Banaag ng Palimping

29/08/2026

𝗧𝗜𝗡𝗚𝗡𝗔𝗡 | Iba-iba man ang pinagmulan, iisa ang mithiin — ang ipamalas ang natatanging disiplina at puso sa larang ng pampalakasan.

Manatiling nakatutok sa mga susunod na anunsyo.

𝙻𝚊𝚢𝚘𝚞𝚝 𝚗𝚒: Jestoni Basilio

26/08/2026

𝐏𝐚𝐩𝐚𝐬𝐚 𝐓𝐚𝐲𝐨, 𝐂𝐮𝐫𝐮𝐚𝐧𝐢𝐚𝐧𝐬!

Handa na ba ang lahat? Exam na bukas!

Kinakabahan ba kayo? Normal lang ‘yan. Pero imbes na panghinaan ng loob, gamitin natin ang kaba bilang inspirasyon para mas pagbutihin pa ang ating pagre-review.

Kahit marami tayong ginagawa, huwag nating pabayaan ang ating pag-aaral. Oo, mahirap ang exam, pero kung paglalaanan natin ito ng sapat na oras, pagsisikap, at tiyaga, kakayanin natin.

Kung tayo man ay napapagod o nanghihina, huwag nating kalimutan kung bakit tayo nagsisikap at kung ano ang ating mga pangarap. Walang imposible sa taong determinado, masipag, at hindi sumusuko. Maaaring hindi madali ang lahat, pero sa bawat pagsisikap, pagtitiyaga, at paniniwala sa sarili, unti-unti nating maaabot ang ating mga mithiin.

Nawa’y magbunga ang lahat ng ating puyat, pagod, at pagsisikap sa isang malaking tagumpay. Tandaan natin bawat oras ng pagre-review ay hakbang papalapit sa ating minimithing marka.

Kaya laban lang, Curuanians!
Mag-review tayo, magtiwala sa ating sarili, at ibigay ang ating makakaya.

Sabay-sabay nating patunayan na kaya natin ito!

𝗣𝗮𝗽𝗮𝘀𝗮 𝗮𝗸𝗼. 𝗣𝗮𝗽𝗮𝘀𝗮 𝗸𝗮. 𝗣𝗔𝗣𝗔𝗦𝗔 𝗧𝗔𝗬𝗢

✍🏻: Sheena Dela Merced
🖼️: Jonel Ramillano

26/08/2026

𝗣𝗔𝗡𝗢𝗢𝗥𝗜𝗡| Ang bawat puso ng isang kampeon ay may apoy na hindi kailanman namamatay. Abangan ngayong Setyembre 2-3, 2026 ang muling pag-aalab ng apoy ng mga atleta ng Curuan National High School.

ᴠɪᴅᴇᴏɢʀᴀᴘʜᴇʀ: Clear Beberino & Jonel Ramillano
ᴠɪᴅᴇᴏ ᴇᴅɪᴛᴏʀ: Jonel Ramillano

21/08/2026

🇵🇭 𝗡𝗜𝗡𝗢𝗬 𝗔𝗤𝗨𝗜𝗡𝗢 𝗗𝗔𝗬
August 21, 2026

Sa pahina ng kasaysayan, nakatala ang tapang ng mga Pilipinong tumindig para sa bayan, ngunit sa paglipas ng panahon, tila paulit-ulit na nakakalimutan ang mga aral na kanilang iniwan.

Sa pag-alala kay 𝘽𝙚𝙣𝙞𝙜𝙣𝙤 “𝙉𝙞𝙣𝙤𝙮” 𝘼𝙦𝙪𝙞𝙣𝙤 𝙅𝙧.,muling umuukit sa kasaysayan ang kanyang panawagan laban sa tiraniya, korupsiyon, at pagyurak sa dignidad ng tao

“𝙉𝙤 𝙩𝙤 𝙩𝙮𝙧𝙖𝙣𝙣𝙮, 𝙉𝙤 𝙩𝙤 𝙘𝙤𝙧𝙧𝙪𝙥𝙩𝙞𝙤𝙣, 𝙉𝙤 𝙩𝙤 𝙖𝙡𝙡 𝙩𝙝𝙞𝙨 𝙙𝙚𝙜𝙧𝙖𝙙𝙖𝙩𝙞𝙤𝙣 𝙤𝙛 𝙝𝙪𝙢𝙖𝙣 𝙙𝙞𝙜𝙣𝙞𝙩𝙮!”

Isang panawagan noon, ngunit nananatiling hamon sa kasalukuyan sapagkat ang kalayaan, dignidad, at demokrasya ay hindi dapat manatiling mga salita lamang sa pahina ng kasaysayan. 🇵🇭

🖼️ : 𝑱𝒐𝒏𝒆𝒍 𝑶. 𝑹𝒂𝒎𝒊𝒍𝒍𝒂𝒏𝒐

18/08/2026

15/08/2026

𝗧𝗜𝗡𝗚𝗡𝗔𝗡| Kuhang larawan sa isinagawang pagdiriwang ng 60th Founding Anniversary ng Curuan National High School nitong ika-15 ng Agosto 2026.

📷: Ronian Mirabuena, Clear Beberino, at Daniella Leogan

15/08/2026

𝗧𝗜𝗡𝗚𝗡𝗔𝗡| Kuhang larawan mula sa ginanap na Parade bilang bahagi ng pagdiriwang ng 60th Founding Anniversary ng Curuan National High School nitong ika-15 ng Agosto 2026.

2/2

📷: Clear Beberino, Ronian Mirabuena, at Daniela Leogan

15/08/2026

𝐓𝐈𝐍𝐆𝐍𝐀𝐍| Sigaw ng Tagumpay: Pink Pirates, kampeon sa Yell Competition

Kampeon ang G11-Kurikulum o Pink Pirates sa isinagawang Sigaw-Palakpak ng bawat kurikulum bilang bahagi ng pagdiriwang ng ika-60 Anibersaryo ng Pagkakatatag ng Curuan National High School nitong Sabado, Agosto 15, 2026.

Pumangalawa naman ang G10-Kurikulum o Avengers , na ipinakita ang kanilang sigla, galing, at pagkakaisa sa patimpalak.

Samantala, nagtamo ng ikatlong puwesto ang G12-Kurikulum o Hunters matapos ipamalas ang kanilang lakas at husay sa Sigaw-Palakpak.

Kabilang naman sa mga nakatanggap ng consolation prize ang G8, G9, at G7, na nagtamo ng ikaapat, ikalima, at ikaanim na puwesto, ayon sa pagkakasunod. Nagtamo naman ng ikapitong puwesto ang Alternative Learning System (ALS), na kabilang din sa mga lumahok sa patimpalak.

Layunin ng patimpalak na maipakita ng bawat kurikulum ang kanilang sigla, pagkakaisa, at malikhaing pagpapahayag ng suporta bilang bahagi ng makabuluhang pagdiriwang ng anibersaryo ng paaralan.

✍️: Stephanie Sterling
📷: Clear Beberino, Daniella Leogan, at Ronian Mirabuena

15/08/2026

𝐓𝐈𝐍𝐆𝐍𝐀𝐍| Curuan NHS, ipinagdiriwang ang ika-60 Founding Anniversary

Kasalukuyang ipinagdiriwang ng Curuan National High School (CNHS) ang ika-60 Founding anniversary ngayong Agosto 15, 2026 sa Curuan NHS Covered Court.

May temang "The Diamond Milestone: Weaving the Legacy of the Past into Tomorrow's Success." Kabilang sa pagdiriwang ang parada na nagsimula nung 6:30 ng umaga mula sa Presa Junction, na sinundan ng seremonya para sa founding anniversary.

Isa rin sa mga aktibidad ang Yell Competition mula baitang 7 hanggang baitang 12 at ALS, at pamimigay ng Emergency and Hygiene Kits bilang bahagi nito.

Pinangungunahan ng pamunuan, mga g**o, mag-aaral, alumni, at mga stakeholder ang pagdiriwang na nagbibigay-diin sa anim na dekadang kasaysayan at ambag ng CNHS sa komunidad.

✍️: Radeea Ugis
📷: Clear Beberino, Daniela Leogan, at Ronian Mirabuena

15/08/2026

𝗧𝗜𝗡𝗚𝗡𝗔𝗡| Kuhang larawan mula sa ginanap na Parade bilang bahagi ng pagdiriwang ng 60th Founding Anniversary ng Curuan National High School nitong ika-15 ng Agosto 2026.

1/2

📷: Clear Beberino, Ronian Mirabuena, at Daniela Leogan