27/07/2026
Kumusta ang mga bill ta mga kabarangay? Kaya pa ba?
https://www.facebook.com/share/p/19En2gMd7y/
BAKIT NAGMAHAL ANG PRESYO NG KURYENTE SA CATANDUANES?
KAHALAGAHAN NG CSP SA BUONG BANSA - Mahigpit na ipinaguutos ng pamahalaan ang CSP para sa suplay ng kuryente sa bansa upang maiwasan ang “sweetheart deal”, mapababa ang presyo ng kuryente sa pamamagitan ng hayag na pagtukoy ng presyo, masiguro ang pangmatagalang supply nito, at maitaguyod ang fair market competition sa buong bansa.
Ito ang pamamaraan ng pamahalaan na maiwasan ang kuntsabahan sa pagitan ng mga industry players sa bansa na kung ihahalimbawa sa ating lalawigan, sa pagitan ng FICELCO at power suplayer nito. Sa pamamagitan ng CSP naitataguyod ang healthy competition sa lahat ng interesadong makilahok sa industriya.
Sa pamamagitan ng CSP inaasahang mahihikayat ang mga independent power producers (IPPs) at renewable energy developers ng patas na pagkakataon na makilahok sa supply market. Mahalaga ang pagpasok ng mga bagong mamumuhunan upang matugunan ang demand projections ng pamahalaan, maiwasan ang grid faillures at masuportahan ang pangkalahatang pag-unlad ng power industry.
Bakit mahalaga ang paglahok ng mas maraming mamumihunan lalo na ang mga renewable energy developers? Sapagkat kung mas marami ang nakikilahok sa pagnenegosyo mas maaasahan na magpapamura sila ng produkto dahil sa kompetiston. Mas mainam kung renewable energy resources gumagamit ito ng natural na mapagkukunan ng enerhiya katulad ng tubig at araw kaya hindi na ito mangangailangan ng pettolyo upang mapaandar ang kanilang mga electric motor.
Sinusuportahan ng pamahalaan ang global competitiveness at naniniwala na sa pamamagitan ng mura at maaasahang elektrisidad makakahikayat ang bansa ng foreign direct invesment (FDI). Kung masisiguro ang sapat at rasonableng halaga ng kuryente palalakasin nito ang competitiveness ng mga produkto at serbisyong pinoy sa global market.
Itinatagurod ng bansa ang pagdagdag ng pag-angkat ng kuryente mula sa mga renewable energy sources pataas sa 35% sa taong 2030 hanggang makamit ang 50% share sa taong 2050.
Dito sa Catanduanes napatunayan na ang kahalagahan ng mga renewable energy sources katulad ng mga mini-hydro plants (Balongbong, Solong, at Hitoma) na di hamak na mas mababa ang presyo kumpara sa mga de-krudong planta. Ayon sa mga eksperto, marami pang potensiyal na mapagkukunan ng enerhiya sa probinsiya katulad ng solar, wind, tidal at wave.
