Tula-Malikhaing pagsulat

Tula-Malikhaing pagsulat Contact information, map and directions, contact form, opening hours, services, ratings, photos, videos and announcements from Tula-Malikhaing pagsulat, Digital creator, Oriental Mindoro, Victoria.

13/09/2024

“Ang aking pinakamalungkot na pasko”
Ni : Astig na Makata

Isang makamundong pasanin ang patuloy tinatamasa
Sa lakbayin ng buhay kong hindi ko masawata
Iginuhit na suliranin, paano kaya mabubura?
Kung kalungkutan sa puso’y patuloy na pinipinta

Kasing lamig ng damdaming nagbunga ng kasalanan
Hanging dumarampi sa mumunti kong tahanan
Mga musikang nalimbag ng diyos ay isilang
Kapag aking naririnig napapaluha na lamang

Pagkat sabik na makita at muli kong maapuhap
Nagsilbing ilaw at haliging tawag sa’ kin ay anak
Muli kayang madarama ang init ng mga yakap?
Haplos na pumapawi sa luha kong pumapatak

Pinakamalungkot ang pasko kung di ko kasama
Pinakakautangan ng buhay buhat ng isilang pa?
Patuloy bang mananariwa hanggang sa ‘king pagtanda
Ang pasakit nyaring buhay dahil sa aking ginawa?

Kahit bitbitin ang kasukdulang pagdadalamhati
Mababakas pa rin ang lungkot sa mga labi
Luhang namamagitan sa damdaming may pighati
Patawad mo ama’t ina ang tangi kong hinihingi

Minsan ay ninais kong panaginip na lang sana
At sa aking paggising kayo ay kasama pa
Subalit kahit anong gawin ay di na mabubura
Akong bunso ninyong buhay ay napariwara

13/09/2024

Ala ala'y balikan
ni: Astig na Makata

Ako’y nanaghoy sa harap ng mahal ko
Luhang pumapatak sambit ay pangalan mo
Lungkot ay nadarama nitong aking puso
Simula nang sa piling ko, ikaw ay malayo

Hawak ko'y bulaklak kandilang nagniningas
Upang gunitain ang ating nakalipas
Ako'y nangungusap sa harap ng alapaap
Nawa nga'y madinig sa likod yaring ulap

Masaya ang kahapong tayo'y magkasama
Puno ng pagibig may sinta sa tuwina
Subalit ngayong ikaw ay wala na
Haplos mo't halik kailan ulit madarama

Di nga mapalagay at halos ngay hilingin
Na kung saan ka naroon ako'y naroon rin
Upang maibalik pagmamahalan natin
Sakdal timyas sasambiting "MAHAL IKAW PA RIN"

Ngunit kahit maghilom sugat at sakit
Di pa rin malilimot ang tumasak sa dibdib
Yaring kutsilyong bumaon dugo ang tumagos
Doon ko naisip ang paghihikahos

Sa harap ng puntod mo ako ay natumba
Kinitil yaring buhay upang muli kang makita
Makapito kong isipin pagkat di makakaya
Tumanda na lamang na di kitakasama

Ngunit isang bagay aking. pinagsisihan
Nang sa kabilang buhay ikaw ay masilayan
Kapiling ang lalaking matalik kong kaibigan
Doon ko naisip sa puso mo'y walang puwang

Halos matulala yaring gulat na mata
Hindi makakibo tila ba taranta
Ano ang dahilan kung bakit nag-iba
Pag-ibig nating dati ay kaysigla

Paano pa mabubuhay gayong isa na akong patay?
Ngunit paano makakayang tanggapin ang katotohanan
Na wala ng pag-asa sa aming nakalaan
Nang biglang ako ay mahimasmasan

Nakatulog pala ako ng di ko namalayan
Kaysamang panagip naway makalimutan
At habang umaawit ng kantang "DOON LANG"
Bumadyang putok ng baril tagos sa aking lalamunan

28/10/2023

"Buhay Maralita"

Isang tinta ng ballpen na malapit ng maubos
Isang pilas ng papel na aking nilamukos
Magisip ng dapat at siyang hindi'y batikos
Dito sa buhay kong may halong paghihikahos

Mahirap maitali sa mundo ng pagkakamali
Pagkat minsan mong nagawa kahit di sadya'y nanatili
Ikaw ay mapasama at maging pasaani'y bukod tangi
Gumawa ka ng tama at mali, sisi pa rin ang sukli

Tao ay nilikha ng diyos ng pantay pantay
Yaong walang taong mahirap o mayaman
Pagkat lahat tayo may puso, isip at katawan
Na sa mata ng diyos tayo'y iisa lang

Maralita man yaring buhay at kapos yaong mga palad
Saksi nga maging langit sa aking paghihirap
Kung ako may nagkamali hatid ko ay patawad
Pagkat tao lang ako na di tiyak ang lahat

Pagtangis at pagluha sadyang di ko mapigilan
Kapag naririnig ko nasisira kong pangalan
May dunong tayo at isip upang ating malaman
At nilikha tayong may kakayahang magpatawad ng kasalanan

28/10/2023

Sa mga nais po magpagawa Ng mga tula,

Lubos ko pong ikinalulugod kung kayo po ay magmemensahe sa aking pahina

Pwede po akong gumawa Ng may sukat at malayang taludturan

Baka may mga takdang aralin po Ang inyong mga anak o di Naman kaya po ay may proyekto sila sa kanilang paaralan

Humihingi lang po Ako konting donasyon sa aking paggawa upang mapagpatuloy pa po natin Ang makapaglimbag at makalikha Ng mga tula

Maraming maraming salamat po!

Address

Oriental Mindoro
Victoria

Website

Alerts

Be the first to know and let us send you an email when Tula-Malikhaing pagsulat posts news and promotions. Your email address will not be used for any other purpose, and you can unsubscribe at any time.

Shortcuts

Share

Category