09/01/2026
BREAKING NEWS: HEPE SA SIBULAN NEGROS ORIENTAL UG LAENG KAUBAN NGA PULIS PATAY HUMAN SA SHOOTING INCEDENT, SUSPECT PULIS RA USAB
Gitaho sa Negros Oriental Police Provincial Office ang usa ka dugoong hitabo sa pagpamusil nga nahitabo sa Barangay Tubtubon, Sibulan, kagabii, Enero 9, 2026.
Sa inisyal nga mga report nagpakita nga ang kagubot nagsugod didto sa SAB Resto Bar, diin si PSSg Bonifacio Saycon giingong mipusil sa usa ka sibilyan nga giilang si Sheila Mae Dionanao.
Human sa unang pag-atake, malampusong nasikop sa responding team nga gipangulohan ni PCPT Jose Edrohil C. Cimafranca ang suspek.
Apan, samtang gi-eskort ngadto sa police station, nahitabo ang ikaduhang pagpamusil atubangan sa Toyota Motors nga miresulta sa kamatayon sa tulo ka mga arresting officer nga sila si PSMS Tristan Chua, PAT Rey Albert Temblor ug ang hepe nga si Captain Cimafranca.
Daling nips layo dayon ang suspek atol sa nahitabong insidente apan nitahan dayon sa Tanjay City Police Station pagkagabii.
Si PSSg Saycon anaa karon sa kustodiya sa kapolisan samtang ang mga imbestigador padayon nga nagtino sa kinatibuk-ang sirkumstansya luyo sa duha ka kalambigit nga pagpamusil.
Ang provincial police office misaad og hingpit nga transparency ug accountability sa imbestigasyon sanglit aktibong sakop sa PNP ang suspek.
Gilauman ang dugang nga mga pag-update samtang gitapos sa mga awtoridad ang ilang taho sa mga ligal nga aksyon nga himuon batok sa opisyal.
