La Liga Atenista

21/08/2026

18/08/2026

17/08/2026

𝐊𝐎𝐋𝐔𝐌|| 𝐃𝐚𝐡𝐚𝐧-𝐃𝐚𝐡𝐚𝐧 𝐋𝐚𝐧𝐠, 𝐌𝐚𝐲 𝐎𝐫𝐚𝐬 𝐏𝐚!
‎
‎“Hindi ko nagawa ang best ko”
‎“Disappointed ako sa sarili ko”—ito ang mga pariralang madalas natin bigkasin o marinig sa mga pasilyo ng paaralan. Hindi natin maiwasan ang makaramdam ng pagkadismaya sa bawat bagay na ating ginagawa. Minsan pa nga, kahit binibigay na natin ang lahat ng ating makakaya, pakiramdam natin ay hindi pa rin ito sapat.
‎
‎Tayong mga estudyante ay mahilig magkumpara ng sariling gawain sa iba. “Mabuti pa siya, ang galing-galing niya”—ito ang bukambibig sa tuwing naiisip nating napag-iiwanan na tayo. Mahilig din tayong sumukat ng sariling kakayahan batay sa ating ginagawa. Kumbaga, umiikot lamang ang ating pag-iisip sa mga resulta o markahan na tila nagsasabi kung ano at sino tayo. Tila ba rito nakasasalay ang ating halaga bilang mga mag-aaral.
‎
‎Ang ganitong mga uri ng negatibong pag-iisip ay lalo lamang hinahamak ang ating sarili sa halip na magbigay ng motibasyon. Binibigyan natin ang ating sarili ng matinding presyon na nagreresulta ng stress, panghihina, at kawalan ng tiwala sa sarili. Sa halip na maging mahigpit tayo sa ating sarili, simulan nating yakapin ang ating pagkatao sa pamamagitan ng pagtanggap sa mga bagay na ating ginagawa—sapat man o kulang.
‎
‎Kung titingnan natin nang mabuti, ang bawat markahan o resulta na ating natatanggap sa bawat pagsusulit sa loob ng apat na kwarter, ay nagdudulot ng magandang opportunidad para sa atin upang pagbutihin pa at palaganapin ang ating kaalaman sa akademya. Kaya huwag natin masyadong bigyan ng matinding presyon ang ating sarili. Ang mga gradong itong ay hindi nagtatakda kung sino tayo bilang tao at estudyante. Ang bawat isa sa atin ay may kani-kaniyang galing. Ang pagkabigo o pagtanggap ng hindi magandang resulta sa isang pagsusulit ay hindi nangangahulugan ng kawalan ng kaalaman at pagkatalo.
‎
‎Estudyante pa lamang tayo. Ang ating mga nangyayari sa paligid ay maaaring magbago. Ang pagiging estudyante ay pagiging bukas at handang tumanggap ng pagbabago. Ibig sabihin, kahit na makaranas tayo ng kabiguan sa ating paglalakbay sa pag-aaral, gaya sa mga pagsusulit ay patuloy pa rin tayong magsipag at magpursigi sa araw-araw.
‎
‎Unang kwarter pa lamang, may susunod pang mga kwarter. Laging may lugar para sa pagpapabuti. Huwag natin masyadong madaliin ang takbo ng oras. Matuto tayong maging matiyaga at mapagpasensya, hindi lamang sa gawa, kundi pati na rin sa ating sarili.
‎
‎𝑰𝒔𝒊𝒏𝒖𝒍𝒂𝒕 𝒏𝒊: 𝑮𝒂𝒚𝒍𝒆 𝑺𝒐𝒓𝒊𝒂𝒏𝒐
‎𝑪𝒂𝒓𝒕𝒐𝒐𝒏 𝒏𝒊: 𝑨𝒍𝒍𝒚𝒔𝒐𝒏 𝑭𝒓𝒂𝒏𝒄𝒐
𝑳𝒂𝒚𝒐𝒖𝒕 𝒏𝒊: 𝑪𝒊𝒂𝒏𝒕𝒆𝒍𝒍𝒆 𝒀𝒂𝒑

16/08/2026

𝐀𝐁𝐈𝐒𝐎|| 𝐊𝐥𝐚𝐬𝐞 𝐍𝐠𝐚𝐲𝐨𝐧𝐠 𝐀𝐫𝐚𝐰 𝐒𝐮𝐬𝐩𝐞𝐧𝐝𝐢𝐝𝐨 𝐝𝐚𝐡𝐢𝐥 𝐬𝐚 𝐌𝐚𝐭𝐢𝐧𝐝𝐢𝐧𝐠 𝐈𝐧𝐢𝐭

Alinsunod sa direktiba ni Mayor Khymer Olaso ukol sa suspensiyon ng klase dulot ng mainit na panahon, sinsupende ang klase ngayong araw Agosto 17, 2026 sa Ateneo de Zamboanga University Junior High School at inilapat sa synchronous classes.

Manatiling ligtas, huwag kalimutang uminom ng maraming tubig at laging protektahan ang ating kalusugan Atenistas!

16/08/2026

𝐒𝐈𝐋𝐈𝐏|| 𝐀𝐜𝐚𝐝𝐞𝐦𝐢𝐜 𝐄𝐱𝐜𝐞𝐥𝐥𝐞𝐧𝐜𝐞 𝐀𝐰𝐚𝐫𝐝𝐬 𝐂𝐞𝐫𝐞𝐦𝐨𝐧𝐲, 𝐈𝐩𝐢𝐧𝐚𝐠𝐝𝐢𝐫𝐢𝐰𝐚𝐧𝐠 𝐚𝐧𝐠 𝐊𝐚𝐬𝐢𝐩𝐚𝐠𝐚𝐧 𝐧𝐠 𝐦𝐠𝐚 𝐌𝐚𝐠-𝐚𝐚𝐫𝐚𝐥

Isang makabuluhang pagsilip sa araw ng pagkilala at pagdiriwang ng sipag, tiyaga, at dedikasyon ng ating mga mag-aaral sa akademya para sa Taong Panuaran 2025-2026 nitong Agosto 15, 2026 na naganp sa FANCC.

Ang Academic Excellence Awards Ceremony ay isang pagkakataon upang bigyang-pugay ang mga Atenistang nagsumikap at patuloy na nagsusumikap upang makamit ang kanilang mga layunin sa pag-aaral. Bawat parangal ay bunga ng oras, pagsisikap, at determinasyong kanilang inilaan upang maabot ang kanilang pinakamahusay na sarili.

Nagsilbing inspirasyon ang tagumpay ng 496 na awardees sa bawat mag-aaral na patuloy na nangangarap at nagsisikap. Sapagkat ang tunay na kahusayan ay hindi lamang nasusukat sa parangal, kundi sa pusong patuloy na nagpupursigi sa bawat hamon.

𝑰𝒔𝒊𝒏𝒖𝒍𝒂𝒕 𝒏𝒊: 𝑪𝒊𝒂𝒏𝒕𝒆𝒍𝒍𝒆 𝒀𝒂𝒑

14/08/2026

𝑴𝒂𝒍𝒊𝒈𝒂𝒚𝒂𝒏𝒈 𝑲𝒂𝒂𝒓𝒂𝒘𝒂𝒏, Alexa Eyas!🎉

Bilang ating photojournalist, sobrang pinahahalagahan ng 𝐿𝑎 𝐿𝑖𝑔𝑎 𝐴𝑡𝑒𝑛𝑖𝑠𝑡𝑎 ang bawat kwento at litratong iyong ibinahagi💛. Salamat sa bawat gawa mo at sa 𝑑𝑒𝑑𝑖𝑘𝑎𝑠𝑦𝑜𝑛 na ipinapakita mo sa La Liga Atenitsa. Nawa’y patuloy kang pagpalain ng malusog na isip, malikhain mong kamay, at pusong laging nagsisilbi. 𝑴𝒂𝒍𝒊𝒈𝒂𝒚𝒂𝒏𝒈 𝑲𝒂𝒂𝒓𝒂𝒘𝒂𝒏, at dalangin namin ang isang taon na puno ng biyaya at inspirasyon!

ʟᴀʏᴏᴜᴛ ɴɪ ᴄɪᴀɴᴛᴇʟʟᴇ ʏᴀᴘ

13/08/2026

𝐈𝐒𝐀𝐓𝐈𝐓𝐈𝐊|| 𝐌𝐮𝐧𝐭𝐢𝐧𝐠 𝐏𝐚𝐠𝐩𝐮𝐩𝐮𝐠𝐚𝐲

Sa araw na ito’y aming pagbati,
Maligayang kaarawan, Bb. Miu, mula sa puso’t ngiti.

Sa bawat aral na inyong ibinabahagi,
Mas napapalalim ang aming kaalaman at pag-unawa sa sarili.

Sa larangan ng pamamahayag, kayo ang aming sandigan,
Itinuturo ninyo kung paano maging Mata at Boses ng katotohanan.

Sa bawat salita ng wikang Filipino,
Kayo’y nagsisilbing gabay sa aming pagkatuto.

Sa tiyaga, malasakit, at inyong pagtuturo,
Maraming salamat po sa inspirasyong hatid ninyo.

Nawa’y mapuno ng saya, pag-ibig, at biyaya ang inyong kaarawan,
At magpatuloy ang biyaya sa bawat kinabukasan.

Mula sa inyong mga mag-aaral na patuloy na nagpapasalamat at natututo,
Maligayang kaarawan po, Bb. Miu!

𝑰𝒔𝒊𝒏𝒖𝒍𝒂𝒕 𝒏𝒊: 𝑷𝒂𝒕-𝑨𝒂𝒓𝒆𝒅 𝑯𝒖𝒔𝒔𝒊𝒆𝒏
𝑳𝒂𝒚𝒐𝒖𝒕 𝒏𝒊: 𝑹𝒂𝒛𝒆 𝑻𝒐𝒓𝒊𝒃𝒊𝒐

11/08/2026

𝐀𝐍𝐎𝐍𝐆 𝐆𝐀𝐍𝐀𝐏|| 𝐀𝐫𝐫𝐮𝐩𝐞 𝐎𝐟𝐟𝐢𝐜𝐞 𝐍𝐚𝐠𝐥𝐮𝐧𝐬𝐚𝐝 𝐧𝐠 𝐊𝐚𝐮𝐧𝐚-𝐮𝐧𝐚𝐡𝐚𝐧𝐠 𝐂𝐨𝐦𝐦𝐮𝐧𝐢𝐭𝐲 𝐏𝐚𝐧𝐭𝐫𝐲

Inilunsad ng Ateneo de Zamboanga University Junior High School (AdZU-JHS) ang kauna-unahang Arrupe Community Pantry. Ang proyektong ito ay pinangungunahan ng Arrupe Office, katuwang ang Campus Ministry Office, Infirmary, at Home-School Relations Office (HSRO). Layunin ng inisyatibong ito na bigyang-halaga ang kalusugan at kapakanan ng bawat mag-aaral, upang matiyak na sila ay may sapat na lakas at kahandaan sa pagharap sa kanilang Unang Markahang Pagsusulit ngayong araw.

Gaganapin ang Community Pantry sa loob ng campus ng AdZU-JHS. Sa loob ng tatlong araw na aktibidad, inaasahang makikinabang ang lahat ng mag-aaral sa mga handog na pagkain at suporta. Ang hakbang na ito ay patunay ng malasakit ng pamantasan sa kabataan, na hindi lamang nakatuon sa akademikong tagumpay kundi pati na rin sa kanilang pang-araw-araw na kalusugan.

Ang Arrupe Community Pantry ay magsisilbing konkretong halimbawa ng pakikipagkapwa at pagbibigayan. Sa pamamagitan ng sama-samang pagkilos ng iba’t ibang opisina ng paaralan, ipinakita ng AdZU-JHS ang tunay na diwa ng Ignatian values—ang pagiging “men and women for and with others.” Higit pa sa pagbibigay ng pagkain, layunin din ng proyektong ito na magbigay inspirasyon sa mga mag-aaral na maging handa sa hamon ng pagsusulit at sa kanilang papel bilang responsableng miyembro ng komunidad.

𝑰𝒔𝒊𝒏𝒖𝒍𝒂𝒕 𝒏𝒊: 𝑭𝒂𝒕𝒊𝒎𝒂 𝑺𝒂𝒓𝒊𝒑
𝑳𝒂𝒓𝒂𝒘𝒂𝒏𝒈-𝑲𝒖𝒉𝒂 𝒏𝒊: 𝑮𝒂𝒚𝒍𝒆 𝑺𝒐𝒓𝒊𝒂𝒏𝒐

11/08/2026

𝐈𝐋𝐀𝐍𝐆 𝐎𝐑𝐀𝐒 𝐍𝐀 𝐋𝐀𝐍𝐆 𝐀𝐍𝐆 𝐍𝐀𝐓𝐈𝐓𝐈𝐑𝐀!⏰

Kumusta ang paghahanda ninyo 𝗔𝘁𝗲𝗻𝗶𝘀𝘁𝗮? Handa na ba kayo para sa unang exam ng taong panuruan na ito? 📚 'Yung iba sa atin ngayon nakadikit pa rin sa notes. 'Yung iba naman tulog na pero nanaginip pa rin ng formulas sa math. 😭

Kaniya-kaniya na 'to pero sabay-sabay tayong kakabahan. Iisa lang yung kaba, iisa lang yung pagod, at iisa lang yung dasal natin. 🙏

𝗕𝗮𝗹𝗹𝗽𝗲𝗻? 𝑵𝒂𝒏𝒅𝒊𝒚𝒂𝒏. ✍️
𝗖𝗼𝗿𝗿𝗲𝗰𝘁𝗶𝗼𝗻 𝘁𝗮𝗽𝗲? 𝑵𝒂𝒏𝒅𝒊𝒚𝒂𝒏.
𝗖𝗵𝘂𝗰𝗸𝗶𝗲? 𝑵𝒂𝒏𝒅𝒊𝒚𝒂𝒏. 🍫
𝐈𝐬𝐚𝐧𝐠 “𝗚𝗼𝗼𝗱 𝗹𝘂𝗰𝗸”? 𝑯𝒂𝒕𝒊-𝒉𝒂𝒕𝒊. 𝗞𝘂𝗺𝗽𝗶𝘆𝗮𝗻𝘀𝗮? 𝑯𝒊𝒏𝒊𝒉𝒊𝒓𝒂𝒎 𝒌𝒂𝒚 𝑳𝒐𝒓𝒅.

Pero laban lang 💪 hindi tayo nag-iisa. May Lord tayo. May tiwala tayo. May isa't isa tayo. Hindi man perpekto ang pagre-review natin, perpekto naman ang paggabay Niya. Kaya pagdating sa classroom, hingang malalim, tingnan ang papel, at gawin ang best natin!l.

Kaya good luck at 𝗚𝗼𝗱 bless sa ating lahat! Kaya natin 'to. 🤞🙏 𝗜𝘀𝗮𝗻𝗴 𝗱𝗮𝘀𝗮𝗹, 𝗶𝘀𝗮𝗻𝗴 𝗵𝗶𝗻𝗴𝗮, 𝗶𝘀𝗮𝗻𝗴 𝗽𝗮𝘀𝗮𝗱𝗮. 𝗟𝗮𝗯𝗮𝗻, 𝗮𝘁𝗲𝗻𝗶𝘀𝘁𝗮𝘀! 🔥

09/08/2026

✦ 𝐌𝐀𝐋𝐈𝐆𝐀𝐘𝐀𝐍𝐆 𝐏𝐀𝐆𝐁𝐀𝐓𝐈 𝐒𝐀 𝐌𝐆𝐀 𝐁𝐀𝐆𝐎𝐍𝐆 𝐌𝐈𝐘𝐄𝐌𝐁𝐑𝐎 𝐍𝐆 𝐋𝐀 𝐋𝐈𝐆𝐀 𝐀𝐓𝐄𝐍𝐈𝐒𝐓𝐀! ✦ 📰✨

Malugod naming tinatanggap ang mga bagong miyembro ng La Liga Atenista! 🎉 Isang panibagong taon ang magsisimula puno ng bagong kaibigan, karanasan, kaalaman, at mga pagkakataong sama-samang matututo sa larangan ng Pamamahayag. ✍️📖

Nawa’y maging tahanan ang La Liga Atenista upang maipakita ang inyong talento at dedikasyon. 💛 Sama-sama nating buoin ang isang masigla, aktibo, at publikasyong puno ng pagkakaisa! 🤝🗞️

Handa na ba kayong maging Mata at Boses ng Bawat Atenista? 👀🎙️

𝑰𝒔𝒊𝒏𝒖𝒍𝒂𝒕 𝒏𝒊: 𝑪𝒊𝒂𝒏𝒕𝒆𝒍𝒍𝒆 𝒀𝒂𝒑
𝑳𝒂𝒚𝒐𝒖𝒕 𝒏𝒊: 𝑪𝒂𝒏𝒅𝒊𝒄𝒆 𝑹𝒊𝒗𝒆𝒓𝒂