https://www.facebook.com/106237145740858/

98.5 Radyo Kaibigan Valencia City, Valencia (2026)

02/06/2026

𝗧𝗔𝗡-𝗔𝗪𝗔: 𝗥𝗲𝗹𝗲𝗮𝘀𝗲 𝘀𝗮 𝗙𝗶𝗻𝗮𝗻𝗰𝗶𝗮𝗹 𝗔𝘀𝘀𝗶𝘀𝘁𝗮𝗻𝗰𝗲 𝗣𝗿𝗼𝗴𝗿𝗮𝗺 𝗮𝗹𝗮𝗻𝗴 𝘀𝗮 𝗦𝘁𝗿𝗲𝗲𝘁 𝗩𝗲𝗻𝗱𝗼𝗿𝘀 𝘂𝗴 𝗙𝗼𝗼𝗱 𝗣𝗮𝗻𝗱𝗮 𝗗𝗲𝗹𝗶𝘃𝗲𝗿𝘆 𝗥𝗶𝗱𝗲𝗿𝘀 ,𝗛𝘂𝗻𝘆𝗼 2, 2026, 𝘀𝗮 𝗱𝗮𝗸𝗯𝗮𝘆𝗮𝗻 𝘀𝗮 𝗩𝗮𝗹𝗲𝗻𝗰𝗶𝗮 𝗱𝗶𝗱𝘁𝗼 𝘀𝗮 𝗥𝗼𝗯𝗶𝗻𝘀𝗼𝗻𝘀 𝗣𝗹𝗮𝗰𝗲 𝗩𝗮𝗹𝗲𝗻𝗰𝗶𝗮.

31/05/2026

Pahinomdom sa tanan member nga sakop sa Bukidnon.

Naa nasab kitay laing 3 na gipanawagan nga atong tabangan karong semanaha. Amo mong gihangyo sa paghatod sa atong obligasyon ngadto sa atong mga collectors/coordinators.

Salamat and Godbless mga Igan 😊.

30/05/2026

𝗟𝗔𝗡𝗧𝗔𝗪𝗔: 𝗟𝗮𝗹𝗮𝗸𝗶 𝗻𝗴𝗮 𝗻𝗮𝗴𝗽𝗮𝗸𝗮𝗿𝘂𝗻-𝗶𝗻𝗴𝗻𝗼𝗻𝗴 𝘀𝘂𝗿𝘃𝗶𝘃𝗼𝗿 𝘀𝗮 𝗻𝗮𝗵𝘂𝗴𝗻𝗼 𝗻𝗴𝗮 𝗯𝘂𝗶𝗹𝗱𝗶𝗻𝗴 𝘀𝗮 𝗣𝗮𝗺𝗽𝗮𝗻𝗴𝗴𝗮, 𝗴𝗶𝗱𝗮𝗸𝗼𝗽 𝗵𝘂𝗺𝗮𝗻 𝗻𝗮𝘀𝗮𝘆𝗿𝗮𝗻 𝗻𝗴𝗮 𝗶𝗴𝗼 𝗹𝗮𝗻𝗴 𝗸𝗶𝗻𝗶 𝗻𝗶𝗽𝗮𝗹𝗶𝘁 𝘂𝗴 𝗯𝗲𝗲𝗿 𝗮𝘁𝗼𝗹 𝘀𝗮 𝗽𝗮𝗻𝗴𝗵𝗶𝘁𝗮𝗯𝗼!

Nasikop sa kapulisan ang usa ka lalaki human kini nagpakaaron-ingnon nga survivor sa nihugno nga building didto sa Angeles City, Pampanga.

Matud pa nga nakalingkawas kining lalaki sa trahedya tungod kay nipalit siya og beer duol sa lugar sa dihang nahitabo ang insidente, apan nasayran kini nga dili diay siya survivor ug dili usab paryente sa mga biktima.

Giangkon usab matod pa sa lalaki nga hinimo lamang ang iyang istorya.

Nahibaloan nga nakadawat kining lalaki og pinansyal nga tabang gikan sa Department of Social Welfare and Development ug mibalik pa aron mangayo og dugang ayuda, maong gisusi ang iyang tinuod nga pagkatawo.

Nagpasidaan ang lokal nga kagamhanan sa Angeles City ngadto sa publiko ug media nga magbinantayon sa mga indibidwal nga magpakaaron ingnon nga biktima o survivor sa nihugno nga building.

Photos: Ctto ________________________________________________________________

Kini nga balita hatud kanato sa vegimax plus ang pinagpalang kapsula ug aroma herbal oil ang pinagpalang lana.

Mapalit sa Kaibigan Center nga naa sa sulod sa alkuino emporium Poblacion Valencia.

30/05/2026

UPDATED: Gipahibalo ang tanang college students sa San Agustin Institute of Technology (SAIT) 𝐧𝐠𝐚 𝐫𝐞𝐬𝐢𝐝𝐞𝐧𝐭𝐞 𝐬𝐚 𝐕𝐚𝐥𝐞𝐧𝐜𝐢𝐚 𝐂𝐢𝐭𝐲, gikan sa tanang year level, nga mag-abli ang City Government of Valencia og 600 ka slots alang sa Educational Assistance Program.

Ang matag kwalipikadong benepisyaryo makadawat og ₱2,000 nga educational assistance, nga 𝐝𝐢𝐫𝐞𝐤𝐭𝐚𝐧𝐠 𝐢𝐛𝐚𝐲𝐚𝐝 𝐬𝐚 𝐞𝐬𝐤𝐰𝐞𝐥𝐚𝐡𝐚𝐧 isip kabahin sa bayronon sa estudyante. Walay cash nga ipagawas o madawat sa estudyante ubos niini nga programa.

Ang pag-apil sa programa himuon sa first come, first served basis. Ang mga aplikasyon pagadawaton hangtod mapuno ang gitakdang slots, nga adunay 150 ka slots matag year level.

Busa, gidasig ang mga interesado nga makakompleto dayon sa ilang aplikasyon ug makasumite sa sakto ug kompleto nga mga dokumento.

𝐌𝐠𝐚 𝐫𝐞𝐪𝐮𝐢𝐫𝐞𝐦𝐞𝐧𝐭𝐬 𝐚𝐥𝐚𝐧𝐠 𝐬𝐚 𝐄𝐝𝐮𝐜𝐚𝐭𝐢𝐨𝐧𝐚𝐥 𝐀𝐬𝐬𝐢𝐬𝐭𝐚𝐧𝐜𝐞:

• Validated Certificate of Enrollment/Registration (COR) sa pinakaulahing semester o school year nga na-enrollan ug Statement of Account
• School ID o bisan unsang valid ID sa estudyante
• Latest Barangay Indigency sa estudyante nga adunay purpose nga para sa Educational Assistance (Pwede usab kini makuha sa City Social Welfare and Development Office)
• Valid ID sa ginikanan o guardian
• Latest Cedula sa estudyante

Note: Isiguro nga ang mga isumiteng ID adunay adres o impormasyon nga nagpamatuod nga residente sa Valencia City ang aplikante.

Mahimong ma-access ang application link dinhi:
https://forms.gle/9jZ3J7C1gEjmwzaZ9

Padayon usab nga magpabiling updated alang sa sunod nga mga anunsyo ug impormasyon, ilabina sa pag-abli sa maong Educational Assistance Program alang usab sa ubang mga tulonghaan. Gihangyo ang mga estudyante nga maghulat lamang sa opisyal nga pahibalo kabahin niini.

Ctto : City Government of Valencia

30/05/2026

“𝗨𝗧𝗢𝗧-𝗨𝗧𝗢𝗧” 𝗡𝗚𝗔 𝗧𝗔𝗡𝗢𝗠, 𝗚𝗜𝗧𝗨𝗢𝗛𝗔𝗡𝗚 𝗔𝗗𝗨𝗡𝗔𝗬 𝗕𝗘𝗡𝗘𝗣𝗜𝗦𝗬𝗢 𝗕𝗔𝗧𝗢𝗞 𝗦𝗔 𝗛𝗨𝗕𝗔𝗞 𝗨𝗚 𝗜𝗡𝗦𝗢𝗠𝗡𝗜𝗬𝗔

Usa ka tanom nga kasagarang makita sa kakahoyan ug kasagbotan ang karon nakadani sa interes sa daghang tawo tungod sa giingong mga benepisyo niini sa panglawas. Kini mao ang “Utot-utot” nga nailhan sa siyentipikong ngalan nga Passiflora foetida o wild maracuja.

Bisan og sagbot lamang kini sa panan-aw sa uban, adunay mga tradisyonal nga paggamit ug pipila ka pagtuon nga nagpakita nga ang maong tanom adunay mga sustansya ug natural nga compound nga posibleng makatabang sa lawas.

Giingong dato kini sa antioxidants ug flavonoids nga makatabang sa pagpanalipod sa mga selula sa lawas ug pagsuporta sa immune system. Sa tradisyonal nga pamaagi, gilat-an usab ang mga dahon ug gamot niini ug gigamit isip tambal sa ubang mga problema sa pagginhawa sama sa hubak ug ubo.

Gawas pa niini, giila usab ang Utot-utot tungod sa posible nga epekto niini sa pagpahayahay sa lawas ug hunahuna. Matud sa pipila ka tradisyonal nga tinuohan, makatabang kini sa paghupay sa labad sa ulo, pagpakalma sa gibating kakulba, ug pagtabang sa mas maayong pagkatulog.

Bisan pa niini, nagpahimangno ang mga eksperto nga dili angay saligan lamang ang maong tanom isip nag-unang tambal sa bisan unsang sakit. Importante gihapon ang pagkonsulta sa doktor o lisensyadong health professional aron masiguro ang husto ug luwas nga pagtambal.

Ctto :

________________________________________________________________

Kini nga balita hatud kanato sa vegimax plus ang pinagpalang kapsula ug aroma herbal oil ang pinagpalang lana.

Mapalit sa Kaibigan Center nga naa sa sulod sa alkuino emporium Poblacion Valencia.

30/05/2026

𝗨𝗽𝗮𝘁 𝗸𝗮 𝗜𝗿𝗼 𝗣𝗮𝘁𝗮𝘆 𝘀𝗮 𝗛𝗶𝗹𝗼 𝘀𝗮 𝗧𝗮𝗴𝗯𝗶𝗹𝗮𝗿𝗮𝗻; 𝗧𝗮𝗴-𝗶𝘆𝗮 𝗡𝗮𝗻𝗮𝘄𝗮𝗴𝗮𝗻 𝗼𝗴 𝗛𝘂𝘀𝘁𝗶𝘀𝘆𝗮, 𝗡𝗲𝘁𝗶𝘇𝗲𝗻 𝗚𝗶𝗽𝗮𝘀𝗶𝗱𝗮𝗻-𝗮𝗻 𝗮𝗻𝗴 𝘁𝗮𝗴-𝗶𝘆𝗮 𝗕𝗮𝘁𝗼𝗸 𝘀𝗮 𝗞𝗮𝘄𝗮𝘁

Nanawagan karon og hustisya ang usa ka "Fur Dad" human sunod-sunod nga gihiloan ug nangamatay ang upat niya ka binuhing iro sulod mismo sa ilang gikoral nga compound sa Mansasa, Dakbayan sa Tagbilaran.

Sumala sa asoy sa tag-iya nga si Johnny Ferniz nahitabo ang unang insidente niadtong Mayo 16, 2026, ug gisundan pa kini paglabay sa pipila ka adlaw hinungdan sa pagkamatay sa upat niya ka binuhi.

Dakong katingala ug kaguol ni Ferniz tungod kay may koral ang ilang panimalay ug dili gyud makagawas ang mga iro, hinungdan nga dako ang iyang duda nga gipang-itsahan ra og hilo ang iyang mga binuhi gikan sa gawas.

Sa pagkakaron, problema pa ang kakuwang sa ebidensya gumikan kay walay CCTV footage sa maong dapit, apan determinado si Ferniz nga ireport ang maong hitabo ngadto sa ilang barangay aron mapatubag ug masilotan kung kinsa man ang nagpaluyo sa maong mangil-ad nga buhat.

Taliwala sa maong insidente, nagpadayag sab og kabalaka ug pasidaan ang publiko ngadto kang Ferniz human mokatap ang balita sa social media.

Usa ka concerned netizen ang nikomento ug nipahimangno nga posibleng timailhan kini sa umaabot nga kawat sa ilang dapit. Matud sa netizen, nakasinati usab siya og susamang sitwasyon kaniadto diin gipanghiloan una ang ilang mga iro, ug pipila ka adlaw ang nilabay, gisulod ug gikawatan na ang ilang panimalay.

Photo: Ctto

________________________________________________________________

Kini nga balita hatud kanato sa vegimax plus ang pinagpalang kapsula ug aroma herbal oil ang pinagpalang lana.

Mapalit sa Kaibigan Center nga naa sa sulod sa alkuino emporium Poblacion Valencia.

30/05/2026

𝗧𝗔𝗡-𝗔𝗪𝗔: 297 𝗞𝗔 𝗞𝗔𝗕𝗔𝗧𝗔𝗡-𝗢𝗡𝗔𝗡, 𝗡𝗔𝗞𝗔𝗕𝗘𝗡𝗘𝗣𝗜𝗦𝗬𝗢 𝗦𝗔 𝗟𝗜𝗕𝗥𝗘𝗡𝗚 𝗧𝗨𝗟𝗜 𝗣𝗥𝗢𝗚𝗥𝗔𝗠 𝗦𝗔 4 𝗞𝗔 𝗕𝗔𝗥𝗔𝗡𝗚𝗔𝗬

Ubos sa liderato ni Mayor Amie Galario kauban si Vice Mayor Greizl Galario-Fernandez ug ang 10th Sangguniang Panlungsod, malampusong gipahigayon sa Lokal nga Panggamhanan ang Summer Tuli Program sa mga Barangay Kahaponan, Pinatilan, Vintar, ug Sinabuagan gikan Mayo 18 hangtod 21, 2026, diin mokabat sa 297 ka mga kabatan-onan ang nakadawat og libre ug luwas nga serbisyong tuli.

Pinakadaghan ang nakabenepisyo sa Barangay Pinatilan nga adunay 92 ka benepisyaryo, gisundan sa Vintar nga adunay 82, Kahaponan nga adunay 76, ug Sinabuagan nga adunay 47.

Ang maong kalihokan gipahigayon pinaagi sa City Health Office (CHO) sa pagpangulo ni Dr. Anito Rondina Jr. ug sa pakigtambayayong sa mga Barangay Health Stations aron masiguro ang hapsay, limpyo, ug propesyonal nga paghatag sa serbisyo.

Gawas sa libreng tuli, gihatagan usab og kahimanan sa kahibalo ang mga ginikanan ug kabatan-onan bahin sa hustong pag-atiman sa samad, personal nga kalimpyo, ug sakto nga pamaagi sa pagrekober aron malikayan ang komplikasyon ug mapadali ang pagkaayo.

Sumala sa City Health Office, kabahin kini sa padayong paningkamot sa lokal nga panggamhanan sa pagdala sa de-kalidad ug accessible nga serbisyong panglawas ngadto sa mga komunidad.

Padayon ang serbisyo, padayon ang pag-atiman sa panglawas sa katawhan.

Photos Ctto

________________________________________________________________

Kini nga balita hatud kanato sa vegimax plus ang pinagpalang kapsula ug aroma herbal oil ang pinagpalang lana.

Mapalit sa Kaibigan Center nga naa sa sulod sa alkuino emporium Poblacion Valencia.

30/05/2026

13-ANYOS NGA BATAN-ON, PATAY HUMAN GIBUNALAN OG BOTELYA TUNGOD SA PAGBALIBAD SA TAGAY

Patay ang usa ka 13-anyos nga lalaki human giingong gibunalan sa ulo gamit ang botelya sa ilimnong makahubog atol sa usa ka haya.

Sumala sa imbestigasyon, miabot ang suspek sa maong lugar nga hubog ug nanghagad og tagay. Apan human mobalibad ang batan-on, kalit kuno siyang gibunalan sa suspek gamit ang botelya samtang naglingkod, nga naigo sa likod sa iyang ulo.

Gidali pagdala sa biktima ngadto sa ospital aron matambalan, apan gideklarar siyang patay sa mga doktor tungod sa grabeng samad nga iyang naangkon.

Human sa insidente, gilusad dayon sa kapulisan ang hot pursuit operation ug nadakpan ang suspek sa Sitio Nangka, Barangay Jonobjonob pinaagi sa impormasyong gihatag sa inahan sa biktima.

SOURCE: ifm Davao

________________________________________________________________

Kini nga balita hatud kanato sa vegimax plus ang pinagpalang kapsula ug aroma herbal oil ang pinagpalang lana.

Mapalit sa Kaibigan Center nga naa sa sulod sa alkuino emporium Poblacion Valencia.

98.5 Radyo Kaibigan Valencia City

02/06/2026

31/05/2026

30/05/2026

30/05/2026

30/05/2026

30/05/2026

30/05/2026

30/05/2026

Address

Telephone

Website

Alerts

Contact The Business

Shortcuts

Share

Category