16/09/2026
لوئر تناول: چوکلی سادات روڈ بارشوں سے تباہ حال، ملبہ نہ اٹھانے سے آبادی کو نقصان
لوئر تناول: چوکلی سادات میں حالیہ بارشوں کے باعث سڑک کی حالت انتہائی خراب ہو گئی ہے۔ بارش کے پانی اور سڑک پر موجود ملبے کے باعث آمدورفت متاثر ہونے کے ساتھ ساتھ روڈ سے آگے واقع آبادی کے لیے بھی صورتحال تشویشناک بنتی جا رہی ہے۔
مقامی افراد کے مطابق سڑک سے ملبہ اٹھانے کے بجائے اسے وہیں پھیلا کر برابر کر دیا گیا، جس کے باعث بارش کے پانی کے گزرنے کا مناسب راستہ نہ ملنے پر پانی سڑک سے آگے واقع آبادی کی جانب رخ کر رہا ہے۔ اس صورتحال کے باعث گھروں اور دیگر املاک کو نقصان پہنچ رہا ہے۔
مقامی آبادی نے محکمہ کے پی ایچ اے (KPHA) سے مطالبہ کیا ہے کہ فوری نوٹس لیتے ہوئے سڑک سے ملبہ ہٹایا جائے، پانی کی نکاسی کا مناسب انتظام کیا جائے اور آبادی کو مزید نقصان سے بچانے کے لیے فوری اقدامات کیے جائیں۔
بروقت اقدامات نہ کیے گئے تو آئندہ بارشوں کے دوران صورتحال مزید سنگین ہو سکتی ہے۔
