K2 Times Abbottabad

21/09/2026

🎓🌟 قابلِ فخر کامیابی — دل کی گہرائیوں سے مبارکباد! 🌟🎓

سردار مُعز افتخار(سردار افتخار سنئیر جرنلسٹ کے فرزند ) نے ایف ایس سی فرسٹ ائیر کے امتحانات میں نمایاں نمبروں سے کامیابی حاصل کرتے ہوئے گورنمنٹ کالج نتھیاگلی میں پہلی پوزیشن حاصل کی۔

یہ شاندار کامیابی ان کی محنت، لگن اور والدین و اساتذہ کی بہترین تربیت کا ثمر ہے۔ 👏📚

ہم سردار مُعز افتخار کو اس عظیم کامیابی پر دل کی گہرائیوں سے مبارکباد پیش کرتے ہیں اور دعا کرتے ہیں کہ اللہ تعالیٰ انہیں مستقبل میں بھی اسی طرح کامیابیاں عطا فرمائے اور ان کے علم و عمل میں برکت دے۔ آمین 🤲

Proud Moment for the Family & Galiyat! ❤️🏆

15/09/2026

🏆 ایک اور خوبصورت اعزاز، پورے سمندر کٹھہ کے لیے فخر! 🏆

"Content Creator Award "حاصل کرنے پر
🌟 سردار حیدر علی 🌟
کو دل کی گہرائیوں سے بہت بہت مبارکباد۔

آپ کی محنت، صلاحیت اور تخلیقی کاوشوں نے نہ صرف آپ کو یہ اعزاز دلوایا بلکہ پورے علاقے کا نام فخر سے بلند کیا ہے۔ ❤️

یہ کامیابی آپ کی مسلسل محنت کا ثبوت ہے۔ دعا ہے کہ اللہ تعالیٰ آپ کو مستقبل میں بھی مزید کامیابیاں اور اعزازات عطا فرمائے۔ 🤲

Congratulations Sardar Haider Ali! 🎉👏
ہمیں آپ پر فخر ہے۔ 🇵🇰❤️

29/08/2026

🚨 ایبٹ آباد مری روڈ پر ٹریفک کا شدید بحران

ایبٹ آباد مری روڈ پر سی این جی اسٹیشنز کے باہر گاڑیوں کی لمبی لمبی قطاریں لگی ہوئی ہیں۔ صورتحال اس وقت مزید سنگین ہو گئی ہے جب گاڑی مالکان نے دو دو لائنوں میں گاڑیاں کھڑی کر کے سڑک کا بڑا حصہ بلاک کر دیا ہے۔

اس کے باعث مری روڈ پر ٹریفک کی روانی شدید متاثر ہے، جبکہ عام شہریوں، مسافروں، مریضوں اور دیگر گاڑیوں کو شدید مشکلات کا سامنا کرنا پڑ رہا ہے۔

❗️سوال یہ ہے کہ ٹریفک پولیس اور ضلعی انتظامیہ کہاں ہے؟

سی این جی اسٹیشنز کے باہر گاڑیوں کی قطاریں لگنا اپنی جگہ، لیکن مین روڈ کو بلاک کرنا کسی صورت قابلِ قبول نہیں۔ انتظامیہ کو فوری طور پر موقع پر پہنچ کر ٹریفک کو منظم کرنا چاہیے اور گاڑیوں کو مناسب قطار میں کھڑا کروانا چاہیے تاکہ عوام کو مزید پریشانی سے بچایا جا سکے۔

📢 متعلقہ حکام سے فوری نوٹس لینے اور مری روڈ پر ٹریفک بحال کرنے کا مطالبہ ہے۔

26/08/2026

ایبٹ آباد، نملی میرا میں پانچ سالہ بچی منت نور کیساتھ جنسی درندگی کا واقعہ ۔ آخرکار ایف آئی آر درج
طاقتور حلقوں کی جانب سے معاملہ رفع دفع کرانے کی کوششیں جاری

ایبٹ آباد : نجی سکول میں 5 سالہ بچی سے مبینہ زیادتی، نامعلوم ملزم کے خلاف مقدمہ درج

تھانہ بگنوتڑ کے علاقے نملی میرا میں واقع ایک نجی سکول میں 5 سالہ نرسری کی طالبہ کے ساتھ مبینہ زیادتی کا افسوسناک واقعہ سامنے آیا ہے۔ پولیس نے بچی کی والدہ کی مدعیت میں مقدمہ درج کر کے تفتیش کا آغاز کر دیا ہے ۔

تھانہ بگنوتڑ پولیس نے 25 اگست 2026 کو ایف آئی آر نمبر 264/26 درج کی ہے ۔ مقدمہ تعزیراتِ پاکستان کی دفعہ 376 (زیادتی) اور چائلڈ پروٹیکشن اینڈ ویلفیئر ایکٹ 2010 کی دفعہ 53 کے تحت درج کیا گیا ہے ۔ جس میں حبیب پبلک سکول، نملی میرا کا وقوعہ لکھا ہے ۔

ایف آئی آر میں درج تفصیلات کے مطابق، بچی کی والدہ مسماۃ نوشین خالد زوجہ خالد حسین نے ڈی ایچ کیو ہسپتال (DHQ Hospital) ایبٹ آباد کے ایمرجنسی روم میں پولیس کو بیان ریکارڈ کروایا۔ مدعیہ نے بتایا کہ ان کی 5 سالہ بیٹی (منت نور) حبیب پبلک سکول نملی میرا میں نرسری کی طالبہ ہے۔

24 اگست 2026 کو معمول کے مطابق بچی سکول گئی اور شام کو واپس آئی۔ والدہ کے مطابق جب انہوں نے بچی کا سکول یونیفارم تبدیل کیا تو اس کے کپڑوں پر خون کے نشانات پائے گئے اور بچی نے درد کی شکایت کی۔ تسلی کرنے اور پوچھنے پر 5 سالہ معصوم بچی نے بتایا کہ سکول کے اوقات میں واش روم کے پاس ایک نامعلوم لڑکے نے اسے زیادتی کا نشانہ بنایا ہے۔

واقعے کی اطلاع ملتے ہی اے ایس آئی ظہیر احمد نے ہسپتال پہنچ کر والدہ کا بیان ریکارڈ کیا اور بچی کا میڈیکل معائنہ (MLC) کروایا۔ پولیس کے مطابق، واقعے کی حساسیت کے پیشِ نظر رپورٹ درج کر کے مزید کارروائی اور تفتیش انویسٹی گیشن سٹاف کے حوالے کر دی گئی ہے تاکہ نامعلوم ملزم کا سراغ لگا کر اسے قانون کے کٹہرے میں لایا جا سکے۔

ایف آئی آر کے مطابق پولیس نے بچی کا میڈیکل معائنہ کرانے کے لیے اسے والدہ کی نگرانی میں لیڈی ڈاکٹر کے پاس بھجوایا، جب کہ واقعے سے متعلق شواہد اور دیگر پہلوؤں کی تحقیقات کی جا رہی ہیں ۔

ادھر ڈی پی او ایبٹ آباد نے پریس کانفرنس کرتے ہوئے کہا کہ اسکول کے ہیڈ ماسٹر عبداللہ سے بھی رابطہ ہوا ہے ، اور بدھ کو اسکول کھلا ہو گا اور بچوں کی شناخت پریڈ کی جائیگی اور وہیں سے گرفتاری بھی کی جائیگی ۔

نمائندہ ہری پور نیوز نے متاثرہ بچی کی والدہ سے اس حوالے سے موقف معلوم کیا کہ کیس کی کیا پیش رفت ہے تو ان کا کہنا تھا کہ ابھی تک کوئی بھی گرفتار عمل میں نہیں لائی گئی ہے ۔ تاہم ٹیلی فون آیا تھا کہ بدھ کو بچی کو لیکر اسکول آئیں تاکہ بچی اس بچے کی شناخت کر سکے ۔

26/08/2026

ایبٹ آباد (پریس ریلیز) تھانہ بگنوتر کی حدود میں نجی سکول حبیب پبلک سکول نملی میرا میں پانچ سالہ بچی سے زیادتی کا واقعہ سامنے آیا ہے، جس پر پولیس نے دفعہ 376 تعزیراتِ پاکستان اور چائلڈ پروٹیکشن اینڈ ویلفیئر ایکٹ کے تحت مقدمہ درج کرلیا۔

ایف آئی آر کے مطابق واقعہ 24 اگست کو پیش آیا۔ بچی کی والدہ نے پولیس کو دی گئی درخواست میں مؤقف اختیار کیا کہ بچی ایک مقامی حبیب پبلک سکول نملی میرا میں نرسری کی طالبہ ہے اور معمول کے مطابق سکول گئی تھی۔

والدہ کے مطابق گھر واپس آنے کے بعد بچی نے جسم کے حساس حصے میں درد کی شکایت کی، جس پر اسے چیک کیا گیا تو مبینہ طور پر خون بھی موجود تھا۔ والدہ نے بچی سے دریافت کیا تو اس نے ایک نامعلوم لڑکے کی جانب سے سکول کے واش روم میں لے جا کر مبینہ زیادتی کیے جانے کے بارے میں بتایا۔

پولیس کا کہنا ہے کہ بچی کو طبی معائنے اور ضروری قانونی کارروائی کے لیے ہسپتال منتقل کیا گیا، جبکہ مقدمہ درج کرکے تفتیش شروع کردی گئی ہے۔

ایف آئی آر کے مطابق پولیس نے بچی کا میڈیکل معائنہ کرانے کے لیے اسے والدہ کی نگرانی میں لیڈی ڈاکٹر کے پاس بھجوایا، جبکہ واقعے سے متعلق شواہد اور دیگر پہلوؤں کی تحقیقات کی جا رہی ہیں۔

اہل خانہ کے مطابق ابھی تک پولیس نے اس کیس میں ملزمان کو گرفتار نہیں کیا۔

26/08/2026

پمز انتظامیہ کو سخت سے سخت سزا ملنی چائیے
عوام
The Ministry of Health

25/08/2026

14/08/2026

گورنمنٹ گرلز پرائمری سکول سمندرکٹھہ میں شاندار جشنِ آزادی کی تقریبات

گورنمنٹ گرلز پرائمری سکول سمندر کٹھہ، جسے خیبر پختونخوا رورل پروگرام کے تحت آؤٹ سورس کیا گیا ہے، میں یومِ آزادی پاکستان کی مناسبت سے رنگا رنگ اور پروقار تقریبات کا انعقاد کیا گیا۔
اس موقع پر بچوں نے ملی نغمے، خوبصورت ماڈلز، تقاریر اور دیگر تخلیقی سرگرمیوں کے ذریعے اپنی صلاحیتوں کا بھرپور مظاہرہ کیا۔

تقریب کی مہمانِ خصوصی محترمہ ایم پی اے آمنہ سردار تھیں۔
اس موقع پر ، ہزارہ ٹیچر ایسوسی ایشن سابق صدر مولانا الیاس مشتاق صاحب، سینئر صحافی سردار افتخار، سینئر صحافی سردار ماجد اور چیمبر آف کامرس کے رکن و معروف کاروباری شخصیت سردار بابر تاج نے بھی شرکت کی۔

اس کے علاوہ علاقے کے دیگر معززین، خواتین اور بچوں کی ماؤں نے بھی بھرپور شرکت کی اور اسکول کی شاندار کارکردگی، معیاری تعلیم اور بہترین سرگرمیوں کو سراہتے ہوئے اسکول انتظامیہ اور عملے کو خراجِ تحسین پیش کیا۔ شرکاء کا کہنا تھا کہ ماضی میں اس نوعیت کی بہترین تعلیمی اور ہم نصابی سرگرمیاں دیکھنے میں نہیں آئیں، اور موجودہ انتظامیہ نے بچوں کی تعلیم و تربیت میں نمایاں بہتری لائی ہے