26/07/2025
LALAKI PATAY, ASAWA NITO SUGATAN MATAPOS NA TAMBANGAN SA BAYAN NG SOUTH UPI, MAGUINDANAO DEL SUR
Patay ang isang lalaki habang sugatan ang asawa nito matapos silang tambangan at pagbabarilin sa bahagi ng Sittio Lena, Barangay Romongaob, South Upi, Maguindanao del Sur, kahapon araw ng Biyernes, July 25, 2025.
Kinilala ang nasawi sa pangalang Necasio Mindo, residente ng nasabing bayan, habang ang sugatang asawa nito ay hindi na pinangalanan na ngayon ay patuloy na nagpapagaling sa isang hospital.
Ayon sa impormasyon, sakay ng multicab ang mag-asawa ng pagsapit ng mga ito sa nasabing lugar ay tinambangan at bigla na lamang itong pinagbabaril ng dipa matukoy na mga salarin.
Sa ngayon ay nagpapatuloy pa ang ginagawang imbestigasyon ng South Upi PNP sa posibleng motibo at pagkakakilanlan ng nasabing mga salarin. || Via Nouraima Salik Lalaog
( Contributed Photo )
