SNN saim news network

03/11/2025

🍔🌯 عربک شوارمہ اینڈ فاسٹ فوڈ — جدون پلازہ فیز ٹو، ایبٹ آباد 🌯🍔
اب لائیں اپنے ذائقوں کو نیا رنگ اور نیا لطف!
یہاں دستیاب ہیں:
عربک شوارمہ، برگر، زنگر، فرائز، کولڈ ڈرنکس، چائنیز کے مختلف آئیٹمز، اور مزیدار سوپ کی ورائٹی 🍜🍛
خوبصورت ماحول، معیاری سروس، اور لذیذ کھانوں کی خوشبو — سب کچھ ایک ہی جگہ
دوستوں اور فیملی کے ساتھ آئیں اور مزے دار کھانوں کا لطف اٹھائیں۔
جدون پلازہ فیز ٹو، ایبٹ آباد
📞 Taste the Perfection — Every Bite a Delight!

02/11/2025

ایبٹ آباد کنٹونمنٹ بورڈ کی نئی پارکنگ فیس پر عوام کا احتجاج!
ایبٹ آباد کنٹونمنٹ بورڈ نے پارکنگ فیس 100 روپے مقرر کر دی
شہریوں اور تاجروں نے اسے غنڈہ ٹیکس قرار دیتے ہوئے شدید احتجاج کیا۔
آل ٹریڈر ایسوسی ایشن کے صدر ثاقب خان کا کہنا ہے👇
“پہلے 50 روپے کی فیس لگائی، اب اچانک 100 کر دی!
پرچی پر صاف لکھا ہوتا ہے کہ چوری کی صورت میں ذمہ داری نہیں —
پھر یہ فیس کس چیز کی ہے؟ عوام پہلے ہی مہنگائی میں پس رہے ہیں،
کنٹونمنٹ والے ہوش کے ناخن لیں ورنہ بھرپور احتجاج ہو گا!”
عوام اور تاجروں کا مطالبہ:
پارکنگ فیس میں اضافہ فوراً واپس لیا جائے!
شہریوں کو سہولیات دی جائیں، ظلم نہیں!

01/11/2025

ایبٹ آباد کی خوبصورتی کو بگاڑنے میں اگر کسی ادارے کا “کریڈٹ” بنتا ہے،
تو وہ ہے نیشنل ہائی وے اتھارٹی (NHA)
شاہراہِ ریشم کا درمیانی حصہ (ڈیوائیڈر لائن) دیکھ لیں —
کہیں ایک فٹ چوڑا، کہیں تین فٹ، کہیں پانچ فٹ، جیسے کسی نے مزاح کے موڈ میں بنائی ہو!
کہیں گھاس اگ آئی ہے، کہیں مٹی جمی ہوئی ہے، کہیں سیمنٹ کے ٹکڑے، تو کہیں کچرے کے ڈھیر۔
یہ سب کچھ پاکستان کے ایک خوبصورت سیاحتی شہر، ایبٹ آباد میں ہو رہا ہے
جہاں خوبصورتی کے دعوے تو بہت ہیں، مگر عملی حالت شرمناک ہے۔
نہ ترتیب، نہ صفائی، نہ منصوبہ بندی
بس لاپرواہی، بدانتظامی، اور عوام کے ٹیکس کے پیسوں کی بربادی۔
کیا NHA کے کسی افسر نے کبھی خود یہ سڑک ابیٹ آباد کی حدود میں ساری دیکھی ہے؟
یا صرف فائلوں میں “ترقیاتی کام مکمل” لکھ دینا کافی سمجھ لیا گیا ہے

01/11/2025

افسوسناک خبر
ایبٹ آباد میں ہرنو جھولے سے گر کر جاں بحق ہونے والی ایک نامعلوم لڑکی کے ورثاء کی تلاش جاری ہے۔
برائے کرم جو کوئی لڑکی کی شناخت جانتا ہو، وہ ڈی ایچ کیو ہسپتال ایبٹ آباد سے فوری رابطہ کرے تاکہ میت کو ورثاء کے حوالے کیا جا سکے۔

27/10/2025

خیبر پختونخوا میں آٹے کا بحران، عوام سراپا احتجاج
ایبٹ آباد (SNN) پنجاب حکومت کی جانب سے خیبر پختونخوا کے لیے آٹے کی ترسیل پر پابندی کے بعد صوبے بھر میں آٹے کی قیمتیں آسمان سے باتیں کرنے لگیں۔
20 کلو آٹے کا تھیلا جو ایک ماہ قبل 1450 روپے کا تھا، اب 2600 تا 2800 روپے میں فروخت ہو رہا ہے۔
غریب مزدور طبقہ مہنگی روٹی خریدنے سے قاصر، کئی گھروں میں فاقوں کی نوبت۔
نانبائیوں نے روٹی کا وزن کم کر دیا، جبکہ بعض تنور اور ہوٹل مالکان قیمتوں میں مزید اضافے کی تیاری میں ہیں۔
ہزارہ ڈویژن کے اضلاع ایبٹ آباد، مانسہرہ، ہری پور، بٹگرام اور کوہستان میں عوامی تنظیموں، تاجروں اور نانبائیوں نے احتجاجی مظاہروں کی تیاریاں شروع کر دی ہیں۔
عوام کا مطالبہ:
پنجاب سے آٹے کی ترسیل پر پابندی ختم کی جائے
صوبائی حکومت آٹے کے کوٹے میں اضافہ کرے
عام شہریوں کو فوری ریلیف دیا جائے

25/10/2025

25/10/2025

ایبٹ آباد (جمیل احمدجمیل)
ہزارہ قومی محاذ پاکستان کے چیئرمین ذوالقرنین خان نے ایبٹ آباد پریس کلب میں پریس کانفرنس کرتے ہوئے ہری پور کے حلقہ این اے-18 سے رستم خان تنولی کو پارٹی ٹکٹ جاری کرنے کا اعلان کیا۔
انہوں نے کہا کہ ہری پور کا الیکشن ہزارہ وال قوم کی عزت و غیرت کا مسئلہ ہے۔ تمام برادریوں سے اپیل کی کہ متحد ہو کر ہزارہ قومی محاذ کے امیدوار رستم خان تنولی کی کامیابی کو یقینی بنائیں۔
ذوالقرنین خان نے کہا کہ ہزارہ وال قوم نے پاکستان کے قیام سے لے کر صوبہ ہزارہ کی تحریک تک بے مثال قربانیاں دیں، مگر آج بھی صوبے کے قیام کا خواب ادھورا ہے۔
انہوں نے کہا کہ ہزارہ قومی محاذ ایک محبِ وطن جماعت ہے جو صوبہ ہزارہ کے قیام تک اپنی جدوجہد جاری رکھے گی۔
آخر میں انہوں نے ہری پور کے عوام سے اپیل کی کہ وہ ہزارہ کی محبت اور اپنی دھرتی سے وفاداری کا ثبوت دیتے ہوئے رستم خان تنولی کو ووٹ دے کر کامیاب کریںE

23/10/2025

. . . . . . . . چیخیں نکالنے والا بجلی کا بل
صرف 868 یونٹ کے استعمال پر بل میں محصولِ بجلی، ٹی وی فیس، انکم ٹیکس، ایکسٹرا ٹیکس، فردر ٹیکس، آر ایس ٹیکس، جی ایس ٹی، اور فلیول پر بھی ٹیکس شامل کر کے ایسا شاہکار تیار کیا گیا ہے جسے دیکھ کر لگتا ہے جیسے حکومت نہیں اکاؤنٹنٹ حضرات حکومت چلا رہے ہیں۔
ماہرین کا کہنا ہے کہ بل دیکھ کر لگتا ہے بجلی نہیں، ملک کا بجٹ گھر بھیج دیا گیا ہے۔
عوام کا کہنا ہےاب لگتا ہے بل دیکھنے کے لیے بھی دل کا مریض ہونا ضروری ہے
868 یونٹ جلے یا ہم جلے، فرق نہیں پڑتا جلنا تو ہر صورت ہے

15/10/2025

گورنمنٹ کالج آف مینجمنٹ سائنسز اینڈ کامرس ایجوکیشن ایبٹ آباد میں شاندار الوداعی تقریب
ایبٹ آباد گورنمنٹ کالج آف مینجمنٹ سائنسز اینڈ کامرس ایجوکیشن ایبٹ آباد میں سالانہ تقسیم انعامات اور پرنسپل پروفیسر سید تصدیق حسین شاہ کی الوداعی تقریب کا انعقاد کیا گیا۔
مہمانِ خصوصی ڈائریکٹر جنرل کامرس ایجوکیشن اینڈ مینجمنٹ سائنسز خیبر پختونخوا عمر علی خان تھے۔ تقریب میں صوبے بھر کے پرنسپلز، پروفیسرز، طلباء و طالبات نے شرکت کی۔
اس موقع پر نمایاں کارکردگی دکھانے والے طلباء و طالبات میں سرٹیفیکیٹس، اسکالرشپ چیکس اور انعامات تقسیم کیے گئے۔
مقررین نے پروفیسر سید تصدیق حسین شاہ کی 1991 سے 2025 تک شاندار تعلیمی و انتظامی خدمات کو خراجِ تحسین پیش کیا۔
ڈائریکٹر جنرل عمر علی خان نے کہا کہ “سید تصدیق حسین شاہ ایک بہترین منتظم اور رہنما تھے، ان کا نعم البدل ملنا مشکل ہے۔”
تقریب کے اختتام پر ٹیچرز ایسوسی ایشن کی جانب سے خصوصی شیلڈز پیش کی گئیں اور شرکاء کے اعزاز میں پر تکلف ظہرانہ دیا گیا۔

15/10/2025

ایبٹ آباد میں انصاف کی نئی مثال قائم!
چیف جسٹس پشاور ہائی کورٹ جسٹس سید عتیق شاہ نے ایبٹ آباد میں ملکی تاریخ کی پہلی شام تک کام کرنے والی عدالت (ڈبل شفٹ کورٹ) کا باقاعدہ افتتاح کر دیا
اب عدالت شام ساڑھے پانچ بجے تک مقدمات کی سماعت کرے گی۔
یہ عدالت فیملی کیسز، کرایہ داری، حکم امتناعی اور تین سال سے کم سزا والے فوری نوعیت کے مقدمات سنے گی۔
افتتاحی روز سول جج اشفاق نے پہلے کیس کی سماعت سے عدالت کا کام شروع کیا۔
یہ اقدام چیف جسٹس آف پاکستان جسٹس یحییٰ آفریدی کے وژن کا حصہ ہے تاکہ عوام کو تیز، سستا اور شام تک انصاف میسر ہو سکے۔
یہ اقدام انصاف کے نظام میں ایک انقلابی قدم ہے جس سے عام شہریوں کو بڑا فائدہ پہنچے گا۔

12/10/2025

ایبٹ آباد / ہزارہ سمیت ملک بھر میں غیر قانونی طور پر مقیم افغان باشندوں کے خلاف کارروائیاں شروع
قانون نافذ کرنے والے اداروں نے ایسے تمام افراد کی گرفتاری کا فیصلہ کیا ہے جو افغان مہاجرین کو گھر، دکان یا ملازمت فراہم کر رہے ہیں۔
قانون کی پاسداری ہر شہری کی ذمہ داری ہے 🇵🇰

12/10/2025

ایبٹ آباد:
پاکستان نظریاتی پارٹی خیبر پختونخوا کے رہنما ودود قریشی نے اسکولوں، کالجز اور صحت کے اداروں کی نجکاری کی شدید مخالفت کرتے ہوئے کہا کہ خیبر پختونخوا کے عوام گزشتہ 13 سالوں سے ناقص طرزِ حکمرانی کے باعث پریشانیوں کا شکار ہیں۔
ان کا کہنا تھا کہ تعلیم اور صحت کاروبار نہیں بلکہ عوام کا بنیادی حق ہیں۔ ہم پُرامن اور قانونی جدوجہد کے ذریعے عوامی اداروں کو نجکاری سے بچائیں گے۔
انہوں نے اسرائیل کی جانب سے فلسطینی عوام پر ڈھائے جانے والے مظالم کی شدید الفاظ میں مذمت کرتے ہوئے کہا کہ پاکستان نظریاتی پارٹی فلسطینی بھائیوں کے ساتھ مکمل یکجہتی کا اظہار کرتی ہے۔
ودود قریشی نے کہا کہ ہماری جدوجہد عوامی حقوق، انصاف اور ہر شہری کے وقار کے تحفظ کے لیے جاری رہے گی۔