https://www.facebook.com/536930749509233/

Ang Dagitab / Talon-Talon NHS, Zamboanga City (2026)

21/08/2026

𝗟𝘂𝘄𝗮𝗹𝗵𝗮𝘁𝗶𝗻𝗴 𝗡𝗮𝗴𝗸𝗮𝗻𝗱𝗶𝗹𝗶 |Tinig ng kadakilaang hindi kailanman nilimot

Hindi makukubli sa mga lumang libro ang kuwento ng kadakilaan sa panahon ng katarasan ng pamamahala at diktaduryang rehimen.

Tuwing Ika-21 ng Agosto ay ginugunita ang 𝗡𝗶𝗻𝗼𝘆 𝗔𝗾𝘂𝗶𝗻𝗼 𝗱𝗮𝘆 bilang pag-aalala sa dating Senador Benigno "Ninoy" Aquino Jr. Ang kaniyang pagkamatay ay naging binhing sumibol sa puso ng sambayanang Pilipino.

Isa sa mga simbolo ng pag-alsa at pagtaliwas sa mataras na pamamahala, at isa sa mga naabang diwa na nagbigay daan upang sumiklab ang pakikibaka ng masa sa kahabaan ng EDSA at ipaglaban ang pilit na pinatahimik na demokrasya.

Hindi lamang ito paggunita sa isang tao; ito ay pagkakataon upang alalahanin ang mga sakripisyo at kontribusyon niya sa ating bayan.

Tunay ngang namayapa na siya, ngunit ang kaniyang tinig ay hindi tuluyang nawala—naging boses ito na patuloy na pumupukaw sa kamalayan ng bawat Pilipino.

𝐈𝐬𝐢𝐧𝐮𝐥𝐚𝐭 𝐧𝐢: 𝐑𝐚𝐝𝐳𝐰𝐚𝐧 𝐀𝐦𝐢𝐫𝐮𝐥
𝐃𝐢𝐬𝐞𝐧𝐲𝐨 𝐧𝐢: 𝐒𝐢𝐭𝐭𝐢-𝐅𝐚𝐭𝐦𝐚 𝐁𝐞𝐥𝐥𝐞𝐧𝐠

02/08/2026

𝐖𝐢𝐤𝐚𝐧𝐠 𝐅𝐢𝐥𝐢𝐩𝐢𝐧𝐨 𝐚𝐭 𝐀𝐈: 𝐊𝐚𝐬𝐚𝐧𝐠𝐤𝐚𝐩𝐚𝐧 𝐬𝐚 𝐏𝐚𝐧𝐚𝐧𝐚𝐥𝐢𝐤𝐬𝐢𝐤 𝐚𝐭 𝐓𝐮𝐥𝐚𝐲 𝐬𝐚 𝐘𝐚𝐦𝐚𝐧 𝐧𝐠 𝐈𝐦𝐩𝐨𝐫𝐦𝐚𝐬𝐲𝐨𝐧.

Sa bawat letrang binubuo ng Wikang Filipino, patuloy na lumalago ang ating kasaysayan, sa bawat salitang binibigkas umuusbong ang ating pagkakakilanlan. Sa pagpatong ng makabagong panahon, AI o Artificial Intelligence ang naging kaagapay sa paghahanap ng mga impormasyon—hindi upang palitan ang boses ng bawat tao, bagkus ito ay para palakasin ang kapakanan ng mga mamamayan.

𝗪𝗶𝗸𝗮 𝗮𝗻𝗴 𝘂𝗴𝗮𝘁, 𝗔𝗜 𝗮𝗻𝗴 𝘀𝗮𝗻𝗴𝗮, magkasangga sa makabagong panahon tungo sa kaunlaran ng karunungan at yaman ng impormasyon. Sapagkat ang kaunlaran ay hindi lamang nakatuon sa husay ng teknolohiya, bagkus sa mga pusong patuloy na pinapahalagahan ang sariling Wika at Kultura.

Ngayon, sa Buwan ng Wika, tayo'y magdiriwang sa ating wikang Filipino na nagbigay ng pag-asa sa ating kinabukasan.

𝐌𝐀𝐋𝐈𝐆𝐀𝐘𝐀𝐍𝐆 𝐁𝐔𝐖𝐀𝐍 𝐍𝐆 𝐖𝐈𝐊𝐀!

25/07/2026

Higit pa sa larangang paligsahan ang mundo ng Campus Journalism—ito rin ay maituturing na isang pakikibaka sa mga mandaragit ng tunay na kahulugan ng demokrasya at pakikipaglaban sa mga nagtatangkang busalan ang katotohanan.

Sapagkat dito, ang bawat tinta ay dapat may kalayaang umapoy sa panig ng katotohanan; magsiwalat, mag-ulat, at magpamulat ng kamalayan. Ang papel ng isang Campus Journalist, ay hindi maging tahimik sa harap ng ligalig.

Alinsunod sa Republic Act 11440, tuwing Hulyo 25, ipinagdiriwang ng bansa ang 𝐍𝐚𝐭𝐢𝐨𝐧𝐚𝐥 𝐂𝐚𝐦𝐩𝐮𝐬 𝐏𝐫𝐞𝐬𝐬 𝐅𝐫𝐞𝐞𝐝𝐨𝐦 𝐃𝐚𝐲 bilang isang pagtataas ng sulo ng kapakanan ng mga Campus Journalists at sa patuloy na pagsulong ng kalayaan sa pamamahayag. Ito rin ay ang pagpapaigting sa mga panulat na naging kalasag, at mga tintang dumanak upang mas labanan pa ang dilim ng panunupil at pananakot na nagpupumilit.

Ang papel na naging saksi ng pagtulo ng mga tinta, ay naging mata rin ng mga paghihikahos ng siyang nagsusulat. Araw-araw, nilililok ng mga kabataang mamahayag ang mga naratibong pilit na binabaon sa mga anino—magkaroon lamang ng mukha ang mga ito. Mula sa likod ng mga pahayagan at mapa-hanggang sa labas ng tarangkahan, nagiging boses ang mga Campus Journalists sa mga tinig na mariing pinatatahimik, at nagiging tagapamulat sa mga pilit na hindi umimik.

Sa diwa ng bawat estudyanteng mamamahayag, tagpi sila ng bawat artikulo na kanilang hinabi, isinulat, at isiniwalat. Maghikahos man, huwag lang magpapagapos sa tanikala ng pagiging huwad sa responsibilidad. Sapagkat, ang mga nakikibakang tinta, nag-uungusang mga salita, at pagpapabagting ng tinig ng pagtindig ay isang pagsasakatawan sa tunay na tibok ng ating demokrasya.

Isinulat ni: Al-zaifar Gabir
Dibuho ni: Khenette Talib
Disenyo ni: Sitti-Fatma Belleng

14/06/2026

𝐉𝐚𝐠𝐮𝐚𝐫𝐬 𝐚𝐧𝐨, 𝐓𝐀𝐑𝐀? 🐆

Ang 𝗢𝗽𝗶𝘀𝘆𝗮𝗹 𝗻𝗮 𝗽𝗮𝗵𝗮𝘆𝗮𝗴𝗮𝗻𝗴 𝗽𝗮𝗻𝗴𝗸𝗮𝗺𝗽𝘂𝘀 𝘀𝗮 𝗙𝗶𝗹𝗶𝗽𝗶𝗻𝗼 𝗻𝗴 𝗧𝗮𝗹𝗼𝗻-𝗧𝗮𝗹𝗼𝗻 𝗡𝗛𝗦 ay malugod na ipinababatid sa inyo ang muling pagbubukas nito ng pintuan para sa mga nagnanais na maging kasapi ng organisasyon.

Kami ay naghahanap ng mga determinadong mag-aaral na nagmula sa baitang 7-11 na handang ipakita ang kanilang talento sa 𝙥𝙖𝙜𝙨𝙪𝙨𝙪𝙡𝙖𝙩, 𝙥𝙖𝙜𝙜𝙪𝙜𝙪𝙝𝙞𝙩, 𝙥𝙖𝙜𝙙𝙞𝙙𝙞𝙨𝙚𝙣𝙮𝙤 𝙖𝙩 𝙥𝙖𝙜𝙠𝙪𝙠𝙪𝙝𝙖 𝙣𝙜 𝙡𝙖𝙧𝙖𝙬𝙖𝙣.

Kung nais ninyong makibahagi, inaanyayahan namin kayo na pumunta lamang sa 𝑩𝒖𝒊𝒍𝒅𝒊𝒏𝒈 𝑫, 𝟐𝒏𝒅 𝑭𝒍𝒐𝒐𝒓, tuwing recess time (9:30 A.M.–10:00 A.M.) at lunch time (12:00 P.M.–12:30 P.M.). Magsisimula ito sa 𝙃𝙪𝙣𝙮𝙤 𝟮𝟮 𝙝𝙖𝙣𝙜𝙜𝙖𝙣𝙜 𝙃𝙪𝙣𝙮𝙤 𝟮𝟲, 𝟮𝟬𝟮𝟲 𝙡𝙖𝙢𝙖𝙣𝙜. Maaari ring magparehistro sa tulong ng opisyal na link na aming ilalatag sa ibaba.

Halina’t maging bahagi ng pagbibigay ng makabuluhang balita at kuwento sa ating paaralan!

Narito ang opisyal link para sa mga nais magparehistro:
https://forms.gle/JrJbAYZLRKt1PXxH6

Isinulat ni: Maha Tanasara
Dibuho nina: Al Jibril Adi at Alfadzran Jain
Disenyo ni: Sitti-Fatma P. Belleng

09/06/2026

𝐁𝐢𝐠𝐚𝐭 𝐧𝐠 𝐓𝐚𝐠𝐮𝐦𝐩𝐚𝐲 | 𝙏𝒂𝙩𝙡𝙤𝙣𝙜 𝘼𝙩𝙡𝙚𝙩𝒂 𝙣𝙜 𝙏𝒂𝙡𝙤𝙣-𝙏𝒂𝙡𝙤𝙣 𝙉𝙃𝙎, 𝙞𝙣𝙞𝒂𝙣𝙜𝒂𝙩 𝒂𝙣𝙜 𝙙𝒂𝙣𝙜𝒂𝙡 𝙨𝒂 𝙋𝒂𝙡𝒂𝙧𝙤𝙣𝙜 𝙋𝒂𝙢𝙗𝒂𝙣𝙨𝒂

Sa likod ng bawat bakal na kanilang binubuhat ay hindi lamang lakas ng katawan ang nakataya, kung hindi pati mga pangarap, sakripisyo, at dangal ng rehiyon IX na kanilang kinakatawan. Muling pinatunayan nina Adrian B. Bucol, Rodelyn G. Cruz, at Cristel Joy Q. Francisco, pawang mga mag-aaral at mahuhusay na atleta ng Talon-Talon National High School (TTNHS), na ang kabataang Zamboangueño ay may kakayahang umangat at magningning sa pambansang entablado matapos ang kanilang kahanga-hangang pagganap sa Palarong Pambansa 2026 sa Agusan del Sur.

Taglay ang matatag na paninindigan at hindi matatawarang determinasyon, matagumpay na nasungkit ni Bucol ang gintong medalya sa Secondary Boys 48kg category. Sa bawat pag-angat niya ng bakal ay tila kasabay ding pag-angat ng pangalan ng Zamboanga sa harap ng iba’t ibang rehiyon sa bansa. Hindi lamang niya ipinamalas ang lakas ng pangangatawan kung hindi maging ang tibay ng loob na hinubog ng mahabang panahon ng pagsasanay at sakripisyo.

Kasabay nito ang kahanga-hangang tagumpay ni Cruz, isang Grade 11 student, na nagwagi ng gintong medalya sa Secondary Boys 52kg category. Sa murang edad ay napatunayan niyang walang puwang ang pagod at pangamba sa isang atletang may malinaw na layunin. Ang kaniyang panalo ay naging patunay ng pambihirang husay at dedikasyong taglay ng mga manlalarong nagmumula sa TTNHS.

Hindi rin nagpahuli si Francisco, matapos nabitbit ang pilak na medalya sa Secondary Girls 53kg category. Bagama’t isang baitang lamang ang layo sa pinakamataas na puwesto, ang kaniyang pagtatanghal ay larawan ng katatagan at husay na maipagmamalaki ng paaralan at ng buong rehiyon. Sa bawat matagumpay na pag-angat ng bakal, ipinakita niyang ang tunay na atleta ay hindi lamang nasusukat sa kulay ng medalya kung hindi sa tapang at pagpupursiging ipinapamalas sa laban.

Sa gabay ng kanilang mga coach at sa walang sawang pagsasanay araw-araw, higit pang nahasa ang kakayahan ng tatlong atleta. Ang disiplina, tiyaga, at sakripisyo na kanilang
pinagdaanan ang nagsilbing pundasyon ng kanilang mga tagumpay. Hindi naging magaan ang landas na kanilang tinahak sapagkat kaakibat nito ang pagod, puyat, at mga pagkakataong kinailangan nilang isantabi ang pansariling kagustuhan alang-alang sa mas mataas na mithiin.

Higit pa sa mga medalya ang iniuwi nina Bucol, Cruz, at Francisco. Ang kanilang mga tagumpay ay nagsilbing buhay na patunay na ang TTNHS ay tahanan ng mga atletang may pambihirang kakayahan, matibay na disiplina, at pusong handang lumaban para sa karangalan ng lungsod at rehiyon. Sa kanilang pag-angat ng bakal, kasabay nilang iniangat ang pangalan ng kanilang paaralan at nag-iwan ng inspirasyong magsisilbing tanglaw sa susunod pang henerasyon ng mga atleta.

𝗜𝘀𝗶𝗻𝘂𝗹𝗮𝘁 𝗻𝗶: 𝗘𝗹𝗶𝘇𝗮𝗵 𝗠𝗮𝗲 𝗦𝗲𝗯𝗮𝘀𝘁𝗶𝗮𝗻
𝗗𝗶𝗻𝗶𝘀𝗲𝗻𝘆𝗼 𝗻𝗶: 𝗦𝗵𝗮𝗵𝗶𝗿𝗮 𝗔𝗷𝗶𝗯𝘂𝗹

03/04/2026

(2/2)

𝐋𝐈𝐖𝐀𝐍𝐀𝐆 𝐍𝐆 𝐊𝐀𝐊𝐀𝐘𝐀𝐇𝐀𝐍| 𝐓𝐕𝐋 𝐭𝐫𝐚𝐜𝐤 𝐧𝐚 𝐧𝐚𝐠𝐭𝐚𝐩𝐨𝐬 𝐬𝐚 𝐓𝐚𝐥𝐨𝐧 𝐓𝐚𝐥𝐨𝐧 𝐍𝐇𝐒 , 𝐢𝐩𝐢𝐧𝐚𝐤𝐢𝐭𝐚 𝐚𝐧𝐠 𝐠𝐚𝐥𝐢𝐧𝐠 𝐚𝐭 𝐝𝐞𝐝𝐢𝐤𝐚𝐬𝐲𝐨𝐧 𝐬𝐚 𝐛𝐚𝐰𝐚𝐭 𝐤𝐚𝐬𝐚𝐧𝐚𝐲𝐚𝐧

Hinubog ng kasanayan, disiplina, at aktuwal na karanasan, ipinagdiriwang ng Talon-Talon National High School (TTNHS) ang pagtatapos ng mga mag-aaral mula sa Technical-Vocational-Livelihood (TVL) track sa ilalim ng temang “𝗣𝗶𝗹𝗶𝗽𝗶𝗻𝗼𝗻𝗴 𝗡𝗮𝗴𝘀𝗶𝗽𝗮𝗴𝘁𝗮𝗽𝗼𝘀: 𝗛𝗮𝗻𝗱𝗮𝗻𝗴 𝗠𝗮𝗺𝘂𝗻𝗼 𝗻𝗮𝗻𝗴 𝗠𝗮𝘆 𝗞𝗮𝗸𝗮𝘆𝗮𝗵𝗮𝗻 𝗮𝘁 𝗠𝗮𝗯𝘂𝘁𝗶𝗻𝗴 𝗣𝗮𝗴𝗸𝗮𝘁𝗮𝗼.”

Sa bawat oras na ginugol sa pagsasanay, workshop, at praktikal na gawain, nahubog ang kanilang kakayahan upang maging handa sa mundo ng trabaho at iba pang oportunidad. Hindi naging madali ang kanilang paglalakbay, subalit sa pamamagitan ng tiyaga at determinasyon, kanilang napatunayan na ang tagumpay ay bunga ng pagsisikap at dedikasyon sa napiling larangan.

Nagbigay ng inspirasyon sa seremonya ang panauhing pandangal na si Atty. Arnold L. Gaddi, Associate Professor III ng Western Mindanao State University, nang ipabatid niya: “𝘎𝘶𝘴𝘵𝘰 𝘬𝘰𝘯𝘨 𝘪𝘱𝘢𝘢𝘭𝘢𝘭𝘢 𝘴𝘢 𝘪𝘯𝘺𝘰 𝘯𝘢 𝘩𝘢𝘣𝘢𝘯𝘨 𝘵𝘶𝘮𝘢𝘵𝘢𝘯𝘥𝘢 𝘬𝘢𝘺𝘰, 𝘩𝘪𝘯𝘥𝘪 𝘭𝘢𝘮𝘢𝘯𝘨 𝘢𝘯𝘨 𝘪𝘯𝘺𝘰𝘯𝘨 𝘮𝘨𝘢 𝘱𝘢𝘯𝘨𝘢𝘳𝘢𝘱 𝘢𝘯𝘨 𝘭𝘶𝘮𝘢𝘭𝘢𝘬𝘪; 𝘭𝘶𝘮𝘢𝘭𝘢𝘬𝘪 𝘳𝘪𝘯 𝘢𝘯𝘨 𝘱𝘢𝘱𝘦𝘭 𝘯𝘪𝘯𝘺𝘰 𝘣𝘪𝘭𝘢𝘯𝘨 𝘮𝘨𝘢 𝘗𝘪𝘭𝘪𝘱𝘪𝘯𝘰.” Ang paalalang ito ay nagsilbing gabay sa mga magtatapos upang patuloy na maging responsable at makabuluhang mamamayan.

Kasabay nito, ibinahagi rin ni Nadzremy K. Jaji, ang mag-aaral na nakakuha ng pinakamataas na karangalan sa TVL track, ang kanyang paalaala sa mga kapuwa magtatapos, “𝘈𝘴 𝘸𝘦 𝘴𝘵𝘦𝘱 𝘪𝘯𝘵𝘰 𝘵𝘩𝘦 𝘯𝘦𝘹𝘵 𝘱𝘩𝘢𝘴𝘦 𝘰𝘧 𝘰𝘶𝘳 𝘭𝘪𝘷𝘦𝘴, 𝘭𝘦𝘵 𝘶𝘴 𝘳𝘦𝘮𝘦𝘮𝘣𝘦𝘳 𝘵𝘩𝘢𝘵 𝘤𝘰𝘮𝘱𝘦𝘵𝘦𝘯𝘤𝘦 𝘤𝘢𝘯 𝘣𝘳𝘪𝘯𝘨 𝘶𝘴 𝘴𝘶𝘤𝘤𝘦𝘴𝘴, 𝘣𝘶𝘵 𝘪𝘵 𝘪𝘴 𝘰𝘶𝘳 𝘤𝘩𝘢𝘳𝘢𝘤𝘵𝘦𝘳 𝘵𝘩𝘢𝘵 𝘸𝘪𝘭𝘭 𝘥𝘦𝘧𝘪𝘯𝘦 𝘵𝘩𝘦 𝘭𝘦𝘨𝘢𝘤𝘺 𝘸𝘦 𝘭𝘦𝘢𝘷𝘦 𝘣𝘦𝘩𝘪𝘯𝘥,” ani niya, na nagpaalala sa lahat na ang tagumpay ay hindi lamang nasusukat sa galing o kakayahan, kung hindi sa tamang asal at karakter na magtatakda ng tunay na pamana sa ating buhay.

Sa pagtatapos ng seremonya, ramdam ang kasiyahan at inspirasyon sa bawat mag-aaral. Ipinakita nila hindi lamang ang kahusayan sa kanilang napiling larangan, kung hindi pati na rin ang tibay ng loob, disiplina, at tamang asal na maghahanda sa kanila upang maging responsableng mamamayan. Ang liwanag ng kakayahan na kanilang ipinamalas ay patunay na sa bawat tiyaga at dedikasyon, ang tunay na tagumpay ay nakikita hindi lamang sa galing, kung hindi sa karakter at puso ng isang Pilipino.

Isinulat ni: 𝗠𝗮𝗵𝗮 𝗧𝗮𝗻𝗮𝘀𝗮𝗿𝗮
Larawang kuha nina: 𝗟𝗼𝘂𝗶𝗲 𝗟𝗼𝗿𝗲𝘁𝗼, 𝗦𝗶𝘁𝘁𝗶-𝗙𝗮𝘁𝗺𝗮 𝗕𝗲𝗹𝗹𝗲𝗻𝗴, 𝗮𝘁 𝗔𝗹𝘆𝘆𝗲𝘀𝗵𝗮 𝗔𝘁𝗮𝗿𝗮

02/04/2026

(1/2)

𝐓𝐀𝐋𝐀 𝐍𝐆 𝐓𝐀𝐆𝐔𝐌𝐏𝐀𝐘| 𝐌𝐠𝐚 𝐚𝐜𝐚𝐝𝐞𝐦𝐢𝐜 𝐬𝐭𝐫𝐚𝐧𝐝 𝐧𝐚 𝐧𝐚𝐠𝐭𝐚𝐩𝐨𝐬 𝐬𝐚 𝐓𝐚𝐥𝐨𝐧-𝐓𝐚𝐥𝐨𝐧 𝐍𝐇𝐒, 𝐧𝐚𝐠𝐧𝐢𝐧𝐢𝐧𝐠𝐧𝐢𝐧𝐠 𝐬𝐚 𝐬𝐞𝐫𝐞𝐦𝐨𝐧𝐲𝐚

Bunga ng sipag, tiyaga, at matibay na determinasyon, matagumpay na ipinagdiwang ng Talon-Talon National High School (TTNHS) ang pagtatapos ng mga nagtapos sa Senior High School sa ilalim ng temang “𝗣𝗶𝗹𝗶𝗽𝗶𝗻𝗼𝗻𝗴 𝗡𝗮𝗴𝘀𝗶𝗽𝗮𝗴𝘁𝗮𝗽𝗼𝘀: 𝗛𝗮𝗻𝗱𝗮𝗻𝗴 𝗠𝗮𝗺𝘂𝗻𝗼 𝗻𝗮𝗻𝗴 𝗠𝗮𝘆 𝗞𝗮𝗸𝗮𝘆𝗮𝗵𝗮𝗻 𝗮𝘁 𝗠𝗮𝗯𝘂𝘁𝗶𝗻𝗴 𝗣𝗮𝗴𝗸𝗮𝘁𝗮𝗼.”

Mayroong 454 na mga nagsipagtapos na nagmula sa academic strand ang binigyan ng parangal, bawat isa ay may sariling kuwento ng sipag, tiyaga, at pangarap. Sa seremonya, ipinakita nila na ang pagtatapos ay hindi lamang sukatan ng karunungan kung hindi pati na rin ng tapang, determinasyon, at pagmamahal sa kapwa.

Nagbigay ng inspirasyon sa seremonya ang panauhing pandangal na si Atty. Arnold L. Gaddi, Associate Professor III ng Western Mindanao State University, “𝘎𝘶𝘴𝘵𝘰 𝘬𝘰𝘯𝘨 𝘪𝘱𝘢𝘢𝘭𝘢𝘭𝘢 𝘴𝘢 𝘪𝘯𝘺𝘰 𝘯𝘢 𝘩𝘢𝘣𝘢𝘯𝘨 𝘵𝘶𝘮𝘢𝘵𝘢𝘯𝘥𝘢 𝘬𝘢𝘺𝘰, 𝘩𝘪𝘯𝘥𝘪 𝘭𝘢𝘮𝘢𝘯𝘨 𝘢𝘯𝘨 𝘪𝘯𝘺𝘰𝘯𝘨 𝘮𝘨𝘢 𝘱𝘢𝘯𝘨𝘢𝘳𝘢𝘱 𝘢𝘯𝘨 𝘭𝘶𝘮𝘢𝘭𝘢𝘬𝘪; 𝘭𝘶𝘮𝘢𝘭𝘢𝘬𝘪 𝘳𝘪𝘯 𝘢𝘯𝘨 𝘱𝘢𝘱𝘦𝘭 𝘯𝘪𝘯𝘺𝘰 𝘣𝘪𝘭𝘢𝘯𝘨 𝘮𝘨𝘢 𝘗𝘪𝘭𝘪𝘱𝘪𝘯𝘰,” batid niya. Ang paalalang ito ay nagsilbing gabay sa mga magtatapos upang patuloy na maging responsable at makabuluhang mamamayan.

Hindi rin nagpahuli ang makabuluhang mensahe ng may pinakamataas na karangalan na si Janna Cabulao, “𝘓𝘦𝘵 𝘶𝘴 𝘩𝘰𝘭𝘥 𝘰𝘯𝘵𝘰 𝘰𝘶𝘳 𝘤𝘶𝘳𝘪𝘰𝘴𝘪𝘵𝘺 𝘦𝘷𝘦𝘯 𝘸𝘩𝘦𝘯 𝘵𝘩𝘦 𝘸𝘰𝘳𝘭𝘥 𝘵𝘳𝘪𝘦𝘴 𝘵𝘰 𝘵𝘦𝘭𝘭 𝘶𝘴 𝘵𝘩𝘢𝘵 𝘸𝘦 𝘢𝘳𝘦 𝘵𝘰𝘰 𝘰𝘭𝘥, 𝘵𝘰𝘰 𝘱𝘳𝘢𝘤𝘵𝘪𝘤𝘢𝘭, 𝘰𝘳 𝘵𝘰𝘰 𝘭𝘪𝘵𝘵𝘭𝘦 𝘧𝘰𝘳 𝘸𝘰𝘯𝘥𝘦𝘳,” ani niya, na nagsilbing paalala sa mga nagsipagtapos na sa kabila ng pagharap sa realidad ng buhay, ang diwa ng pagtuklas at pagkamangha ang magsisilbing gabay sa kanilang patuloy na paglalakbay tungo sa mas malawak na pangarap.

Hindi rito nagtatapos ang kanilang kuwento, dito pa lamang ito tunay na nagsisimula. Mula sa mga pangarap na minsang isinulat sa papel, ngayon ay handa na itong isabuhay. Pagpupugay sa mga nagtapos sa Senior High School ng TTNHS, mga ilaw na magbibigay-liwanag sa hinaharap.

Isinulat ni: 𝗠𝗮𝗵𝗮 𝗧𝗮𝗻𝗮𝘀𝗮𝗿𝗮
Larawang kuha nina: 𝗟𝗼𝘂𝗶𝗲 𝗟𝗼𝗿𝗲𝘁𝗼, 𝗦𝗶𝘁𝘁𝗶-𝗙𝗮𝘁𝗺𝗮 𝗕𝗲𝗹𝗹𝗲𝗻𝗴, 𝗮𝘁 𝗔𝗹𝘆𝘆𝗲𝘀𝗵𝗮 𝗔𝘁𝗮𝗿𝗮

31/03/2026

𝗛𝗨𝗟𝗜𝗡𝗚 𝗟𝗔𝗬𝗔𝗚, 𝗣𝗔𝗡𝗜𝗕𝗔𝗚𝗢𝗡𝗚 𝗣𝗔𝗚𝗟𝗔𝗟𝗔𝗞𝗕𝗔𝗬

𝐌𝐮𝐥𝐚 𝐬𝐚 𝐛𝐮𝐦𝐮𝐛𝐮𝐨 𝐧𝐠 𝐀𝐧𝐠 𝐃𝐚𝐠𝐢𝐭𝐚𝐛, 𝐢𝐬𝐚𝐧𝐠 𝐦𝐚𝐥𝐮𝐠𝐨𝐝 𝐧𝐚 𝐩𝐚𝐠𝐛𝐚𝐭𝐢 𝐬𝐚 𝐢𝐧𝐲𝐨𝐧𝐠 𝐦𝐚𝐭𝐚𝐠𝐮𝐦𝐩𝐚𝐲 𝐧𝐚 𝐢𝐬𝐚𝐧𝐠 𝐭𝐚𝐨𝐧 𝐧𝐠 𝐩𝐚𝐠𝐥𝐚𝐥𝐚𝐲𝐚𝐠.

Sa karagatan ng mga salitang naglalaban sa ngalan ng kadakilaan at paninindigan, kayo ang minsang nagsilbing tanglaw sa gitna ng itim ng tinta, at ang tiyak na dahilan ng metaporang “Ilaw ng katotohanan at kalayaan” ng ating tahanang pahayagan at himpilan.

Ang inyong pagal at pawis upang ilayag ang ating organisasyon ay isang buhay na paalala ng dangal at ng inyong pananagutan. Ang bawat haplos ng inyong tinig—dumaloy man mula sa tapat ng mikropono, o kahit umagos hanggang sa marahang pagkiskis ng pluma, ay ang patuloy na palatandaan ng minsang pagkalinga ninyo sa santuwaryo ng katotohanan.

Sa bawat balitang inyong hinabi, sa bawat sulat na inyong inilathala, o kahit pa sa bawat bitiw ng boses na hindi kailanman namaos— mananatiling nakaukit sa kalupaan ang isang diwang matatag, mapanuri, at hindi kailanman natitinag ng anumang unos o sigwa. Higit sa pagiging kapitan ninyo sa bawat larangan ng ating pahayagan, naging katuwang at tagapatnubay rin kayo sa pag-abot ng pangarap ng mga baguhan.

𝗣𝗮𝗴𝗽𝘂𝗽𝘂𝗴𝗮𝘆 𝗮𝘁 𝗣𝗮𝗺𝗮𝗺𝗮𝗮𝗹𝗮𝗺

Ngayong susuongin na ninyo ang panibagong kabanata ng inyong buhay, bitbitin niyo nawa sa inyong mga munting sisidlan ng pangarap ang mga aral na hinasa sa bawat karanasan. Hayaan ninyong ang mga salitang minsang naging sandata at ang mga alaalang binuo sa pagitan ng mga pahina ay magsilbing agimat ninyo sa patuloy na paggaod ng katotohanan sa mas malawak na sanlibutan.

Bagaman kayo ay mamamaalam na sa ating mumunting tahanan bilang mga batang mamamahayag —sa inyong pahihimakas, may bakas kayong maiiwan sa pagitan ng ating paaralan. Sapagkat naging bahagi kayo ng mga yugtong maaaring nagpamulat sa iba pang kabataan, mag-aaral, at sa mga iilan pang may pakialam.

𝗛𝗶𝗻𝗱𝗶 𝗽𝗮 𝗶𝘁𝗼 𝗮𝗻𝗴 𝘄𝗮𝗸𝗮𝘀.

At, tulad ng isang bangkang naglalayag sa saliw ng karagatan, may pampang itong nakatakdang daungan. Ang inyong pagtatapos sa 𝗦𝗲𝗻𝗶𝗼𝗿 𝗛𝗶𝗴𝗵 𝗦𝗰𝗵𝗼𝗼𝗹 ay hindi hudyat ng inyong huling pakikipagsapalaran—ito ay simula lamang ng mas matapang ninyong paglalayag sa kabila pang mga dalampasigan na inyong inaasam, at patuloy pang pangangarapin.

Nagwakas man ang huli ninyong paglalayag sa loob ng ating kampus, nawa ay mabitbit niyo pa rin ang pluma ng pagtindig sa oras na kayo ay kakailanganin ng mas malawak na kwento sa labas ng ating paaralan.

Muli, isang malugod na pagpupugay at magiliw na pagbati sa inyong pagtatapos sa Senior High School. Hanggang sa muling paglalayag sa malayang paglahad ng katotohanan— mamamahayag ng 𝗔𝗻𝗴 𝗗𝗮𝗴𝗶𝘁𝗮𝗯.

31/03/2026

(2/2)

𝗗𝗔𝗡𝗚𝗔𝗟 𝗦𝗔 𝗣𝗔𝗚𝗧𝗔𝗧𝗔𝗣𝗢𝗦| 𝗧𝗮𝗹𝗼𝗻-𝗧𝗮𝗹𝗼𝗻 𝗡𝗛𝗦 𝗰𝗼𝗺𝗽𝗹𝗲𝘁𝗲𝗿𝘀, 𝗽𝗶𝗻𝗮𝗿𝗮𝗻𝗴𝗮𝗹𝗮𝗻 𝘀𝗮 𝗸𝗮𝗻𝗶𝗹𝗮𝗻𝗴 𝗽𝗮𝗴𝘀𝗶𝘀𝗶𝗸𝗮𝗽

Matapos ang apat na taon ng pagsusumikap, pagtitiyaga, at pag-aaral, ipinagdiwang ng mga mag-aaral ng Talon-Talon National High School (TTNHS) ang pagtatapos ng kanilang Junior High School (JHS). Sa isang makulay na seremonya na may temang “𝐏𝐢𝐥𝐢𝐩𝐢𝐧𝐨𝐧𝐠 𝐍𝐚𝐠𝐬𝐢𝐩𝐚𝐠𝐭𝐚𝐩𝐨𝐬: 𝐇𝐚𝐧𝐝𝐚𝐧𝐠 𝐌𝐚𝐦𝐮𝐧𝐨 𝐧𝐚𝐧𝐠 𝐌𝐚𝐲 𝐊𝐚𝐤𝐚𝐲𝐚𝐡𝐚𝐧 𝐚𝐭 𝐌𝐚𝐛𝐮𝐭𝐢𝐧𝐠 𝐏𝐚𝐠𝐤𝐚𝐭𝐚𝐨,” dinaluhan ito ng mga g**o, magulang, at espesyal na panauhin. Sa nasabing okasyon, sabay-sabay na sinulyapan ng mga mag-aaral ang tagumpay at ang panibagong yugto na naghihintay sa kanila.

May kabuuang 907 na mga mag-aaral ang nagsipagtapos at pinarangalan. Ang bawat isa ay kinilala hindi lamang sa kanilang akademikong tagumpay kung hindi pati na rin sa kanilang dedikasyon at determinasyon na malampasan ang mga hamon ng kanilang paglalakbay sa Junior High School.

Ibinahagi ni G. Alprince King A. Biri, panauhing pandangal at dating mag-aaral ng TTNHS na isang g**o na ngayon, ang kanyang makabuluhang mensahe bilang inspirasyon sa mga nagsipagtapos. “𝘊𝘰𝘮𝘱𝘦𝘵𝘦𝘯𝘤𝘦 𝘸𝘪𝘵𝘩𝘰𝘶𝘵 𝘤𝘩𝘢𝘳𝘢𝘤𝘵𝘦𝘳 𝘪𝘴 𝘥𝘢𝘯𝘨𝘦𝘳𝘰𝘶𝘴, 𝘢𝘯𝘥 𝘤𝘩𝘢𝘳𝘢𝘤𝘵𝘦𝘳 𝘸𝘪𝘵𝘩𝘰𝘶𝘵 𝘤𝘰𝘮𝘱𝘦𝘵𝘦𝘯𝘤𝘦 𝘪𝘴 𝘱𝘰𝘸𝘦𝘳𝘭𝘦𝘴𝘴,” aniya. Binigyang-diin niya na ang tunay na sukatan ng tagumpay ay hindi lamang nasusukat sa talino o kakayahan, kundi sa pagkakaroon ng mabuting asal kasabay ng kahusayan.

Inihatid naman ni Karma A. Ayong, isa sa mga mag-aaral na nagtapos at nakakuha ng pinakamataas na karangalan, ang kanyang pasasalamat na mensahe na pumukaw sa damdamin ng kanyang kapwa mag-aaral at mga g**o. Binigyang-halaga niya ang mga alaala, pagsubok, at tagumpay na kaniyang pinagdaanan.

“𝘏𝘰𝘭𝘥 𝘧𝘢𝘴𝘵 𝘵𝘰 𝘥𝘳𝘦𝘢𝘮𝘴, 𝘧𝘰𝘳 𝘪𝘧 𝘥𝘳𝘦𝘢𝘮𝘴 𝘥𝘪𝘦, 𝘭𝘪𝘧𝘦 𝘪𝘴 𝘢 𝘣𝘳𝘰𝘬𝘦𝘯-𝘸𝘪𝘯𝘨𝘦𝘥 𝘣𝘪𝘳𝘥 𝘵𝘩𝘢𝘵 𝘤𝘢𝘯𝘯𝘰𝘵 𝘧𝘭𝘺,” ayon kay Langston Hughes—isang paalala sa mga nagsipagtapos na patuloy panghawakan ang kanilang mga pangarap sa kabila ng anumang hamon na kanilang haharapin.

Naging patunay na ang pagtatapos ng Junior High School ay bunga ng pagsusumikap at pagtitiyaga ng bawat mag-aaral. Higit pa sa mga parangal at pagkilala, baon nila ang mahahalagang aral tungkol sa kahalagahan ng kakayahan na may kaakibat na mabuting pagkatao, mga prinsipyong binigyang-diin sa mga mensaheng kanilang narinig. Sa pagharap nila sa susunod na antas ng edukasyon, dala nila ang inspirasyon na ipagpatuloy ang kanilang mga pangarap at tahakin ang hinaharap nang may kumpiyansa at malinaw na layunin.

Isinulat ni: 𝗠𝗮𝗵𝗮 𝗧𝗮𝗻𝗮𝘀𝗮𝗿𝗮
Larawang kuha nina: 𝗥𝗮𝗱𝘇𝗺𝗶𝗹𝘆𝗻 𝗦𝗮𝗯𝘁𝘂𝗹𝗮 𝗮𝘁 𝗗𝗮𝘆𝗮𝗻𝗴 𝗖𝗮𝗻𝗱𝗲𝗿𝗼

31/03/2026

(1/2)

𝗗𝗔𝗡𝗚𝗔𝗟 𝗦𝗔 𝗣𝗔𝗚𝗧𝗔𝗧𝗔𝗣𝗢𝗦| 𝗧𝗮𝗹𝗼𝗻-𝗧𝗮𝗹𝗼𝗻 𝗡𝗛𝗦 𝗰𝗼𝗺𝗽𝗹𝗲𝘁𝗲𝗿𝘀, 𝗽𝗶𝗻𝗮𝗿𝗮𝗻𝗴𝗮𝗹𝗮𝗻 𝘀𝗮 𝗸𝗮𝗻𝗶𝗹𝗮𝗻𝗴 𝗽𝗮𝗴𝘀𝗶𝘀𝗶𝗸𝗮𝗽

Matapos ang apat na taon ng pagsusumikap, pagtitiyaga, at pag-aaral, ipinagdiwang ng mga mag-aaral ng Talon-Talon National High School (TTNHS) ang pagtatapos ng kanilang Junior High School (JHS). Sa isang makulay na seremonya na may temang “𝐏𝐢𝐥𝐢𝐩𝐢𝐧𝐨𝐧𝐠 𝐍𝐚𝐠𝐬𝐢𝐩𝐚𝐠𝐭𝐚𝐩𝐨𝐬: 𝐇𝐚𝐧𝐝𝐚𝐧𝐠 𝐌𝐚𝐦𝐮𝐧𝐨 𝐧𝐚𝐧𝐠 𝐌𝐚𝐲 𝐊𝐚𝐤𝐚𝐲𝐚𝐡𝐚𝐧 𝐚𝐭 𝐌𝐚𝐛𝐮𝐭𝐢𝐧𝐠 𝐏𝐚𝐠𝐤𝐚𝐭𝐚𝐨,” dinaluhan ito ng mga g**o, magulang, at espesyal na panauhin. Sa nasabing okasyon, sabay-sabay na sinulyapan ng mga mag-aaral ang tagumpay at ang panibagong yugto na naghihintay sa kanila.

May kabuuang 907 na mga mag-aaral ang nagsipagtapos at pinarangalan. Ang bawat isa ay kinilala hindi lamang sa kanilang akademikong tagumpay kung hindi pati na rin sa kanilang dedikasyon at determinasyon na malampasan ang mga hamon ng kanilang paglalakbay sa Junior High School.

Ibinahagi ni G. Alprince King A. Biri, panauhing pandangal at dating mag-aaral ng TTNHS na isang g**o na ngayon, ang kanyang makabuluhang mensahe bilang inspirasyon sa mga nagsipagtapos. “𝘊𝘰𝘮𝘱𝘦𝘵𝘦𝘯𝘤𝘦 𝘸𝘪𝘵𝘩𝘰𝘶𝘵 𝘤𝘩𝘢𝘳𝘢𝘤𝘵𝘦𝘳 𝘪𝘴 𝘥𝘢𝘯𝘨𝘦𝘳𝘰𝘶𝘴, 𝘢𝘯𝘥 𝘤𝘩𝘢𝘳𝘢𝘤𝘵𝘦𝘳 𝘸𝘪𝘵𝘩𝘰𝘶𝘵 𝘤𝘰𝘮𝘱𝘦𝘵𝘦𝘯𝘤𝘦 𝘪𝘴 𝘱𝘰𝘸𝘦𝘳𝘭𝘦𝘴𝘴,” aniya. Binigyang-diin niya na ang tunay na sukatan ng tagumpay ay hindi lamang nasusukat sa talino o kakayahan, kundi sa pagkakaroon ng mabuting asal kasabay ng kahusayan.

Inihatid naman ni Karma A. Ayong, isa sa mga mag-aaral na nagtapos at nakakuha ng pinakamataas na karangalan, ang kanyang pasasalamat na mensahe na pumukaw sa damdamin ng kanyang kapwa mag-aaral at mga g**o. Binigyang-halaga niya ang mga alaala, pagsubok, at tagumpay na kaniyang pinagdaanan.

“𝘏𝘰𝘭𝘥 𝘧𝘢𝘴𝘵 𝘵𝘰 𝘥𝘳𝘦𝘢𝘮𝘴, 𝘧𝘰𝘳 𝘪𝘧 𝘥𝘳𝘦𝘢𝘮𝘴 𝘥𝘪𝘦, 𝘭𝘪𝘧𝘦 𝘪𝘴 𝘢 𝘣𝘳𝘰𝘬𝘦𝘯-𝘸𝘪𝘯𝘨𝘦𝘥 𝘣𝘪𝘳𝘥 𝘵𝘩𝘢𝘵 𝘤𝘢𝘯𝘯𝘰𝘵 𝘧𝘭𝘺,” ayon kay Langston Hughes—isang paalala sa mga nagsipagtapos na patuloy panghawakan ang kanilang mga pangarap sa kabila ng anumang hamon na kanilang haharapin.

Naging patunay na ang pagtatapos ng Junior High School ay bunga ng pagsusumikap at pagtitiyaga ng bawat mag-aaral. Higit pa sa mga parangal at pagkilala, baon nila ang mahahalagang aral tungkol sa kahalagahan ng kakayahan na may kaakibat na mabuting pagkatao, mga prinsipyong binigyang-diin sa mga mensaheng kanilang narinig. Sa pagharap nila sa susunod na antas ng edukasyon, dala nila ang inspirasyon na ipagpatuloy ang kanilang mga pangarap at tahakin ang hinaharap nang may kumpiyansa at malinaw na layunin.

Isinulat ni: 𝗠𝗮𝗵𝗮 𝗧𝗮𝗻𝗮𝘀𝗮𝗿𝗮
Larawang kuha nina: 𝗥𝗮𝗱𝘇𝗺𝗶𝗹𝘆𝗻 𝗦𝗮𝗯𝘁𝘂𝗹𝗮 𝗮𝘁 𝗗𝗮𝘆𝗮𝗻𝗴 𝗖𝗮𝗻𝗱𝗲𝗿𝗼

Ang Dagitab / Talon-Talon NHS

21/08/2026

02/08/2026

25/07/2026

14/06/2026

09/06/2026

03/04/2026

02/04/2026

31/03/2026

31/03/2026

31/03/2026

Address

Website

Alerts

Shortcuts

Share

Category

Listing takedown request