22/10/2025
‼️DOH: IT’S FLU SEASON, NOT AN OUTBREAK‼️
Ang flu season ay karaniwang naitatala ng DOH pagpasok ng tag-ulan hanggang sa pag-papalit ng monsoon season mula Habagat papuntang Amihan.
Kung matatandaan, ideneklara ng PAGASA ang tag-ulan noong June at opisyal na nag tapos ang Habagat nitong Oktubre—isang hudyat na maaaring anumang oras ay mag-transition na ang Pilipinas sa Amihan.
Ayon sa DOH, 39% na mas mababa ang kaso ng Influenza-like illness o (ILI) sa unang dalawang linggo ng Oktubre kumpara sa huling dalawang linggo ng Setyembre (tingnan ang datos: https://www.facebook.com/share/p/17LN3RjcYX/?mibextid=wwXIfr)
Nilinaw ng DOH na walang outbreak. Pero dahil nasa karaniwang panahon tayo ng flu, pinag-iingat pa rin ang publiko para maiwasan ang pagkakasakit.
Kahit na walang outbreak, may kapangyarihan ang mga Gobernador at Mayor ng inyong lugar para magrekomenda ng mga hakbang sa pag-iwas sa sakit, base sa pangangailangan ng inyong lugar. Ang mandatong ito ay ayon sa R.A. 11332 o ang Mandatory Reporting of Notifiable Diseases and Health Events of Public Health Concern Act.
Panoorin ang video.