Kohistan TV

29/11/2025

24/11/2025

نوجوان قیادت ملک صلاح الدین کی کوہستان میں جاری واپڈا کے مظالم کے خلاف دھاڑ دبیر ڈیم مکمل طور پر بند

اعلان: جب تک ہمارے جائز مطالبات نہیں مانے جائیں گے دبیر ڈیم بند ہی رہے گا۔

21/11/2025

ایک شہری نے سوشل میڈیا پر پوسٹ شیئر کرتے ہوئے انکشاف کیا ہے کہ THQ پٹن ہسپتال میں بنیادی طبی سہولیات تک دستیاب نہیں جس کے باعث مریض شدید مشکلات کا شکار ہیں۔

شہری کے مطابق وہ آج ایک چھوٹی بچی کو علاج کے لیے THQ پٹن لے کر گئے جہاں ڈیوٹی پر موجود ڈاکٹر محمد امین نے بھرپور ذمہ داری کے ساتھ معائنہ کیا اور مناسب دوا و کنولہ تجویز کیا مگر افسوس کہ اسپتال میں نہ دوا موجود تھی اور نہ ہی کنولہ دستیاب تھا

شہری نے سوال اٹھایا کہ
اگر ضلعی اسپتال میں بھی بنیادی سہولیات نہ ملیں تو عوام علاج کے لیے کہاں جائیں؟

انہوں نے محکمہ صحت کے حکام سے استفسار کیا کہ لاکھوں کروڑوں روپے کی ادویات کہاں جاتی ہیں جبکہ عوامی ٹیکسوں سے چلنے والے اسپتالوں میں بنیادی آلات تک موجود نہیں؟
ان کا کہنا تھا کہ ڈاکٹرز اپنی ذمہ داری احسن طریقے سے نبھا رہے ہیں مگر محکمہ صحت کی غفلت عوام کے لیے خطرہ بن چکی ہے

شہری نے حکومت خیبر پختونخوا محکمہ صحت اور ضلعی انتظامیہ سے مطالبہ کیا ہے کہ
THQ پٹن میں ادویات، کنولہ اور دیگر بنیادی طبی سامان فوری فراہم کیا جائے
اسپتال میں سہولیات کی باقاعدہ نگرانی یقینی بنائی جائے
بچوں اور عام شہریوں کی صحت سے متعلق غفلت کا سختی سے نوٹس لیا جائے

عوامی حلقوں کا کہنا ہے کہ ماڈل ضلع بنانے کے دعوے اس وقت تک ادھورے رہیں گے جب تک اسپتالوں میں سہولیات کاغذوں سے نکل کر حقیقت نہیں بن جاتیں۔

18/11/2025

ضلعی انتظامیہ کولئ پالس کوہستان کا واپڈا و این ٹی ڈی سی منصوبوں سے متعلق اہم اجلاس ایم این اے محمد ادریس کی خصوصی شرکت اور معاونانہ مؤقف

آج ضلعی انتظامیہ کولئ پالس کوہستان میں ڈپٹی کمشنر جناب نورالامین صاحب کی زیرِ صدارت واپڈا اور این ٹی ڈی سی کے جاری ترقیاتی منصوبوں کے حوالے سے ایک اہم اجلاس منعقد ہوا، جس میں ایم این اے جناب محمد ادریس صاحب نے خصوصی شرکت کرتے ہوئے نہ صرف اجلاس کی اہمیت میں اضافہ کیا بلکہ اپنے بھرپور تعاون اور رہنمائی کا بھی یقین دلایا۔

اجلاس میں اڈیشنل ڈپٹی کمشنر، اسسٹنٹ کمشنر سمیت تمام متعلقہ محکموں کے نمائندوں نے شرکت کی۔ اجلاس کے دوران جاری ترقیاتی منصوبوں کی پیش رفت، درپیش رکاوٹوں اور ان کے حل کے لیے ممکنہ حکمت عملی پر تفصیلی بریفنگ دی گئی۔

ایم این اے جناب محمد ادریس نے اجلاس سے خطاب کرتے ہوئے کہا کہ
علاقے کی ترقی، بجلی و انفراسٹرکچر کے مسائل کا حل، اور عوامی سہولیات کی فراہمی ہماری اولین ترجیح ہے۔ واپڈا اور این ٹی ڈی سی کے تمام منصوبے قومی اہمیت کے حامل ہیں، جن کی بروقت تکمیل کے لیے وفاقی سطح پر بھی ہر ممکن تعاون فراہم کیا جائے گا۔

انہوں نے متعلقہ محکموں کو ہدایت کی کہ کسی قسم کی تاخیر یا غفلت برداشت نہیں کی جائے گی اور عوامی شکایات کے فوری ازالے کو یقینی بنایا جائے۔

ڈپٹی کمشنر نورالامین نے اداروں کے درمیان مؤثر رابطہ کاری، فیلڈ ورک میں بہتری اور منصوبوں کی مقررہ مدت میں تکمیل پر زور دیتے ہوئے کہا کہ عوامی مفاد کو ہر حال میں مقدم رکھا جائے گا۔

اجلاس میں اس بات پر مکمل اتفاق کیا گیا کہ تمام ادارے مشترکہ حکمت عملی کے تحت ترقیاتی منصوبوں کی رفتار میں تیزی لائیں گے اور علاقے کی فلاح و ترقی کے لیے مربوط کردار ادا کریں گے۔

09/11/2025

� تلاشِ گمشدہ
یہ 17 سالہ نعیم اللہ ولد حجاب خان سکنہ کوہستان ہیں جو بولنے اور سننے سے محروم ہیں۔ یہ 30 اکتوبر 2025 کو گھر سے نکلے اور تاحال واپس نہیں آئے۔
اگر کسی کو ان کے بارے میں کوئی اطلاع ہو تو براہ کرم درج ذیل نمبرز پر فوری رابطہ کریں۔

📞 0340-9548897 | 0345-2200938 | 0346-8568322 | 0343-8920954 | 0346-4648054 | 0347-9046072

🙏 براہ کرم اس پوسٹ کو صدقہ جاریہ سمجھ کر زیادہ سے زیادہ شیئر کریں۔

03/11/2025

پریس ریلیز
دفتر جنگلات (فارسٹ ڈپارٹمنٹ) اپر کوہستان

غیر قانونی لکڑی کی نقل و حمل کے خلاف کارروائی — محکمہ جنگلات اپر کوہستان کی بروقت کارروائی

اپر کوہستان (پریس ریلیز): محکمہ جنگلات اپر کوہستان نے غیر قانونی لکڑی کی اسمگلنگ کے خلاف اہم کارروائی کرتے ہوئے متعدد ٹرکوں اور گاڑیوں کو پکڑ لیا ہے۔ کارروائی محکمہ جنگلات کی خصوصی ٹیم نے ڈی ایف او اپر کوہستان کی ہدایت پر کی۔
ابتدائی اطلاعات کے مطابق، پکڑی گئی لکڑی گلگت بلتستان سے لائی جا رہی تھی جو مختلف چیک پوسٹس سے گزرنے کی کوشش میں تھی۔ محکمہ جنگلات کے اہلکاروں نے موقع پر لکڑی ضبط کر لی اور ملوث افراد کے خلاف فاریسٹ ایکٹ کے تحت مقدمات درج کر دیے گئے ہیں۔

ڈی ایف او اپر کوہستان نے کہا کہ جنگلات کے تحفظ اور غیر قانونی کٹائی کے خاتمے کے لیے زیرو ٹالرنس پالیسی پر عمل جاری ہے۔ ان کا کہنا تھا کہ کسی بھی افسر یا اہلکار کی غفلت یا ملی بھگت برداشت نہیں کی جائے گی۔
محکمہ جنگلات عوام سے بھی اپیل کرتا ہے کہ وہ جنگلات کے تحفظ کے لیے محکمہ کے ساتھ تعاون کریں اور کسی بھی مشکوک سرگرمی کی اطلاع فوراً قریبی فاریسٹ آفس کو دیں

27/10/2025

لیڈی گارڈن میں داسو ڈیم متاثرین کا پڑاؤ حکومت سے آخری مذاکرات.

27/10/2025

داسو ڈیم متاثرین کی کمیٹی حکومت کے دروازے پر انصاف کی آخری دستک دینے آئی ہے۔
اگر اب بھی آواز نہ سنی گئی تو پھر فیصلے سڑکوں پر ہوں گے
✊ حق لیا جائے گا کسی سے مانگا نہیں جائے گا

سید گل بادشاہ
امیر مجلس شوریٰ
متاثرین داسو ڈیم، کوہستان اپر

27/10/2025

لیڈی گارڈن ایبٹ آباد میں متاثرین داسو ڈیم کا اہم جرگہ جاری

ایبٹ آباد (خصوصی نمائندہ)
آج لیڈی گارڈن ایبٹ آباد میں متاثرین داسو ڈیم کا ایک اہم اور ہنگامی جرگہ زیرِ صدارت امیر مجلس شوریٰ سید گل بادشاہ کر رہے کمیٹی ممبران شریک ہیں

جرگے میں واپڈا کی ہٹ دھرمی جی آر سی میٹنگ میں تاخیر اور متاثرین کے ساتھ ناروا رویے پر تفصیلی مشاورت کی جا رہی ہے۔
ذرائع کے مطابق، جرگے کے بعد متاثرین اپنے تحریری مطالبات کمشن ہزارہ ڈویژن کے سامنے پیش کریں گے، جبکہ اس کے بعد ایک اہم پریس کانفرنس بھی کی جائے گی، جس میں آئندہ لائحہ عمل کا اعلان متوقع ہے۔

سید گل بادشاہ
امیر مجلس شوریٰ
متاثرین داسو ڈیم، کوہستان اپر

25/10/2025

الیکشن کمیشن کے مقامی دفتر کولئی پالس میں نائب قاصد کی آسامی پر غیر مقامی شخص کی تعیناتی کے خلاف آج مقامی نوجوانوں کا ایک اہم اجلاس منعقد ہوا، جس میں شرکاء نے اس اقدام پر شدید غم و غصے کا اظہار کرتے ہوئے اسے کولئی پالس کے تعلیم یافتہ نوجوانوں کے ساتھ ناانصافی قرار دیا۔

اجلاس میں رکنِ قومی اسمبلی ملک محمد ادریس نے بھی شرکت کی اور نوجوانوں کے مؤقف سے مکمل اتفاق کرتے ہوئے یقین دہانی کرائی کہ وہ اس معاملے کو جلد از جلد اعلیٰ سطح پر اٹھائیں گے۔ ملک محمد ادریس نے کہا کہ وہ ذاتی طور پر اس تعیناتی کے آرڈر کو منسوخ کرانے کے لیے متعلقہ حکام سے رابطہ کریں گے تاکہ کولئی پالس کے مقامی نوجوانوں کو ان کا جائز حق دلایا جا سکے۔

اجلاس کے اختتام پر نوجوانوں کی جانب سے باقاعدہ اعلامیہ جاری کیا گیا، جس میں مطالبہ کیا گیا کہ الیکشن کمیشن کولئی پالس کے ڈومیسائل ہولڈر اور اہل مقامی نوجوانوں کو ترجیحی بنیادوں پر روزگار کے مواقع فراہم کرے۔ اعلامیے میں کہا گیا کہ اگر اس ناانصافی پر مبنی فیصلے کو واپس نہ لیا گیا تو نوجوان آئینی و قانونی دائرے میں رہتے ہوئے بھرپور احتجاجی تحریک شروع کرنے پر مجبور ہوں گے۔

شرکاء نے الیکشن کمیشن کے اعلیٰ حکام سے اپیل کی کہ وہ تعیناتی کے فیصلے پر فوری نظرِ ثانی کریں تاکہ علاقے میں انصاف اور عوامی اعتماد بحال ہو سکے۔

25/10/2025

ذرائع کے مطابق کوہستان کے مختلف علاقوں میں بجلی کی فراہمی کے لیے متعدد مائیکرو ہائیڈل پاور پروجیکٹس قائم کیے جانے کے دعوے کیے گئے ہیں
تاہم مقامی سطح پر اس حوالے سے متضاد اطلاعات سامنے آ رہی ہیں

اس سلسلے میں یہ جاننا ضروری ہے کہ
کیا یہ منصوبے واقعی تعمیر اور فعال ہیں؟
کیا ان علاقوں میں بجلی کی صورتحال میں بہتری آئی ہے؟
یا اب بھی لوڈشیڈنگ کا دورانیہ برقرار ہے؟
نیز، کیا حالیہ سیلابوں سے یہ منصوبے متاثر ہوئے ہیں؟

عوام سے گزارش ہے کہ وہ اپنے علاقوں میں بنائے گئے ان منصوبوں کے بارے میں مصدقہ معلومات تصاویر یا ویڈیوز شیئر کریں.