Sub news

07/08/2026

جماعت اسلامی کااحتجاج ایبٹ اباد شاہراہ ریشم فوارہ چوک سے مکمل طور بند
ملک بھر کی طرح ایبٹ آباد میں بھی حافظ نعیم الرحمن کی کال پر مین شاہرۂ ریشم پر احتجاجی دھرنا، امیر جماعتِ اسلامی ضلع ایبٹ آباد عبدالرزاق عباسی کا شرکاء سے خطاب

07/08/2026

۔۔۔۔۔۔ انقلال پرملال ۔۔۔۔
بڑی شیخ البانڈی میں میر عبداللہ خان مرحوم خواج احمد خیل کے بیٹے ، کرنل سلیم جدون اور سعید الرحمان خان کے بڑے بھائی وسیم تاج اور ندیم تاج کے والد اور نواں شہر محلہ شعیب زئی والے رستم خان مرحوم، سہراب خان کے بہنوئی اور اسد خان کے سسر صاحب حاجی تاج محمد خان نیشنل بنک والے وفات پا گئے ہیں ۔ جن کی نماز جنازہ آج رات دس بجے چھوٹی شیخ البانڈی عید گاہ چنار روڈ ادا کی جائے گی ۔

07/08/2026

ریسکیو 1122 ایبٹ آباد — تربیتی مشقوں کا سلسلہ جاری*
*ڈائریکٹر جنرل خیبرپختونخوا شاہ فہد اور ریجنل ڈائریکٹر آپریشن نارتھ ارشد اقبال* کی خصوصی ہدایات پر *ڈسٹرکٹ ایمرجنسی آفیسر حفیظ رحمٰن* کی زیرِ قیادت ریسکیو 1122 ایبٹ آباد کے تمام اسٹیشنز پر اہلکاروں کی پیشہ ورانہ صلاحیتوں میں مزید نکھار لانے کے لیے روزانہ کی بنیاد پر عملی تربیتی مشقوں کا سلسلہ جاری ہے۔
تربیتی سیشنز میں ابتدائی طبی امداد، آکسیجن تھراپی، خون بہنے کو فوری طور پر روکنے کے مؤثر طریقے، مریضوں کی محفوظ و بروقت شفٹنگ سمیت مختلف ہنگامی صورتحال سے نمٹنے کے عملی طریقہ کار کی مشق کروائی جا رہی ہے۔
ان تربیتی سرگرمیوں کا مقصد ریسکیو اہلکاروں کی مہارتوں کو مزید بہتر بنانا اور کسی بھی ہنگامی صورتحال میں تیز، محفوظ اور مؤثر ریسپانس کو یقینی بنانا ہے۔
ریسکیو 1122 — بروقت مدد، محفوظ زندگی۔
*ساجد اقبال-* ۔
*ترجمان ریسکیو 1122 ایبٹ آباد*

07/08/2026

ایس ایس پی ٹریفک ایبٹ آباد محمد اشتیاق کا منڈیاں میں مختلف جگہوں کا دورہ، ٹریفک مسائل اور بارش سے متاثرہ سڑکوں کا تفصیلی جائزہ
ایس ایس پی ٹریفک ایبٹ آباد محمد اشتیاق نے منڈیاں، سپلائی، سمال انڈسٹری روڈ اور دیگر اہم شاہراہوں کا تفصیلی دورہ کیا۔ اس موقع پر حالیہ بارشوں کے باعث متاثر ہونے والی سمال انڈسٹری روڈ اور دیگر مقامات کا معائنہ کیا گیا، جہاں سڑکوں کی خراب صورتحال اور ٹریفک کی روانی کو درپیش مسائل کا جائزہ لیا گیا۔
دورے کے دوران ایس ایس پی ٹریفک نے متعلقہ افسران کو ہدایت جاری کی کہ خراب سڑکوں کے باعث شہریوں کو پیش آنے والی مشکلات کے پیش نظر ٹریفک کی روانی برقرار رکھنے کے لیے مؤثر ٹریفک مینجمنٹ پلان پر عمل درآمد کو یقینی بنایا جائے اور عوام کی رہنمائی کے لیے ٹریفک اہلکاروں کی مناسب تعیناتی کی جائے۔
مزید برآں، ایس ایس پی ٹریفک محمد اشتیاق نے منڈیاں روڈ پر واقع مختلف تعلیمی اداروں کا بھی دورہ کیا، جہاں صبح اور دوپہر کے اوقات میں سکولوں کے اوقاتِ کار کے باعث پیدا ہونے والے ٹریفک دباؤ اور سڑکوں پر رش کی صورتحال کا تفصیلی جائزہ لیا گیا۔ انہوں نے متعلقہ سکول انتظامیہ سے بھی تبادلۂ خیال کیا اور ٹریفک کے بہتر انتظام، طلبہ کی محفوظ آمدورفت اور سڑکوں پر غیر ضروری رکاوٹوں کے خاتمے کے لیے باہمی تعاون کو مزید مؤثر بنانے پر زور دیا۔

07/08/2026

اگست، جشنِ آزادی آمد آمد! 🇵🇰
یومِ آزادی کے موقع پر وطنِ عزیز سے محبت اور قومی جذبے کے اظہار کے لیے ڈائریکٹر جنرل خیبرپختونخوا شاہ فہد اور ریجنل ڈائریکٹر آپریشن نارتھ ارشد اقبال کی خصوصی ہدایات پر ڈسٹرکٹ ایمرجنسی آفیسر حفیظ رحمٰن کی زیرِ قیادت ریسکیو 1122 ایبٹ آباد کی تمام ایمرجنسی گاڑیوں کو قومی پرچم سے سجا دیا گیا۔
🇵🇰 ریسکیو 1122 ایبٹ آباد — خدمت، حفاظت اور وطن سے محبت کا عزم۔
پاکستان زندہ باد! 🇵🇰

07/08/2026

اہم اطلاع
ایبٹ آباد منڈیاں، سپلائی، جناح آباد اور دیگر اہم شاہراہوں پر شدید بارش کے باعث پانی جمع ہونے سے ٹریفک کی روانی متاثر ہے۔
ٹریفک افسران اور جوان سڑک کی بحالی میں مصروف ہیں۔
عوام الناس سے گزارش ہے کہ بلا ضرورت سفر سے گریز کریں۔ ناگزیر سفر کی صورت میں متبادل راستے اختیار کریں اور احتیاط سے گاڑی چلائیں۔
ٹریفک پولیس ایبٹ آباد

07/08/2026

* آئی جی پی خیبر پختونخواذوالفقار حمیدکی شہید ڈی ایس پی دیار خان کے گھر آمد، اہلخانہ سے ملاقات ، ہر ممکن تعاون کا یقین دلایا۔
* شہید ڈی ایس پی دیار خان کی قربانی کو خراج تحسین پیش کیا اوراُنکے بلند درجات و ایصالِ ثواب کے لیے فاتحہ خوانی بھی کی۔
* ڈی ایس پی دیار خان نے زیرکمان نفری کو فرنٹ سے لیڈ کرتے ہوئے فرض کی راہ میں جامِ شہادت نوش کیا۔آئی جی پی ذوالفقار حمید
تفصیلات کے مطابق آج انسپکٹر جنرل آف پولیس خیبر پختونخوا ذوالفقار حمیدنے گزشتہ دنوں ضلع ہنگو میں دہشت گردوں کے ساتھ مقابلے میں جامِ شہادت نوش کرنے والے شہید ڈی ایس پی دیار خان کی رہائش گاہ دورہ کیا۔ انہوں نے شہید ڈی ایس پی کے اہلخانہ سے ملاقات کی اور شہیدکے ایصالِ ثواب اور درجات کی بلندی کیلئے فاتحہ خوانی کی۔اس موقع پر سینئر پولیس افسران بھی اُن کے ہمراہ موجود تھے۔
آئی جی پی خیبر پختونخوا ذوالفقار حمید نے شہید ڈی ایس پی دیار خان کی عظیم قربانی کو خراجِ عقیدت پیش کرتے ہوئے کہا کہ شہید ڈی ایس پی دیار خان ایک نہایت بہادر اور نڈر پولیس افسر تھے جنہوں نے دہشتگردوں کے خلاف آپریشن کو فرنٹ سے لیڈ کیا اوران کا مقابلہ کرتے ہوئے فرض کی راہ میں شہید ہوئے۔ انہوں نے کہا کہ خیبر پختونخوا پولیس کے بہادر افسران اور جوان دہشت گردی کے خلاف جنگ میں لازوال قربانیاں دے رہے ہیں اور شہداءکی یہ قربانیاں پوری قوم کا سرمایہ ہیں۔ انہوں نے کہا کہ شہداءکا خون رائیگاں نہیں جائے گا اور دہشت گردوں کو ان کے ہر بزدلانہ حملے کا بھرپور جواب دیا جائے گا۔
آئی جی پی ذوالفقار حمید نے شہید کے اہل خانہ سے دلی تعزیت اور ہمدردی کا اظہار کرتے ہوئے کہاکہ شہداءہمارے ماتھے کا جھومر اور ان کے خاندان ہمارے خاندان ہیں۔ انہوں نے شہید ڈی ایس پی دیار خان کے لواحقین کو یقین دلایا کی خیبر پختونخوا پولیس اپنے شہداءکے خاندانوں کو کبھی تنہا نہیں چھوڑے گی اور ان کی ہر ممکن فلاح و بہبود اور معاونت کو یقینی بنایا جائے گا۔

07/08/2026

ایبٹ آباد پرائس لسٹ (فروٹ سبزی اور پولٹری)
مورخہ۔7/8/2026
شہری اشیاء خوردونوش کے نرخوں کے حوالے سے اپنی شکایات سے ہمیں کنٹرول روم یا مرستیال ایپ پر مطلع کریں۔فون نمبر: 09929310553

07/08/2026