Kohistan TV

10/08/2025

پالس (نمائندہ خصوصی) وادی پالس اور آلائ کے درمیان حالیہ کشیدگی میں دفعہ 144 کی خلاف ورزی کے معاملے نے نیا رخ اختیار کر لیا ہے۔ ضلعی انتظامیہ کی جانب سے درج ایف آئی آر کے مطابق، پالس کے متعدد افراد پر الزام ہے کہ انہوں نے وادی چوڑ میں دفعہ 144 کی خلاف ورزی کی۔ تاہم، پالس کے عمائدین اس مؤقف کو مسترد کرتے ہیں۔

پالس کے نمائندوں کا کہنا ہے کہ خلاف ورزی پالس کے عوام نے نہیں بلکہ آلائ کے خوانین اور ان کے ساتھیوں نے کی، جو مسلح ہو کر وادی چوڑ میں داخل ہوئے۔ ان کے مطابق، پالس کے لوگ پرامن رہے اور کسی غیر قانونی سرگرمی میں شامل نہیں ہوئے، اس کے باوجود ان کے معزز شہریوں کو مقدمے میں شامل کر کے ناانصافی کی گئی۔

ضلعی انتظامیہ کی جانب سے مؤقف سامنے نہیں آیا، تاہم مقامی ذرائع کے مطابق، حکام کا کہنا ہے کہ واقعے کی تحقیقات جاری ہیں اور قانون کے مطابق کارروائی عمل میں لائی جائے گی۔

پالس کے عمائدین نے وزیر اعلیٰ خیبر پختونخوا اور دیگر متعلقہ حکام سے مطالبہ کیا ہے کہ واقعے کی غیر جانبدارانہ تحقیقات کرائی جائیں، اصل ذمہ داروں کے خلاف کارروائی ہو اور بے قصور افراد کو مقدمات سے بری کیا جائے۔

06/08/2025

کوہستان: قومی احتساب بیورو (نیب) نے کوہستان کرپشن اسکینڈل میں اہم پیشرفت کرتے ہوئے مزید سات افراد کے اثاثے منجمد کرنے کے لیے درخواست جمع کرا دی ہے۔ ان افراد میں تین خو....

06/08/2025

یہ ہے لوئر کوہستان کا ماڈل ضلع؟
شوکت علی کی آواز، کیال کی خستہ حالی کی تصویر بیمار بزرگ کندھوں پر، وعدے انجینئر سجاد اللہ باقی کے ادھورے کے ادھورے!

06/08/2025

28 سال قبل نصیرالدین کے ساتھ پیش آئے برفانی طوفان کے واقعے کا عینی شاہد بھائی، جس نے سب کچھ اپنی آنکھوں سے دیکھا، آج جذبات سے بھرپور پیغام میں اُس دلخراش لمحے کو بیان کر دیا

05/08/2025

28 سال بعد برفانی تودے سے ملنے والی نصیرالدین کی لاش آبائی گاؤں بداکوٹ پالس پہنچا دی گئی آج صبح 10 بجے جنازہ و تدفین ہوگی

کوہستان، کولئی پالس 28 سال قبل لیدی سرکس پیک کے برفانی علاقے میں برفانی طوفان کی زد میں آ کر لاپتہ ہونے والے نصیرالدین ولد بحرام کی لاش حالیہ دنوں برف تلے سے برآمد ہوئی، جسے چار روز کے مسلسل دشوار گزار پہاڑی سفر کے بعد گزشتہ رات ان کے آبائی گاؤں بداکوٹ پالس پہنچا دیا گیا۔

مرحوم کی شناخت ان کے جسم پر موجود وسکٹ اور جیب میں موجود قومی شناختی کارڈ کے ذریعے ممکن ہوئی۔ لاش کو جس مقام سے برآمد کیا گیا وہ انتہائی بلندی پر واقع ہے، جہاں سے پیدل واپسی میں کم از کم چار دن لگتے ہیں۔ میت کو لانے کے لیے اہل خانہ اور مقامی افراد نے بغیر کسی سرکاری مدد کے، انتھک محنت اور خطرات کے باوجود راستہ طے کیا۔

قابل افسوس امر یہ ہے کہ ضلعی انتظامیہ اور ہزارہ ڈویژن کی انتظامیہ نے اس معاملے میں مکمل لاپروائی کا مظاہرہ کیا۔ نہ ہی کسی حکومتی ادارے کی طرف سے مدد فراہم کی گئی، نہ ہی ریسکیو 1122 نے کوئی دلچسپی لی۔ مقامی افراد کا کہنا ہے کہ حکومتی مشینری نے لاش کی منتقلی کے لیے کوئی تعاون نہیں کیا، جس سے عوامی مایوسی میں اضافہ ہوا۔

یہ بھی واضح کیا گیا ہے کہ گزشتہ روز سے بعض میڈیا رپورٹس میں یہ خبریں گردش کر رہی تھیں کہ مرحوم کی تدفین ہو چکی ہے، جو کہ حقائق کے منافی ہیں۔ لاش گزشتہ شب باضابطہ طور پر ان کے گاؤں پہنچی ہے اور آج صبح 10 بجے بداکوٹ پالس میں نماز جنازہ ادا کی جائے گی، جس کے بعد تدفین عمل میں لائی جائے گی۔

مقامی افراد اور مرحوم کے اہل خانہ نے اس واقعے کو “اللہ کا معجزہ” قرار دیتے ہوئے کہا کہ اتنے طویل عرصے کے بعد میت کی شناخت ممکن ہونا ایک غیر معمولی امر ہے۔

05/08/2025

ڈی ایچ کیو ہسپتال داسو میں سنگین غفلت اور بدانتظامی کا انکشاف، مریضوں کی زندگیوں سے کھیلنے والے واقعات سامنے آگئے

سرکاری رپورٹ میں ڈسٹرکٹ ہیڈکوارٹر ہسپتال داسو اپر کوہستان کی بدانتظامی، طبی سہولیات کی شدید کمی اور انتظامیہ کی غفلت کے ہولناک انکشافات سامنے آئے ہیں۔
ایڈشنل ڈپٹی کمشنر (جنرل) کی قیادت میں تشکیل کردہ کمیٹی نے ہسپتال کا معائنہ کر کے جو رپورٹ تیار کی ہے، اس میں نجی کمپنی "نیدا ارگنائزیشن" کے معاہدے کی خلاف ورزیوں اور انتظامیہ کی نااہلی کو واضح کیا گیا ہے۔

اہم انکشافات:

ہسپتال میں عملے کی حاضری کا کوئی نظام موجود نہیں، جبکہ انتظامیہ نے ایک ایسی فہرست پیش کی جس میں شامل بیشتر اسٹاف کبھی ہسپتال میں موجود ہی نہیں تھا۔ یہ سرکاری خزانے سے فنڈز کی بے جا وصولی کی واضح نشاندہی کرتا ہے۔

2 صرف میڈیسن آؤٹ پیٹینٹ ڈیپارٹمنٹ (OPD) کام کر رہا ہے، جبکہ ENT، آرتھوپیڈک اور سرجری OPD بند پڑے ہیں۔
الٹراساؤنڈ اور ایکس رے مشینیں بیکار پڑی ہیں، اور کوئی ریڈیولوجسٹ دستیاب نہیں۔
آپریشن تھیٹر کی حالت انتہائی خراب ہے، جس کی وجہ سے مریضوں کو دوسرے ہسپتالوں میں منتقل کیا جا رہا ہے۔

3 تمام آکسیجن سلنڈر خالی ہیں، اور جنریٹرز خراب ہیں۔
لیب میں ڈینگی، سی بی سی، جگر اور گردے کے ٹیسٹ جیسی بنیادی سہولیات دستیاب نہیں۔
ادویات کا ذخیرہ ختم ہو چکا ہے، حتیٰ کہ پینے کے صاف پانی کا بھی انتظام نہیں۔

4 18 مئی 2025 کو دو چھوٹے بہن بھائی زہر کھانے کے بعد ہسپتال لائے گئے، لیکن خراب جنریٹرز اور suction مشین کی عدم دستیابی کی وجہ سے ان کا بروقت علاج نہ ہو سکا، جس کے نتیجے میں ایک بچے کی موت واقع ہو گئی۔
گائناکالوجسٹ کی غیر حاضری کے باعث زچگی کے کیسز کو نظرانداز کیا جا رہا ہے۔

کمیٹی نے 17 سے 26 جون تک ہسپتال میں موجودگی کے دوران مریضوں اور ان کے رشتہ داروں سے بات کی۔ سروے کے نتائج کے مطابق:
- 95% مریضوں کو ادویات دستیاب نہیں ہو رہیں۔
- 80% نے ڈریسنگ، ڈرپ اور کینولہ کی عدم دستیابی کی شکایت کی۔
- 100% مریضوں نے اسپیشلسٹ ڈاکٹرز اور ضروری مشینوں کی غیر موجودگی کو سنگین قرار دیا۔

کمیٹی کی سفارشات:
رپورٹ میں کہا گیا ہے کہ "ارگنائزیشن نیدا" نے معاہدے کی تمام شرائط پوری نہیں کیں، لہٰذا کے پی ہیلتھ فاؤنڈیشن اور ڈائریکٹوریٹ جنرل ہیلتھ سروسز کو چاہیے کہ وہ معاہدہ منسوخ کر کے نئی کمپنی کے ساتھ عوامی قوانین کے تحت نئے سرے سے معاہدہ کریں۔

ڈپٹی کمشنر نے اس صورت حال کو "انسانی المیہ" قرار دیتے ہوئے فوری اقدامات کا مطالبہ کیا ہے۔ مقامی رہائشیوں کا کہنا ہے کہ صحت کے شعبے میں نجی شراکت داری (PPP) کے تحت چلنے والے ہسپتالوں کی نگرانی کو مزید سخت بنایا جائے

02/08/2025

ایم پی اے فضل حق، ڈیڈیک چیئرمین و پارلیمانی سیکرٹری برائے جیل خانہ جات کی کوششوں سے جالکوٹ کے عوام سے کیے گئے وعدے عملی شکل اختیار کرنے لگے ہیں۔
ترقیاتی منصوبوں میں بیلا یونین کونسل بڑی یار سے لوہی روڈ، چائنا پل سے گوشالی پی سی سی روڈ، اور سپٹ جوشن سے بڑی یار روڈ شامل ہیں۔
ذرائع کے مطابق تمام منصوبوں کی پلاننگ مکمل ہو چکی ہے اور جلد عملدرآمد شروع کیا جائے گا۔
ایم پی اے فضل حق کا کہنا ہے کہ ان منصوبوں کا مقصد محض وعدوں کی تکمیل نہیں، بلکہ علاقے کو ترقی کی راہ پر ڈالنا ہے۔

02/08/2025

متحدہ کوہستان جرگہ کا اہم اجلاس 4 اگست کو ایبٹ آباد میں طلب
ایبٹ آباد (نمائندہ خصوصی) متحدہ کوہستان جرگہ کا اہم اجلاس 4 اگست 2025 بروز پیر، لیڈی گارڈن ایبٹ آباد میں صبح 10 بجے منعقد ہوگا۔ اجلاس میں واپڈا کے ساتھ 2022 کے معاہدے پر عملدرآمد اور کمشنر ہزارہ سے مذاکرات پر پیشرفت کا جائزہ لیا جائے گا۔ ترجمان انجینئر بخت بلند خان نے تمام جرگہ ممبران سے بروقت شرکت کی اپیل کی ہے۔

01/08/2025

کوہستان کی 49 سالہ تاریخ میں پہلی بار محکمہ انٹی کرپشن کی کارروائی!2024 میں ہیلتھ ڈیپارٹمنٹ لوئرکوہستان میں غیر قانونی بھرتیوں پر MPA سجاد اللہ باقی کی خاموشی، عوام میں شدید سوالات جنم لینے لگے!

01/08/2025

محکمہ صحت کوہستان میں مبینہ کرپشن پر اینٹی کرپشن کی بڑی پیش رفت

محکمہ صحت کوہستان میں بھرتیوں کے دوران مبینہ کرپشن کے خلاف اینٹی کرپشن کی جانب سے کارروائی کا آغاز کیا گیا ہے، جس میں ایک اہم کردار ادا کرنے والے اختر لالا کو گرفتار کیا گیا ہے۔ ذرائع کے مطابق مذکورہ شخص پر الزام ہے کہ اس نے سرکاری ملازمتوں کی خرید و فروخت میں اہم کردار ادا کیا، جس سے کئی مستحق امیدواروں کے حق پر ڈاکہ ڈالا گیا۔

یہ معاملہ طویل عرصے سے عوامی حلقوں میں زیرِ بحث تھا، تاہم اب پہلی بار اینٹی کرپشن کی عملی کارروائی سامنے آئی ہے۔ مقامی افراد کا کہنا ہے کہ صرف ایک فرد کی گرفتاری کافی نہیں، بلکہ اس وقت کے ڈی ایچ او اپر کوہستان سمیت محکمہ صحت کے دیگر عملے کے کردار کا بھی شفاف تحقیقات کے ذریعے جائزہ لیا جانا چاہیے۔

اس تمام تر صورتحال میں سب سے افسوسناک پہلو یہ ہے کہ کوہستان کے ان نوجوانوں کے ساتھ شدید ناانصافی ہوئی جو میرٹ پر ملازمت کے امیدوار تھے۔ ان کی آواز نہ صرف دبا دی گئی بلکہ ان کا حق بھی چھین لیا گیا۔

سال 2024 کے دوران لوئر کوہستان میں بیرونی بھرتیاں ہوئ علاقائی سیاسی قیادت کی خاموشی نے عوامی سطح پر شدید سوالات کو جنم دیا ہے۔ خاص طور پر ایم پی اے انجینئر سجاد اللہ باقی، جو خیبرپختونخوا کے دیگر اضلاع کے مسائل پر تو بھرپور انداز میں سوشل میڈیا اور ایوانوں میں آواز بلند کرتے ہیں، لیکن اپنے ہی ضلع میں ہونے والی اس واضح ناانصافی پر ان کا سکوت عوام کے لیے حیران کن اور مایوس کن ہے۔ عوامی حلقے اب مطالبہ کر رہے ہیں کہ اپنے ضلع کے نوجوانوں کے حق میں نمائندے اپنی ذمہ داری نبھائیں اور ترجیحات پر ازسرِنو غور کریں۔

31/07/2025

نیب خیبر پختونخوا نے 29 جولائی 2025 کو جاری کیے گئے ایک مراسلے میں KP-CIP کے پراجیکٹ ڈائریکٹر سے فوری طور پر BPS-18 یا اس سے اعلیٰ گریڈ کے ایک فوکل پرسن کی نامزدگی کا مطالبہ کیا...

30/07/2025