Infinite Radio Villaba 94.9Mhz

Infinite Radio Villaba 94.9Mhz Your trusted source of the latest news updates and real stories from Leyte and across the region. PLEASE LIKE AND FOLLOW OUR NEW PAGE πŸ™

We bring you breaking news, community stories, and in-depth reports that matter.

10 KATAO ARESTADO SA ILLEGAL NA E-SABONG SA HINDANG, LEYTESampung (10) katao ang inaresto ng mga awtoridad sa isang oper...
31/05/2026

10 KATAO ARESTADO SA ILLEGAL NA E-SABONG SA HINDANG, LEYTE

Sampung (10) katao ang inaresto ng mga awtoridad sa isang operasyon kontra ilegal na online sabong (e-sabong) sa Hindang Amusement Center, Brgy. Poblacion 2, Hindang, Leyte nitong gabi ng Mayo 29, 2026.

Kabilang sa mga naaresto ang mga alyas na β€œAtan,” 50; β€œSab,” 64; β€œGanor,” 48; β€œWaning,” 68 (isang barangay opisyal); β€œTatang,” 48; β€œChang,” 33; β€œPerok,” 39; β€œYeye,” 24; β€œKitig,” 24; at β€œBads,” 26, na pawang mga residente ng iba’t ibang barangay sa Hindang at karatig na bayan ng Leyte.

Ayon sa ulat, nagsagawa muna ng intelligence monitoring ang mga awtoridad bago pormal na ikinasa ang operasyon matapos makumpirma ang umano’y patuloy na e-sabong activity sa lugar. Isang pulis din ang nagsilbing poseur-bettor na nagparehistro sa online platform at naglagay ng taya na nagkakahalaga ng β‚±500 gamit ang GCash bilang bahagi ng ebidensya.

Pagsapit ng gabi, agad na pumasok ang composite team ng pulisya at kinordon ang lugar. Sa isinagawang inspeksyon, nadiskubre ang mga kagamitang ginagamit sa ilegal na online sabong kabilang ang internet routers, desktop computer na nagsisilbing server, CCTV system, at iba pang ICT equipment na konektado umano sa live betting operation.

Dito rin natukoy na ang aktibidad ay naka-stream nang live online, dahilan upang agad ideklara ng mga awtoridad ang paglabag sa Presidential Decree 1602, kaugnay ng Executive Order No. 9 at Cybercrime Prevention Act of 2012.

Ang mga naarestong indibidwal at nakumpiskang kagamitan ay dinala sa Hindang Municipal Police Station para sa dokumentasyon at tamang disposisyon, habang patuloy ang imbestigasyon sa posibleng mas malawak na operasyon ng e-sabong sa lugar. I via Infinite News Department

ARMAS NG REBELDENG GRUPO, NAKUHA SA SAMAR Narekober ng pinagsanib na pwersa ng 87th Infantry Battalion at 804th Maneuve...
31/05/2026

ARMAS NG REBELDENG GRUPO, NAKUHA SA SAMAR

Narekober ng pinagsanib na pwersa ng 87th Infantry Battalion at 804th Maneuver Company ng RMFB-8 ang isang imbakan ng armas ng Communist Terrorist Group (CTG) sa kabundukan ng Samar nitong Mayo 29, 2026.

Natagpuan sa Sitio Galutan, Brgy. Can-aponte, San Jose de Buan, Samar ang dalawang AK-47 rifles na may dalawang magazine, dalawang M16A1 rifles, at isang M203 gr***de launcher.

Ayon sa ulat, ang pagkakadiskubre ng mga armas ay patunay ng patuloy na paghina ng armadong kakayahan ng CTG sa lalawigan.

Dahil sa tuloy-tuloy na presyon ng operasyon ng militar at pulisya, pati na rin ang paglayo ng suporta ng mga komunidad, napipilitan na lamang umanong itago o iwan ng grupo ang kanilang mga armas.

Malaking papel din ang ginagampanan ng mga dating rebelde at mamamayan na boluntaryong nagbibigay ng impormasyon sa mga awtoridad, dahilan upang mas madaling matunton ang mga tagong armas at maiwasan ang posibleng banta sa seguridad ng mga komunidad.

Sa paglipas ng mga taon, unti-unti umanong humihina ang impluwensya ng CTG sa Samar dahil sa pagtanggi ng mga residente na magbigay ng suporta, kanlungan, at rekrutment sa armadong grupo. Dahil dito, mas napapalakas ang presensya ng pamahalaan sa mga liblib na lugar.

Kasabay nito, naipatutupad na rin nang mas maayos ang mga programang pangkaunlaran tulad ng imprastraktura, kabuhayan, edukasyon, at serbisyong pangkalusugan sa mga dating apektadong lugar.

Itinuturing ng 8th Infantry Division ang insidenteng ito bilang isa na namang patunay ng tagumpay ng Whole-of-Nation Approach kung saan nagtutulungan ang militar, LGU, ahensya ng gobyerno, at mamamayan para sa kapayapaan.

Nanawagan din ang 8ID sa mga natitirang miyembro ng CTG na isuko na ang armadong pakikibaka at magbalik-loob sa pamahalaan upang makinabang sa mga programa ng reintegration at tuluyang makapamuhay nang mapayapa. I via Infinite News Department

Happy Birthday, Mayor Jed Granados! πŸŽ‚Nawa’y patuloy kayong pagpalain ng Panginoon ng mabuting kalusugan, tagumpay, at ga...
31/05/2026

Happy Birthday, Mayor Jed Granados! πŸŽ‚
Nawa’y patuloy kayong pagpalain ng Panginoon ng mabuting kalusugan, tagumpay, at gabay sa inyong pamumuno. Maraming salamat po sa inyong serbisyo sa bayan ng πŸŽ‰πŸ™

From: Infinite Radio Villaba

UPDATE NEWS ALERT I BABAE, PINAGTATAGA-PATAY NG NOBYO DAHIL SA SELOS Patay ang isang babae matapos umanong pagtatagain n...
30/05/2026

UPDATE NEWS ALERT I BABAE, PINAGTATAGA-PATAY NG NOBYO DAHIL SA SELOS

Patay ang isang babae matapos umanong pagtatagain ng kaniyang kinakasama sa gitna ng pinaniniwalaang matinding selos sa Sitio Capion, Brgy. San Sebastian, Matag-ob, Leyte nitong Sabado ng hapon, Mayo 30.

Kinilala ang biktima sa alyas na β€œSeling,” isang biyuda at kasambahay, habang ang suspek na agad naaresto ay kinilalang si alyas β€œEnit,” isang magsasaka at umano’y nobyo ng biktima.

Batay sa paunang imbestigasyon, sakay umano ng isang habal-habal ang biktima pauwi mula sa palengke ng Matag-ob nang bigla siyang harangin ng suspek sa isang kurbadang bahagi ng kalsada sa Sitio Capion.

Ayon sa ulat, armado umano ng sundang ang suspek at walang sabi-sabing inatake ang biktima. Paulit-ulit umano itong pinagtataga, partikular sa ulo at leeg, na naging sanhi ng agarang pagkamatay nito.

Natagpuan ng mga rumespondeng pulis ang biktima na wala nang buhay sa maputik na bahagi ng kalsada.

Agad namang nagsagawa ng hot pursuit operation ang mga awtoridad na humantong sa pagkakaaresto ng suspek sa isang mabundok na bahagi ng barangay. Narekober din mula sa kaniya ang pinaniniwalaang ginamit na sundang sa krimen.

Inaalam pa ng mga awtoridad ang buong motibo sa krimen, ngunit isa sa mga tinitingnang dahilan ay umano’y selos. Inihahanda na rin ang kaukulang kaso laban sa suspek.. I via Kadasig rcr

LALAKI PATAY MATAPOS MAKURYENTE HABANG NANGUNGHA NG NIYOG SA SAMARPatay ang isang 36-anyos na lalaki matapos umanong mak...
30/05/2026

LALAKI PATAY MATAPOS MAKURYENTE HABANG NANGUNGHA NG NIYOG SA SAMAR

Patay ang isang 36-anyos na lalaki matapos umanong makuryente habang nangunguha ng niyog sa Sitio Kansaliksik, Brgy. 6, Paranas, Samar nitong umaga ng Mayo 30.

Kinilala ang biktima sa alyas na β€œPayek,” isang helper at residente ng Brgy. 5 Poblacion, Paranas.

Batay sa paunang imbestigasyon, banda 7:30 ng umaga nang gumagamit umano ang biktima ng mahabang kawayan na may nakakabit na karit o β€œkahet” para mangunguha ng niyog.

Ngunit aksidenteng tumama ang kawayan sa isang live primary power line ng SAMELCO II, dahilan upang siya ay makuryente.

Agad na isinugod ang biktima sa Rural Health Unit (RHU) ng Paranas para sa agarang lunas, ngunit idineklara rin itong dead on arrival (DOA) ng attending physician.

Ayon sa mga awtoridad at personnel ng SAMELCO II, agad na pinutol ang linya ng kuryente sa lugar matapos matanggap ang ulat hinggil sa insidente. Patuloy naman ang imbestigasyon sa pangyayari. I via Infinite News Department

ππˆπ‹πˆππˆππ€π’, π’π€ππ€π˜-π’π€ππ€π˜ π“π€π˜πŽππ† π’π”πŒπ”ππŽπ‘π“π€! πŸ‡΅πŸ‡­βœ¨Mamayang 8:00 PM (PH Time), tunghayan natin si π†πšπ³π’π§π’ π†πšπ§πšππ¨π¬ sa πŒπ†πˆ 𝐀π₯π₯ π’π­πš...
30/05/2026

ππˆπ‹πˆππˆππ€π’, π’π€ππ€π˜-π’π€ππ€π˜ π“π€π˜πŽππ† π’π”πŒπ”ππŽπ‘π“π€! πŸ‡΅πŸ‡­βœ¨
Mamayang 8:00 PM (PH Time), tunghayan natin si π†πšπ³π’π§π’ π†πšπ§πšππ¨π¬ sa πŒπ†πˆ 𝐀π₯π₯ π’π­πšπ«π¬ π…π’π§πšπ₯ π‚π¨π¦π©πžπ­π’π­π’π¨π§ sa GrandTV YouTube Channel.

π‡πŽπ– π“πŽ π•πŽπ“π„:
1. Visit: https://missgrandinternational.com/campaign/preliminary/
2. Search for GAZINI GANADOS πŸ‡΅πŸ‡­
3. Select your preferred number of votes
4. Complete your vote using Tokens or your preferred payment method
Tandaan: back to zero ang scores kada round at magbubukas ulit ang voting, kaya mahalagang bumoto sa bawat round.
100K votes per round. Vote every round. Laban Pilipinas! πŸ‡΅πŸ‡­

HIGH-VALUE DRUG SUSPECT SA TACLOBAN TIMBOG; HALOS β‚±381K HALAGANG SHABU NASAMSAM! Arestado ang isang high-value drug susp...
30/05/2026

HIGH-VALUE DRUG SUSPECT SA TACLOBAN TIMBOG; HALOS β‚±381K HALAGANG SHABU NASAMSAM!

Arestado ang isang high-value drug suspect matapos makumpiskahan ng tinatayang β‚±380,800 halaga ng hinihinalang shabu sa isinagawang buy-bust operation sa Brgy. 107, Sta. Elena, Tacloban City nitong Mayo 29.

Kinilala ang suspek sa alyas na β€œKarong,” 32-anyos, residente ng Babatngon, Leyte, na una nang naitalang drug surrenderee noong 2016 at kasalukuyang itinuturing na High-Value Individual (HVI) ng mga awtoridad.

Nasamsam mula sa suspek ang 12 sachet ng hinihinalang shabu na may kabuuang timbang na humigit-kumulang 56 gramo, na may tinatayang halaga na β‚±380,800 batay sa Dangerous Drugs Board valuation.

Isinagawa ang operasyon ng mga tauhan ng PNP Drug Enforcement Group Special Operations Unit 8, katuwang ang Regional Intelligence Division 8 at Philippine Drug Enforcement Agency Region 8.

Patuloy namang inihahanda ang kaukulang kaso laban sa suspek kaugnay ng paglabag sa Comprehensive Dangerous Drugs Act of 2002.

BREAKING: HABAGAT, OPISYAL NANG NAGSIMULA SA PILIPINAS β€” PAGASAOpisyal nang idineklara ng PAGASA ang pagsisimula ng Sout...
30/05/2026

BREAKING: HABAGAT, OPISYAL NANG NAGSIMULA SA PILIPINAS β€” PAGASA

Opisyal nang idineklara ng PAGASA ang pagsisimula ng Southwest Monsoon o Habagat sa bansa ngayong Sabado, Mayo 30, 2026.

Ayon sa state weather bureau, inaasahan ang paminsan-minsan hanggang madalas na pag-ulan at thunderstorms sa iba’t ibang bahagi ng bansa habang ang Habagat na ang magiging dominanteng weather system.

Dahil dito, posibleng makaranas ng mas maulap na panahon, malalakas na buhos ng ulan, pagbaha at landslide sa ilang lugar, lalo na sa mga lugar na madalas tamaan ng matinding pag-ulan.

Pinapayuhan ng PAGASA ang publiko na manatiling alerto sa mga weather advisories at maghanda sa posibleng epekto ng tuloy-tuloy na pag-ulan ngayong tag-ulan.

Address

Brgy Suba, Leyte
Villaba
6534

Website

Alerts

Be the first to know and let us send you an email when Infinite Radio Villaba 94.9Mhz posts news and promotions. Your email address will not be used for any other purpose, and you can unsubscribe at any time.

Shortcuts

Share

Category