10/02/2026
๐๐๐ง๐๐๐๐๐๐ก | May Simbahan sa LoobโAng Kapakyanan.
Ito ang pamilyang may simbahan sa loob, dahil maraming naniniwala.
Bago pa man magsimula ay papabilog ang lahat na animo'y magsasagawa ng isang ritwal. Kasunod ay ang pagkapit sa tiyan dahil sa mga simpleng usapan ngunit palagi pa ring nauuwi sa tawanan. Ginagawang mala-awitin ang mga halakhak na nasa koro. At pagkatapos no'n, magkakaroon ng diskusyon tungkol sa kanilang librong ang anyo ay diyaryo. Sila ang pangkat na sumusulat ng katotohanan ngunit tila nasa pagitan ng ideya at reyalidad. Reyalidad na sa bawat ideya, bawat pulong, ay awtomatiko silang lumilikha ng sariling kabanata sa librong mukhang hindi pa nila alam na sinimulan nila. Librong bawat pahina ay may paglakas. Ang kanilang paglago ay hindi mo makikita sa guhit ng palad, kundi sa kalyo ng kanilang mga kamay. At kapag lumundag ka, maiwan ka man sa ere, hindi mo ramdam ang bigat ng pagbagsak, dahil nakaalalay sila. Hindi ka man nila saulado ngunit kabisado. Kabisado ang pagkalungkot, kabisado ang pagdududa, kabisado ang mga bagay na dapat gawin kapag hirap na punan ng kurba sa gilid ng labi ang mukha. At kapag dumako na sa oras ng testimonya, doon lalabas ang istorya ng mga peryodistang kilay ay sinindihan. Ngunit sabi nga, paano magsusunog ng kilay kung wala namang apoy sa 'yong mga mata? Pero huwag kang mag-alala, marami silang posporong dala na ang ningas ay mga banayad na paalaalang kung sakaling hirap ka nang maaninag ang lalakaran dahil sa pagkaubos ng kislap sa 'yong mataโmay dala naman silang lampara.
Tulad ng mga tao sa kalye, sila'y takado sa ingay na nasa loob ng simbahan. Ngunit huwag mag-alala, tawanan lamang iyon dahil nakikiliti sila sa balahibo ng kanilang panulat. 'Yun ang paliwanag, kung bakit may simbahan sa loob ng Ang Kapakyanan.
๐๏ธ: Clowie Labog
๐ป: Janryll Fabunan
๐๐ฐ ๐ค๐ฐ๐ฑ๐บ๐ณ๐ช๐จ๐ฉ๐ต ๐ช๐ฏ๐ง๐ณ๐ช๐ฏ๐จ๐ฆ๐ฎ๐ฆ๐ฏ๐ต ๐ช๐ฏ๐ต๐ฆ๐ฏ๐ฅ๐ฆ๐ฅ.
๐๐ถ๐ด๐ช๐ค ๐ฃ๐ฆ๐ญ๐ฐ๐ฏ๐จ๐ด ๐ต๐ฐ ๐ต๐ฉ๐ฆ ๐ณ๐ช๐จ๐ฉ๐ต๐ง๐ถ๐ญ ๐ฐ๐ธ๐ฏ๐ฆ๐ณ๐ด.
