Radyo Pilipinas Virac Catanduanes

Radyo Pilipinas Virac Catanduanes Radyo Pilipinas is the flagship government AM radio station of the Presidential Broadcast Service

07/08/2025

| Aug 7, 2025

07/08/2025

| August 7, 2025

Kasama si Jaymark Dagala.

07/08/2025

ASEAN, Katuwang ng Pilipinas sa Laban para sa Kalusugan

Sa ilalim ng One Health approach ng ASEAN, nagtutulungan ang mga bansa sa buong rehiyon upang tugunan ang banta sa kalusugan, mula pandemya, sakit mula sa hayop, hanggang epekto ng kalikasan.
Mula medical supplies, research exchange, hanggang sabayang aksyon, sama-samang kumikilos ang ASEAN para sa mas ligtas at mas handang rehiyon.


07/08/2025

𝐍𝐀𝐑𝐈𝐓𝐎 𝐍𝐀 𝐀𝐍𝐆 𝐓𝐀𝐇𝐀𝐍𝐀𝐍 𝐍𝐆 𝐎𝐅𝐖 𝐎𝐍 𝐀𝐈𝐑!

Sama-sama nating subaybayan ang ika-dalawampu't apat na episode ng programang Tahanan ng OFW on Air dito pa rin sa Radyo Pilipinas, Radyo Publiko, August 08, 2025!

Regular itong masusubaybayan tuwing Huwebes, mula 3:00PM hanggang 4:00PM sa Radyo Pilipinas Radyo Publiko sa DZRB 738 AM at maging sa Radyo Pilipinas- World Service.

Ang programa ay mapapanood rin sa official page ng Radyo Pilipinas at ng Department of Migrant Workers.

Sama-sama po nating pag-usapan ang mga kwento ng pagsusumikap ng ating mga Bagong Bayani, at alamin ang mga programa at serbisyo na hatid ng DMW sa ating mga OFWs saan mang panig ng mundo.

Bukas po ang Tahanan ng OFWs sa ating lahat, kaya't halina't sumubaybay at sama-sama nating ipagmalaki sa mundo ang ating mga Bagong Bayani sa ating Bagong Pilipinas.






𝐂𝐀𝐓𝐀𝐍𝐃𝐔𝐀𝐍𝐄𝐒 𝐆𝐎𝐕𝐄𝐑𝐍𝐌𝐄𝐍𝐓, 𝐒𝐔𝐏𝐎𝐑𝐓𝐀𝐃𝐎 𝐀𝐍𝐆 𝐔𝐑𝐆𝐄𝐍𝐓 𝐂𝐋𝐀𝐒𝐒𝐑𝐎𝐎𝐌 𝐏𝐑𝐎𝐉𝐄𝐂𝐓 𝐒𝐀 𝐁𝐑𝐆𝐘. 𝐎𝐁𝐈Bilang tugon sa pangangailangan ng karagdagan...
07/08/2025

𝐂𝐀𝐓𝐀𝐍𝐃𝐔𝐀𝐍𝐄𝐒 𝐆𝐎𝐕𝐄𝐑𝐍𝐌𝐄𝐍𝐓, 𝐒𝐔𝐏𝐎𝐑𝐓𝐀𝐃𝐎 𝐀𝐍𝐆 𝐔𝐑𝐆𝐄𝐍𝐓 𝐂𝐋𝐀𝐒𝐒𝐑𝐎𝐎𝐌 𝐏𝐑𝐎𝐉𝐄𝐂𝐓 𝐒𝐀 𝐁𝐑𝐆𝐘. 𝐎𝐁𝐈

Bilang tugon sa pangangailangan ng karagdagang mga silid-aralan at sa banta ng nalalapit na tag-ulan, nangako si Governor Patrick Alain T. Azanza na paigtingin ang proseso ng pag-apruba ng mga permit at ang agarang paghatid ng mga materyales para sa konstruksyon ng silid-aralan sa Barangay Obi, Caramoran, Catanduanes.

Ang naturang proyekto ay pinangungunahan ng All Hands and Hearts, isang non-government at non-profit organization na nakabase sa Estados Unidos, sa lokal na pamumuno ni Andres Barcelona.

Nabatid na bago pa man magsimula ang termino ni Gov. Azanza, una na itong nakipagpulong kina Erlend Johannesen—isang beteranong socio-civic organizer mula Norway at matagal nang volunteer ng All Hands and Hearts—at sa kanyang asawa. Ipinahayag umano ng mag-asawa ang kanilang interes na maglunsad ng katulad na mga proyekto sa Catanduanes, kabilang na ang sa Barangay Obi.

Bilang alumni ng Catanduanes State University (CatSU), napag-usapan din nila Gov. Azanza ang posibilidad ng pormal na pakikipag-partner ng CatSU sa globally ranked Norwegian University of Science and Technology (NTNU), bilang bahagi ng pagpapalakas ng kakayahan ng isla sa mga proyektong matibay at ligtas na imprastraktura.

Sa isinagawang pulong noong Agosto 5, 2025 sa Governor's Office, nanawagan din si Barcelona kay Gov. Azanza na mapabilis ang proseso ng konstruksyon, lalo na’t nagsimula na ang mga aktibidad sa site at papalapit na ang tag-ulan.

Agad namang tumugon si Gov. Azanza at ipinahayag ang kanyang buong suporta. Nangako rin itong tutulong sa mabilis na pagproseso ng mga kinakailangang permit, partikular na sa pagkuha ng graba, at sa pagbibigay ng mahahalagang materyales.

Ang All Hands and Hearts ay kilala sa pagtatayo ng mga pasilidad at silid-aralan sa mga komunidad na salat sa serbisyo, hindi lamang sa Pilipinas kundi sa buong mundo. Sa Catanduanes, aktibo na itong nakapagtayo ng mga silid-aralan, at ang proyekto sa Obi ang pangatlong site ng konstruksyon sa isla. | via Rosie Nieva

Source/Photo Courtesy: Catanduanes Provincial Information Office

TINGNAN | Pinangunahan ng Persons with Disability Affairs Office (PDAO) sa pamumuno ni Ma. Necia D. Marino, DAO III, ang...
07/08/2025

TINGNAN | Pinangunahan ng Persons with Disability Affairs Office (PDAO) sa pamumuno ni Ma. Necia D. Marino, DAO III, ang pamamahagi ng mga kagamitang pampaaralan sa mga estudyante ng bayan ng San Andres, kasama si Mayor Aly T. Romano.

Ang programang ito ay regular na isinasagawa ng PDAO bilang pagsunod sa R.A. 7277 o Magna Carta for Disabled Persons.

Ayon sa LGU San Andres, may sampung estudyante mula sa Special Needs Education ng San Andres Central Elementary School (SACES) at 22 estudyante mula sa San Andres Vocational School (SAVS) ang tumanggap ng mga donasyon.

Marami pang ibang mag-aaral mula sa iba’t ibang paaralan sa San Andres ang nakatanggap din ng tulong. Bukod dito, namigay rin ang PDAO ng mga food pack sa mga estudyante bilang bahagi ng pagdiriwang ng National Disability Rights Week. | via Rosie Nieva

Source/Photo Courtesy: Municipality of San Andres, Catanduanes

07/08/2025

Mas Abot-Kayang Teknolohiya, Hatid ng ASEAN

Dahil sa ASEAN, mas abot-kaya na ang gadgets at mas mabilis ang access sa teknolohiya.
Bumaba ang buwis sa tech imports at pinabilis ang digital trade, kaya mas marami nang Pilipino, mula estudyante hanggang negosyante, ang nakakagamit ng makabagong tech kahit sa malalayong lugar. Innovation across borders, para sa bawat Pilipino.


𝐎𝐖𝐖𝐀 𝐁𝐈𝐂𝐎𝐋, 𝐍𝐀𝐆𝐒𝐀𝐆𝐀𝐖𝐀 𝐍𝐆 𝐄𝐍𝐓𝐑𝐄𝐏𝐑𝐄𝐍𝐄𝐔𝐑𝐈𝐀𝐋 𝐓𝐑𝐀𝐈𝐍𝐈𝐍𝐆 𝐀𝐓 𝐏𝐑𝐎𝐆𝐑𝐀𝐌 𝐏𝐑𝐎𝐂𝐄𝐒𝐒𝐈𝐍𝐆 𝐏𝐀𝐑𝐀 𝐒𝐀 𝐌𝐆𝐀 𝐎𝐅𝐖 𝐁𝐄𝐍𝐄𝐅𝐈𝐂𝐈𝐀𝐑𝐈𝐄𝐒 𝐒𝐀 𝐂𝐀𝐓𝐀𝐍𝐃𝐔𝐀𝐍𝐄𝐒Mata...
07/08/2025

𝐎𝐖𝐖𝐀 𝐁𝐈𝐂𝐎𝐋, 𝐍𝐀𝐆𝐒𝐀𝐆𝐀𝐖𝐀 𝐍𝐆 𝐄𝐍𝐓𝐑𝐄𝐏𝐑𝐄𝐍𝐄𝐔𝐑𝐈𝐀𝐋 𝐓𝐑𝐀𝐈𝐍𝐈𝐍𝐆 𝐀𝐓 𝐏𝐑𝐎𝐆𝐑𝐀𝐌 𝐏𝐑𝐎𝐂𝐄𝐒𝐒𝐈𝐍𝐆 𝐏𝐀𝐑𝐀 𝐒𝐀 𝐌𝐆𝐀 𝐎𝐅𝐖 𝐁𝐄𝐍𝐄𝐅𝐈𝐂𝐈𝐀𝐑𝐈𝐄𝐒 𝐒𝐀 𝐂𝐀𝐓𝐀𝐍𝐃𝐔𝐀𝐍𝐄𝐒

Matagumpay na isinagawa ng Overseas Workers Welfare Administration (OWWA) Bicol ang dalawang aktibidad para sa mga benepisyaryo ng kanilang programa noong Agosto 5, 2025.

Pinangunahan ang Entrepreneurial Development Training (EDT) para sa mga benepisyaryo ng Balik Pinas! Balik Hanapbuhay! Program (BPBH), kung saan tinalakay ang mga serbisyo ng OWWA, paggawa ng simpleng business plan, at mga batayang kaalaman sa accounting at bookkeeping.

Kasunod nito, isinagawa rin ang on-site processing ng aplikasyon ng 15 benepisyaryo mula sa BPBH, SFA (Scholarship for Family of OFW), at Disability Assistance Program.

Layon ng mga aktibidad na ito na tulungan ang mga OFW at kanilang pamilya na makapagsimula ng sariling kabuhayan at matiyak ang kanilang muling pagbangon pag-uwi sa bansa. | via Juriz Dela Rosa

Source/photo courtesy: OWWA Bicol

Sa ikalawang bahagi ng episode 3 ng BBM Podcast, sinabi ni Pangulong Marcos Jr. na ang personal nitong pag-anunsyo sa mg...
07/08/2025

Sa ikalawang bahagi ng episode 3 ng BBM Podcast, sinabi ni Pangulong Marcos Jr. na ang personal nitong pag-anunsyo sa mga programa at proyekto ng pamahalaan sa publiko ay walang kinalaman sa pagpapataas ng trust at approval ratings.

Aniya, ang lahat ng kanilang ginagawa ay para sa taumbayan, para sa ikagiginhawa ng buhay ng mga Pilipino. Lahat ng ito ay dapat nakikita at nadadama.



𝐆𝐃𝐏 𝐍𝐆 𝐏𝐈𝐋𝐈𝐏𝐈𝐍𝐀𝐒, 𝐔𝐌𝐀𝐊𝐘𝐀𝐓 𝐒𝐀 𝟓.𝟓% 𝐒𝐀 𝐐𝟐 𝐍𝐆 𝟐𝟎𝟐𝟓Lumago sa 5.5% ang Gross Domestic Product o GDP ng Pilipinas sa ikalawang...
07/08/2025

𝐆𝐃𝐏 𝐍𝐆 𝐏𝐈𝐋𝐈𝐏𝐈𝐍𝐀𝐒, 𝐔𝐌𝐀𝐊𝐘𝐀𝐓 𝐒𝐀 𝟓.𝟓% 𝐒𝐀 𝐐𝟐 𝐍𝐆 𝟐𝟎𝟐𝟓

Lumago sa 5.5% ang Gross Domestic Product o GDP ng Pilipinas sa ikalawang quarter ng 2025, ayon sa pinakahuling ulat ng Philippine Statistics Authority (PSA).

Ayon kay National Statistician and Civil Registrar General Usec. Dennis Mapa, ang mga pangunahing sektor na nagtulak ng paglago ay ang wholesale at retail trade na may 5.1% na pag-angat, public administration at defense na umabot sa 12.8%, at financial at insurance activities na nagtala ng 5.6%. | ulat ni EJ Lazaro

Basahin sa comment section ang buong ulat....

07/08/2025

| Inaanyayahan ang mga anak o apo ng Agrarian Reform Beneficiaries (ARBs) o Small Farmers and Fishers (SFFs) na mag-aplay sa iskolarship na iniaalok ng Landbank Countryside Development Foundation, Inc. Ang huling araw ng pagsusumite ng mga rekisito ay sa Agosto 12, 2025. Magtungo sa CatSU Office of Student Scholarship, Career Development and Placement Services (OSSFACDPS) upang kumuha ng form at isumite ang mga kinakailangang dokumento.

Para sa karagdagang detalye, tingnan ang comment section.

𝐃𝐈𝐒𝐓𝐑𝐄𝐒𝐒𝐄𝐃 𝐎𝐅𝐖, 𝐍𝐀𝐁𝐈𝐆𝐘𝐀𝐍 𝐍𝐆 𝐓𝐔𝐋𝐎𝐍𝐆 𝐌𝐄𝐃𝐈𝐊𝐀𝐋 𝐀𝐓 𝐏𝐀𝐍𝐆𝐊𝐀𝐁𝐔𝐇𝐀𝐘𝐀𝐍 𝐒𝐀 𝐂𝐀𝐓𝐀𝐍𝐃𝐔𝐀𝐍𝐄𝐒Isang distressed Overseas Filipino Worker (OFW...
07/08/2025

𝐃𝐈𝐒𝐓𝐑𝐄𝐒𝐒𝐄𝐃 𝐎𝐅𝐖, 𝐍𝐀𝐁𝐈𝐆𝐘𝐀𝐍 𝐍𝐆 𝐓𝐔𝐋𝐎𝐍𝐆 𝐌𝐄𝐃𝐈𝐊𝐀𝐋 𝐀𝐓 𝐏𝐀𝐍𝐆𝐊𝐀𝐁𝐔𝐇𝐀𝐘𝐀𝐍 𝐒𝐀 𝐂𝐀𝐓𝐀𝐍𝐃𝐔𝐀𝐍𝐄𝐒

Isang distressed Overseas Filipino Worker (OFW) ang agarang nabigyan ng tulong medikal, psychosocial, at pangkabuhayan sa tulong ng OWWA Bicol, katuwang ang Pamahalaang Panlalawigan ng Catanduanes at MSWDO ng Virac.

Sumailalim ang OFW sa inisyal na konsultasyong medikal at isinailalim sa mga kinakailangang laboratory tests upang masuri ang kanyang kalagayan.

Kasunod nito, isinagawa ang counseling session upang matugunan ang aspeto ng mental at emosyonal na kalusugan ng benepisyaryo, at inendorso rin siya para sa karagdagang psychological assessment.

Nagbigay rin ng transportasyon ang provincial government upang matiyak ang mabilis at maginhawang pag-access sa mga serbisyo.

Bilang bahagi ng reintegration program, nagkaloob ang OWWA ng ₱20,000 na tulong pangkabuhayan upang matulungan ang OFW na makapagsimula muli sa kanyang pagbabalik sa bansa.

Ang hakbang na ito ay patunay ng pagtutulungan ng mga ahensya para sa kapakanan at muling pagbangon ng mga OFW. | via Juriz Dela Rosa

📷OWWA Bicol

Address

CatSU Compound, Calatagan
Virac
4800

Opening Hours

Monday 8am - 5pm
Tuesday 8am - 5pm
Wednesday 8am - 5pm
Thursday 8am - 5pm
Friday 8am - 5pm

Telephone

+639178137240

Website

https://radyopilipinas.ph/

Alerts

Be the first to know and let us send you an email when Radyo Pilipinas Virac Catanduanes posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Radyo Pilipinas Virac Catanduanes:

Shortcuts

Share

Category