https://issuu.com/vistadeaguila

Vista de Aguila, La Purisima Street, Zamboanga City (2026)

08/08/2026

Hep, hep, hep! Saglit lang!! Mayroon pa! 😏

Isa pang kapanapanabik na gawain ang handog ng Samahang Filipino ngayong buwan ng Agosto! ⛵️

𝐇𝐚𝐧𝐝𝐚 𝐧𝐚 𝐛𝐚 𝐤𝐚𝐲𝐨 𝐦𝐠𝐚 𝐤𝐚-𝐅𝐢𝐥𝐢𝐧𝐠?🤩

Sa pagsalubong ng 𝔹𝕦𝕨𝕒𝕟 𝕟𝕘 𝕎𝕚𝕜𝕒𝕟𝕘 ℙ𝕒𝕞𝕓𝕒𝕟𝕤𝕒 ngayong taon na may temang "𝗪𝗶𝗸𝗮𝗻𝗴 𝗙𝗶𝗹𝗶𝗽𝗶𝗻𝗼 𝗮𝘁 𝗔𝗜: 𝗞𝗮𝘀𝗮𝗻𝗴𝗸𝗮𝗽𝗮𝗻 𝘀𝗮 𝗣𝗮𝗻𝗮𝗻𝗮𝗹𝗶𝗸𝘀𝗶𝗸 𝗮𝘁 𝗧𝘂𝗹𝗮𝘆 𝘀𝗮 𝗬𝗮𝗺𝗮𝗻 𝗻𝗴 𝗜𝗺𝗽𝗼𝗿𝗺𝗮𝘀𝘆𝗼𝗻", buong-puso naming inihinahandong ang patimpalak na 𝑷𝒂𝒈𝒌𝒖𝒉𝒂 𝒏𝒈 𝑳𝒂𝒓𝒂𝒘𝒂𝒏.📸

Narito na ang mga 𝐩𝐚𝐧𝐮𝐧𝐭𝐮𝐧𝐚𝐧 para sa paligsahang ito, kung kaya't abangan,👀 pumili na ng mga makikilahok,👣 at hasain na ang kasanayan💪 dahil magsisimula na ang palakasan ng mga kuhang litrato!

Maaaring isumite ang mga litrato sa link na ito:
🔗
https://tinyurl.com/2cdfbtzr
https://tinyurl.com/2cdfbtzr
https://tinyurl.com/2cdfbtzr

Mula sa mga tagapagtanggol ng wika at kultura, para sa Maka-Pilipinong Pamantasang Loyola.⛵❤️‍🔥

Kapsyon ni Bb. Reign Reynon
Talatag ni Bb. Abbie Cainglet

07/08/2026

BUWAN NG WIKA PATIMPALAK | IPAMALAS ANG IYONG GALING!

Handa ka na bang makibahagi sa mga ganap ngayong BUWAN NG WIKA 2026?

Bilang pakikiisa sa pagdiriwang ng Buwan ng Wika 2026, inaanyayahan ang lahat ng mag-aaral na makilahok sa iba't ibang patimpalak na naglalayong paunlarin ang kanilang kasanayan sa pagsulat, pagpapahayag, at malikhaing paglikha sa wikang Filipino. Kung ikaw ay interesado, ito na ang pagkakataong maipamalas ang iyong tunay na galing! Narito ang mga kategorya ng pamamahayag na maaaring lakohan:

Mga Inihanda ng Kagawaran ng Asignaturang Filipino:

Patimpalak:

- Impromptu

Aktibidad:

- Pista sa Nayon

Patimpalak ng Vista de Aguila:

ON-SITE na mga kompetisyon:

- Pagsulat ng Balita
- Pagsulat ng Lathalain
- Pagsulat ng Opinyon

Petsa: Agosto 17, 2026
Oras: 3:30-4:30PM

Narito ang mga pisikal na lugar kung saan magaganap ang patimpalak para sa ON-SITE:

Pagsulat ng Lathalain: FWS312
Pagsulat ng Editoryal: FWS311
Pagsulat ng Opinyon: FWS313

ONLINE na mga kompetisyon:

- Silent Film
- Tula

Petsa ng pagsusumite: Agosto 21, 2026

Para sa kumpletong alituntunin, pamantayan sa paghusga, at proseso ng pagsusumite, mangyaring i-scan ang QR code na kalakip ng anunsyong ito. Maliban dito, mayroon ding mga kompetisyon na ihinanda ang Samahang Filipino ng Ateneo na maaari nilang salihan. Huwag palampasin ang pagkakataong maipamalas ang iyong talento at pagmamahal sa wikang Filipino. Makilahok, makiisa, at maging bahagi ng makabuluhang pagdiriwang ng ating pambansang wika!

-SHS

02/08/2026

🎬 Magsisimula na! Tara!

May panibagong kabanata na namang bubuksan ngayong taon!

Muling bibigyang-pugay at pagpapahalaga ang lalim at yaman ng ating sariling wika, kultura, at pagkakakilanlan na patuloy na humuhubog sa ating pagka-Pilipino.

Kasabay ng pagbubukas ng Buwan ng Wika na may temang, "Wikang Filipino at AI: Kasangkapan sa Pananaliksik at Tulay sa Yaman ng Impormasyon," magsisimula rin ang iba't ibang patimpalak na magbibigay ng pagkakataon sa bawat isa na maipamalas ang kanilang talento, husay, at pagmamahal sa wikang Filipino.

Abangan ang mga patimpalak mula sa Larangan ng Asignaturang Filipino, Samahang Filipino, at Vista De Aguila. Mula sa pagkamalikhain, kahusayan sa komunikasyon, at sining, may pagkakataon ang bawat isa na makilahok at makiisa sa pagdiriwang.

Antabayanan ang mga susunod na anunsyo at ihanda ang inyong sarili!

Isang Buwan. Isang Wika. Isang Lahing Pilipino.

Buong puso nating ipagmalaki ang ating wika at kulturang Pilipino!

-SHS

Isinulat ni James Leoford B. Leocado
Video Edit nina Chris Anthonnette Gorit at Yhesa Ajibon
Animation ni Mareille Barredo

02/08/2026

VISTA PRIMERA | Unang kita, kilalanin muna

“Can you truly know someone’s character based only on what you see or hear?” — Fatima A. Halud

Sa panahon ng eleksyon, madaling bumuo ng opinyon tungkol sa isang kandidato. Mula sa mga talumpati, kampanya, at mga kuwentong umiikot sa paligid, tila sapat na ang[a] ating nakikita at naririnig upang makapagpasya. Ngunit sapat na nga ba ang mga ito upang tunay na makilala ang isang tao?

Ito ang tanong na iniwan ni Fatima Halud—kandidatong tumatakbo para sa posisyong bise presidente sa ilalim ng partidong IGNIS—sa kanyang talumpati sa ginanap na Miting de Avance noong Hulyo 27, 2026 sa Multi-Purpose Covered Court 1 (MPCC-1).

Sa halip na ituon ang pansin sa mga pangako, pinili ni Halud na pagnilayan ang tunay na diwa ng pamumuno. Para sa kanya, ang pagiging lider ay isang tuloy-tuloy na proseso ng paghubog ng sarili. Ang pamumuno ay nangangailangan ng patuloy na pagkatuto, pakikinig, at pagkilos para sa kapakanan ng iba.

Binigyang-diin din niya na hindi sapat ang unang impresyon upang masukat ang pagkatao ng isang tao. Madaling husgahan ang isang kandidato batay sa kanyang imahe[b] o sa mga naririnig mula sa iba, ngunit ang tunay na karakter ay nasasalamin sa mga pagpapahalagang isinasabuhay at sa mga desisyong ginagawa, lalo na sa mga panahong walang nakakakita.

Sa kanyang mensahe, hinikayat ni Halud ang mga botante na maging mapanuri sa kanilang pagpili. Aniya, higit sa husay magsalita o kasikatan, ang nararapat hanapin sa isang lider ay ang kanyang mga pinahahalagahan, ang sinseridad ng kanyang layunin, ang kanyang paninindigan, at ang taos-pusong kahandaang maglingkod.

Sa huli, ang Miting de Avance ay hindi lamang naging plataporma para sa pangangampanya kundi isang paalala na ang tunay na sukatan ng isang lider ay hindi lamang ang ipinapakita sa harap ng madla. Sapagkat sa likod ng bawat pangalan sa balota ay isang taong ang karakter, katapatan, at hangaring maglingkod ang siyang magtatakda kung paano niya pangungunahan ang komunidad.

Isinulat ni Clea Marie Filoteo
Larawang kuha ni
Disenyo ni Ali Sariola

02/08/2026

VISTA PRIMERA | Sa Tinig ng Paglilingkod, ang Paninindigan sa Pamumuno

Sa panahon ng halalan, karaniwan nang marinig ang mga pangakong naghahangad ng pagbabago. Gayunman, higit na nagiging makabuluhan ang mga salitang binibigkas kapag ang mga ito ay nakasandig sa pananagutan, pagkukusa, at tunay na diwa ng paglilingkod. Sa isinagawang pangwakas na pagtitipon ng mga kandidato ng Ateneo Student Executive Council (ASEC), isa sa mga mensaheng umalingawngaw ay ang paniniwalang ang pamumuno ay hindi dapat nakatuon sa pagkilala, kundi sa paglilingkod sa pamayanan.

Sa kanyang talumpati, binuksan ni Matt Adriane Angeles, kandidato sa pagkapangulo sa ilalim ng partidong IGNIS, ang kanyang mensahe sa pagsasabing, "I stand before you today not seeking validation or glory, but out of a genuine desire to serve and a sincere commitment to the growth of our school community." Sa pamamagitan nito, binigyang-diin niya na ang paglilingkod pangunahing layunin ng kanyang pagtakbo.

Ibinahagi rin niya na hindi siya nagsimula bilang isang lider na may malinaw na direksiyon at binigyang-halaga ang pagkukusa. Binalikan niya ang payo ng kanyang g**o noong ikaapat na baitang: "Always have the initiative." Para sa kanya, ang pagkukusa ay isa sa mga pundasyong dapat taglayin ng isang pinuno upang makapaglingkod nang may pananagutan at malasakit.

Binigyang-diin din niya ang paniniwalang, "Titles are meaningless unless they are backed by action. Credentials simply reflect how far we have come; it is what we do with that experience that pushes us forward." Kalakip nito, inilahad niya ang tatlong pangunahing inisyatiba ng kanyang kandidatura—From Voices to Action, The Official ASEC Presidential Report, at Project MAGIS: Student Leaders' Summit—na inilarawan niyang mga hakbang upang maisulong ang higit na pakikilahok at pananagutan sa loob ng konseho.

Sa pagtatapos ng kanyang talumpati, muling niyang binigyang-diin ang kanyang pananaw sa pamumuno sa pagsasabing, "Leadership is not defined by a title worn on a badge; it is defined by the heart, initiative, and purpose brought to the table every single day." Sa gitna ng iba't ibang pananaw at platapormang inilahad sa panahon ng halalan, nagsilbi ang kanyang mensahe bilang paalala na ang pamumuno ay hindi lamang nasusukat sa mga posisyong hinahawakan, kundi sa mga pagpapahalagang isinasabuhay at sa kahandaang maglingkod sa kapwa.

Isinulat ni Sheena Ann Hamid
Larawang kuha ni
Disenyo ni Yesczha Pascual

31/07/2026

BALIK-TANAW | Misa para sa Kapistahan ni San Ignacio de Loyola, idinaos ng AdZU-SHS

Nagtipon ang mga mag-aaral, g**o, at ang mga kawani ng Mataas na Paaralang Senior ng Pamantasang Ateneo de Zamboanga (AdZU-SHS) sa Multi-purpose Covered Court 1 (MPCC 1) para sa isang misa bilang pagdiriwang sa kapistahan ni San Ignacio de Loyola noong ika-27 ng Hulyo, 2026, na pinangunahan ni Fr. Joel Liwanag, SJ, na pormal ding nagpakilala bilang bagong Assistant Chaplain ng AdZU-SHS.

Sa kanyang homiliya, ibinahagi ni Fr. Joel ang mga mahahalagang aral tungkol sa buhay ni San Ignacio na patuloy na nagbibigay-inspirasyon hanggang sa kasalukuyan. Binigyang-diin niya na isa sa pinakadakilang turo ni San Ignacio ay ang pagiging bukas sa mga hindi inaasahang biyaya at plano ng Diyos.

Ayon kay Fr. Joel, ang pagsunod sa kalooban ng Diyos ang nagdudulot ng tunay na kapayapaan, pangmatagalang kagalakan, at higit na kaligayahan kaysa sa pagsunod sa sarili nating mga kagustuhan. Dagdag pa rito ay tinalakay din niya ang kahalagahan ng pagninilay at discernment, at pinaalalahanan ang mga mananampalataya na patuloy na itanong sa kanilang sarili, “What does God want me to do?”.

Ipinaliwanag niya na minsan ding nagkaroon ng sariling mga plano si San Ignacio para sa kanyang buhay, ngunit may higit pa na dakilang plano ang Diyos para sa kanya. Hinikayat niya ang lahat na magtiwala na maaaring may mas mabuting plano rin ang Diyos para sa bawat isa sa atin.

Sa pagtatapos ng pagdiriwang, ani pa ni Fr. Joel, “Like him, may we be open to God’s surprises even if it means having to let go of our own plans and that may we be able to discern what God truly wants for us, that may we pursue the dreams that truly gives us deeper peace, greater happiness, and more lasting fulfillment."

Ipinagdasal din niya na nawa’y patuloy na magsilbing gabay at inspirasyon si San Ignacio de Loyola sa ating paglalakbay tungo sa mas malalim na ugnayan sa Diyos.

Isinulat ni Zoey Louisse Sareno
Larawang kuha nina Fatima Nur-Aiza Yusop at Ashley Nicole Marquez
Disenyo ni Angelica Alexandria Ebrahim

31/07/2026

TUTOK ATENISTA | Dias Ignaciana Quiz Bowl 2026: kaalaman at husay bilang pangunahing sandata

Matagumpay na ginanap ang patimpalak ng Quiz Bowl para sa Dias Ignaciana noong Hulyo 20, 2026 sa silid-aklatan ng Mataas na Paaralang Senior AdZU- SHS.

Litaw ang talino at husay ng mga kalahok mula sa baitang 12, na mas lalong nagpainit sa kompetisyon sa pamamagitan ng pagpapamalas ng talino kundi pati bilis sa pag-iisip at husay sa pagsagot ng bawat tanong.

Ramdam ang determinasyon at kahandaan ng bawat kalahok habang ginagawa ang nasabing kompetisyon. Dahil dito, mas umigting ang patuloy na paghahangad ng kahusayan ng mga kalahok bilang isang mga Atenista.

Isinulat at Ibinalita ni Mohammad Nur Asimuddin
Bidyo nina Sopheea De Leon at Ibralyn Venice Hasiman
Edit ng bidyo ni Yhesa Ajibon

31/07/2026

TULA | Lampara

Unti-unti nang natutunaw ang sorbetes sa ating mga palad,
habang sumasapit ang dapithapon, tawanan ang tumambad.
Lilingon pa tayo nang isang beses sa lugar na ito,
na parang ang gabi’y hindi magwawakas sa isang litrato.

Kaibigan, kapag ang mga pangarap na sabay nating hinabi,
ay sa wakas maging kasuotan ng
tagumpay sa araw ng inyong pagtatapos,
huwag ninyong hayaang unahan ng panahon
ang inyong mga yabag, palayo sa mga alaalang iniwan.

Sapagkat kayo na lamang ang nakaaalam
na sa ilalim ng lamparang ito,
nakalilimutan kong may mundong
naghihintay sa aking pag-uwi.

At kung sakaling dumating man ang huling gabi,
mamamalagi ako, hanggang maglaho ang ating mga anino.
Kahit huminto sa pagliyab ang lamparang ito,
na halos hindi na matunton ang landas pabalik,

babalik ako at hindi papayag,
na maagaw ng panahon,
ang minsang naging atin—
kayo, aking mga kaibigan.

Isinulat ni Xophia Xandieh C. Solon
Guhit ni Rhianne Abubakar
Disenyo ni Carl Sotto

Vista de Aguila

08/08/2026

07/08/2026

02/08/2026

02/08/2026

02/08/2026

31/07/2026

31/07/2026

31/07/2026

Address

Website

Alerts

Contact The Business

Shortcuts

Share

Category

Listing takedown request