Qalandarabad Daily News

22/09/2026

21/09/2026

قلندر آباد اور اس کے گرد و نواح کے عوام کے لیے یونائیٹڈ بینک لمیٹڈ (یو بی ایل) کی جدید شاخ کے باقاعدہ افتتاح سے علاقائی ترقی کے ایک نئے باب کا آغاز ہو گیا ہے۔
قلندر آباد تجارتی اور زراعت کی سرگرمیوں کے لحاظ سے ایک اہم مرکز کی حیثیت رکھتا ہے، اور یہاں ایک معروف اور جدید بینکنگ نیٹ ورک کی موجودگی طویل عرصے سے وقت کی اہم ضرورت تھی۔
شاخ کی افتتاحی تقریب میں علاقے کی نمایاں تجارتی شخصیتوں، کاروباری افراد، مقامی عمائدین اور بینک انتظامیہ نے شرکت کی۔
اس شاخ میں جدید ترین اے ٹی ایم (ATM)، آن لائن بینکنگ اور کیش ڈراپ کی سہولیات فراہم کی گئی ہیں تاکہ صارفين کو رقم کی منتقلی اور ادائیگیوں میں آسانی ہو۔
* کسان اور زرعی برادری کے لیے سہولت: قلندر آباد کے گرد و نواح کی زرعی نوعیت کو مدنظر رکھتے ہوئے، کاشتکاروں اور کسانوں کے لیے خصوصی اکاؤنٹ اور رقم کی منتقلی کے عمل کو آسان بنایا گیا ہے، جس سے حکومتی سکیموں اور زرعی لین دین میں مزید شفافیت اور سرعت آئے گی۔
* مقامی تاجروں کا اعتماد: مقامی دکانداروں اور تاجروں کے لیے روزمرہ کی رقم جمع کروانے اور تجارتی قرضہ جات یا سہولیات تک رسائی نہایت آسان ہو جائے گی۔
یو بی ایل بینک کی افتتاح سے نہ صرف قلندر آباد کے رہائشیوں کو اپنے مالی معاملات کی انجام دہی میں سہولت میسر آئے گی بلکہ اس سے خطے میں اقتصادی سرگرمیوں کو بھی ایک نئی جلا ملے گی۔
یو بی ایل نہ صرف شہریوں کو جدید اور محفوظ مالیاتی نظام سے جوڑے گا بلکہ قلندر آباد کو مالی طور پر مضبوط بنانے میں اہم سنگِ میل ثابت ہوگا۔

20/09/2026

ڈی ایس پی ہیڈکوارٹر سردار شاہین کا تھانہ شیروان کا سرپرائز وزٹ
دورانِ وزٹ انہوں نے تھانے کا روزنامچہ، ریکارڈ اور دیگر رجسٹرز چیک کیے اور ریکارڈ کی تکمیل و درستگی کا جائزہ لیا۔

ڈی ایس پی ہیڈکوارٹر نے پولیس افسران و اہلکاروں کو فرائض کی انجام دہی میں مزید بہتری اور شہریوں کو بروقت سہولیات کی فراہمی یقینی بنانے کی ہدایات جاری کیں۔

19/09/2026

ایبٹ آباد(قلندر آباد)حجرہ حضرت مولانا فرید اللہ خان سواتی صاحب میں ضلع ایبٹ آباد کی مختلف یونین کونسلز میں رہائش پذیر تورغر، الائی اور بٹگرام سے تعلق رکھنے والے عہدیداران اور ممبران کا ایک اہم اور بھرپور اجلاس منعقد ہوا، جس میں بڑی تعداد میں شرکاء نے شرکت کی۔ اجلاس میں علاقائی و تنظیمی امور، درپیش مسائل اور باہمی رابطوں سمیت مختلف اہم معاملات پر تفصیلی تبادلہ خیال کیا گیا۔

اس موقع پر مرکزی چیئرمین غلام الرحمان صاحب، سرپرستِ اعلیٰ ظاہر شاہ، وائس چیئرمین مولانا جان نثار صاحب اور علیم اللہ حقانی صاحب سمیت دیگر مقررین نے خطاب کیا۔ مقررین نے اپنے خطاب میں شرکاء کو درپیش مسائل سے تفصیلی طور پر آگاہ کرتے ہوئے کہا کہ باہمی اتحاد، اتفاق اور مؤثر رابطہ وقت کی اہم ضرورت ہے، جبکہ عوام اور ممبران کے مسائل کے حل کے لیے مشترکہ کاوشوں کو مزید مؤثر بنانے کی ضرورت ہے۔

مقررین نے حضرت مولانا فرید اللہ خان سواتی صاحب کی خدمات کو خراجِ تحسین پیش کرتے ہوئے کہا کہ حضرت مولانا فرید اللہ خان سواتی صاحب ہمیشہ سے اپنے لوگوں کے ساتھ کھڑے رہے ہیں اور مشکل وقت میں ان کے مسائل کے حل کے لیے صفِ اول میں اپنا کردار ادا کرتے رہے ہیں۔ ان کا کہنا تھا کہ حضرت مولانا فرید اللہ خان سواتی صاحب نے علاقے کے لوگوں کے مسائل کو نہ صرف سنا بلکہ ان کے حل کے لیے عملی طور پر بھی بھرپور کوششیں کیں، جو ان کی عوامی خدمت اور اپنے لوگوں سے وابستگی کا واضح ثبوت ہے۔

مقررین نے مزید کہا کہ حضرت مولانا فرید اللہ خان سواتی صاحب ہمارے لیے باعثِ فخر ہیں اور ان کی خدمات، خلوص اور مسلسل جدوجہد کے پیشِ نظر ان سے بہتر صدر کے منصب کے لیے کوئی موزوں شخصیت نظر نہیں آتی۔ شرکاء نے متفقہ طور پر مولانا فرید اللہ سواتی کی قیادت پر اعتماد کا اظہار کرتے ہوئے انہیں صدر کا سہرا پہنایا اور ان کے لیے نیک خواہشات کا اظہار کیا۔

اس موقع پر حضرت مولانا فرید اللہ خان سواتی صاحب نے تمام آنے والے معزز مہمانوں، عہدیداران اور ممبران کا تہہ دل سے شکریہ ادا کرتے ہوئے کہا کہ ان کی محبت، اعتماد اور حوصلہ افزائی ان کے لیے باعثِ عزت ہے۔ انہوں نے اس عزم کا اظہار کیا کہ وہ آئندہ بھی اپنے لوگوں کے مسائل کے حل، باہمی اتحاد اور فلاح و بہبود کے لیے اپنی تمام تر صلاحیتیں بروئے کار لاتے رہیں گے۔

اجلاس کے اختتام پر شرکاء نے باہمی اتحاد و اتفاق کو مزید مضبوط بنانے اور علاقے کے اجتماعی مسائل کے حل کے لیے مشترکہ طور پر جدوجہد جاری رکھنے کے عزم کا اظہار کیا۔






#تورغر
#الائی
#بٹگرام

#عہدیداران




#قیادت

13/09/2026

نیو احمد سویٹس اینڈ بیکرز برانچ 3 کا شاندار افتتاح کر دیا گیا
اہلیان علاقہ اور تاجر برادری علمائے اکرام کی کثیر تعداد میں شرکت