06/10/2026
“WALA MAN LANG NAGBUNGA SA INYONG PAG-IIMBESTIGA?”
Giit ni Senator-judge Raffy Tulfo sa pagdinig ng impeachment trial, kinuwestiyon niya ang AMLC Executive Director na si Ronel Buenaventura kung may naging konkretong aksyon ba ang AMLC matapos ma-flag ang ilang kahina-hinalang transaksyon na may kaugnayan sa mga account na iniuugnay kay Vice President Sara Duterte at sa kanyang asawang si Manases Carpio.
Tinanong ni Tulfo kung nagbunga ba ng resulta ang mga isinagawang hakbang ng AMLC, o kung nagkaroon ng pag-aatubili dahil mga makapangyarihang personalidad ang sangkot.
Ayon kay Tulfo:
“Wala man lang nagbunga sa inyong pag-iimbestiga o dahil natakot kayo sapagkat nasa puwesto ’yung mga tao?”
Iginiit din ng senador na tila ibang-iba ang naging pagtrato kumpara sa mga ordinaryong depositor na may suspicious transactions.
Samantala, sinabi ni Buenaventura na hindi niya maaaring ibunyag ang mga partikular na aksyong isinagawa ng AMLC dahil saklaw ito ng confidentiality rules.
Dagdag pa niya, hindi rin ipinapaalam sa mga taong sakop ng suspicious transaction reports na na-flag ang kanilang mga transaksyon, dahil ipinagbabawal ng batas ang tinatawag na “tipping off” o pagbibigay-alam sa subject tungkol sa naturang report o sa mga aksyong kaugnay nito.
