Radyo Pilipinas Virac Catanduanes

27/10/2025

TINGNAN | Aktibong dinaluhan ni Catanduanes Lone District Congressman Leo R. Rodriguez ang mga kaganapan dito sa lalawigan ng Catanduanes, bilang suporta at pakikiisa sa Pamalahalaang Panlalawigan at sa kanyang mga constituents, lalo nasa recess ngayon ang kongreso.

Una nyang dinaluhan ang Investiture Ceremony ni CatSU President Gemma G. Acedo, kasama ang kanyang butihing maybahay na si Mrs. Merlie A. Rodriguez.

Nakiisa din sya sa 34th anniversary foundation ng Radyo Pilipinas Catanduanes.

Kasama ang kanyang maybahay at tropa, pinasyalan din nito ang Agro Trade Fair sa Capitol Grounds at namili ng mga paninda doon.

Lumahok din sa sa Parada Catandungan ang Congressional Staff sa Congressional District Office ni Cong. Rodriguez.

Dumalo din ni Rodriguez sa First 100 Days report ni Gob. Azanza nitong Sabado, procession de la Naval, at iba pang mga kaganapan kaugnay ng 80th Foundation anniversary ng lalawigan.

Kahapon, presente din ang kongresista sa Foundation Day Anniversary Celebration kung saan bahagi sya sa wreath laying event sa kapitolyo bilang pagbibigay pugay sa founder ng Catanduanes na si Cong. Francisco Perfecto- ang principal author ng Commonwealth Act.687 na naging daan upang mahiway ang Catanduanes sa Albay , bilang isang independent province.| via- Arlene O. Bagadiong

26/10/2025

| October 27, 2025

Kasama si Alan Allanigue.

26/10/2025

26/10/2025

𝐍𝐀𝐂𝐂, 𝐇𝐈𝐍𝐈𝐊𝐀𝐘𝐀𝐓 𝐀𝐍𝐆 𝐌𝐆𝐀 𝐊𝐖𝐀𝐋𝐈𝐏𝐈𝐊𝐀𝐃𝐎𝐍𝐆 𝐏𝐈𝐍𝐎𝐘 𝐍𝐀 𝐌𝐀𝐆-𝐀𝐕𝐀𝐈𝐋 𝐍𝐆 𝐋𝐈𝐁𝐑𝐄𝐍𝐆 𝐃𝐎𝐌𝐄𝐒𝐓𝐈𝐂 𝐀𝐃𝐎𝐏𝐓𝐈𝐎𝐍 𝐒𝐄𝐑𝐕𝐈𝐂𝐄𝐒

Maaaring mag-avail ng libreng domestic administrative adoption services ang mga kwalipikadong prospective adoptive parents mula sa National Authority for Child Care (NACC).

Ang NACC ay isang attached agency ng Department of Social Welfare and Development (DSWD).

Ayon kay NACC Director Imelda Ronda, sa ilalim ng Republic Act No. 11642 o ang “Domestic Administrative Adoption and Alternative Child Care Act,” pinasimple ang legal na proseso ng pag-aampon sa bansa.

Mahigit 6,000 bata ang kasalukuyang nananatili sa mga DSWD-registered at accredited child-caring agencies, kung saan halos 2,000 sa kanila ang legal na maaaring ampunin.

Lahat ng interesadong maging prospective adoptive parents ay maaaring makipag-ugnayan sa alinmang Regional Alternative Child Care Office ng NACC na may hurisdiksyon sa kanilang lugar.

Dapat ay hindi bababa sa 25 taong gulang ang edad ng aplikante at may kapasidad na maging magulang na umampon, batay sa pagtatasa ng mga social worker. | ulat ni Rey Ferrer

26/10/2025

𝐏𝐈𝐋𝐈𝐏𝐈𝐍𝐀𝐒, 𝐓𝐈𝐍𝐈𝐓𝐈𝐍𝐆𝐍𝐀𝐍 𝐀𝐍𝐆 𝐌𝐆𝐀 𝐎𝐏𝐒𝐘𝐎𝐍 𝐒𝐀 𝐏𝐀𝐆𝐏𝐎𝐏𝐎𝐍𝐃𝐎 𝐍𝐆 𝐍𝐔𝐂𝐋𝐄𝐀𝐑 𝐄𝐍𝐄𝐑𝐆𝐘 𝐃𝐄𝐕𝐄𝐋𝐎𝐏𝐌𝐄𝐍𝐓𝐄𝐒

Tinututukan ng Pilipinas ang mga posibleng paraan ng pagpopondo at pagpapaunlad ng imprastraktura para sa mga proyekto sa nuclear energy, bilang bahagi ng hakbang upang maisama ito sa energy mix ng bansa.

Sa ginanap na National Workshop on Nuclear Power Infrastructure and Financing, sa pangunguna ng Department of Energy (DOE) at ng Nuclear Energy Program Inter-Agency Committee (NEP-IAC), katuwang ang International Atomic Energy Agency (IAEA) at mga kinatawan mula sa pribadong sektor, isinagawa ang unang financing workshop na naglalayong maglatag ng malinaw na direksyon sa paggamit ng nuclear power bilang ligtas at matatag na mapagkukunan ng enerhiya sa bansa.

Tinalakay dito ang iba’t ibang financing models tulad ng public-private partnerships at green financing, gayundin ang mga hamon sa mataas na initial cost, mahabang development timeline, at masusing regulasyon.

Sa pamamagitan ng mga pag-uusap ukol sa public-private partnerships, green financing, at iba pang angkop na modelo ng pagpopondo, itinuturing ng pamahalaan na isang mahalagang hakbang pasulong ang mga ito upang mahobog ang kinabukasan ng nuclear energy para sa mga Pilipino. | ulat ni EJ Lazaro

26/10/2025

26/10/2025

𝐂𝐀𝐓𝐒𝐔, 𝐌𝐀𝐆𝐏𝐀𝐏𝐀𝐓𝐔𝐏𝐀𝐃 𝐍𝐆 𝐀𝐒𝐘𝐍𝐂𝐇𝐑𝐎𝐍𝐎𝐔𝐒 𝐌𝐎𝐃𝐄 𝐎𝐅 𝐋𝐄𝐀𝐑𝐍𝐈𝐍𝐆 𝐒𝐀 𝐎𝐂𝐓. 27–29

Bilang bahagi ng pagsisikap na mapangalagaan ang akademiko, pisikal, at mental na kapakanan ng mga mag-aaral at g**o, ipinatupad ng Catanduanes State University (CatSU) ang asynchronous mode of learning mula October 27 - 29, 2025.

Batay sa Coordinating Memorandum na inilabas ng Office of the Vice President for Academic Affairs sa pangunguna ni Dr. Kristian Q. Aldea, layunin ng hakbang na ito na mabigyan ng sapat na pahinga ang mga mag-aaral matapos ang magkakasunod na mga aktibidad.

Ayon sa memorandum, hindi kailangang dumalo ang mga estudyante sa face-to-face classes, sa halip ay bibigyan ang mga ito ng gawaing pang-akademiko tulad ng asynchronous online activities o self-paced learning materials gaya ng modules at worktexts.

Pinapaalalahanan din ang mga g**o, kabilang ang mga part-timers, na mag-log ng oras ng pagpasok at paglabas alinsunod sa karaniwang attendance procedures, habang inaasahan namang susundin ng mga estudyante ang mga itinakdang academic requirements.

Samantala, magpapatuloy naman sa regular na klase ang College of Law, at ang mga estudyanteng hindi pa nakakatapos ng Midterm Examinations ay kinakailangan umanong tapusin ang kanilang pagsusulit ng face-to-face ayon sa nakatakdang schedule. | via Rosie Nieva

Source/Photo Courtesy: Catanduanes State University

26/10/2025

MGA REAKSYON SA FIRST 100 DAYS REPORT NI GOV. AZANZA

Kumbinsido si Former Congressman Cesar V. Sarmiento na marami ang nagawa ni Gov. Patrick Alain T. Azanza sa loob ng maikling panahon lamang.

“Walang dudang malaki ang nagawa ni Gob. Patrick Alain T. Azanza”, sa loob ng unang isang daang araw ( first 100 Days) na pag upo nito bilang gobernador ng Catanduanes, ayon kay Cong. Sarmiento sa kanyang FB post ngayong araw.

Ayon kay Sarmiento pinanood niya ang First 100 Days Report ni Azanza at masasabi niyang “comprehensive” ang ulat ng gobernador. Naniniwala ang dating kongresista na marami pa ang magagawa ni Azanza, “dakul pa ang mahahaman sa maabot na bulan asin taun sa tabang kang Sangguniang Panlalawigan”.

Sa pakikipag usap naman ng Radyo Pilipinas kay Cong. Sarmiento, sinabi nito, “para sakuya, magayon su delivery niya - may accomplishments man talaga at ramdam, may pakol at patama, very obvious ang kalokohan ang ginibo kan past administration, lustay ang naka agi PERO ngonyan maayos ang pagastos kaya may savings.”

Nakunan din ng reaksyon ng Radyo Pilipinas ang Sangguniang Panlalawigan . Positibo ang naging tugon ni Vice Gov. Robert Fernandez. Gaya ni PBM Lorenzo Templonuevo nang matanong siya kung ano ang kanyang comment, sinabi nitong “excellent” ang naging ulat ng gobernador. Sabi naman ng ilang PBMs “very good”. Subalit si PBM Tanael, “verbose” ang naging maikling comment nito.

Sinabi naman ni DepEd,OIC- SDS Jenny Abayon, na napakagaling ng ulat ng gobernador. Marami ang kanyang nagawa sa maikling panahon.

Aniya, may konkretong roadmap at vision para sa ikauunlad ng lalawigan. Sana suportahan ng lahat ng stakeholders ang gobernador sa kanyang mga adhikain para sa Catanduanes.

Sa kabilang dako, maraming netizens ang nagparating ng pagbati at papuri sa governador.

Meron namang mga netizens na nag bahagi ng hindi kaaya-aya komento.

Sa pangkalahatan, mas marami ang naghayag ng papuri’t-kagalakan at well wishes para kay Gob. Azanza, matapos mapakinggan ang First 100 Days Report nito na ginanap sa Provincial Capitol Dome kahapon, Oktubre 25, 2025.| via- Arlene O. Bagadiong

📷CVS FB page