Beck Martinez

15/08/2026

Sa loob ng anim na araw ng ating pag-iikot, patuloy tayong namahagi ng mainit na sopas sa ating mga kabarangay sa Marulas na naapektuhan ng pagbaha.

Nawa’y sa simpleng paraan na ito ay nakapagbigay tayo ng kaunting ginhawa, init, at pag-asa sa bawat pamilyang ating napuntahan. Sa panahon ng pagsubok, buhay na buhay ang diwa ng tunay na bayanihan—walang naiiwan at sama-samang bumabangon.

Maraming salamat sa lahat ng tumulong at nakiisa sa ating Mobile Soup Kitchen. Patuloy tayong maglilingkod sa ating mga kabarangay. 🙏❤️

13/08/2026

Isang panibagong tagumpay na naman ang ipinagdiriwang ng ating komunidad! 🎓✨

Buong puso naming binabati si Analyn C. Pacheco sa kanyang matagumpay na pagtatapos ng Bachelor of Science in Social Work sa City of Malabon University, at sa pagkamit ng karangalan bilang Magna Cum Laude.

Ang iyong pagsusumikap, dedikasyon, at determinasyon ay patunay na walang imposible sa isang pusong determinado. Nawa’y magsilbing inspirasyon ang iyong tagumpay sa iba pang kabataan ng Marulas.

Congratulations, Analyn! 🎉
Patuloy mong abutin ang iyong mga pangarap. Ipinagmamalaki ka ng Barangay Marulas! 💙❤️

12/08/2026

⚠️ PAALALA: IWAS LEPTOSPIROSIS!
Ngayong panahon ng baha, mahalagang maging maingat at protektahan ang sarili at pamilya. Ang tubig-baha ay maaaring may dalang bacteria na nagdudulot ng leptospirosis.

📌 May sugat man o wala, kung lumusong sa tubig-baha, kaagad na magtungo sa pinakamalapit na health center sa inyong lugar para sa libreng konsultasyon at gamot.

📌 Huwag balewalain ang posibleng sintomas tulad ng lagnat, pananakit ng katawan, sakit ng ulo, pamumula ng mata, pagsusuka/pagkahilo, at matinding panghihina.

🩺 Magpatingin agad. Huwag hintayin na lumala ang sintomas.

Mag-ingat sa baha. Protektahan ang sarili at pamilya.💙❤️

Team Bayanihan sa Marulas!

12/08/2026

Isang malaking pagbati kay Stephanie Chloe A. Borja!

Buong puso nating ipinagmamalaki ang kanyang pagkamit ng Bachelor of Fine Arts Major in Visual Communication mula sa Eulogio “Amang” Rodriguez Institute of Science and Technology, bilang SUMMA CUM LAUDE!

Ang tagumpay na ito ay bunga ng sipag, tiyaga, talento, at hindi pagsuko sa bawat hamon. Nawa’y patuloy mong gamitin ang iyong galing at pagkamalikhain upang magbigay-inspirasyon sa iba.

Congratulations, Stephanie! Deserve na deserve mo ang tagumpay na ito.

10/08/2026

Ngayong araw, maglulunsad tayo ng Mobile Soup Kitchen para sa mga apektado ng bagyo sa Marulas. ❤️💙

Sa gitna ng pagsubok, patuloy ang ating Bayanihan sa Marulas—agarang tulong, malasakit, at mainit na pagkain para sa ating mga kabarangay na higit na nangangailangan.

Magkita-kita tayo ngayong araw. Sama-sama tayong bumangon at magtulungan para sa Marulas. 🙏

Bayanihan sa Marulas, buhay na buhay!

09/08/2026

Goodmorning wala tayong tulugan sa mga ganitong sitwasyon tuloy po ang Bayanihan sa Marulas mmayang 8:30am sa Sta Fe Street Marulas para magbigay ng libreng medical consultation, free maintenance medicine at free legal consultation at mag pa free sopas pa si Kagawad Beck Martinez mamaya.

Marulas magbayanihan tayo ito ang kailangan natin sa mga panahong ito.

08/08/2026

Dahil sa matinding pag-ulan, marami sa ating mga kabarangay ang kinailangang lumikas para sa kanilang kaligtasan. Agad namang rumesponde ang ating team upang maghatid ng pagkain at kaunting tulong sa ating mga kabarangay na apektado ng ulan.

Buhay na buhay ang diwa ng Bayanihan sa Marulas! ❤️🙏

Sa pangunguna ni Kagawad Beck Martinez (BM Martinez), kasama sina Kagawad Dan Sapugay, Kaibigan Luigi Dominguez, Yulo Bukas, Atty. Nicole Locsin, Morris Pineda Malonzo, Estong Avendaño, Kuya Vic Legal at Mareng Jhen, sama-sama tayong kumikilos at nagtutulungan para sa ating komunidad.

Maraming salamat po sa lahat ng patuloy na tumutulong at nagmamalasakit. Ingat po tayong lahat, at sana ay tuluyan nang humupa ang ulan. 🙏

Sa oras ng pangangailangan, walang iwanan. Bayanihan sa Marulas!

08/08/2026

08/08/2026

Maligayang ika-53 Anibersaryo sa Alpha Kappa Rho! 🎉

Isang taos-pusong pagbati sa inyo ngayong Agosto 8, 2026. Patuloy po kaming sumusuporta sa inyong mga adhikain, programa, at mga gawaing nagtataguyod ng tunay na diwa ng kapatiran at paglilingkod sa komunidad.

Mabuhay ang inyong samahan! Long live!

08/08/2026

PAALALA SA LAHAT NG RESIDENTE NG BARANGAY MARULAS, VALENZUELA CITY! ⚠️

Naka-ORANGE RAINFALL WARNING ang Metro Manila. Inaasahan ang katamtaman hanggang malakas na pag-ulan na maaaring magdulot ng pagbaha, lalo na sa mga mabababang lugar.

📌 MGA PAALALA: Manatili sa ligtas na lugar at iwasang lumabas kung hindi kinakailangan.

• Maghanda ng flashlight, pagkain, tubig, gamot, at mahahalagang dokumento.

• I-unplug ang mga electrical appliances kung kinakailangan.

• Iwasang tumawid o maglakad sa rumaragasang tubig-baha.

• Bantayan ang mga bata, senior citizens, at iba pang nangangailangan ng assistance.

• Patuloy na subaybayan ang mga opisyal na weather updates ng PAGASA at lokal na pamahalaan.

EMERGENCY HOTLINES — MARULAS, VALENZUELA CITY

📞 Valenzuela City Emergency / Rescue (VCDRRMO)
8292-1405 / 8352-5000

🚓 Valenzuela City Police
8352-1000

🚒 Bureau of Fire Protection – Valenzuela
8352-4000

🏥 Valenzuela City Emergency Hospital
8352-6000

🏥 Valenzuela Medical Center
8294-6711

MAGING ALERTO. MAGING HANDA. MAGING LIGTAS, MARULAS! 🇵🇭

Ang kaligtasan ng bawat isa ay responsibilidad nating lahat.