ating ipinagkaloob sa maliit lamang na pagkakamali. Dahil, kailanman, hindi nagwawagi ang pagkakamali sa kabutihan.

Always choose and think a positive things that we had imparted with others.

30/12/2023

Inanunsiyo ni Presidential Communications Office Secretary Cheloy Garafil na ang Enero 02, 2024 ay hindi idineklara ni Pang. Ferdinand "Bongbong" Marcos Jr. bilang holiday.

26/09/2023

Piliin natin yung walang kinikilingan, hindi yung hindi tayo kilala kung hindi sila ang ating napupusuan sa balota.

Isang paalala mula sa COMELEC.

26/09/2023

Huwag magpadala sa takot para hindi ilabas ang katotohanan. Speak up for the truth and stand. Be the voice of those voiceless. Labanan ang masasamang ginagawa ng mga iba.

02/08/2023

Pagtupad ng pangarap na makapagtapos ng PAG-AARAL ay hindi madali.

Ako at siya, parehong nag-aaral sa isang unibersidad ng Isabela na mayroong pusong tuparin ang pinaka-tuktok ng pagiging propesyon.

Sa pagkamit ng pangarap, kami'y WORKING STUDENTS sa Zein's Panciteria and Cofee-shop noong panahon ng pandemya.

Sa pagiging working students, hindi naging sagabal ito sa amin upang mapag-tagumpayan ang aminh pag-aaral.

Sa aming pag-aaral sabay trabaho ay hindi madali. (Opening sa oras ng alas-7 ng umaga at Closing sa oras ng 8:30 ng gabi, Serve sa customer, linis kainan, hugas kainan, lutuan, naglilinis sa gilid ng daan sa harap ng aming pinagta-trabahuan kahit mainit ang araw, kahera, IN SHORT, all-around helper.)

Lahat ng iyan ay aming tiniis dahil alam namin na mayroon din itong hangganan na kabutihan sa aming buhay. Hirap man ng napag-daanan sa buhay habang nagta-trabaho't nag-aaral, tuloy pa rin ang aming tuwa. 'Yong pagod ay nag-bunga na.

Bawat lungkot, paggod at galit na aming nararanasan ay aming insipirasyon. Tatag ng puso't isipan ay aming pinag-sama sa pagiging propesyon.

Ngayon, nagtapos na ng pag-aaral sa programang Bachelor of Elementary Education Criselda Marayag Gammaru at ako'y nagtapos din sa kursong Bachelor of Science in Development Communication nakaraang taon.

Pagpupugay sa aming katulad na WORKING STUDENTS.

Congratulations, iddu.

28/06/2023

31-ANYOS NA LALAKI PATAY MATAPOS MAIPIT NG BACKHOE

Patay ang isang operator matapos maipit sa backhoe na nakasakay sa isang 10 wheeler truck sa Bayan ng Baggao, Cagayan.

Kinilala ang nasawi na si Donel Cadaba, backhoe operator habang ang drayber naman ng 10 wheeler truck ay si Neil Barrientos.

Lumalabas sa imbestigasyon ng pulisya na galing ng poblacion ang truck sakay ang backhoe at papunta sa isang proyekto sa Barangay San Jose.

Biglaan umanong nagpreno ang drayber ng truck dahil sa isang kawad ng kuryente.

Dahil dito ay naipit ng backhoe si Cadaba na noo’y nakahiga sa truck kung saan natamaan umano ito ng blade na nagsanhi ng kaniyang kamatayan.

Ayon kay PCapt Jackelyn Urian, Deputy Chief of Police, wala umanong stopper ang backhoe kaya ito gumalaw nang nagpreno ang drayber ng 10 wheeler truck.

Nasa kustodiya na ng Baggao Police Station ang drayber ng 10 wheeler para sa karagdagang dokumentasyon at imbestigasyon.

19/06/2023

𝗕𝗔𝗕𝗔𝗘𝗡𝗚 𝗞𝗔𝗥𝗨𝗠𝗔𝗟-𝗗𝗨𝗠𝗔𝗟 𝗡𝗔 𝗣𝗜𝗡𝗔𝗧𝗔𝗬 𝗦𝗔 𝗦𝗔𝗡𝗧𝗜𝗔𝗚𝗢 𝗖𝗜𝗧𝗬, 𝗡𝗔𝗞𝗜𝗟𝗔𝗟𝗔 𝗡𝗔
Nakilala na ang isang babaeng karumal-dumal na pinatay na natagpuang nakagapos at nakatali ang ulo sa isang puno sa bahagi ng Palac road, Brgy. Buenavista sa lungsod ng Santiago kahapon, Hunyo 18, 2023.

Kinilala ang biktima na si alyas "Joy" 19-anyos, dalaga, estudyante ng isang paaralan sa lungsod ng Santiago at residente ng San Mateo, Isabela.

Sa nakuhang impormasyon kay PMaj. Fedimer Quetives, tagapagsalita ng SCPO, mismo ang pamilya ng biktima ang kumilala na kung saan lumabas sa kanilang inisyal na imbestigasyon na bago matagpuan ang bangkay ng biktima ay nagpaalam muna ito sa kanyang boarding house kahapon pasado alas 4:00 ng madaling araw upang magsamba.

Nagpadala umano ang biktima ng larawan ng body number ng sinakyan nitong traysikel sa kanyang pamilya at nagpaalam rin ito na pupunta sa simbahan.

Ayon pa kay PMaj. Quetives, bagamat natukoy na ang may-ari ng traysikel na sinakyan ng biktima ay iginiit naman nito na ninanakaw lamang ang kanyang traysikel at hindi siya ang gumawa sa naturang krimen.

Kaugnay nito, hindi pa rin tumitigil ang mga kapulisan sa kanilang imbestigasyon upang matukoy ang nasa likod ng krimen.

DJ ANDY, Writer & Broadcaster

09/08/2025

20/07/2025

29/06/2025

11/03/2024

07/03/2024

28/01/2024

30/12/2023

26/09/2023

26/09/2023

02/08/2023

28/06/2023

19/06/2023

Address

Telephone

Website

Alerts

Contact The Business

Shortcuts

Share

Category