Cantica Gratiae

04/11/2025

Congratulations to the Archdiocese of Nueva Segovia on the gift of Archbishop David William Antonio, its new Archbishop.

Agbiag, Nueva Segovia!

Infographics by: Rico

31/10/2025

An Advent Entrance song. If you wish to get a copy, Send us a message.

Other songs for the next season will be brewing soon.

30/10/2025

Nov. 1 - Solemnity of All Saints: https://youtu.be/472Z7EHDi0c?si=sLCokf6rnkXYO7n7

Sheet: https://www.facebook.com/photo?fbid=1290766593063886&set=pcb.1290767233063822

Accompaniment: https://youtu.be/4HbAGTInDTw?si=moLBfU0XsBvVjKnK

Nov. 2 - The Commemoration of All the Faithful Departed: https://youtu.be/Qr3epdwolOw?si=tN6JAI1wLzJYyNTS

Sheet: https://www.facebook.com/photo/?fbid=1278626960944516&set=pcb.1278627630944449

Accompaniment: https://youtu.be/0D19gitB4L4?si=3aMebt23p1_uG7Dc

Welcome to Cantica GratiaeCantica Gratiae (Songs of Grace / Thanksgiving) is a Catholic music apostolate dedicated to sharing liturgical and inspirational mu...

27/10/2025

Nov. 1, SOLEMNITY OF ALL SAINTS

Recording, to follow.

24/10/2025

RESPONSORIAL PSALM for the Commemoration of All the Faithful Departed (All Souls) https://youtu.be/Qr3epdwolOw?si=tN6JAI1wLzJYyNTS

Minus One (FOR PRACTICE USE): https://youtu.be/0D19gitB4L4?si=3aMebt23p1_uG7Dc

To follow po ang All Saints

Welcome to Cantica GratiaeCantica Gratiae (Songs of Grace / Thanksgiving) is a Catholic music apostolate dedicated to sharing liturgical and inspirational mu...

22/10/2025

Ika-22 ng Oktubre, SAN JUAN PABLO II

Ipinanganak bilang Karol Józef Wojtyła noong Mayo 18, 1920 sa Wadowice, Poland, si San Juan Pablo II ang naging unang papa mula sa labas ng Italya sa loob ng mahigit 450 taon. Bilang Papa mula 1978 hanggang 2005.

Sa kanyang mga paglalakbay sa iba’t ibang panig ng mundo, ipinakita niya na ang Ebanghelyo ay para sa lahat; mayaman man o dukha, bata o matanda. Itinaguyod niya ang dignidad ng tao, buhay ng pamilya, at pag-asa ng kabataan. Sa kanyang Apostolic Letter na Novo Millennio Ineunte, pinaalalahanan niya ang Simbahan: “Ang kabanalan ay hindi pribilehiyo ng ilan, kundi tungkulin ng lahat ng binyagan.”

Pumanaw siya noong Abril 2, 2005, at idineklara bilang Santo noong Abril 27, 2014.

Sa paggunita ng kanyang kapistahan, alalahanin natin ang kanyang panawagan:

“Buksan ninyo ang inyong puso sa pag-ibig ni Cristo... sapagkat sa Kanya, ang tao ay lubos na nauunawaan ang sarili.”

Santo Juan Pablo II, ipanalangin mo kami!

21/10/2025

Ika-21 ng Oktubre, SAN PEDRO CALUNGSOD

Si San Pedro Calungsod ay ipinanganak noong Hulyo 21, 1654 sa Visayas. Bilang isang katekista at sakristan, maaga niyang ipinakita ang malasakit sa pananampalataya at sa paglilingkod sa Simbahan.

Noong 1672, siya ay sumama kay Padre Diego Luis de San Vitores, SJ sa misyon sa Marianas (Guam) upang ipahayag ang Mabuting Balita. Sa kabila ng panganib, buong tapang niyang ipinagpatuloy ang pagbibinyag at pagtuturo ng pananampalataya.

Noong Abril 2, 1672, si Pedro ay namartir matapos tanggaping una ang sibat na para sana sa pari. Inialay niya ang kanyang buhay alang-alang sa pananampalataya.

Siya ay itinanghal na Beato noong 2000 at kanonisado bilang Santo noong Oktubre 21, 2012 ni Pope Benedict XVI. Bilang ikalawang Pilipinong Santo, siya ay patron ng mga katekista, kabataan, at mga migrante (OFW); huwaran ng tapang, pananampalataya, at kababaang-loob.

Musika © Saint Pedro Calungsod. Percival Mutia Cacanindin

19/10/2025

Ika-29 na Linggo sa Karaniwang Panahon (C)

MABUTING BALITA
Lucas 18, 1-8

Ang Mabuting Balita ng Panginoon ayon kay San Lucas

Noong panahong iyon, isinaysay ni Hesus ang isang talinghaga upang ituro sa mga alagad na dapat silang manalanging lagi at huwag manghinawa. “Sa isang lungsod,” wika niya, “may isang hukom na hindi natatakot sa Diyos sa Diyos at walang taong iginagalang. Sa lungsod ding iyon ay may isang babaing balo na punta nang punta sa hukom at humihingi ng katarungan. Tinanggihan siya ng hukom sa loob ng ilang panahon. Ngunit nang malaunan ay nasabi nito sa sarili: “Bagamat hindi ako natatakot sa Diyos ni gumagalang kaninuman, igagawad ko na ang katarungang hinihingi ng babaing ito sapagkat lagi niya akong ginagambala – baka pa ako mainis sa kapaparito niya.” At sinabi ng Panginoon, “Narinig ninyo ang sinabi ng masamang hukom. Hindi ipagkakait ng Diyos ang katarungan sa kanyang mga hinirang na dumaraing sa kanya araw-gabi, bagamat tila nagtatagal iyon. Sinasabi ko sa inyo, agad niyang igagawad sa kanila ang katarungan. Ngunit pagdating ng Anak ng Tao sa daigdig na ito, may makikita kaya siyang mga taong nananalig sa kanya?”

Ang Mabuting Balita ng Panginoon.

Musika © How Lovely is Your Dwelling Place. JesCom

18/10/2025

Ika-18 ng Oktubre, SAN LUKAS, Ebanghelista

Si San Lukas ang Ebanghelista ay kilala bilang ang nag-akda ng Ebanghelyo ni Lukas at ng Mga Gawa ng Mga Apostol sa Bagong Tipan, na naglalahad ng buhay ni Hesus at ang paglaganap ng Simbahan. Siya ang tanging Gentil (hindi Hudyo) na naging manunulat ng Ebanghelyo. Sa tradisyon, pinaniniwalaang siya ay mula sa Antioquia at tinaguriang “ang minamahal nating duktor” ni Apostol Pablo.

Si Lukas ay naging kasama ni Pablo sa kanyang mga paglalakbay, nariyan siya sa Roma upang samahan si Pablo kahit sa panahon ng pagkakabilanggo, at sa panahong iyon ay nagtipon siya ng mga salaysay at testimonya upang bumuo ng kanyang mga sulatin. Ang kanyang Ebanghelyo ay binigyang-diin ang awa, ang kaligtasan para sa lahat, ang malasakit sa mahihirap, ang kahalagahan ng panalangin at ang mahiwagang paggabay ng Espiritu Santo. Bilang patron ng mga manggagamot, pintor, at manunulat, si San Lukas ay naging huwaran sa pagsasama ng talento, karunungan, at pananampalataya sa paglilingkod sa Diyos at sa tao.

Musika © Salmo 115. Mark Anthony Reyes

16/10/2025

Ika-17 ng Oktubre, SAN IGNACIO NG ANTIOQUIA

Si San Ignacio ng Antioquia ay isang dakilang obispo at martir ng unang Simbahan na namuhay noong unang siglo ng Kristiyanismo. Ipinanganak siya sa pagitan ng mga taong 35 at 50, at naging ikalawang obispo ng Antioquia matapos si San Pedro. Sa panahon ng matinding pag-uusig sa mga Kristiyano, siya ay inaresto at dinala sa Roma upang hatulan ng kamatayan dahil sa kanyang matatag na pananampalataya kay Jesucristo.

Habang siya ay bilanggo, sumulat si San Ignacio ng mga liham sa iba’t ibang pamayanang Kristiyano—tulad ng sa mga taga-Efeso, Magnesia, Tralles, Smyrna, Philadelphia, at Roma. Sa mga sulat na ito, ipinahayag niya ang kahalagahan ng pagkakaisa ng Simbahan, ang tungkulin ng mga obispo bilang tagapag-ingat ng pananampalataya, at ang kahandaan sa pag-aalay ng sarili alang-alang kay Cristo.

Sa halip na matakot sa kamatayan, tinanggap niya ito bilang pagkakataon upang ganap na makaisa ang Panginoon. Bago siya patayin sa pamamagitan ng pagpapakain sa mga mababangis na hayop sa Roma, sinabi niya: “Ako ay trigo ng Diyos; hayaang ako’y durugin ng mga pangil ng mga hayop upang maging dalisay na tinapay ni Cristo.” Ang kanyang kabayanihan at kababaang-loob ay nananatiling inspirasyon sa mga mananampalataya hanggang sa kasalukuyan, bilang halimbawa ng pag-ibig at katapatan sa Diyos hanggang sa huling sandali.

Musika © Magtiwala. Bukas Palad

15/10/2025

Ika-16 ng Oktubre, STA. HEDWIG at STA. MARGARITA MARIA ALACOQUE

Si Sta. Hedwig ay ipinanganak noong 1174 sa Bavaria at nagmula sa pamilyang maharlika. Ikinasal siya kay Duke Henry ng Silesia at naging ina ng maraming anak. Kilala siya sa kanyang kababaang-loob at malasakit sa mahihirap. Kasama ng asawa, nagtayo siya ng mga monasteryo, ospital, at tahanan para sa mga may karamdaman. Nang mamatay ang kanyang asawa, pinili niyang mamuhay sa kabanalan sa monasteryo ng mga Cistercian sa Trebnitz, ngunit patuloy pa ring tumulong sa mga nangangailangan. Madalas siyang naglalakad nang walang sapatos bilang tanda ng sakripisyo at pagpapakumbaba. Namatay siya noong 15 Oktubre 1243 at kinilala bilang patrona ng Poland, ng mga biyuda, at ng mga dukesa.

Si Sta. Margarita ay ipinanganak noong 1647 sa Pransya at maagang ipinakita ang kanyang malalim na pagmamahal kay Jesus kahit sa gitna ng kahirapan at karamdaman. Sa edad na 22, pumasok siya sa kumbento ng Order of the Visitation sa Paray-le-Monial, kung saan siya ay nakaranas ng mga pagpapakita ni Jesus na naghayag ng debosyon sa Kanyang Banal na Puso. Ipinangaral niya ang pagmamahal at awa ng Diyos sa pamamagitan ng debosyong ito at hinikayat ang mga tapat na ipagdiwang ang kapistahan ng Sacred Heart at magsamba tuwing unang Biyernes ng buwan. Namatay siya noong 17 Oktubre 1690 at kinilala bilang patrona ng debosyon sa Banal na Puso ni Jesus.

Musika © The Seed. Nez Marcelo

14/10/2025

Ika-15 ng Oktubre, SANTA TERESA NG AVILA

Si Santa Teresa ng Ávila ay isang Espanyol na mongha, isa sa mga "Great Mystics", manunulat, at repormadora ng Orden ng mga Carmelita. Ipinanganak siya noong 1515 sa Ávila, Espanya, at nakilala bilang isa sa mga pinakadakilang g**o ng panalangin at buhay espiritwal sa Simbahang Katolika. Sa kabila ng kanyang mahina na kalusugan at mga pagsubok sa buhay relihiyoso, nagsikap siyang baguhin at buhayin muli ang orihinal na diwa ng Carmelita; ang pamumuhay sa kahirapan, kababaang-loob, at taimtim na debosyon sa Diyos.

Kabilang sa kanyang mga bantog na akda ang The Life of Teresa of Jesus, The Way of Perfection, at The Interior Castle, na nagpapaliwanag ng malalim na ugnayan ng kaluluwa sa Diyos sa pamamagitan ng panalangin at pagmumuni-muni. Dahil sa lalim ng kanyang espiritwal na katuruan at sa kanyang huwarang kabanalan, kinilala siya bilang isa sa mga Doctor of the Church; isang bihirang karangalang ibinibigay sa mga taong may malaking ambag sa doktrina ng pananampalataya. Hanggang ngayon, si Santa Teresa ng Ávila ay nananatiling huwaran ng pananampalatayang matatag, mapagnilay, at ganap na inialay sa Diyos.

Musika © The Seed. Nez Marcelo