Abbottabad Tribune

13/08/2025

‎گورنمنٹ پوسٹ گریجویٹ کالج منڈیاں ایبٹ آباد کا اعزاز
‎گورنمنٹ پوسٹ گریجویٹ کالج منڈیاں نے ایبٹ آباد کا پہلا کالج ہونے کا اعزاز حاصل کر لیا ہے جہاں داخلے کے لئے صوبے کی تاریخ میں پہلی بار سکریننگ ٹیسٹ پاس کرنا ہو گا ۔ گورنمنٹ پوسٹ گریجویٹ کالج منڈیاں ایبٹ آباد صوبے کے ان منتخب کالجز میں شامل ہے جہاں بی ایس میں داخلے کے لئے طلبہ وطالبات سے انٹری ٹیسٹ لیا جائے گا ۔ یاد رہے گورنمنٹ پوسٹ گریجویٹ کالج منڈیاں ایبٹ آباد اپنی تعلیمی و تحقیقی سرگرمیوں کی بدولت صوبہ بھر میں اپنی منفرد پہچان رکھتا ہے ۔
‎

06/06/2025

قلندرآباد مرکزی چوک میں آتشزدگی میں پانچ دوکانیں جل کر راکھ کا ڈھیر بن گئیں کروڑوں روپے کا نقصان ہوا ۔ اس حوالے سے موصولہ تفصیلات کے مطابق جمعرات اور جمعے کی درمیانی شب اڑھائی بجے مرکزی چوک میں سجی کوٹ روڈ پر فاسٹ فوڈ والے تنویر ، مصالہ جات والے اختر گل ، ہارڈ ویئر والے ملک فیصل ، چائنہ موبائل والے نیاز احمد ، اور شیریں محل بیکری میں اچانک آگ بھڑک اٹھی جس نے دیکھتے ہی دیکھتے پانچ دوکانوں کو اپنی لپیٹ میں لے لیا ۔ بازار کے چوکیدار نے دھواں دیکھنے کے بعد دوکانوں کے مالکان سے رابطہ کیا اور پھر فائر بریگیڈ کو بلایا ۔ آدھے گھنٹے بعد جب فائر بریگیڈ پہنچی تو آگ پانچ دوکانوں کو جلا کر راکھ کر چکی تھی ۔ فائر فائٹرز نے جان پر کھیل کر آگ بجھائی ۔ تب تک کروڑوں روپے کا نقصان ہو چکا تھا ۔ ریسکیو سرگرمیاں صبح تک جاری رہیں ۔ آتشزدگی سے ہونے والے نقصانات سے متعلق متاثرہ دوکانداروں نے بتایا کہ کم از کم دو کروڑ سے زائد روپے مالیت کا سامان اور کیش وغیرہ جل کر راکھ ہوئے ۔ آگ لگنے کی وجہ تاحال معلوم نہیں ہو سکی تا ہم شواہد کے مطابق آتشزدگی ممکنہ طور پر شارٹ سرکٹ کی وجہ سے ہوئی ۔ قبل ازیں قلندرآباد اور اس سے ملحقہ علاقوں میں آتشزدگی کے درجنوں سانحات ہو چکے ہیں جن میں متعدد انسانی جانیں بھی گئیں ۔ بطور خاص تریڑھی میں گزشتہ سال ایک ہی گھر کے متعدد افراد کو جان سے ہاتھ دھونا پڑا ۔ جس پر بارہا انتظامیہ سے مطالبہ کیا گیا کہ قلندرآباد میں ریسکیو 1122 کا سنٹر بنایا جائے ۔ تا ہم اس سلسلے میں مزید کسی پیش رفت کی کوئی خبر نہیں ۔ نہ معلوم قلندرآباد میں مزید کتنے نقصانات کے بعد انتظامیہ کو ہوش آئے گا کہ یہاں ریسکیو سنٹر قائم کیا جائے ۔ اگر آج یہاں ریسکیو سنٹر ہوتا تو ان نقصانات سے دوکانوں کو بچایا جا سکتا تھا ۔ ریسکیو سنٹر کی عدم فراہمی ہمارے تمام سیاسی نمائندگان ایم این اے و ایم پی اے ، ضلعی انتظامیہ سمیت تمام متعلقہ اتھارٹیز کی نا اہلی کا نتیجہ ہے ۔علاوہ ازیں سابق انجمن تاجران کی طرف سے تاجروں کی خدمت کے دعوے بھیی دھرے کے دھرے رہ گئے ہیں ۔ریسکیو سنٹر قائم کرنے کے اعلانات کو کئی سال گزر گئے مگر تا حال قلندرآباد میں فائر بریگیڈ تک نہیں لا سکے ۔

22/05/2025

‎اگر پولیس کو خود سسٹم پر اعتماد نہیں ہے تو پھر عام آدمی کو کیا خاک اعتماد ہو گا؟؟؟

08/05/2025

ایبٹ آباد کے تاجر ذبیح اللہ کا بھارتی حملے میں شہید مساجد اپنے خرچے پر تعمیر کروانے کا اعلان

07/05/2025

ایڈووکیٹ محمد عدنان نے یونیورسٹی آف ہری پور سے ایم اے انٹرنیشنل ریلیشن میں پہلی پوزیشن لے کر گولڈ میڈل حاصل کیاجو کہ علاقہ تناول کے ساتھ ساتھ ضلع ایبٹ آباد کے لیے بھی باعث فخر ہے اور تمام نوجوان نسل کے لیے عزم، محنت،یقین اور کامیابی کی بہترین مثال ہے۔

نہیں ہے ناامید اقبالؔ اپنی کشت ویراں سے
ذرا نم ہو تو یہ مٹی بہت زرخیز ہے ساقی۔

05/05/2025

04/05/2025

ہری پور:تھانہ سرائے صالح کی حدود میں کار موٹر وے پل سے نیچے جا گری دو افراد جان بحق ایک شدید زخمی

29/04/2025

انتہائی افسوسناک واقعہ – کنڈر حسن زئی، تورغر
آج ضلع تورغر کے علاقے کنڈر حسن زئی میں ایک افسوسناک اور دل دہلا دینے والا واقعہ پیش آیا، جس نے پورے علاقے کو سوگوار کر دیا۔
خائستہ زر ، قوم گجر، ساکن گدگلی اکازئی، حسبِ معمول اپنی بکریوں کو دریائے سندھ کے اُس پار لے جا رہا تھا۔ تقریباً دوپہر 2 بجے کے قریب، جب وہ بکریوں کو لے کر کشتی کے ذریعے دریا عبور کر چکا تو وضو کرنے کے لیے دریا کے کنارے آیا۔ وضو کے دوران اُس کا پاؤں پھسل گیا اور وہ تیز بہاؤ کی لپیٹ میں آ کر دریا میں ڈوب گیا۔
واقعے کے فوراً بعد ریسکیو 1122 اور مقامی پولیس جائے وقوعہ پر پہنچ گئی، لیکن تاحال خائستہ زر کی لاش نہیں مل سکی۔ لاش کی تلاش کا عمل جاری ہے۔
یہ واقعہ کوئی پہلا نہیں — تورغر میں دریائے سندھ کے کنارے متعدد بار خواتین، مرد اور بچے پانی میں ڈوب چکے ہیں، لیکن افسوس کی بات یہ ہے کہ اب تک ایک بھی لاش کی بازیابی مکمل کامیابی سے نہیں ہوئی۔ ہر واقعے کے بعد محض چند گھنٹے کی رسمی کارروائی کر کے ریسکیو ٹیمیں واپس چلی جاتی ہیں، اور متاثرہ خاندان بے یار و مددگار رہ جاتے ہیں۔

ہم حکومت پاکستان، خیبر پختونخوا حکومت، ڈپٹی کمشنر تورغر، اور ریسکیو حکام سے پُرزور مطالبہ کرتے ہیں کہ:
1. دریائے سندھ کے کنارے مستقل ریسکیو اسٹیشن قائم کیے جائیں۔
2. تربیت یافتہ غوطہ خوروں اور جدید ریسکیو آلات کی فراہمی کی جائے۔
3. مقامی آبادی کو سیفٹی تربیت دی جائے تاکہ ایسے حادثات سے بچا جا سکے۔
4. ہر حادثے کے بعد مکمل سرچ آپریشن جاری رکھا جائے جب تک لاش بازیاب نہ ہو۔
إنا لله وإنا إليه راجعون
اللہ تعالیٰ مرحوم خائستہ زر کو جنت الفردوس میں اعلیٰ مقام عطا فرمائے اور لواحقین کو صبر جمیل عطا کرے۔ آمین۔

27/04/2025

Are you ready for this amazing event???

21/04/2025

سردار گل زمان مرحوم سابق وزیر صوبہ سرحد
*سینیئر پارلیمنٹرین* اور ایک عہد ساز شخصیت

نگاہ بلند سخن دلنواز جاں پرزور
یہی ہے رخت سفر میر کارواں کے لئے

علاقہ گلیات کی نامور سیاسی وسماجی شخصیت سردار گلز مان مرحوم کی آج اٹھائیسویں برسی منائی جارہی ہے۔مرحوم باالخصوص صوبہ خیبر پختونخوا اور بالعموم پاکستان میں اپنی پہچان آپ تھے۔جن کا شمار پاکستان کے سینیئر سیاستدانوں میں ہوتا ہے۔بحثیت شخصیت ایک انتہائی ملنسار شریف النفس مہمان نواز اور اعلی اوصاف واقدار کے مالک تھے۔ان سب خوبیوں کے ساتھ ان کی قائدانہ صلاحیتیوں کے بھی سبھی لوگ معترف تھے۔ان کی اس بھرپور شخصیت نے عوام کو اتنا متاثر کیا کہ ان کو سیاست کے میدان میں آنے کے لئے عوام نے بھرپور اصرار کیا۔علاقہ میں عوام کے بھرپور اصرار پر انہوں نے *1959* میں اپنی سیاست کا آغاز کیا اور بحثیت چیئرمین یونین کونسل نگری بالا منتخب ہوئے۔اس ابتدائی دور میں انہوں نے اپنی بہترین قائدانہ صلاحیتوں کا عملی مظاہرہ کرکے اپنی یونین کونسل کی بنیادی ضروریات کے لئے خلوص نیت سے کوششں کی۔عوام میں ہر دلعزیز ہونے کی وجہ سے *1965* کے عام انتخابات میں حصہ لینے کا موقع ملا ۔تو بھاری اکثریت سے *مغربی پاکستان اسمبلی* کے رکن منتخب ہوئے۔اس دور حکومت میں انہیں حلقہ انتخاب وسیع ہونے کی وجہ سے بہت محنت کرنا پڑی۔بنیادی مسائل جس میں صحت عامہ ،تعلیم ،سکولوں کی تعمیر ،سڑکیں ،پانی اور روزگار جیسے مسائل سے نبرد آزما ہونا تھا ،لیکن کیونکہ مرحوم ترقی یافتہ زہن کے ایک محنتی شخصیت تھے۔انہوں نے شبانہ روز محنت کرکے س چیلنج کو پورا کیا اور مسائل پر قابو پاکر لوگوں کو ہر ممکن سہولیات فراہم کی۔مرحوم کی قائدانہ صلاحیتوں کا چرچا حلقہ میں زبان زد عام ہوا۔اور لوگوں نے انہیں دوبارہ انتخابات میں حصہ لینے کا مطالبہ کیا تو یوں مرحوم نے *1970* کے عام انتخابات میں حصہ لیا۔اور دوبارہ بھاری اکثریت سے کامیابی حاصل کی ۔اسی دور میں وہ وزیر برائے دیہی ترقی کے عہدے پر فائز ہوئے۔اسی دور میں مرحوم نے وزیر اعظم *زوالفقار علی بھٹو* شہید کو بھی اپنے علاقہ گلیات کالا باغ میں مدعو کرکے بہترین مہمان نواز کا شرف حاصل کیا۔مرحوم کی مہمان نوازی کا یہ عالم تھا کہ ملک کے کسی بھی شہر سے کوئی سیاستدان ان کے علاقے میں آتا تو اس کی میزبانی ہمیشہ خود کرتے تھے۔مرحوم سردار گل زمان اپنی زات میں انجمن تھے وہ سیاسی شخصیت کے ساتھ سماجی پہلو میں بھی بڑھ کر تھے۔ایبٹ آباد میں اپنی رہائش گاہ *سردار ہاؤس* کے دروازے ہمیشہ بغیر کسی تفریق کے عوام کے لئے کھلے رکھے ۔انہی خوبیوں کی وجہ سے عوام کے اصرار ہے انہوں نے *1977* کے الیکشن میں حصہ لیا تو دوبارہ کامیاب ہو گئے۔لیکن ضیاء الحق کے مارشل لاء کی وجہ سے یہ حکومت زیادہ دیر نہ چل سکی ۔لیکن مرحوم کا سیاسی سفر چلتا رہا اور *1985* کے انتخابات کا حصہ بنے ۔جس کا یہ المیہ ہوا کہ ان کی فتح کو چند گھنٹوں میں شکست میں تبدیل کردیا گیا۔مرحوم ایک پرعزم شخصیت کے مالک ہونے کی وجہ سے ہمت نہ ہارے اور *1988* کے انتخابات میں حصہ لیا اور بھاری اکثریت سے کامیاب ہوئے اور *صوبہ سرحد اسمبلی* کے رکن منتخب ہوئے۔ان کو ضلع ایبٹ آباد کا *ڈیڈک چیئرمین* تعینات کیا گیا ۔اسی دور میں انہوں نے عوام کی خواہش پر موسم گرما میں اسمبلی کا اجلاس ایبٹ آباد میں منعقد کروایا ۔اور میزبانی کے فرائض انجام دیئے۔سیاسی عدم استحکام کی وجہ سے *1990* میں اسمبلیاں تحلیل کردی گئیں۔اور جمہوریت یکے بعد دیگرے غیر یقینی صورتحال کا شکار ہو گئی۔مرحوم اپنی خرابی صحت اور علاقائی سیاسی ماحول میں تبدیلی کی وجہ سے سیاست سے بائر رہے ۔لیکن بے شمار چاہنے والے ان کو آج بھی سنہرے حروف میں یاد کرتے ہیں۔ *بقول شاعر

*بعد مرگ بھی بزم وفا میں زندہ ہوں
تلاش کر میری محفل میرا مزار نہ پوچھ*
*
سردار گل زمان مرحوم کو صرف علاقائی مسائل کی فکر نہ تھی بلکہ علاقہ گلیات کے تمام قبائل کے درمیان سیاسی وسماجی ہم آہنگی رواداری اور اتحاد اتفاق قائم کرنے کے لئے ہر دم کوشاں رہتے اور یہی وجہ تھی کہ علاقے کی تمام برادریوں میں وہ یکساں مقبول تھے۔اور یوں اس سیاسی وسماجی شخصیت کا سفر *22* اپریل *1997* کو اختتام پذیر ہوا۔اور معاشرے میں اعلی صلاحیتیوں اور اقدار کے ان منٹ نقوش چھوڑ گیا۔ان کے خاندان نے ان کی وفات کے بعد اسی عوامی خدمت کو یونہی جاری رکھا ۔ان کے بھائی میجر ریٹائرڈ سردار فضل الرحمن نے *2001* میں ناظم کا الیکشن لڑ کر نگری بالا میں کامیاب ہوئے جو بڑے بااصول اور باکردار اور اپنی شرافت کی وجہ سے قدر کی نگاہ سے دیکھے جاتے تھے۔انہوں نے سیاست کو ہمیشہ عبادت سمجھ کر اپنی زمہ داریاں نبھائیں اور مرحوم سردار گل زمان کے بعد 22 سال تک عوام کی خلوص دل سے خدمت کی ۔2001 کے بلدیاتی الیکشن میں ضلع کونسل کی تشکیل میں کلیدی کردار ادا کیا ۔اسی سیاسی سفر میں سابق رکن خیبر پختونخوا اسمبلی *آمنہ سردار* نے بحثیت خاتون رکن اسمبلی اپنی بہترین کارکردگی کا ثبوت دیتے ہوئے اپنی ذہانت ،قابلیت اور سیاسی وسماجی بصیرت کے ساتھ اپنے خاندان کی سیاسی تاریخ ہو ذندہ جاوید رکھا اور آج بھی وہ ضلع ایبٹ آباد میں صف اول کی سماجی اور ادبی شخصیت کے طور پر پہچانی جاتی ہیں ۔

21/04/2025

مانسہرہ کی طالبہ اسلام آباد میں قتـل

اسلام آباد: نجی ہاسٹل بھی غیر محفوظ/ طالبہ قتـل
مانسہرہ سے تعلق رکھنے والی اسلامک یونیورسٹی کی طالبہ کو نجی ہاسٹل G/10 میں گولی مار کر قتـل کر دیا گیا۔ تھانہ رمنا میں مقدمہ درج
گزشتہ روز 12:15منٹ پر نامعلوم نوجوان ہاسٹل میں داخل ہوا ۔ میری بہن کمرے سے باہر آئی تو نامعلوم ملزم زبردستی کمرے میں داخل ہو گیا۔ ملزم نے سب کو خاموش رہنے کا کہا اور میری بہن کو گولی مار دی۔
22 سالہ طالبہ کو تین رومیٹس کی موجودگی میں گولی مار کر قتـل کیا گیا۔ ایف آئی آر کا متن، درخواست گزار بھائی کا موقف

18/04/2025

معروف قانون دان ملک محمد تنویر بلا مقابلہ ہائی کورٹ بار ایسوسی ایشن ایبٹ آباد کے ایڈیشنل سیکرٹری منتخب ہو گئے ہیں ۔