SNN saim news network

SNN saim news network Media company News Bulletin | Talk Shows | Latest News Breaking | Documentary Films | Road Show | Ne

پشاور ،گورنر خیبر پختونخوا فیصل کریم کنڈی سے ملاقات کے بعد ایم پی اے آمنہ سردار ودیگر کا گروپ فوٹو
25/07/2025

پشاور ،گورنر خیبر پختونخوا فیصل کریم کنڈی سے ملاقات کے بعد ایم پی اے آمنہ سردار ودیگر کا گروپ فوٹو

23/07/2025

ایبٹ آباد میں صوبہ بھر کے کامرس کالجز اینڈ مینجمنٹ سائنسز کی سالانہ کارکردگی کے جائزہ اجلاس کی جھلکیاں

23/07/2025

مانگل ندی کو بچانے کے لیے مقامی عوام متحرک، نکا پانی ہل میرا میں اہم اجلاس منعقد
ایبٹ آباد (جمیل احمد جمیل )ایبٹ آباد کی نواحی 56 دیہاتوں کے سب سے بڑے آبی ذخیرے مانگل ندی میں زہریلا مواد شامل ہونے پر مانگل بچاؤ تحریک کے تحت نکا پانی ہل میرا میں ایک اہم اجلاس منعقد ہوا۔ اجلاس کی صدارت تحریک کے بانی و سماجی رہنما دلاور خان تنولی نے کی، جس میں مقامی افراد کی بڑی تعداد نے شرکت کی۔شرکاء نے ندی کی بگڑتی حالت پر گہری تشویش کا اظہار کرتے ہوئے متفقہ طور پر یہ عہد کیا کہ وہ علاقے کی خوبصورتی، فطری وسائل کی بقا، اور آنے والی نسلوں کو صحت مند ماحول دینے کے لیے بھرپور کردار ادا کریں گے۔اجلاس میں انکشاف کیا گیا کہ مانگل ندی میں آلودگی کی بڑی وجوہات میں ایوب ٹیچنگ ہسپتال، سمال انڈسٹریز اور مختلف رہائشی کالونیوں کا مضر صحت کچرا اور آلودہ پانی شامل ہونا شامل ہے، جس نے ندی کے قدرتی حسن اور حیاتیاتی نظام کو شدید نقصان پہنچایا ہے۔
ندی کی صفائی اور آلودگی کے خلاف عوامی مہم
اسکولوں اور مساجد کے ذریعے آگاہی مہم کا آغاز
پہاڑوں میں لگنے والی آگ کی روک تھام کے اقدامات
موسمیاتی تبدیلی سے بچاؤ کے لیے شجر کاری اور درختوں کی حفاظت
ندی میں مچھلیوں کے غیر قانونی شکار کے خلاف کریک ڈاؤن
جنگلی و آبی حیات کے تحفظ کے لیے مشترکہ کوششیں
شرکاء نے بتایا کہ مانگل ندی کبھی مقامی معیشت کی ریڑھ کی ہڈی سمجھی جاتی تھی، جہاں درجنوں پن چکیاں اور 25 سے زائد مچھلی فارم قائم تھے، جو اب زہریلے ویسٹ کی نذر ہو کر تباہی سے دوچار ہو چکے ہیں۔
منبر و محراب سے جدوجہد کا آغاز یہ پہلا موقع ہے جب مقامی لوگ منبر اور محراب سے ماحولیات کی بہتری کے لیے آواز بلند کر رہے ہیں۔ تحریک کے رہنماؤں نے عزم ظاہر کیا ہے کہ وہ انتظامیہ سے بھی بھرپور رابطہ کریں گے تاکہ ماحولیاتی تحفظ کے لیے موثر پالیسی اور عملی اقدامات کیے جا سکیں۔

ایبٹ آباد: 2 کروڑ 8 لاکھ روپے ہتھیانے کا انکشاف، سوشل میڈیا پر متاثرہ شہری کے خلاف مہم، قانونی چارہ جوئی کا اعلانایبٹ آب...
23/07/2025

ایبٹ آباد: 2 کروڑ 8 لاکھ روپے ہتھیانے کا انکشاف، سوشل میڈیا پر متاثرہ شہری کے خلاف مہم، قانونی چارہ جوئی کا اعلان

ایبٹ آباد (جمیل احمد جمیل )
اسلام آباد میں مقیم نملی میرا ایبٹ آباد کے رہائشی سردار محمد ہارون نے پریس کانفرنس کرتے ہوئے کہا ہے کہ ان کے تین سابقہ ملازمین نے مشترکہ طور پر 2 کروڑ 8 لاکھ روپے کی رقم ہتھیالی، اور اب سوشل میڈیا پر ان کے خلاف جھوٹی اور من گھڑت مہم چلا کر انہیں اور ان کے خاندان کو بدنام کرنے کی کوشش کر رہے ہیں۔
ایبٹ آباد پریس کلب میں میڈیا سے گفتگو کرتے ہوئے سردار ہارون کا کہنا تھا کہ ان کے سابقہ ملازمین وقاص ساکن زیارت معصوم ایبٹ آباد، زکاء الدین اور وسیم ساکنان راولپنڈی نے ان سے مختلف مواقع پر اراضی خریداری، سرمایہ کاری اور دیگر کاروباری امور کے لیے بھاری رقوم لیں، جن میں 90 لاکھ، 15 لاکھ، 10 لاکھ اور 18 لاکھ مالیت کی گاڑی تحریری طور پر شامل ہیں، جب کہ 75 لاکھ روپے بغیر تحریری ثبوت کے دیے گئے۔
انہوں نے بتایا کہ جب رقم کی واپسی کا تقاضا کیا گیا تو مذکورہ افراد نے ان کے خلاف سوشل میڈیا پر جھوٹے الزامات کی مہم شروع کر دی، جس کا مقصد انہیں بلیک میل کرنا اور بدنام کرنا ہے۔ سردار ہارون کا کہنا تھا کہ اس تمام صورتحال سے ان کی والدہ جو کہ ہسپتال میں زیر علاج تھیں، شدید متاثر ہوئیں اور ان کے خاندان کو ذہنی اذیت کا سامنا کرنا پڑا۔
متاثرہ شہری کا کہنا تھا کہ ان کا تعلق ایک معزز اور شریف گھرانے سے ہے، اور ان کے خلاف اس طرح کی منفی مہم ناقابل برداشت ہے۔ انہوں نے وقاص، زکاء الدین اور وسیم کے خلاف قانونی کارروائی کا فیصلہ کرتے ہوئے ایف آئی اے سے بھی رجوع کرنے کا اعلان کیا ہے۔

22/07/2025

🛑 ایبٹ آباد میں نوسر بازوں کا راج!

ایبٹ آباد کے مختلف علاقوں، بازاروں اور سڑکوں پر پنجاب سے آئے ہوئے بھکاریوں اور خواجہ سرا کے روپ میں نوسر بازوں نے ڈیرے جما لیے ہیں۔ ذرائع کے مطابق یہ خواجہ سرا حقیقت میں مرد ہیں جو ویران راستوں پر خواتین کو ہراساں کرتے ہیں، جبکہ بھکاری شہریوں کو زبردستی تنگ کرتے اور بچوں سے بھیک منگواتے ہیں۔

عوام کا کہنا ہے کہ یہ گروہ تھانوں اور اداروں کو ماہوار دیتا ہے، اس لیے کوئی ان کے خلاف کارروائی نہیں کرتا۔ یہ لوگ بغیر رجسٹریشن ہوٹلوں اور پلازوں میں مقیم ہیں۔

📢 عوام کا مطالبہ ہے کہ فوری کارروائی کی جائے!

تھائی لینڈ کے سابق وزیر اعظم ابھیسیت وجاجیوا سے قلندرآباد سے تعلق رکھنے والے ممتاز محقق اور سکالرز ڈاکٹر نعمان خان نے مل...
20/07/2025

تھائی لینڈ کے سابق وزیر اعظم ابھیسیت وجاجیوا سے قلندرآباد سے تعلق رکھنے والے ممتاز محقق اور سکالرز ڈاکٹر نعمان خان نے ملاقات کی ۔ ڈاکٹر نعمان خان وہاں نرسوسن یونیورسٹی میں منعقدہ 10 ویں بین الاقوامی بزنس کانفرنس میں کلیدی خطاب کے لیئے مدعو تھے جنہوں نے جدید علمی تحقیق و ترقی میں مصنوعی ذہانت کے کردار پر روشنی ڈالی ۔ بعد ازاں تھائی لینڈ کے سابق وزیر اعظم ابھیسیت وجاجیوا نے ان کے اعزاز میں ایک عشائیہ دیا جس میں بزنس کانفرنس کے مندوبین اور تھائی لینڈ کی اعلیٰ سیاسی و سماجی اور کاروباری شخصیات نے شرکت کی ۔ سابق وزیر اعظم نے بزنس کمیونٹی کے نام اپنے پیغام میں کہا کہ وہ ڈاکٹر نعمان خان کی تجاویز پر عمل کر کے ایک کامیاب بزنس پروان چڑھا سکتے ہیں۔

12/07/2025

اقراء قتل کیس – انصاف کا مطالبہ زور پکڑ گیا!
ایبٹ آباد پریس کلب میں سابق ضلع ناظم سردار شیر بہادر، سردار ،اسحاق زکریا ایڈووکیٹ، نصیر خان جدون سمیت لیگل کمیٹی نے ہنگامی پریس کانفرنس کرتے ہوئے پولیس کی تفتیش پر شدید تحفظات کا اظہار کیا۔
انہوں نے ڈی پی او سے مطالبہ کیا کہ ڈی ایس پی، ایس ایچ او، انچارج جناح آباد چوکی اور تفتیشی افسر کو 24 گھنٹوں میں تبدیل کیا جائے۔
ملزم حارث لطیف کے پہلے اقرار اور پھر انکار پر سوال اٹھاتے ہوئے کہا کہ پولیس کی ملی بھگت کے بغیر بیان تبدیل ہونا ممکن نہیں۔
مقررین کا کہنا تھا کہ "اقراء لاوارث نہیں، انصاف کے لیے جان بھی دینی پڑی تو دریغ نہیں کریں گے"۔
پولیس اگر من مانی سے باز نہ آئی تو احتجاج کا دائرہ وسیع کریں گے!

📍واضح رہے کہ 13 سالہ گھریلو ملازمہ اقراء کا قتل 8 محرم کی رات حبیب اللہ کالونی میں ہوا تھا۔

---

ایبٹ آباد گلیات سے تعلق رکھنے والے سردار ثاقب رضا اسلم کو سیکرٹری لوکل گورنمنٹ خیبرپختونخوا تعینات کر دیا گیا ہے۔ عوام ک...
08/07/2025

ایبٹ آباد گلیات سے تعلق رکھنے والے سردار ثاقب رضا اسلم کو سیکرٹری لوکل گورنمنٹ خیبرپختونخوا تعینات کر دیا گیا ہے۔ عوام کی جانب سے دل کی اتھاہ گہرائیوں سے مبارکباد پیش کی جا رہی ہے۔

08/07/2025

بچوں کو جسمانی وذہنی تشدد اور جنسی ذیادتی کے انسداد کا قانون موجود ہے لیکن اس کے باوجود معاشرے میں بڑھتے ہوئے واقعات بتاتے ہیں اس کو روکنے میں ناکام ہوئے ہیں۔ایبٹ آباد کے افسوس ناک واقع پر شعبہ نفسیات ایوب میڈیکل کمپلیکس کے سربراہ پروفیسر ڈاکٹر آفتاب عالم کی گفتگو

06/02/2025

ڈپٹی کمشنر کیپٹن ر ثناء اللہ خان نےکہا ہےکہ ماہ رمضان میں عوام کو ریلیف دلوانے کے لیے جامع اور ٹھوس اقدامات اٹھا رہے ہیں۔شہر میں تجاوزات ،خودساختہ مہنگائی کے خلاف سخت ایکشن لیا جائے گا۔شہر میں اشیائے خوردونوش کے معیار کو بہتر رکھنے اور جانچ کے لئے ٹیسٹنگ لیبارٹریاں لگا رہے ہیں۔مثبت صحافت تنقید برائے اصلاح ہوتی ہے۔صحافی کم وسائل میں رہ کر معاشرے کی بہتری کے لئے آنکھ اور کان کا کام کرتے ہیں۔انتظامیہ کی ہر جگہ رسائی نہیں ہوتی میڈیا کے ذریعے مسائل سے فوری آگاہ ہوتے ہیں۔ایبٹ آباد کا میڈیا مثبت طور پرکام کر رہا ہے۔ان کی نشاندہی پر ہمیشہ ایکشن لیا ہے۔ان خیالات کا اظہار انہوں نے یہاں ایبٹ آباد پریس کلب کے دورہ کے موقع پر میڈیا سے گفتگو کرتے ہوئے کیا۔اس موقع پرصدر پریس کلب محمد شاہدچوہدری ،جنرل سیکرٹری سردار شفیق احمد صدر ایبٹ آباد یونین آف جرنلسٹس ثاقب خان ،جنرل سیکرٹری عاطف قیوم نےبھی خطاب کیا۔ڈپٹی کمشنر کیپٹن ریٹائرڈ ثناء اللہ خان کا کہنا تھا حکومت کی جانب سے ریلیف عوام تک پہنچانا اولین ترجیحات ہیں۔شہر میں اشیائے خوردونوش کو سرکاری نرخوں پر فروخت کو یقینی بنائیں گے۔قبل اذیں صدروجنرل سیکرٹری ایبٹ آباد پریس کلب یونین آف جرنلسٹس نےصحافیوں کی فلاح وبہبود کےحوالہ سے اٹھائے جانے والے اقدامات سے آگاہ کیا۔ڈپٹی کمشنر نے صحافیوں کی جانب سے اٹھائے جانے والے سوالات تجاوزات ،ریونیو آفس کے مسائل ،ملاوٹ شدہ اشیاء کی فروخت سمیت دیگر مسائل کی نشاندہی پر نوٹس لینے کی یقین دہانی کرائی ہے۔انہوں نے بتایا کہ جنگلات کی آتشزدگی کے واقعات پر 14 ملوث افراد کے خلاف مقدمات درج کئے ہیں جن کو قانون کے مطابق سزا دی جائے گی۔ایبٹ آباد کی خوبصورتی ان جنگلات سے ہے۔شجر کاری مہم شروع کر رہے ہیں شہری بھی اس میں بھرپور حصہ لیں۔سروس ڈیلیوری سنٹر میں عوامی شکایات کے اذالہ کے لئے نئے کمپیوٹر لگانے کا بھی بتایا ہے تاکہ سائلین کو بروقت سہولت ممکن ہو سکے۔

29/01/2025

تحریک عوامی حقوق سر کل بکوٹ کے نمائندوں کی پریس کانفرنس

ایبٹ آباد (جمیل احمد جمیل )رکن خیبر پختونخوا اسمبلی رجب علی عباسی نے کہا ہے کہ ایبٹ آباد کی ترقی کے لئے عوامی نمائندے صو...
23/01/2025

ایبٹ آباد (جمیل احمد جمیل )رکن خیبر پختونخوا اسمبلی رجب علی عباسی نے کہا ہے کہ ایبٹ آباد کی ترقی کے لئے عوامی نمائندے صوبائی حکومت کے تعاون سے جدوجہد جاری رکھے ہوئے ہیں۔تحریک انصاف کی صوبائی حکومت عوام کے اعتماد کو بحال رکھے گی ۔مسائل کو سامنے لانے میں صحافیوں کا کردار اہم ہے ۔صحافت ایک مشکل پیشہ ہے اس کے لئے صحافی اپنی جان جوکھوں میں ڈال کر بڑی محنت سے خبر بنا کر مسائل کو سامنے لاتے ہیں۔صحت مند معاشرے کی تشکیل اور ذہنی دباؤ سے نکلنے کے لئے کھیلوں کی سرگرمیاں ناگزیر ہیں ۔ضلع کے باصلاحیت نوجوانوں ،کھلاڑیوں کو صوبائی سطح پر مواقع فراہم کروائیں گے۔ایم پی اے مشتاق احمد غنی نے ان ڈور کھیلوں کے لئے ایبٹ آباد شہر میں اسٹیٹ آف دی آرٹ جمنیزیم کی منظوری حاصل کی ہے جس سے کھیلوں کو فروغ ملے گا۔ان خیالات کا اظہار انہوں نے یہاں ایبٹ آباد یونین آف جرنلسٹس کے زیر اہتمام سپورٹس گالا کے اختتام پر منعقدہ تقریب میں خطاب کرتے ہوئے کیا ۔اس موقع پر صدر ایبٹ آباد یونین آف جرنلسٹس ثاقب خان جنرل سیکرٹری عاطف قیوم ،صدر ایبٹ آباد پریس کلب محمد شاہد چوہدری،جنرل سیکرٹری سردار شفیق احمد نے بھی خطاب کیا ۔تقریب میں ممبر تحصیل کونسل چن زیب مغل کے علاوہ پریس کلب اور یونین آف جرنلسٹس کےاراکین بھی شریک تھے۔رکن صوبائی اسمبلی رجب علی عباسی کا کہنا تھا صحت مند معاشرے میں جسمانی کھیلوں کی سرگرمیوں کی اہمیت سے انکار ممکن نہیں ہے۔صحافیوں کی کھیلوں میں دلچسپی معاشرے کو مثبت سرگرمیوں کی جانب راغب کرنے میں اہم ہے۔ایبٹ آباد پریس کے صحافیوں کو دیگر بڑے شہروں کی طرح میڈیا کالونی کی فراہمی کے لئے مخلصانہ کوشش کریں گے۔انہوں نے ایبٹ آباد یونین آف جرنلسٹس کو کامیاب سپورٹس گالا کے انعقاد پر مبارکباد پیش کی ۔قبل ازیں پریس کلب اور یونین آف جرنلسٹس کے قائدین نے سپورٹس گالا کے حوالہ سے تفصیلی گفتگو کی اور صحافیوں کو درپیش مسائل سے آگاہ کیا۔تقریب میں مختلف گیمز میں نمایاں پوزیشن حاصل کرنے والے یونین کے کھلاڑیوں کو مہمان خصوصی رجب علی عباسی نے ٹرافیز ،شیلڈ اور میڈل دیئے ۔اور نوجوان صحافی سردار توقیر کو مختلف کھیلوں میں نمایاں کامیابی پر پریس کلب اور یونین آف جرنلسٹس کی جانب سے نقد انعام بھی دیا گیا۔واضح رہےکہ ایبٹ آباد یونین آف جرنلسٹس کے زیر اہتمام پانچ گیمز جن میں کرکٹ ، رسہ کشی ،بیڈ منٹن ،کیرم اور دوڑ شامل تھی ان کے مقابلوں انعقاد کیا گیا تھا جس میں صحافیوں کے مابین دلچسپ مقابلے ہوئے۔جس کو شہریوں نے بھی سراہا ہے۔

Address

Abbottabad

Website

Alerts

Be the first to know and let us send you an email when SNN saim news network posts news and promotions. Your email address will not be used for any other purpose, and you can unsubscribe at any time.

Shortcuts

Share

Category