05/11/2025
Mga Lawas sa Sakay sa Nahagsang Chopper, Nakita na sa Loreto, Agusan
Narekober na ang unom (6) ka mga lawas sa gituohang mga sakay sa nahagsang helicopter sa Loreto, Agusan del Sur atol sa search and rescue operation niadtong Martes sa hapon, Nobyembre 4, 2025.
Sumala sa ulat sa Eastern Mindanao Command (EASTMINCOM), gituohang ang mga nakuha nga lawas mao ang piloto ug mga crew member sa maong chopper.
Wala pa ipahibalo sa publiko ang mga pangalan sa mga biktima samtang wala pa mapahibaloan ang ilang mga pamilya.
Ang “Super Huey” helicopter sa Tactical Operations Group (TOG) 10 sa Butuan City padulong unta sa Humanitarian Assistance and Disaster Response (HADR) mission aron motabang sa relief operations para sa mga biktima sa Bagyong Tino.
Padayon karon ang imbestigasyon sa otoridad aron mahibal-an ang tinuod nga hinungdan sa pagkahagsa sa chopper.
📷 Delmar Jay-ar Bantuasan II
