Ang Kapakyanan, Aurelio Arago Memorial National High School, Victoria (2025)

15/09/2025

𝗧𝗨𝗡𝗚𝗛𝗔𝗬𝗔𝗡 | TAGUMPAY!!!

Isang malaking karangalan ang naiuwing tagumpay ni Roi Achilles Manzano matapos niyang manalo sa Guhit ng Pagkakakilanlan. Sa kanyang likhang sining, hindi lang niya ipinakita ang kanyang talento at galing, kundi pati na rin ang tunay na diwa ng pagkakakilanlan ng mga kabataan. Ang kanyang tagumpay ay nagsisilbing inspirasyon sa buong Aurelio Arago Memorial National High School. Sa patuloy na pagpapakita ng galing at pagsisikap, hindi makakaila na abot kamay na ang mga pangarap.

"MALAYO PA PERO MALAYO NA" muli, maligayang pagbati sa iyong karangalan Roi Achilles Manzano.

🖊️: Ghian Ebite
📷: TCS, Trisha Noche

06/09/2025

𝐒𝐲𝐦𝐩𝐨𝐬𝐢𝐮𝐦 𝐮𝐤𝐨𝐥 𝐬𝐚 𝐊𝐚𝐥𝐢𝐠𝐭𝐚𝐬𝐚𝐧 𝐚𝐭 𝐌𝐞𝐧𝐭𝐚𝐥 𝐇𝐞𝐚𝐥𝐭𝐡 𝐧𝐠 𝐦𝐠𝐚 𝐌𝐚𝐠-𝐚𝐫𝐚𝐥, 𝐆𝐢𝐧𝐚𝐧𝐚𝐩 𝐬𝐚 𝐀𝐮𝐫𝐞𝐥𝐢𝐨 𝐀𝐫𝐚𝐠𝐨 𝐌𝐍𝐇𝐒

Isinagawa sa Aurelio Arago Memorial National High School (AAMNHS) nitong ika-5 ng Setyembre 2025 ang symposium na may temang "𝐒𝐜𝐡𝐨𝐨𝐥 𝐒𝐚𝐟𝐞𝐭𝐲 𝐚𝐧𝐝 𝐏𝐫𝐨𝐭𝐞𝐜𝐭𝐢𝐨𝐧, 𝐆𝐚𝐧𝐠, 𝐅𝐫𝐚𝐭𝐞𝐫𝐧𝐢𝐭𝐲, 𝐚𝐧𝐝 𝐂𝐲𝐛𝐞𝐫𝐛𝐮𝐥𝐥𝐲𝐢𝐧𝐠 𝐂𝐮𝐦 𝐌𝐞𝐧𝐭𝐚𝐥 𝐇𝐞𝐚𝐥𝐭𝐡 𝐀𝐰𝐚𝐫𝐞𝐧𝐞𝐬𝐬".

Inilunsad ang programang ito upang palawakin ang kaalaman ng mga estudyante hinggil sa mga isyung kinakaharap ng kabataan tulad ng paglahok sa gang at fraternity, cyberbullying, at mental health upang mapangalagaan ang kanilang kaligtasan at kapakanan sa loob at labas ng paaralan na binigyang-diin ng mga eksperto mula sa larangan ng pulisya at social work.

"Ito ay ginagawa di lamang upang makatulong sa inyo, bagkus upang mahubog ang inyong pagkatao," saad ni Konsehal Gretchen Ilao, Sangguniang Bayan Member.

Naunang tinalakay ang tungkol sa bullying at mga batas na nakaangkla rito, kabilang ang mga probisyong naglalayong maprotektahan ang mga mag-aaral laban sa anumang uri ng pag-aabuso.

Inihayag ni Police Patrol Woman Abegail Montante na mahalagang huwag patulan ang kasakiman bagkus ipagbigay-alam ito sa mga nakatatanda o g**o upang masolusyonan ang suliranin.

"Hindi solusyon sa problema ang gumawa ng panibagong problema," giit ni Polece Patrol Montante.

Sinundan ito ng talakayan hinggil sa gang at fraternity, paalala at paghubog sa disiplina at tamang pagpapasya ng mga mag-aaral, na pinangunahan ni Assistant Officer Elliersin M. Saez, PNCO Police Corporal.

Ayon kay Assistant Officer Saez, nilikha ang fraternities na may layuning maglingkod sa komunidad, hindi upang gamitin ang kapatiran sa pang-aabuso ng kapwa.

Tinalakay rin ni Police Officer Saez ang tungkol sa hazing, partikular ang pananakit sa pamamagitan ng pagpalo ng paddle sa parte ng katawan ng isang tao, na karaniwang isinasagawa ng ilang fraternity sa kanilang mga bagong miyembro.

"May isip na kayo, alam niyo na ang tama at mali," dagdag pa ni Police Corporal Saez.

Bilang pangwakas na paksa, tinalakay ang usapin ng mental health at ang kahalagahan ng pagkakaroon ng malusog na kaisipan ng mga kabataan na pinamunuan ng resource speaker na si Ginang Maureen Alva, Registered Social Worker.

Sabi ni Ginang Maureen Alva, kalimitan sa mga nakakaranas ng problema sa mental health ay ang mga kabataan na kulang sa pagmamahal mula sa tahanan, mga kaibigan, at higit sa lahat, mula sa sarili.

"Hindi sagot ang pagkitil sa sariling buhay para makatakas sa problema," diin ni Ginang Alva tungkol sa mga kasong pagpapakamatay dahil sa labis na pagkalungkot.

Nag-iwan ng paalala ang resource speaker na ang paghingi ng tulong ay hindi kahinaan kundi isang anyo ng katapangan.

Nagbigay ng mensahe ng pasasalamat ang Punongg**o IV ng AAMNHS, Dr. Andrelyn D. Macadaeg sa mga naging tagapagsalita at nanguna sa isinagawang na symposium.

🖊: Meryle Flores
📷: Dheza Matutina, Janryll Fabunan

05/09/2025

𝐁𝐮𝐡𝐚𝐲 𝐬𝐚 𝐁𝐚𝐡𝐚, 𝐒𝐚𝐥𝐚𝐩𝐢 𝐬𝐚 𝐁𝐮𝐥𝐬𝐚

Bawat baha sa kalsada ay hagulgol ng taumbayan. Bawat piso na ninakaw sa pondo ay pait sa kanilang bibig. Habang ang iilan ay nagpapakasasa sa kanilang kasakiman, ang iba ay nagdurusa sa dilim at putik. Hindi ulan ang kalaban natin—ang tunay na bagyo ay ang mga bulsa ng mga korap na gahaman.

✏️: Roi Manzano
🖊: Ashley Panaligan

29/08/2025

𝐈𝐍𝐓𝐑𝐀𝐌𝐔𝐑𝐀𝐋𝐒 𝟐𝟎𝟐𝟓 𝐃𝐀𝐘 𝟐: 𝐆𝐀𝐋𝐈𝐍𝐆. 𝐋𝐀𝐁𝐀𝐍. 𝐃𝐄𝐓𝐄𝐑𝐌𝐈𝐍𝐀𝐒𝐘𝐎𝐍.

Umarangkada sa bawat laro ang mga koponan sa ikalawang araw ng Intramurals 2025 sa Aurelio Arago Memorial National High School upang makamit ang inaasam na kampeonato. Nagpakitang-gilas ng kanilang galing at walang patid na determinasyon ang bawat kalahok sa larong isports tulad ng Basketball, Volleyball, Badminton, Table Tennis, Athletics, Sepak Takraw, at iba pang palaro.

Sa kabila ng tensyon at init ng laban, nangingibabaw pa rin ang pagkakaisa at pagrespeto na siyang tunay na diwa ng palakasan. Inaabangan na ang mas matitinding bakbakan sa huling araw ng Intramurals kung saan itatampok ang mga laban para sa kampeonato na tiyak magpapaliyab ng sigawan at kasiyahan ng bawat manlalarong Aurelians.

🖊: Rean Baja
📷: Dheza Matutina, Janryll Fabunan

29/08/2025

𝐈𝐧𝐭𝐫𝐚𝐦𝐮𝐫𝐚𝐥𝐬 𝐊𝐢𝐜𝐤-𝐨𝐟𝐟 𝟐𝟎𝟐𝟓: 𝐁𝐚𝐭𝐚𝐧𝐠 𝐀𝐮𝐫𝐞𝐥𝐢𝐚𝐧𝐬, 𝐧𝐚𝐠𝐥𝐢𝐲𝐚𝐛 𝐬𝐚 𝐬𝐢𝐠𝐥𝐚 𝐚𝐭 𝐠𝐚𝐥𝐢𝐧𝐠!

Muling nagliyab ang sigla at diwa ng palakasan matapos opisyal na buksan ang Intramurals 2025 sa Aurelio Arago Memorial National High School na may temang “𝐏𝐮𝐬𝐨𝐧𝐠 𝐩𝐚𝐥𝐚𝐛𝐚𝐧, 𝐥𝐚𝐤𝐚𝐬 𝐧𝐠 𝐀𝐮𝐫𝐞𝐥𝐢𝐚𝐧𝐬”, Agosto 28.

Bumida ang makulay na parada na pinangunahan ng limang koponan—Family 1 Terra, Family 2 Flamarra, Family 3 Amihan Furies , Family 4 Adamus, at Family 5 Mitena—kasama ang mga g**o na buong puso ring sumuporta, habang bitbit ng bawat pamilya ang kanilang natatanging husay, sigla, at pagkakaisa.

Hudyat ito ng tatlong araw na masisiglang kompetisyon kung saan ilalantad ng bawat Aurelians ang kanilang galing sa iba’t ibang larangan ng palakasan, kasabay ng pagpapatibay ng diwa ng sportsmanship, pagkakaibigan, at pusong palaban para sa karangalan ng kani-kanilang koponan.

💻: Janryll Fabunan
🖊: Rean Baha

29/08/2025

𝐈𝐍𝐓𝐑𝐀𝐌𝐔𝐑𝐀𝐋𝐒 𝟐𝟎𝟐𝟓 𝐃𝐀𝐘 𝟏: 𝐇𝐔𝐒𝐀𝐘. 𝐒𝐈𝐆𝐋𝐀. 𝐏𝐔𝐒𝐎𝐍𝐆 𝐏𝐀𝐋𝐀𝐁𝐀𝐍.

Matagumpay na sinimulan ang Intramurals 2025 sa Aurelio Arago Memorial National High School ngayong Agosto 28 sa pamamagitan ng makulay na parada at opisyal na pagbubukas programa. Tampok sa unang araw ang Mr. & Ms. Intramurals kung saan nagpamalas ng ningning at kumpiyansa ang mga kalahok sa entablado, sinundan ng kumpetisyon sa Mass Dance na nagpakita ng pagkakaisa at talento ng bawat Aurelians. Puno rin ng masasayang aktibidad ang mga booth mula sa iba’t ibang koponan, seksiyon, at mga organisasyon, habang nagsimula na ang ilang palaro na umindak sa hiyawan at suporta ng mga manonood — patunay na unang araw pa lamang ay dama na ang diwa ng pampalakasan at pagkakaisa ng bawat Aurelians.

🖊: Rean Denyelle Baja & Juvelyn Keith Mulingtapang
📸: Dheza Mae Matutina

25/08/2025

𝐏𝐀𝐌𝐀𝐍𝐀𝐍𝐆 𝐏𝐋𝐔𝐌𝐀

"Kabataan ang pag-asa ng bayan."

Katagang sinabi ng kilalang bayani na si Dr. Jose Rizal—paulit-ulit na nating naririnig. Palaging binabanggit, ngunit ano nga ba ang natatago nitong kahulugan?

Mula sa mga bayaning nag-alay ng dugo para sa bansa, tayo ay naging malaya. Sa pamamagitan ng kanilang pamumuno at pakikipaglaban, umusbong ang kinabukasan ng Pilipinas.

Marami tayong kinikilalang bayani. Noong elementarya pa lamang ay ito’y binibigyang-diin na. Patuloy na itinuturo ang nakaraan bilang paghahanda para sa bagong bukas.

Ngunit, ano nga ba ang isang tunay na bayani? Buhay ba bilang sakripisyo ang tanging batayan? Kaya ba ng lahat na maging isang halimbawa?

Mula sa mga pahina ng diyaryo, hanay-hanay na salita, at walang tigil na balita—tayo ay nabibigyan ng kaalaman. Sa likod ng mga impormasyong ito ay ang buhay ng mga tagapamahayag—ang boses ng mga lumalaban.

Sila na sumusugal para sa katotohanan ay maituturing ding mga bayani. Hindi madali ang maging mamamahayag. Sa mundong boses ang sandata, nakikisabay ang kabataan na ang hangarin ay maging huwaran ng kadalisayan. Minsang tinta ng paglaya, ngayo’y dumadaloy pa rin ang pluma bilang tagapagmana ng tinig—isang pamana na sa bawat salita’t boses ng mamamahayag ay muling humuhugis sa katotohanan.

Ang isang bayani ay yaong may layuning makapagbago tungo sa kabutihan. Ang puso ang siyang batayan, at ang isipan ang siyang ugat. Kaya mong maging bayani—maging pundasyon ng isang boses na makatarungan.

Ngayong Agosto 25, ating bigyang-parangal ang mga nagsisilbing bayani sa ating buhay—at sa ating bayan. Maging bayani tayo sa isa’t isa. Maging boses tayo ng reyalidad.

🖊️: Marian Gutierrez
💻: Janryll Fabunan

21/08/2025

𝐏𝐈𝐆𝐔𝐑𝐀 𝐍𝐆 𝐃𝐈𝐋𝐀𝐖 𝐍𝐀 𝐑𝐄𝐁𝐔𝐋𝐎𝐒𝐘𝐎𝐍

Sino ba 'tong taong nasa ₱500 bill na 'to?

Madalas natin siyang nasisilayan rito, ngunit sino nga ba sya? Ang mukhang nakatatak sa dilaw na perang papel ng Pilipinas, subalit higit pa sa pagiging larawan sa salapi si Benigno "Ninoy" Simeón Aquino Jr. siya ay isang sagisag ng matapang na pakikipaglaban para sa kalayaan at bumuhay sa ideyolohiyang demokrasya. Siya ay hindi lamang basta isang ordinaryong pulitiko . Sa panahong pinaghaharian ng takot at diktadoryal ang bansa, si Ninoy ang nagsilbing boses ng bawat Pilipino na siya pa ngang nagsabi "The Filipino is worth dying for," katagang patuloy na gumigising sa pagiging makabayan.

Bata pa lamang ay nahubog na sa kaniyang pangarap na maglingkod. Sa edad na dalwampu't dalawa, nagsilbing alkalde ng Concepcion, Tarlac at edad na tatlumpu't lima, naging pinakabatang senador ng Pilipinas. Hindi lamang kapangyarihan ang habol sa Senado pati na rin ang mga adbokasiyang nais niyang itaguyod mapakarapatan, hustisya ngunit higit sa lahat, demokrasya.

Noong nagsimulang ipataw ng diktaduryang si Ferdinand Marcos Sr. ang Martial Law, 1972, buong tapang na tumuligsa si Ninoy, dahil sa walang sawang paglaban nagbunga ito sa malupit na kinahinatnan, ang kaniyang pagiging bilanggo ng halos walong taon. Pagkababa sa eroplano ni Aquino, Agosto 21, 1983 mula sa pagkakatapon sa Estados Unidos pagtungtong pa lamang sa Tarmac Manila Internatinal Airport (Ninoy International Airport) alam na niya ang kaniyang magiging kapalaran. Siya ay pinaslang bago pa man makapagsalitang muli para sa kaniyang bayan. Ito ay naging tahimik na saksi sa pagbubuwis ng kaniyang buhay ngunit naging maingay para sa mas malaking adhikain, ang resulta? EDSA People Power Revolution noong 1986.

Milyong milyong tao ang namulat at nakibaka upang ipakita ang kapangyarihan ng taumbayan, kapangyarihang tumapos sa isang diktador. Ang diwa ni Ninoy ay paniniwalang may halaga ang bawat Pilipino at ipaalala ang ating pananagutan para sa ating kinabukasan.

Ngayon tuwing ginugunita natin ang Ninoy Aquino Day, 'di lamang natin ipinagdiriwang ang kaniyang makabuluhang pagkamatay, pinapaalala nito na ang ating kalayaan ay kaakibat ng bawat sakripisyo at pagpupursigi. Ang kaniyang pigura sa perang papel ay hindi lamang tanda ng nakaraan, ito ay tatak ng pagiging nasyonalismo.

🖊: Claudio Aguila
💻: Janryll Fabunan

19/08/2025

𝗧𝗨𝗡𝗚𝗛𝗔𝗬𝗔𝗡 | Sa pagwawakas ng makulay na patimpalak para sa Lakan at Lakambini 2025 na hindi lamang bumabase sa tindig at tikas ng mga kalahok kundi sa galing at talino na taglay ng pagkapilipino, dalawang pangalan ang kinoronahan at nagsilbing mga bagong haligi ng kulturang Pilipino at inspirasyon sa kanilang mga kapwa mag-aaral—G. Angelo Villanueva at Bb. Ashley Panaligan, kapwa mula sa STEM 12 Supernova.

Si G. Villanueva na nagsuot ng isang tradisyonal na barong, ‘di lamang nakilala sa kaniyang maayos at kahanga-hangang anyo sa entablado, higit sa lahat sa kaniyang talino at malalim na pagpapahayag hinggil sa kahalagahan ng wika. Pinamalas ang matibay na paninindigan na ang wikang pambansa ay hindi lamang paraan ng komunikasyon, kundi isang pamana at pundasyon ng ating pagkakakilanlan bilang Pinoy. Samantalang si Bb. Panaligan, nang-akit ng mga madla sa kaniyang eleganteng postura at kumpyansa. Tila isang nakakasilaw na sinag ng araw sa kaniyang dilaw na kasuotan, higit pa rito siya ay pumukaw ng paghanga sa kaniyang pananaw tungkol sa tungkulin sa pangangalaga ng kultura at wika.

Ang kanilang pagkapanalo ay hindi lamang tagumpay para sa kanilang seksyon kundi para sa buong paaralan. Sa pagkapanalo ng titulo bilang Lakan at Lakambini 2025 muling napatunayan na ang mga Aurelians ay hindi lamang nagtataglay ng ganda at karisma, pati na rin ng katalinuhan at pagmamahal sa sariling wikang pambansa.

🖊: Claudia Aguila
💻: Janryll Fabunan

17/08/2025

𝐏𝐀𝐑𝐓 𝐈𝐈 | Iba’t ibang paghahanda ang isinagawa ng mga kinatawan mula sa bawat baitang para sa inaasam na titulong Lakan at Lakambini 2025. Bilang bahagi ng pagdiriwang ng Buwan ng Wika, ang patimpalak na ito ay hindi lamang nagsilbing libangan para sa mga mag-aaral, kundi isa ring paalala sa kahalagahan ng ating wika at kultura—isang pagkakataong gunitain at ipagmalaki ang ating pagkakakilanlan bilang Pilipino.
Bumida sa entablado ang bawat kalahok sa kani-kanilang makukulay at kahanga-hangang kasuotan, bawat piraso ay tila pinag-isipang mabuti at isinusuot nang may buong kumpiyansa. Sa kanilang paglakad, para bang isinasabuhay nila ang kwento at diwa ng kanilang kasuotan—isang tahimik ngunit matapang na pagpapahayag ng personalidad at kulturang kanilang kinakatawan.
Hindi lamang ganda ng kasuotan ang naging batayan ng tagumpay. Isinagawa rin ang isang panayam kung saan binigyan ng tatlong minuto ang bawat kandidato upang sagutin ang tanong na nakabatay sa tema ng Buwan ng Wika. Sa kanilang mga kasagutan, malinaw na ang bawat isa ay may malalim na pag-unawa at matibay na kaalaman—patunay na ang mga Aurelians ay hindi lamang mahusay sa pag-rampa, kundi handa ring magpahayag ng makabuluhang pananaw hinggil sa mga isyung pangwika at pangkultura.
Hindi naman mabubuo ang isang patimpalak kung wala ang pagganap ng mga hurado, mga ilan sa huradong binubuo ng dating mga tinanghal na Lakan at Lakambini ng Aurelio Arago Memorial National High School. Sa kanilang pagbabalik bilang mga tagapaghusga, muling nasilayan ng mga mag-aaral ang mga huwaran na minsang tumindig sa parehong entablado, ngayo’y nagbibigay inspirasyon sa bagong henerasyon.
Mas naging makulay rin ang gunita nang dumalo ang dating Lakan at Lakambini 2022, sina G. Jake Villanueva at Bb. Eunice Montante. Sila ang mismong nagpasa ng korona sa mga itinanghal na Lakan at Lakambini 2025, tanda ng pagpapatuloy ng tradisyon at pagpapasa ng pamana ng Aurelians. Ang patimpalak na ito ay ‘di lamang diwa ng Buwan ng Wika; isang paalala na sa bawat salita, kasuotan, at kumpyansa ng kabataang Pilipino, buhay na buhay ang ating kultura at pagkakakilanlan.
🖋️: Clowie Labog & Claudia Aguila
📷: Dheza Matutina

17/08/2025

𝐏𝐀𝐑𝐓 𝐈 | Iba’t ibang paghahanda ang isinagawa ng mga kinatawan mula sa bawat baitang para sa inaasam na titulong Lakan at Lakambini 2025. Bilang bahagi ng pagdiriwang ng Buwan ng Wika, ang patimpalak na ito ay hindi lamang nagsilbing libangan para sa mga mag-aaral, kundi isa ring paalala sa kahalagahan ng ating wika at kultura—isang pagkakataong gunitain at ipagmalaki ang ating pagkakakilanlan bilang Pilipino.

Bumida sa entablado ang bawat kalahok sa kani-kanilang makukulay at kahanga-hangang kasuotan, bawat piraso ay tila pinag-isipang mabuti at isinusuot nang may buong kumpiyansa. Sa kanilang paglakad, para bang isinasabuhay nila ang kwento at diwa ng kanilang kasuotan—isang tahimik ngunit matapang na pagpapahayag ng personalidad at kulturang kanilang kinakatawan.

Hindi lamang ganda ng kasuotan ang naging batayan ng tagumpay. Isinagawa rin ang isang panayam kung saan binigyan ng tatlong minuto ang bawat kandidato upang sagutin ang tanong na nakabatay sa tema ng Buwan ng Wika. Sa kanilang mga kasagutan, malinaw na ang bawat isa ay may malalim na pag-unawa at matibay na kaalaman—patunay na ang mga Aurelians ay hindi lamang mahusay sa pag-rampa, kundi handa ring magpahayag ng makabuluhang pananaw hinggil sa mga isyung pangwika at pangkultura.

Hindi naman mabubuo ang isang patimpalak kung wala ang pagganap ng mga hurado, mga ilan sa huradong binubuo ng dating mga tinanghal na Lakan at Lakambini ng Aurelio Arago Memorial National High School. Sa kanilang pagbabalik bilang mga tagapaghusga, muling nasilayan ng mga mag-aaral ang mga huwaran na minsang tumindig sa parehong entablado, ngayo’y nagbibigay inspirasyon sa bagong henerasyon.

Mas naging makulay rin ang gunita nang dumalo ang dating Lakan at Lakambini 2022, sina G. Jake Villanueva at Bb. Eunice Montante. Sila ang mismong nagpasa ng korona sa mga itinanghal na Lakan at Lakambini 2025, tanda ng pagpapatuloy ng tradisyon at pagpapasa ng pamana ng Aurelians. Ang patimpalak na ito ay ‘di lamang diwa ng Buwan ng Wika; isang paalala na sa bawat salita, kasuotan, at kumpyansa ng kabataang Pilipino, buhay na buhay ang ating kultura at pagkakakilanlan.

🖋️: Clowie Labog & Claudia Aguila
📷: Dheza Matutina

Ang Kapakyanan

15/09/2025

06/09/2025

05/09/2025

29/08/2025

29/08/2025

29/08/2025

25/08/2025

21/08/2025

19/08/2025

17/08/2025

17/08/2025

Address

Website

Alerts

Contact The Business

Shortcuts

Share

Category