30/08/2026
NAPAT*Y SA NEPAL FLASH FLOOD, NAGLAB-OT NA SA 390; 1,400 KA PERSONA, PADAYON NGA MISSING
Naglab-ot na sa mas o menos 390 ka tawo ang kumpirmado nga napat*y samtang masobra 1,400 pa ang nadula matapos ang makakulugmat nga pagkarumpag sang yelo kag bato nga nagtuga sang makahalalit nga baha sa Nepal kag rehiyon sang Tibet sa Tsina.
Suno sa mga otoridad, indi magnubo sa 389 ang nagtaliwan sa Nepal samtang tatlo naman ang napat*y sa Tibet.
Kalakip sa mga nadula ang ginatos ka lokal nga residente kag mga dumuluong nga turista gikan sa India, United States, United Kingdom, Canada, Australia, kag China.
Nangin tuman nga hangkat sa mga gobyerno ang search and rescue operations bangud sa mga naguba nga karsada kag taytay sa nabukid nga bahin sang rehiyon.
Tungod sini, naggamit na sang mga helikopter ang rescue teams agud maghulog sang pagkaon, bulong, kag tolda, pati man ang pagbakwit sa mga pilason nga biktima.
Base sa pag-usisa sang mga siyentipiko, ang trahedya tuga sang pagkarumpag sang daku nga bahin sang glacier kag bato sa Lhende River nga madasig nga nagdaludo sa mga banwa kag patag.
Nagpalab-ot na sang minlyon ka dolyar nga emergency aid kag pauna nga bulig ang United Nations kag nanari-sari nga pungsod agud mag-alalay sa mga apektado nga komunidad.
