94.9 MHz Infinite Radio

09/03/2026

JUANA ZUMBA SA MARSO with ZUMBA QUEENS OF VILLABA

04/03/2026

02/03/2026

02/03/2026

28/02/2026

10/02/2026

NEWS ALERT:APAT NASAWI, 6 SUGATAN SA BANGGAAN NG V-HIRE AT 10-WHEELER TRUCK SA BASEY, SAMAR

Apat katao ang kumpirmadong nasawi samantala anim naman ang sugatan matapos mabangga ang isang passenger van sa isang 10-wheeler truck sa bahagi ng Sitio Sagpuron, Barangay San Fernando, Basey, Samar bandang alas-6:45 ng umaga nitong Pebrero 10, 2026.

Kinilala ang driver ng van na si Alyas Raul, 54 anyos, residente ng Alang-alang, Leyte.

Ang tatlo naman na nasawi ay pawang mga kababaihan.

Batay sa paunang report na nagmula ang sasakyan sa Borongan City, Eastern Samar at patungo sana sa Tacloban City nang bumangga ito sa isang 10-wheeler truck na nakaparada sa gilid ng kalsada.

Mabilis di umano ang takbo ng naturang van.

Dahil naman sa lakas ng banggaan, halos mawasak ang unahang bahagi ng van.

Samantala, anim naman sa mga pasahero ang naitalang sugatan na isinugod sa Basey District Hospital upang mabigyan ng kaukulang lunas

Sa ngayon ay patuloy na isinasagawa ng Basey MPS ang masusing imbestigasyon, kabilang ang panayam sa mga pasahero at pagsusuri ng mga available na CCTV footage, upang matukoy ang eksaktong sanhi ng aksidente. | via Kadasig CW (Photo Credits: BFP Basey and Contributed)

19/01/2026

SANGGOL, NATAGPUANG INABANDONA; OTORIDAD NANAWAGAN SA PAMILYA NG BATA

Isang sanggol ang natagpuang iniwan sa isang bahagi ng Brgy. Baras, Palo, Leyte nitong Sabado ng hapon, Enero 17, 2026.

Ayon sa ulat ng Palo Municipal Police Station (MPS), bandang alas-5:15 ng hapon nang personal na magtungo sa himpilan ng pulisya sina Ronita at Kimberly upang ipagbigay-alam ang insidente. Isinalaysay ng dalawang concerned citizens na habang sila ay naglalakad malapit sa embankment area sa paligid ng fish pond ng Buranday Beach Resort, narinig nila ang iyak ng isang sanggol.

Nang kanilang tingnan ang pinanggagalingan ng tunog, tumambad sa kanila ang isang babaeng sanggol na nakahiga sa damuhan at balot ng isang telang kilala bilang “pranila.” Agad nilang kinuha ang sanggol at dinala ito sa DSWD Home for Girls sa Brgy. Pawing, Palo, Leyte upang matiyak ang kaligtasan at mabigyan ng agarang pangangalaga.

Kaagad namang inirehistro at idinokumento ng Palo MPS ang insidente. Sa kasalukuyan, nakikipag-ugnayan na ang mga awtoridad sa Department of Social Welfare and Development (DSWD) para sa karagdagang imbestigasyon at upang matukoy ang pagkakakilanlan ng mga magulang o sinumang responsable sa pag-iwan sa sanggol.

Samantala, nanawagan ang Palo MPS sa publiko na makipagtulungan at agad ipagbigay-alam sa mga awtoridad ang anumang impormasyong maaaring makatulong sa patuloy na imbestigasyon. I via Infinite News Team Photo:Palo MPS