Banaag ng Palimping

24/10/2025

‎TINGNAN | 𝐂𝐮𝐫𝐮𝐚𝐧 𝐍𝐇𝐒, 𝐧𝐚𝐠𝐩𝐚𝐢𝐠𝐭𝐢𝐧𝐠 𝐧𝐠 𝐤𝐚𝐦𝐚𝐥𝐚𝐲𝐚𝐧 𝐭𝐮𝐧𝐠𝐤𝐨𝐥 𝐬𝐚 𝐃𝐫𝐨𝐠𝐚, 𝐒𝐚𝐟𝐞 𝐒𝐩𝐚𝐜𝐞𝐬 𝐋𝐚𝐰

‎
‎Upang mapalawak ang kamalayan ng mga mag-aaral hinggil sa mga batas na naglalayong protektahan sila laban sa droga at karahasang sekswal, isinagawa ng Curuan National High School ang Drug Symposium and Safe Spaces Act Seminar.
‎
‎Ang symposium na ito ay isinagawa ngayon lang Oktubre 24, 2025, ala-1 ng hapon sa pangunguna ng Barkada Kontra Bisyo (BKB).
‎
‎Layunin ng programa na maging mulat ang mga mag-aaral, lalo na ang mga kalalakihan, sa mga posibleng epekto, parusa, at panganib na dulot ng paggamit ng ipinagbabawal na gamot at sa mga paglabag sa batas laban sa sexual harassment. Dinaluhan ito ng mga estudyante at g**o ng paaralan.
‎
‎Nagbukas ng programa ang Punongg**o ng CNHS na si Sir Rodel C. Manlangit sa pamamagitan ng kanyang pambungad na pananalita na nagbigay-diin sa kahalagahan ng pagkakaroon ng disiplina at pag-unawa sa mga batas na nagbibigay-proteksyon sa bawat indibidwal.
‎
‎Bilang pangunahing tagapagsalita, sina Police Senior Master Sergeant (PSMS) Miriam Estrellas at NUP Mary Joy B. Dealagdon mula sa Philippine National Police (PNP) ang nagbahagi ng mahahalagang impormasyon. Ipinaliwanag ni PSMS Estrellas ang nilalaman ng R.A. 11313 o Safe Spaces Act (Anti-Bastos Law of 2019), partikular ang Artikulo 1, Seksyon 4, kung saan nakasaad na ang sexual harassment ay labag sa batas anuman ang motibo.
‎
‎Tinalakay din ang R.A. 9165 o Comprehensive Dangerous Drugs Act of 2002, na naglalayong bigyang kaalaman ang mga kabataan sa mga uri ng gamot, kabilang ang harmful at non-harmful drugs, at kung paano ito maaaring makaapekto sa kanilang kinabukasan.
‎
‎Sa isang panayam, binigyang-diin ni PSMS Estrellas ang kahalagahan ng tuloy-tuloy na orientation upang mailayo ang mga estudyante sa masasamang bisyo. “Ipa-orient talaga ‘yung mga estudyanteng ganyan kasi posible po magiging at risk po sila in committing crimes,” ani ni PSMS Estrellas.
‎
‎Dagdag pa niya, regular na isinasagawa ang ganitong uri ng symposium. “Supposedly, every month po. Depende, kasi marami tayong schools. Every time pag mag-request sa amin, nandun po kami.”
‎
‎Samantala, ayon sa punongg**o ng paaralan na si Manlangit, malaking tulong ang ganitong programa upang maprotektahan ang mga mag-aaral. Dagdag pa niya “This is one way — kumbaga, doing such interventions for our learners to protect them at the same time”.

✍️ I Radeea A. Ugis
📸 l Radeea A. Ugis

23/10/2025

MAINIT NA PAGBATI sa dating Punong Patnugot ng Banaag ng Palimping Ibno-Madar A. Muttap.

Ang iyong tagumpay ay magsisilbing inspirasyon sa kapwa mong mamamahayag ng paaralang Curuan National High School.

Muli, lubos ka naming ipinagmamalaki 👏

🖼️: Alccy John B. Alviar

22/10/2025

KAUNTING PAHINGA MUNA, MGA G**O AT MAG-AARAL!

Sa bawat pagbisita ko sa mga paaralan, lagi kong naririnig ang pagod ng ating mga g**o at mag-aaral. Kaya minabuti naming magtakda ng mid-school year wellness break simula Oktubre 27–30, 2025. Panahon ito para makapagpahinga, makabawi ng lakas, at makasama ang pamilya.

Marami sa ating mga g**o at mag-aaral ay galing sa mga lugar na tinamaan ng bagyo at lindol, o tinamaan ng trangkaso. Kaya kaunting pahinga muna, mga ka-DepEd! Alinsunod sa direktiba ni Pangulong Bongbong Marcos Jr., gusto naming tiyakin na ang bawat g**o at mag-aaral ay may oras ding alagaan ang sarili.

Magbabalik ang klase sa Nobyembre 3, 2025.



21/10/2025

Sino si ‘The Big One’?

Source: https://www.philstar.com/pilipino-star-ngayon/opinyon/2025/10/02/2476841/editoryal-handa-ba-sa-the-big-one/amp/

Guhit ni: Yvan Josh Pagotaisidro

20/10/2025

𝗧𝗜𝗡𝗚𝗡𝗔𝗡: Kuhang larawan mula sa opisyal na pagbubukas ng selebrasyon ng 𝘜𝘯𝘪𝘵𝘦𝘥 𝘕𝘢𝘵𝘪𝘰𝘯𝘴 𝘋𝘢𝘺 2025 nitong Oktubre 20, 2025 sa Curuan National High School.

📸Daniella Leogan

18/10/2025

TINGNAN: 𝗖𝘂𝗿𝘂𝗮𝗻 𝗡𝗮𝘁𝗶𝗼𝗻𝗮𝗹 𝗛𝗶𝗴𝗵 𝗦𝗰𝗵𝗼𝗼𝗹, 𝗵𝗮𝗿𝗶 𝘀𝗮 𝗝𝘂𝗲𝗴𝗼 𝗻𝗮 𝗗𝗶𝘀𝘁𝗿𝗶𝘁𝗼 𝗱𝗲 𝗖𝘂𝗿𝘂𝗮𝗻: 𝟱𝟱 𝗚𝗶𝗻𝘁𝗼 𝗯𝗶𝗻𝘂𝗹𝘀𝗮

‎Matagumpay na nasungkit ng Curuan National High School ang titulong Overall Champion sa Juego na Distrito de Curuan 2025, matapos ang dalawang araw ng matinding tagisan ng galing at lakas nitong Oktubre 16-17.
‎
‎Sa pagtatapos ng kompetisyon, nangibabaw ang Curuan National High School sa talaan ng medalya sa pamamagitan ng kahanga-hangang 55 gintong medalya, 25 pilak na medalya, at 9 tansong medalya, na naging daan upang makamit nila ang pinakamataas na karangalan sa distrito.
‎
‎Samantala, nakamit ng Buenavista Integrated School ang ikalawang pwesto matapos nitong mag-uwi ng 13 gintong medalya, 25 pilak na medalya, at 13 tansong medalya.
‎
‎Kasunod ng BIS ang Lubigan National High School na nakamit ang ikatlong pwesto matapos nitong makamit ang 7 gintong medalya, 9 pilak na medalya, at 19 na tansong medalya.
‎
‎Nakamit ng Sapa Manok National High School ang ikaapat na puwesto matapos masungkit ang 3 gintong medalya at 3 pilak na medalya. Sinundan ito ng Calabasa National High School, na nakatamo ng 1 tansong medalya.
‎
‎Sa kabuuan, ipinamalas ng bawat kalahok na paaralan ang kanilang husay, disiplina, at diwa ng pagkakaisa, na naging dahilan upang maging matagumpay at makabuluhan ang naturang kompetisyon.
‎
✍️ Alccy John B. Alviar

Source: https://web.facebook.com/share/p/19oL3Agcnn/

17/10/2025

BALITANG ISPORT: 𝐂𝐮𝐫𝐮𝐚𝐧 𝐍𝐇𝐒 𝐧𝐚𝐦𝐚𝐲𝐚𝐠𝐩𝐚𝐠 𝐬𝐚 𝐁𝐢𝐥𝐥𝐢𝐚𝐫𝐝𝐬 𝟖-𝐁𝐚𝐥𝐥; 𝐒𝐚𝐩𝐚𝐦𝐚𝐧𝐨𝐤 𝐍𝐇𝐒 𝐖𝐚𝐠𝐢 𝐑𝐢𝐧 𝐬𝐚 𝐆𝐢𝐫𝐥𝐬 𝐂𝐚𝐭𝐞𝐠𝐨𝐫𝐲

Pahusayan sa pagtusok ng taco sa mga bola na puno ng inspirasyon ang mga manlalaro ng iba't ibang paaralan sa District Meet 2025 na ginanap sa Brgy. Quiniput nito lamang ika-17 ng Oktubre 2025.

Umingay ang entablado ng Billiards 8-Ball Tournament matapos ipamalas ng mga atleta mula sa iba’t ibang paaralan ang kanilang husay at galing sa larong ito.

Sa Boys Category, pinatunayan ng Curuan National High School (CNHS) ang kanilang dominasyon matapos masungkit ang ginto at pilak. Si Rex A. Liwagon Jr. ang nag-uwi ng gintong medalya, habang ang kanyang kaeskwelang si Jerremy G. Batuigas ay nakakuha ng pilak. Nakamit naman ni John Elvin J. Toledo ng Calabasa NHS ang bronse.

Samantala, sa Girls Category, umangat si Crisha Mae M. Bucoy ng Sapamanok NHS at itinanghal na gintong medalist matapos ipakita ang matinding konsentrasyon at diskarte sa mesa. Nasungkit naman ni Dian Joy L. Toledo ng Curuan NHS ang pilak, habang pumangatlo si Ramina J. Juhuri ng Lubigan NHS na nag-uwi ng bronse.

Ipinakita ng mga kalahok ang tunay na diwa ng palakasan—ang determinasyon, disiplina, at respeto sa laro. Tunay ngang sa bawat tira, taglay nila ang kampeon sa puso at galing sa mesa.

✍️ Lyka Jane Dagalea
📸 Demi Cris Delos Reyes

17/10/2025

BALITANG ISPORT: 𝗕𝗲𝗷𝗲𝗿𝗮𝗻𝗼, 𝗕𝗮𝗿𝗮𝗵𝗶𝗺 𝘄𝗮𝗴𝗶 𝘀𝗮 𝗝𝘂𝗲𝗴𝗼 𝗻𝗮 𝗗𝗶𝘀𝘁𝗿𝗶𝘁𝗼 𝗱𝗲 𝗖𝘂𝗿𝘂𝗮𝗻 '𝟮𝟱: 𝗔𝗮𝗯𝗮𝗻𝘁𝗲 𝘀𝗮 𝗗𝗶𝘃𝗶𝘀𝗶𝗼𝗻 𝗠𝗲𝗲𝘁
‎
‎Pinabagsak nina Jhon Rhenix Bejerano at Ferdaus Barahim ang kanilang katunggali na sina Haris Shukri at Jamalud Adjud sa Juego distrito de Curuan '25 sa larangang badminton doubles, matapos nilang bigyan ng matinding opensa na nagresulta ng 2-1 set victory nitong ika-17 ng Oktubre 2025.
‎
‎Mala-kidlat na serve ang pinatikim nina Bejerano at Barahim laban kina Shukri at Adjud sa unang yugto ng laro, na nagpapatunay ng kanilang seryosong hangarin, 15-7 puntos.
‎
‎Gayunpaman, hindi nanghina sina Shukri at Adjud sa ikalawang set ng laro. Sa halip, pinadama nila ang kanilang tibay ng loob na harapin ang kanilang koponan na nagresulta sa kanilang pagkapanalo sa set na ito, 16-14 puntos.
‎
‎Ngunit, mas matindi at buo ang determinasyong pinakita nina Bejerano at Barahim sa ikatlong yugto ng laro, matapos nilang ipamalas ang smash na simbilis ng hangin na hindi napigilan ng kanilang katunggali na nagbigay sa kanila ng iskor na 15-8 dahilan upang tuluyan silang tanghaling kampeon sa Juego de Distrito de Curuan ‘25 at umabante sa Division Meet.
‎
‎“Malaki ang advantage ng kalaban namin dahil matatangkad sila pero ginawa lang namin ang aming galing upang manalo kami at ang teknik na ginamit namin ay ang komunikasyon at teamwork upang manalo kami", ani ni Rhenix.
‎
‎Sina Bejerano at Barahim ay kumatawan sa Curuan National High School, habang sina Shukri at Adjub naman ay kumatawan sa Lubigan National National High School.
‎
‎Sa huli, taas-noong inuwi nina Bejerano, Barahim, at coach Vina Gantalao ang kampeonato pagkatapos nilang durugin ang kanilang kabangga na sina Shukri at Adjud.
‎

✍️ Alccy Jhon B. Alviar
📸 Margaux Ingrid Dequin & Madeleine Sophie Angeles

16/10/2025

ＴＩＮＧＮＡＮ：𝐉𝐮𝐞𝐠𝐨 𝐧𝐚 𝐃𝐢𝐬𝐭𝐫𝐢𝐭𝐨 𝐝𝐞 𝐂𝐮𝐫𝐮𝐚𝐧, 𝐩𝐨𝐫𝐦𝐚𝐥 𝐧𝐚𝐧𝐠 𝐛𝐢𝐧𝐮𝐤𝐬𝐚𝐧

Pormal nang inumpisahan ang Juego na Distrito de Curuan sa Buenavista Integrated School nitong umaga, Oktubre 16, 2025, at matatapos sa Oktubre 17, 2025.

Nagsimula ang programa sa parada kasama ang mga Drum and Lyre ng Curuan Central School (CCS), Unit I, Unit II Deligates, Buenavista Integrated School (BIS), Unit III, Unit IV, at Unit V Delegates, Drum and Lyre ng Curuan National High School (CNHS), Unit VI Delegates, at Lubigan National High School (LNHS).

Sinundan naman ito ng Panalangin, Lupang Hinirang, at Zamboanga Hermosa Hymn. Nagpakita rin ng kanilang galing ang mga Drum and Lyre ng Curuan Central School, Buenavista Integrated School, at Curuan National High School sa kanilang exhibition.

Pagkatapos, si Hernani P. Esperat, ang punongg**o ng BSIS, ESP I at CDAA President, ay nagbigay ng kanyang pambungad na mensahe. Sumunod naman si Erwin F. Mendez, ESP l ng CNHS sa pagpresenta ng mga delegado.

Sinundan ito ng Rising of the Banner ng mga School Heads at Sports Coordinator. Nagbigay din ng inspirational message ang punongg**o ng CNHS na si Rodel Manlangit.

Si Jorros Pasumala, isang atletang kwalipikado sa rehiyon, ang nagpahayag ng Athlete's Oath.
Kasunod nito ang Presentation of Different Officiating Officials at Officiating Officials' Oath na ipinahayag ng Lubigan NHS Principal-I at District Sports Officer na si Kristine M. Fernandez.

Isinagawa nina Jade Ruiz, Rex Liwagon, John Bryan Nuñez, Jorros Pasumala, Franki Pagotaisidro, Jairus Obial, Nikki Bov Napolereyes, Claire Delos Santos, at Jaime Ann Crisostomo ang Lighting of the Torch for Friendship.

Ibinahagi ni School Principal Esperat ang tamang oryentasyon ng dalawang araw na laro. Sumunod naman ang Dance Presentation na cheer dance ng Secondary Department ng BIS at pagkatapos ay Dance sport naman ng Unit III.

Opisyal nang binuksan ni ESP I at OIC ng CNHS na si Roberly J. Sotero ang District Meet 2025.

✍️ Sheena Dela Merced
📸 Daniella Leogan

11/10/2025

𝟯 𝗘𝘀𝘁𝘂𝗱𝘆𝗮𝗻𝘁𝗲 𝗻𝗴 𝗖𝘂𝗿𝘂𝗮𝗻 𝗡𝗮𝘁𝗶𝗼𝗻𝗮𝗹 𝗛𝗶𝗴𝗵 𝗦𝗰𝗵𝗼𝗼𝗹, 𝘄𝗮𝗴𝗶 𝘀𝗮 𝗗𝗶𝘃𝗶𝘀𝗶𝗼𝗻 𝗦𝗰𝗶𝗲𝗻𝗰𝗲 𝗮𝗻𝗱 𝗧𝗲𝗰𝗵𝗻𝗼𝗹𝗼𝗴𝘆 𝗙𝗮𝗶𝗿 𝟮𝟬𝟮𝟱

Nasungkit ng tatlong mag-aaral na sina Clyde Jay V. Manalo, Karen E. Banquicio at Genno B. Tormis ng Curuan National High School ang ikatlong puwesto sa Kategoryang Life Science Team Category sa ginanap na Division Science and Technology Fair 2025 kahapon Oktubre 10 sa HRDC.

Ibinida at dinepensahan nila ang kanilang pag-aaral na pinamagatang 𝘎𝘳𝘢𝘤𝘪𝘭𝘢𝘳𝘪𝘢 𝘣𝘶𝘳𝘴𝘢-𝘱𝘢𝘴𝘵𝘰𝘳𝘪𝘴 (Seaweed Agar) and 𝘖𝘳𝘪𝘨𝘢𝘯𝘶𝘮 𝘷𝘶𝘭𝘨𝘢𝘳𝘦 (Oregano) as Antimicrobial Biofilm Packaging kasama ang kanilang Coach na sina Mery Joy D. Quimson at Charmaine D. Pening.

Magsisilbing inspirasyon sa mga batang mananaliksik ng paaralan ang tagumpay na ito upang magpatuloy sa pagtuklas ng kaalaman.

30/09/2025

28/09/2025

Hindi lahat ng mandirigma hawak ay bakal na sandata, ang iba’y isang panulat na may tintang puno ng katapangan at katotohanan. Kilalanin sila!

Malugod naming ipinapakilala ang matatapang na patnugutan ng Banaag ng Palimping, ang Opisyal na Pahayagang Pampaaralan-Filipino ng Curuan National High School Taong Panuruan 2025-2026.