08/06/2026
Klase sa Bayan ng Tupi Suspendido Dahil sa Malakas na Lindol
Inanunsyo ng Lokal na Pamahalaan ng Tupi ang suspensyon ng klase sa lahat ng pampubliko at pribadong paaralan hanggang bukas Hunyo 9, 2026, bilang pag-iingat matapos ang naganap na lindol at habang isinasagawa ang pagsusuri sa kaligtasan ng mga gusali.
Ayon sa advisory ng lokal na pamahalaan, mananatiling suspendido ang mga klase hanggang sa maglabas ng panibagong abiso ang mga kinauukulan. Saklaw ng suspensyon ang lahat ng antas ng edukasyon, kabilang ang preschool, elementarya, junior high school, senior high school, at tersiyarya.
Ipinaliwanag ng lokal na pamahalaan na kinakailangan ang hakbang upang matiyak ang kaligtasan ng mga mag-aaral, g**o, at kawani ng paaralan habang nagpapatuloy ang structural safety assessments sa mga pasilidad na maaaring naapektuhan ng lindol.
Pinayuhan naman ang mga magulang, estudyante, at school personnel na regular na subaybayan ang mga opisyal na anunsyo mula sa Local Government Unit (LGU), Department of Education (DepEd), at mga administrasyon ng paaralan para sa mga susunod na update.
Samantala, hinikayat ng pamahalaang lokal ang publiko na manatiling kalmado, maging handa sa anumang emerhensiya, at sumunod lamang sa mga impormasyon mula sa mga opisyal na mapagkukunan.
