17/09/2025
๐ก๐๐ช๐ฆ | Indak ng kadakilaan: Selebrasyon para sa mga lingkod-bayan
By: Dhan Michael D. Duculan
Tampok ang mga empleyado ng Pangasinan State University- Urdaneta City Campus sa isinigawang Zoomba bilang parte ng selebrasyon sa ika-125 na taon ng Philippine Civil Service. Ang pagdiriwang ay may temang โBawat Kawani, Lingkod Bayani: Puso, Dangal at Galing Para sa Bayanโ. Ginanap ang aktibidad noong ika-15 ng Septyembre, 2025 sa PSU-UCC Ampitheater sa pamumuno ng mga opisyales mula sa Administrative at Human Resource Management department.
Pormal na binuksan ni Engr. Jay-Ar Pentecostes, chairman ng Computer Engineering Department, ang programa sa pamamagitan ng paghahatid ng mensahe ng pagtanggap para sa mga empleyado at mag-aaral na dumalo. Nagkaroon din ng maikling oryentasyon bago magsimula ang aktibidad.
Pinangunahan ni G. Jericho Ferrer at G. Raymart Gomez, mula sa PE Department ang Zoomba. Nagpatuloy ang Zoomba habang pinanonood ng mga kalahok ang isang video na nagsilbing instructor din nila sa pagsayaw.
Binigyang-diin ni Gng. Zita Corpuz, HRMO II, ang kahalagahan ng pagdiriwang ng araw ng selebrasyon na ito upang mabigyang-pugay ang dedikasyon at mahahalagang kontribusyon ng mga empleyado sa pangkalahatang kaayusan ng institusyon.
Ani Ar. Prudencio Sumera Jr, instructor mula sa Architecture Department, nagkaroon sila ng pagkakataon para makapag-unwind mula sa kanilang mabigat na skedyul sa academe. โIt contributes to the health and wellness of faculties,โ dagdag pa nito.
Naniniwala naman si Prince Charles Basanes, mag-aaral mula sa Computer Engineering Department na mapapabuti ang mental health niya dahil nakakawala ng stress ang ganitong mga gawain.
Layunin ng selebrasyon at ng naturang mga aktibidad na panatilihin hindi lamang ang kagalingan ng mga empleyado sa bawat pamantasan kundi maging ang kanilang pansariling kapakanang pagkalusugan.
Nagtapos ang selebrasyon sa araw na iyon sa pamamagitan ng isang Solidarity Lunch na ginanap sa PSU-UCC Student Activity Center (SAC).
Editor: Jessie Shayne S. Moulic, news editor
Photos by: Janice Sampayan, photojournalist
Layout: Adrian Castro, layout artist
