https://www.facebook.com/148156155040904/

Banaag ng Palimping, Poblacion, Curuan, Zamboanga City (2025)

27/09/2025

𝗕𝗮𝗹𝗶𝘁𝗮𝗻𝗴 𝗜𝘀𝗽𝗼𝗿𝘁 | Quadrant 1, umarangkada, tuluyang nagwagi sa larong Volleyball
‎
Winalis ng Quadrant 1 ang malalakas na katunggali mula sa Quadrant 4 sa mainit na bakbakan ng Volleyball. Ang laro ay ginanap sa Sta. Maria Central School nitong ika-27 ng Setyembre, bilang bahagi ng Teachers' Month celebration.
‎
Sa unang laro, wagi ang Quadrant 4 matapos nilang bugbugin ang koponan sa una, ikatlo , at ikalimang set sa iskor na 25-23, 25-8, at 15-4. Samantala, ang Quadrant 1 naman ang nagwagi sa ikalawa at ikaapat na set, 25-16 at 25-13 na puntos.
‎
Gayunpaman, hindi nagpatinag ang Quadrant 1, sa halip, ipinakita nila ang kanilang galing at determinasyon sa pagpitas ng puntos at pagdurog sa kalaban.

Tuluyang nanalo ang Quadrant 1 sa pamamagitan ng 3-1 set victory, matapos nilang masungkit ang una, ikalawa, at ikaapat na set sa ikalawang laro sa iskor na 25-17, 25-8, at 25-19. Ang Quadrant 4 naman ay nagawang makakuha ng puntos sa ikatlong set lamang sa iskor na 25-17, dahilan upang tuluyan ng tangghaling kampeon ang Quadrant 1 sa larong ito.
‎
‎Ang Quadrant 1 ay binubuo ng distrito ng Vitali, Curuan at Manicahan. Kabilang sina Heyzel Belarmino, Mery Joy Quimson, Daisy Jane Abelido, Merry Chris Contorno, Jumile Banaan at Michelle Ann Pongcol ng Distrito ng Curuan.

Mula naman sa Distrito ng Vitali sina Anette Amor Bazan, Beverly Desaca, Rosalie Gandel at Rachelle Ann Carpio. Habang sina Flora May Jaldon, Benie Rose Salazar, Clarinda Gamboa, Maria Edlen Alonzo, at Joel Alegado ang pambato ng Distrito ng Manicahan.
‎
‎Sa huli, taas-noong inuwi ng Quadrant 1 ang kampeonato. Pinatunayan nila ang kanilang lakas at diskarte matapos walisin ang kanilang mga kalaban, na nagresulta sa pag-angat ng kanilang team.
‎

✍️ Alccy John Alviar
📸 Demicris Delos Reyes, Emjei Marcos

25/09/2025

𝐓𝐈𝐍𝐆𝐍𝐀𝐍: Kuhang larawan mula sa ginanap na Sci-Math Camp sa Curuan National High School, Setyembre 25, 2025.

📸 I Daniella Leogan

25/09/2025

𝐓𝐈𝐍𝐆𝐍𝐀𝐍: Kuhang larawan mula sa ginanap na Sci-Math Camp sa Curuan National High School, Setyembre 25, 2025.

📸I Daniella Leogan

24/09/2025

𝐓𝐈𝐍𝐆𝐍𝐀𝐍: BFP bumisita sa Curuan National High School, nagsagawa ng Fire Drill
‎
‎Binisita ng Bureau of Fire Protection (BFP) Fire Substation ang Curuan National High School at nagsagawa ng Fire Drill ngayong Miyerkules, Setyembre 24, 2025. Layunin ng aktibidad na maihanda ang mga mag-aaral at g**o sa wastong pagresponde sa oras ng sunog.

‎Mabilis na nagtipon ang lahat ng mag-aaral at mga g**o sa school field bilang bahagi ng evacuation drill.

‎Ayon sa panayam kay Fire Officer I Mark Deny "Makoy" L. Lopez “Ang fire exiting is mahalaga po talaga lalo na sa public educational assembly kagaya nito ma'am. Ang apoy kasi ma'am, every 30 seconds, nag ti-triple ang laki niya. So pag marunong tayo sa fire exit drill, makalabas tayo agad nang hindi pa malala yung apoy. Tapos ginagawa 'to siya every quarter bale in 1 year meron po tayong 4 na fire exit drill.”

‎Matapos ang Fire Exit Drill, nagsagawa rin ng demonstrasyon ang mga fire officers para sa mga mag-aaral ng Baitang 11-STEM.

Ipinakita nila ang tamang paraan ng pagresponde sakaling magkaroon ng sunog sa loob ng tahanan. Ipinaliwanag din nila ang kahalagahan ng Exit Drill In The House o EDITH, na nagsisilbing gabay sa wastong paglikas.

‎Bilang bahagi ng aktibidad, pinasuot rin sa piling mag-aaral ang Personal Protective Equipment (PPE) gaya ng helmet, fire-resistant jacket at trousers, pati na rin ang self-contained breathing apparatus upang maipakita ang kahandaan ng mga bumbero sa aktwal na operasyon.

‎Nagbigay din ang BFP ng mga poster na naglalaman ng mahahalagang impormasyon at mga numerong maaaring tawagan sakaling may emergency.

‎Sa kabuuan, matagumpay na naisagawa ang fire drill na nagbigay ng dagdag kaalaman at kamalayan sa mga mag-aaral at g**o ng Curuan National High School hinggil sa kahandaan at tamang aksyon sa panahon ng sunog.

✍️ Radeea Ugis & Stephanie Sterling
📸 James Banaan & Radeea Ugis

22/09/2025

𝗟𝗔𝗧𝗛𝗔𝗟𝗔𝗜𝗡 | 𝗟𝗨𝗚𝗠𝗢𝗞 𝗡𝗔 𝗣𝗔𝗡𝗚𝗔𝗥𝗔𝗣
Pagkakulong sa Kirot ng Lipunan

Isang hindi makatarungang karanasan ang sinasapit ng taong bayan, ito'y tila sakit na hindi mapuksa-puksa na patuloy ang pagragasa sa paanan ng bawat isa. Hindi maikakaila na kahit anong diin ng tadhana, ang siklong pagdurusa ng libo-libong Juan ay wala pa ring katapusan.

Sa kabila ng mga maamong salitang binitawan ng may kapangyarihan, nakasubaybay pa rin ang hagupit ng sakit na dala ng mga matulis ang dila, mapurol naman ang diwa. Sapagkat, kahit anong anggulo tignan wala pa ring kasagutan sa mga katanungang kailan tuluyang maaasam ng taong bayan ang sinasabi nilang matiwasay na kabuhayan.

Namamalagi pa rin ang pasan na hindi naman ninais ni Juan, bagaman matagal na itong pilit na ibinura sa puso't isipan.

𝗦𝗜𝗞𝗟𝗢 𝗡𝗚 𝗦𝗔𝗞𝗨𝗡𝗔

Sa bawat pangakong binitawan ang kirot ay hindi pa rin matatakpan, kahit anong pagpupumilit mananatili pa rin ang sugat ng pusong nanlulumo.

Mula sa taong 2022 hanggang 2025, halos 545 bilyon na ang inilabas ng pamahalaan para sa mga flood control projects. Ayon kay Pangulong Marcos, 6,021 proyekto na nagkakahalaga ng 350 bilyon ang walang malinaw na detalye sa kalabasan ng perang ginamit. Nangangahulugang ibinulsa na ng mga korap ang pera na dapat para sa ikagiginhawa ng mga Pilipino.

Kaya't pagmasdan ang ating perlas ng silanganan na lubog hindi lamang sa baha kundi sa kasakiman. Hindi lang pala baha ang sumasalanta, mas malala pala ang buwaya na kumawala sa kaniyang lungga na kinakamkam ang kahit na anong makita.

Isa lamang itong paalala sa katotohanang walang pinipiling biktima ang korap, ito'y patuloy na magpupumilit tikumin ang boses ng taong bayan.

𝗛𝗔𝗡𝗚𝗚𝗔𝗡𝗚 𝗞𝗔𝗜𝗟𝗔𝗡 𝗠𝗔𝗚𝗞𝗔𝗞𝗔𝗡𝗗𝗔𝗥𝗔𝗣𝗔

Hindi na bago ang suliraning ikinakaharap ng sanlibutan, ang pangarap na maliwanag na kinabukasan ay puno na sa bahid ng putik ng may kapangyarihan.

Hanggang kailan ibabalewala ang panawagan ng taong bayan na nag-asam sa nararapat na kaunlaran, isa lamang ang kanilang mithiin; ang malayo sa nanlilinsik na ugali na taglay ng sakim.

Sa kabila ng kaguluhan, walang pagbabago ang mangyayari sa ating lipunan kung hindi mananagot ang salarin.

Nawa'y tayo ay mamulat sa katotohanang ang katatagan ng Pilipino ay hindi dahil sa biyayang natatangi, kundi sa pakikipagsapalaran araw-araw upang mabuhay.

Nawa'y maimulat ang ating mga mata, ang pinagkatiwalaan nating mamuno sa lipunan ay walang pinagkaiba sa ugali ng isang—buwaya.

Sa lupaypay na inang bayan, wala pa ring lunas sa sakit na dala ng katiwalian. Habang ang mga buwaya ay nagtatampisaw sa perang kanilang ibinulsa, gayon din ang patuloy na paglugmok ng ekonomiya sa ating bansa.

📸: Rizza May Paragas Rebollos-Ramos

20/09/2025

𝗧𝗜𝗡𝗚𝗡𝗔𝗡: Malacañang, idineklara half-day work suspension sa Lunes, Setyembre 22, 2025
‎
‎Idineklara ng Malacañang ang half-day work suspension sa lahat ng trabaho sa tanggapan ng pamahalaan upang bigyang-daan ang pagdiriwang ng ika-33 na National Family Week o "Kainang Pamilya Mahalaga" simula 1:00pm ng Setyembre 22, 2025.

Source: https://pco.gov.ph/news_releases/memorandum-circular-no-96-s-2025/

✍: Radeea A. Ugis

20/09/2025

𝗢𝗣𝗜𝗡𝗬𝗢𝗡: Tunay na nakapanggigigil ang pagpapaikot ng ating gobyerno. Putik at tubig-baha ang kasalukuyang nagbibigay pasanin sa naapektuhang pamilya sa Brgy. Curuan. Hanggang kailan magtitiis sa paulit-ulit na kuwento ang ordinaryo at patas na lumalabang residente?

17/09/2025

𝗢𝗣𝗜𝗡𝗬𝗢𝗡 | 𝗞𝗮𝘁𝗶𝘄𝗮𝗹𝗶𝗮𝗻 𝗣𝘂𝗸𝘀𝗮𝗶𝗻, 𝗠𝗮𝘆 𝘀𝗮𝗹𝗮 𝗣𝗮𝗻𝗮𝗴𝘂𝘁𝗶𝗻

Habang sila ay lumulutang sa perang ninakaw mula sa kaban ng bayan, ang mga Pilipino ay patuloy na lumulubog. Sa halip na umangat, tayo ay tinatanggalan ng karapatan at tinuturing na mangmang.

Hindi na bago ang sakunang pagbaha lalo na sa Pilipinas. Ngunit sa tinagal-tagal ng panahon, tila walang nagbabago at mas lalo pa ngang lumalala. Kung ganoon, saan napupunta ang bilyon-bilyong pondong inilaan ng pamahalaan para sa flood control projects?

Mula sa taong 2022 hanggang 2025, halos 545 bilyon na ang inilabas ng pamahalaan para sa mga flood control projects. Ayon mismo kay Pangulong Marcos, 6,021 proyekto na nagkakahalaga ng 350 bilyon ang walang malinaw na detalye kung ano ang itinayo. Nangangahulugan lamang na ibinulsa na ng mga korap ang pera na dapat para sa ikagiginhawa ng mga Pilipino.

Lumabas rin sa imbestigasyon na may 17 kongresista, ilang opisyal ng DPWH, at mga kontratista ang sangkot sa tinaguriang “ghost projects” at sa pamimilit ng 25% kickbacks. Nangunguna sa listahan ang mag-asawang Curlee at Sarah Discaya. Isinama rin sa pagdinig ang pangalan nina Senador Jinggoy Estrada at Joel Villanueva na umano’y tumatanggap ng 30% kickbacks mula sa mga proyekto sa Bulacan.

Nakalulungkot at nakapanggigigil dahil sa loob mismo ng pamahalaan umuugat ang katiwalian at korapsyon, sa mga oipsyal na dapat sana’y nagliligtas sa atin ngunit mas piniling ilubog at lunurin tayo sa kahirapan.

Ayon naman sa Department of Finance, tinatayang 42 hanggang 115 bilyon ang nawala dahil sa korapsyon mula sa taong 2023 hanggang 2025. Habang sila ay nagpapakasasa sa marangyang buhay, ligtas sa baha at sakuna, ang ordinaryong Pilipino ay pilit na lumulusong sa tubig-baha para makapaghanap ng kabuhayan kahit na kapalit nito ay sakit at panganib tulad ng leptospirosis.

Samantala, milyon-milyong Pilipino rin ang naaapektuhan ng mga bagyo at pag-ulan, humigit kumulang 20 ang nasawi at mahigit 300,000 ang lumikas ngayon taon lamang. Ngunit sa kabila ng lahat ng ito, tila walang tunay na nananagot. Ang mga kaso ay nakatambak lang sa kamara, pinag-uusapan ngunit walang kongkretong parusa sa tunay na may sala.

Hindi na dapat manatili sa papel ang mga flood control projects. Dapat siguraduhin ng pamahalaan na maayos at dekalidad ang paggawa ng mga ito, hindi peke at lalong hindi multo. Kailangang magkaroon ng tunay na transparency, upang alam ng mga Pilipino at malinaw kung saan napupunta ang pera at sino ang may hawak ng proyekto.

Mahalaga ring panagutin agad ang mga tiwali, dahil kung walang parusa, magtutuloy-tuloy ang pagnanakaw sa sariling kaban ng bayan. At higit sa lahat, dapat ding kumilos tayo, hindi pwedeng puro tiis at reklamo lang. Kailangan nating lumaban at ipakita na hindi tayo mananahimik habang nilulunod nila ang bayan sa korapsyon.

Huwag tayong magtago at manahimik na lang. Tayo ay may karapatan at tungkulin sa bayang ito, gamitin natin ang ating boses upang puksain ang kasakiman na dumadaloy sa dugo ng mga taong halang ang kaluluwa. Hindi tayo dapat matakot sa kanila. Sila ang dapat matakot sa atin, dahil kung tayo ay magkakaisa at magtutulungan, hindi na kailanman matitibag ang ating bayan. Nasa ating mga kamay ang kaginhawaan.

11/09/2025

Tignan: Nararapat Palakpakan

Pagbati para sa mga mahuhusay na mamamahayag ng BANAAG NG PALIMPING na nakatanggap ng parangal sa unang kwarter ng taong panuruan 2025-2026.

Ang kanilang nakamit ay simbolo na hindi kailanman naging hadlang ang peryodismo sa pag-aaral, bagkus maaari nitong mas bigyan pa ng inspirasyon ang mga mag-aaral upang mas pagbutihin pa.

Pagkamit ng mga karangalang ito ay hindi kailanman madali—sipag, tiyaga, disiplina at determinasyon ang mga katangiang kailangan at dapat tularan ng mga kapwa mag-aaral.

Muli, pagbati para sa inyong lahat!

✍️: Clyde Jay Manalo
🖼️: Marteena Jelayna Quimson

06/09/2025

Handa ka na ba? Halina’t sumali sa Campus Journalism Seminar-Workshop! ✍️📰

Isang makabuluhang pagkakataon ito upang tuklasin at paunlarin ang iyong talento sa pagsusulat at pamamahayag. Matututuhan dito ang tamang Pagsulat ng Balita, Lathalain, Editoryal, Artikulong Pang-Agham at Teknolohiya, Balitang Isports at pagkuha ng Larawan—mga kasanayang magbibigay saysay bilang mag-aaral at mamamayan.

Huwag palampasin ang pagkakataon na maging tinig ng iyong henerasyon!

Sa workshop na ito, mas mapapalawak ang iyong kaalaman at kakayahan upang maging mahusay na tagapaghatid ng katotohanan. Tara na, maging bahagi ng Campus Journalism Seminar-Workshop at ipakita ang galing ng mga Curuan NHS journalists in the making!

✍️: Mc Ronald Juela Jr.
📸: Clyde Jay Manalo
🖼️: Marteena Quimson

04/09/2025

𝗧𝗜𝗡𝗚𝗡𝗔𝗡: 𝗕𝘂𝘄𝗮𝗻 𝗻𝗴 𝗪𝗶𝗸𝗮, 𝗜𝗻𝘁𝗿𝗮𝗺𝘂𝗿𝗮𝗹𝘀 𝟮𝟬𝟮𝟱 𝗔𝘄𝗮𝗿𝗱𝗶𝗻𝗴, 𝗧𝗲𝗮𝗰𝗵𝗲𝗿𝘀 𝗠𝗼𝗻𝘁𝗵, 𝘀𝗮𝗯𝗮𝘆 𝗻𝗮 𝗗𝗶𝗻𝗮𝗼𝘀
‎
‎Dinaos at ipinagdiriwang nang sabay-sabay ang pagtatapos ng Buwan ng Wika, Awarding ng Intramurals Games at pagbubukas ng Teachers' Month na naganap sa Social Hall ng Curuan National High School nitong Setyembre 4 2025.
‎
‎Para sa unang programa ipinagdiwang ang pagtatapos ng Buwan ng Wika kaninang alas 9 ng umaga na may temang “Paglinang sa Filipino at Katutubong Wika: Makasaysayan sa Pagkakaisa ng Bansa.”
‎
‎Kasunod ang pagkilala at pagbibigay parangal sa mga manlalaro na nagwagi sa Intramurals Games 2025.
‎
‎Sa pangatlong bahagi ng programa, ibinandera ang pagbubukas ng selebrasyon para sa Buwan ng mga G**o na pinamunuan ng SSLG officers na layuning bigyang pugay ang dedikasyon at oras ng mga g**o sa bawat mag-aaral at sa ibang aspeto.

✍️: Joseph Bernardo
📸 : James Banaan & Daniella Leogan

02/09/2025

𝗧𝗜𝗡𝗚𝗡𝗔𝗡: 𝗣𝗶𝗻𝗸 𝗣𝗶𝗿𝗮𝘁𝗲𝘀 𝗸𝗮𝗺𝗽𝗲𝗼𝗻 𝘀𝗮 𝗙𝗶𝗲𝗹𝗱 𝗗𝗲𝗺𝗼𝗻𝘀𝘁𝗿𝗮𝘁𝗶𝗼𝗻 𝘀𝗮 𝗖𝘂𝗿𝘂𝗮𝗻 𝗡𝗛𝗦

Itinanghal na kampeon ang G-11 kurikulum o ang Pink Pirates sa field demonstration na ginanap sa Curuan National High School nitong lunes, ika-1 ng Septyembre taong 2025.

Nasungkit naman ng Grade 12 kurikulum o Hunters ang ikalawang puwesto, na nagpakita ng kahanga-hangang performance at pagkakasabay-sabay na pagsayaw.

Nagkasiyahan din ang Grade 9 curriculum o ang Powerniners nang makuha nila ang pangatlong puwesto.

Sa kompetisyong ito, ipinakita ng bawat baitang ang kanilang galing, lakas at pagkakaisa sa pagsayaw.

Hiyawan at palakpakan ang natamo ng bawat pangkat ng mananayaw ng bawat kurikulum bilang pagpapakita ng suporta.

✍🏻: Stephanie Sterling & Kirk James Celiz
📸: Alccy Jhon Alviar

Banaag ng Palimping

27/09/2025

25/09/2025

25/09/2025

24/09/2025

22/09/2025

20/09/2025

20/09/2025

17/09/2025

11/09/2025

06/09/2025

04/09/2025

02/09/2025

Address

Website

Alerts

Shortcuts

Share

Category