Sub news

10/10/2025

پاکستان پیپلز پارٹی کے مرکزی رہنماء سینیٹر طلحہ محمود نے گورنر خیبرپختونخوا فیصل کریم کنڈی سے ملاقات کی۔ ملاقات میں چترال کے ضمنی الیکشن اور سینیٹ کے ضمنی انتخاب کے امور پر تفصیلی تبادلہ خیال کیا گیا، اس موقع پر صوبے کی موجودہ سیاسی صورتحال، بالخصوص وزیراعلیٰ خیبرپختونخوا کے استعفے کے بعد پیدا ہونے والی صورتحال بھی زیرِ بحث آئی۔ ملاقات میں پارٹی کے تنظیمی معاملات اور مستقبل کی سیاسی حکمتِ عملی پر بھی گفتگو کی گئی۔گورنر فیصل کریم کنڈی نے اس عزم کا اظہار کیا کہ پارٹی عوامی رابطوں کو مزید مضبوط کرے گی اور سیاسی چیلنجز کا سیاسی جماعتوں کی مشاورت سے مشترکہ طور مقابلہ کیا جائے۔

10/10/2025

ایبٹ آبادعوامی ایجنڈا | گڈ گورننس روڈ میپ | سروس ڈیلیوری*
*انسدادِ پولیو مہم (13 تا 16 اکتوبر 2025)*
ڈپٹی کمشنر ایبٹ آباد سرمد سلیم اکرم نے ڈویژنل ہیڈ کوارٹر ایبٹ آباد میں انسدادِ پولیو مہم کا باضابطہ افتتاح کیا اور بچوں کو پولیو سے بچاؤ اور وٹامن اے کے قطرے پلائے۔ تقریب میں ایڈیشنل ڈپٹی کمشنر جنرل، ڈی ایچ او ایبٹ آباد، ایم ایس ڈی ایچ کیو، ڈی ایس پی ہیڈ کوارٹر، ڈپٹی ڈی ایچ او، ڈبلیو ایچ او ایریا کوآرڈینیٹر، ڈسٹرکٹ خطیب، نمائندگان ڈبلیو ایچ او، ہیلتھ کوآرڈینیٹرزاور دیگر ضلعی و ہیلتھ افسران شریک ہوئے۔چار روزہ مہم کے دوران ضلع ایبٹ آباد کی 54 یونین کونسلز میں پانچ سال تک کی عمر کے 2,25,469 بچوں کو پولیو سے بچاؤ اور وٹامن اے کے قطرے پلائے جائیں گے۔مہم کے دوران 6 ماہ سے 11 ماہ کے بچوں کو نیلے رنگ کے وٹامن اے لیکویڈ کیپسول جبکہ 12 ماہ سے 59 ماہ کے بچوں کو سرخ رنگ کے وٹامن اے کیپسول/ ڈراپس بھی پلائے جائیں گے۔مہم کے لیے 1688 ٹیمیں تشکیل دی گئی ہیں جو گھر گھر جا کر ویکسینیشن کا عمل مکمل کریں گی۔ اس کے علاوہ 64 یو سی ایم اوز اور 38 ڈی پی ایم ٹیز مہم کی نگرانی کریں گے، جبکہ ضلعی انتظامیہ کی جانب سے ایڈیشنل ڈپٹی کمشنرز، اسسٹنٹ کمشنرز اور ایڈیشنل اسسٹنٹ کمشنرز بھی ٹیموں کی مانیٹرنگ کریں گے۔ڈپٹی کمشنر ایبٹ آباد سرمد سلیم اکرم نے محکمہ صحت کو کارکردگی میں بہتری، تمام بچوں کی ویکسینیشن مکمل کرنے اور ایس او پیز پر سختی سے عملدرآمد کی ہدایت کی۔پولیس کو ٹیموں کے لیے فول پروف سکیورٹی فراہم کرنے جبکہ والدین پر زور دیا گیا کہ وہ مہم کے دوران ٹیموں سے تعاون کریں اور اپنے بچوں کو پولیو سے بچاؤ کے قطرے ضرور پلائیں تاکہ ایبٹ آباد کو پولیو فری ضلع بنایا جا سکے۔ شہری انسدادپولیو مہم سے متعلق کسی بھی معلومات یا شکایات کے لیے رابطہ کریں:
ضلعی کنٹرول روم ایبٹ آباد: 09929310553،ڈسٹرکٹ پولیو کنٹرول روم: 09929310567۔

10/10/2025

ایبٹ آباد حویلیاں ماضی میں ایک بڑی کاروباری منڈی کی وجہ سے پورے پاکستان میں پہچان رکھتا تھا حویلیاں کی تاجر برادری کا پورے پاکستان میں ایک بڑا مقام رکھتے ہیں تجارت انبیاء کرام کی سنت ہے جو تاجر بھی سنت رسول کے مطابق تجارت کرے گا اس کے کاروبار میں برکت ہوگی صدر ایوان تجارت ہزارہ ڈویژن حویلیاں اعظم اباد خورشید اعظم خان جدون نے عارف ماما اسد کریانہ شاپ سیدنا امیرمعاویہ چوک کی افتتاحی تقریب سے خطاب کرتے ہوئے کیا انکے ہمراہ ایوان تجارت حویلیاں کے نمائندوں سید عابدحسین شاہ، سردار ناصر سردار مظہر خانویز خان حاجی سردار غفران حنیف عباسی شوکت محمود اور دیگر عمائدین موجود تھے خورشید اعظم خان جدون نے کہا حویلیاں ایک بڑی تجارتی مرکز رہا ہے اور اب انشاءاللہ یہ حویلیاں تجارت کا دوبارہ مرکز بننے جا رہا ہے اس شہر کے اچھے کاروباری لوگوں نے اپنی انوسیمنٹ دوبارہ شروع کردی ہے مناسب منافع رکھ کر گاہگ کو سامان دینے سے کاروبار ترقی کرتا ہے اس لئے تاجر برادری کو چاہیے کہ وہ اپنے گاہگوں کو راغب کرنے کے لیے مناسب شرح نفع رکھیں تاکہ انکی سیل میں اضافہ ہو اور کاروبار ترقی کرے

10/10/2025

ایبٹ آباد ایوبیہ انگریز دور کا بنا پائپ لائن ٹریک ایوبیہ نکرہ ٹو سوار گلی باڑیاں مری تجا وزات کی زد میں اکر سکڑ گیا
باڑیاں سوار گلی خیرا گلی مری پائپ لائن ٹریک پر لوگوں نے بلند و بالا عمارتیں بنا کر جگہ تنگ کردی
. ٹریک کی لمبائی چوڑی 20 سے 12 فٹ ہے اور پایپ لائن ٹریک پر مقامی لوگوں نے باہر کے لوگوں کو اپنی زمیں فروخت کی جس پر انہوں نے پائپ لائن والی زمین کو بھی ساتھ ملا لیا اوربلند و بالا بلڈنگ تعمیر کر دیں ساتھ میں جنگل کی زمینوں پر قبضہ ہو چکا ہے جس میں محکمہ جنگلات ملوث ہے
. یہ انگریز وں نے 1890 میں اس پائپ لائن کو ڈونگا گلی سے مری کو پانی کی بڑی لائن بچھا کر اپنی سہو لت کیلئے بنایا تھا یہ تمام سرکاری زمین تھی جس پر آدھے سے زیادہ پراپرٹی مافیا نے قبضہ کر کے فروخت کر دیا ہے اس میں مری انتظامیہ ایبٹ آباد انتظامیہ اور محکمہ جنگلات ملوث ہیں
. انگریز دور کا یہ شاہکار اب 20 فٹ کے بجائے لوگوں کے قبضہ کرنے اور مکان بنائے جانے پر صرف 8 سے 10 تک محدود ہوگیا
. عوامی و سماجی حلقوں نے مری پبلک ہیلتھ پنجاب حکومت اور وائلڈ لائف جنگلات حکام سے اپیل کی کے وہ اس سرکاری زمیں کو با اثر لوگوں کے قبضہ سے وہگزار کروایا جائے خاص طور پر وزیر اعلیٰ پنجاب مرہم نواز شریف سے عوام نے اپیل کی ہے کہ جس طرح وہ پنجاب کے مختلف علاقوں سے قبضہ مافیا سے قبضے چھڑا رہی ہیں اسی طرح اس ٹریک سے بھی قبضہ چھڑا کر سرکاری زمین واگزار کرائی جائے

10/10/2025

ایبٹ آباد حویلیاں حلقہ کی محرومیوں کا خاتمہ مشن ہے جو وعدے کیے ہیں اب انھیں نبھانے کی کوشش میں مصروف عمل ہوں ماضی میں جو حلقہ کو ترقیاتی منصوبوں سے محروم رکھا گیا اس کو انشااللہ میں دور کروں گا ممبر صوبائی اسمبلی سردار رجب علی خان عباسی
باگن مین روڈ یونین کونسل نتھیاگلی پر ترقیاتی کام جاری تحمینہ لاگت 10 ملین
باگن مین روڈ پر بلیک ٹاپنگ کے کام کے سلسلے میں (سب بیس کیلئے روڑہ بچھانے کا کام) اور دیواروں کا کام تیزی سے جاری ہےان شاء اللہ بہت جلد اس روڈ پر اسپالٹ بچھانے کا کام بھی شروع کر دیا جائے گا۔
یہ منصوبہ علی اصغر خان ممبر قومی اسمبلی اور سردار رجب علی خان عباسی ممبر صوبائی اسمبلی کی خصوصی کوششوں کا نتیجہ ہے، جن کی کاوشوں سے اس اہم سڑک کی تعمیر ممکن ہو رہی ہے۔کام کے دوران عوام کو آمدورفت میں وقتی تکالیف کا سامنا کرنا پڑ رہا ہے، جس پر ہم آپ کے صبر و تعاون کے شکر گزار ہیں۔ یہ ترقیاتی منصوبہ آپ ہی کی سہولت اور آسان سفر کے لیے ہے، اور بہت جلد آپ کو بہتر اور معیاری سڑک میسر آئے گی

10/10/2025

ایبٹ آباد حویلیاں سپریم کورٹ میں ٹیلی فون انڈسٹری کی ریٹ پٹیشن خارج انڈسٹری کے سابق ملازمین میں خوشی کی لہر دوڑ گئی کالا خان پینشن کیس میں سپریم کورٹ نے ٹیلی فون انڈسٹری کی پٹیشن خارج کر دی ٹی آئی پی انتظامیہ یونین معاہدے میں طے شدہ ذمہ داریوں سے راہ فرار اختیار نہیں کر سکتی مدعا علیہ کالا خان سے امتیاز برتا گیا جسے سینیئر ممبر این آئی آر سی نے اپنے فیصلے میں واضح کیا تھا، سپریم کورٹ کے ریمارکس۔ تفصیلات کے مطابق ٹیلیفون انڈسٹریز آف پاکستان کے پنشنر کالا خان کو نومبر 2013 میں ان کی ریٹائرمنٹ کے وقت فنانس ڈویژن حکومت پاکستان کی طرف سے جاری نوٹیفکیشن 16 جولائی 2013 میں حکومت کے اعلان کردہ پنشن میں تمام اضافے شامل کرتے ہوئے ماہانہ پینشن مبلغ 21009 روپے مقرر کی جانا تھی جسے سی بی اے یونین اور ٹی آئی پی انتظامیہ معاہدہ 5 ستمبر 2012 میں طے کر دیا گیا تھا مگر مذکورہ پنشنر کو حکومتی نوٹیفکیشن کے فوائد سے یکسر محروم رکھتے ہوئے محض 12 ہزار 32 روپے ماہانہ پنشن مقرر کردی۔ انتظامیہ کے اس امتیازی سلوک اور یونین معاہدے کی خلاف ورزی کو متاثرہ ملازم نے نیشنل انڈسٹریل ریلیشنز کمیشن اسلام اباد کی عدالت میں چیلنج کر رکھا تھا عدالت کے سنگل بینچ نے 7 اکتوبر 2022 کو کالا خان کی پیٹیشن منظور کرتے ہوئے اس کی پنشن نومبر 2013 سے نوٹیفکیشن اور یونین معاہدے کے مطابق 21009 روپے مقرر کرنے اور تمام بقایا جات کی ادائیگی کا حکم صادر کیا جسے این آئی آر سی کے فل بینچ اور اسلام آباد ہائی کورٹ نے برقرار رکھا جسے تسلیم کرنے کی بجاۓ ٹیلی فون انڈسٹری انتظامیہ معاملہ سپریم کورٹ لے گئی۔ گزشتہ روز جب اس مقدمے کی سپریم کورٹ میں سماعت شروع ہوئی تو ٹیلی فون انڈسٹری کے وکیل میاں محمد حنیف نے موقف اختیار کیا کہ مذکورہ ملازم کو معاہدے کے مطابق تمام ادائیگی کر دی گئی ہے تاہم عدالت نے انتظامیہ کے وکیل کے موقف کو ریکارڈ کے خلاف قرار دیتے ہوئے واضح کیا کہ وہ شروع سے ہی غلط بیانی سے کام لے رہے ہیں حالانکہ سینیئر ممبر این آئی آر سی نے اپنے حکم مورخہ 7 اکتوبر 2022 میں واضح کیا تھا کہ مذکورہ پنشنر کے ساتھ انتظامیہ کا رویہ امتیازی رہا ہے اور اسے معاہدہ یونین 5 ستمبر 2012 کے مطابق صحیح پینشن نہیں دی گئی جسے ریکارڈ بھی ثابت کر رہا ہے مقدمے کی سماعت جسٹس عائشہ اے ملک اور جسٹس مسرت ہلالی پر مشتمل ڈویژن بینچ نے کی سپریم کورٹ نے وکیل کے دلائل سننے کے بعد ٹی آئی پی انتظامیہ کی پٹیشن ابتدائی سماعت پر ہی خارج کر دی

10/10/2025

ایبٹ آباد ایوبیہ محکمہ جی ڈے اے کی بے جا مداخلت اور دراندازی کے خلاف یو سی پلک کے لوگ سراپا احتجاج بن گئے خیرا گلی میں وی سی پلک کے چیئرمین حاجی مقبول عباسی کی زیر قیادت پریس کانفرنس ان کا کہنا تھا کہ یہ زمینیں ہماری جدی زمینیں ہیں جن پر ہم کسی صورت میں جی ڈے کو در اندازی کی اجازت نہیں دیں گے ان خیالات کا اظہار وی سی چیئرمین پلک حاجی مقبول عباسی چئیرمین، سیر شرقی خالد عباسی ع چئیرمن وی سی سورجال حافظ احمد عباسی مسلم لیگ نون ایبٹ اباد کے جنرل سیکٹری ضیافت عارف ستی چیئرمین کیری پسالا سردار اقبال ہمایوں عباسی و دیگر نے دھواں دھار پریس کا کانفرنس کرتے ہوئے کہا ان کا مزید کہنا تھا کہ اپر ریالہ میں پانی کی شدید کمی تھی لیکن آدھا انچ پانی نہیں دے سکے اور خود ادھر سے پانی لے جاکر بیچنے لگے جب ان کو منع کیا گیا کہ ہم پانی بیچنے نہیں دیں گے تو انہوں نے علاقے میں مداخلت شروع کر دی اس کے علاؤہ جو شملاتی رقبہ اس پر بھی جی ڈی اے کی نظریں ہیںں ور اگر وہ پانی پر بھی قبضہ کرنے کا سوچ رہے ہیں چار موضع جن میں سرکل بکوٹ سرکل لورہ سرکل باگن اور سرکل گلیات ہیں ان سب کا کنٹرول جی ڈی اے لینے کی سوچ رہا ہے جو ناممکن ہے اور اس حوالے سے اگلے جمعہ کو اگلا اجلاس کیئر میں خالد کی قیادت میں ہوگا ہو گا پروگرام کی میزبانی چیئرمین پلک حاجی مقبول عباسی جواد رخسار عباسی طاہر عباسی نے کی اس موقع حاجی مقبول عباسی اور ضیافت عارف ستی نے کہا کہ جی ڈی اے وی سی بکوٹ کے گڑانگ نالے سے چھ انچ سے زیادہ پانی کمرشل بنیادوں پر فروخت کر رھا ھے لیکن اھلیان بکوٹ کو آج تک رائلٹی کی مد میں ایک روپے کا فنڈ جاری نہیں کیا گیا ہے جس کی وجہ سے عوام میں شدید اشتعال پایا جاتا ہے ۔اسی طرح ٹھنڈیانی میں چار سو کنال اراضی پبلک پرائیویٹ سیکٹر میں لیز آؤٹ کر دی گئی ہے لیکن ٹھنڈیانی پلھیر روڈ کے لئے بھی ایک روپے کا فنڈ جاری نہیں کیا گیا ۔جی ڈی اے کو صوبائی کابینہ نے گرانٹ ان ایڈ کے طور پر ایک ارب روپے جاری کرنے کی منظوری دے دی ھے جس پر سب سے زیادہ حق سرکل بکوٹ کی ڈویلپمنٹ کا بنتا ہے ۔جی ڈی اے کو سرکل بکوٹ کی عوامی ایکشن کمیٹی کے ساتھ ایک بامعنی مذاکرات اور تحفظات دور کرنے کے بعد نئے لینڈ یوز اور زوننگ پلان کی منظوری دینا ھونگی ورنہ عوام اپنے حقوق کے لیے ایک احتجاجی تحریک کا آغاز کرنے میں حق بجانب ھونگے۔اجلاس کے بعد مقامی قیادت اور عوام نے جی ڈی اے کی پالیسیوں کے خلاف ایک بھرپور احتجاجی مظاہرہ بھی کیا۔

10/10/2025

بوئی دلولہ پیغمبرِ انقلاب و نظریۂ حق نواز کانفرنس میں یونٹ حسین ابن علی درہ کی جانب سے بھرپور شرکت پر ایک شاندار ریلی کا انعقاد کیا گیا ریلی میں نوجوانوں اور کارکنان کی بڑی تعداد نے پرجوش انداز میں شرکت کی اور نظریۂ حق نواز سے وابستگی کا عملی ثبوت دیا ریلی کی قیادت حضرت مولانا عبدالقدیر خان سواتی اور سابق نائب ناظم خالد اعوان نے کی جنہوں نے کارکنان کے جذبے کو سراہا اور مکمل رہنمائی و سرپرستی فراہم کی ریلی پُرامن منظم اور ولولہ انگیز ماحول میں اختتام پذیر ہوئی سوشل میڈیا ایڈوائزر یونٹ حسین ابن علی درہ کی جانب سے تمام شرکاء اور خصوصا قیادت کا شکریہ ادا کیا گیا جنہوں نے اس عظیم مشن کی کامیابی میں بھرپور کردار ادا کیا

10/10/2025

10/10/2025

📢 عوامی ایجنڈا |حکومت خیبرپختونخواہ گڈ گورننس فریم ورک
ڈپٹی کمشنر ایبٹ آباد سرمد سلیم اکرم کی ہدایات پر ایڈیشنل اسسٹنٹ کمشنر شمیم اللہ نے گورنمنٹ ہائی سکول نتھیاگلی میں جاری میٹرک سپلیمنٹری امتحانات کے دوران امتحانی مرکز کا دورہ کیا۔
دورے کا مقصد امتحانات کے پرامن، شفاف اور منظم انعقاد کو یقینی بنانا تھا۔ امتحانی مرکز میں انتظامات، طلباء کے لیے سہولیات اور نگرانی کے عمل کا تفصیلی جائزہ لیا گیا۔
ضلعی انتظامیہ ایبٹ آباد کی جانب سے امتحانی عمل کی شفافیت اور تعلیمی ماحول کے استحکام کے لیے اقدامات جاری ہیں۔

10/10/2025

📢 عوامی ایجنڈا |حکومت خیبرپختونخواہ گڈ گورننس روڈ میپ
ڈپٹی کمشنر ایبٹ آباد سرمد سلیم اکرم کی ہدایت پر ایڈیشنل اسسٹنٹ کمشنر ریونیو محمد خان نے گورنمنٹ ہائی سکول کھٹیالہ اور شیروان میں جاری میٹرک سپلیمنٹری امتحانات کے دوران امتحانی مراکز کا دورہ کیا۔
دورے کا مقصد امتحانات کے پرامن، شفاف اور منظم انعقاد کو یقینی بنانا تھا۔ امتحانی مرکز میں انتظامات، طلباء کے لیے سہولیات اور نگرانی کے عمل کا تفصیلی جائزہ لیا گیا۔
ضلعی انتظامیہ ایبٹ آباد کی جانب سے امتحانی عمل کی شفافیت اور تعلیمی ماحول کے استحکام کے لیے اقدامات جاری ہیں۔

10/10/2025

پنجاب سے آٹا سپلائی بند، خیبرپختونخوا میں بحران شدت اختیار کر گیا، قیمتیں آسمان کو چھونے لگیں
ایبٹ آباد پنجاب سے خیبرپختونخوا کو آٹے کی سپلائی گزشتہ ایک ماہ سے معطل ہے، جس کے باعث صوبہ بھر بالخصوص ہزارہ ڈویژن میں آٹے کا سنگین بحران پیدا ہو گیا ہے۔ محکمہ خوراک کی مبینہ بھتہ خوری اور انتظامی غفلت نے صورتحال کو مزید گھمبیر بنا دیا ہے، جس کے نتیجے میں 20 کلو آٹے کا تھیلا 2600 روپے تک جا پہنچا ہے۔ شہریوں کا کہنا ہے کہ روٹی مہنگی ہونے کا خدشہ بھی بڑھ گیا ہے، جبکہ غریب عوام کی قوت خرید جواب دے چکی ہے۔ذرائع کے مطابق ایبٹ آباد، حویلیاں، گلیات سرکل، شیروان اور ملحقہ علاقوں میں 15 لاکھ سے زائد آبادی کی روزمرہ ضرورت کے پیش نظر تقریباً 200 سے زائد آٹا ڈیلرز کام کر رہے ہیں، جو روزانہ 750 بیگز والی 25 سے 30 گاڑیاں منگواتے تھے، تاہم اب ملز والے محکمہ خوراک پنجاب کی سختی کی وجہ سے گاڑیوں کو آٹا لوڈ کرنے سے گریزاں ہیں۔ اس سے قبل ایک گاڑی میں 1200 بیگز تک لوڈ کیے جاتے تھے۔ڈیلرز نے انکشاف کیا ہے کہ گجرات کی آٹا ملز سے ایبٹ آباد تک فی گاڑی کرایہ 75 ہزار روپے مقرر ہے، تاہم محکمہ خوراک کے اہلکار اس مد میں مبینہ طور پر اضافی 80 ہزار روپے تک وصول کر رہے ہیں، جبکہ راستے کی کلیئرنس نہ ملنے پر گاڑی والے یومیہ 3000 روپے اضافی چارج کرتے ہیں۔ عام دنوں میں بھی بھتہ خوری کی مد میں 15 سے 20 ہزار روپے فی گاڑی وصول کیے جانے کی اطلاعات ہیں۔ڈیلرز کا کہنا ہے کہ اگر آٹا کسی طرح ایبٹ آباد پہنچ بھی جائے تو راستے میں محکمہ خوراک کے اہلکار گاڑیاں روک کر آٹے کو نیلام کر دیتے ہیں، جس سے ڈیلرز کو فی گاڑی 7 سے 8 لاکھ روپے کا نقصان برداشت کرنا پڑتا ہے۔ اس تمام بوجھ کا خمیازہ براہ راست عام شہری کو بھگتنا پڑ رہا ہے۔شہریوں نے ہزارہ کے ارکانِ اسمبلی، مسلم لیگ ن کے مرکزی و ضلعی رہنماؤں، اور انتظامیہ کی خاموشی پر شدید ردِعمل دیتے ہوئے احتجاج کیا ہے اور مطالبہ کیا ہے کہ خیبرپختونخوا کی مقامی فلور ملز کو فوری طور پر سرکاری گندم فراہم کی جائے تاکہ آٹے کی قیمتوں کو کنٹرول کیا جا سکے۔ڈیلرز نے خبردار کیا ہے کہ اگر پنجاب حکومت سے فوری رابطہ نہ کیا گیا تو آٹے کی فی تھیلا قیمت 3000 روپے سے بھی تجاوز کر سکتی ہے۔ ان کے مطابق مارکیٹ میں سندھ کی نئی گندم مارچ تک دستیاب نہیں ہوگی، لہٰذا اس وقت تک آٹے کی قیمت 2000 روپے سے کم ہونا ممکن نہیں۔