B N N Basal News Network

Call Directions Contact the business

B N N Basal News Network Contact information, map and directions, contact form, opening hours, services, ratings, photos, videos and announcements from B N N Basal News Network, Media/News Company, Attock.

مقصد دنیا بھر کی نیوز اپڈیٹ ۔ علاقائی ثقافت و ٹیلنٹ کو اجاگر کرنا ۔ باہمی روابط ۔ علاقائی و معاشرتی مسائل کو ارباب اختیار تک پہنچانا ۔دین و دنیا کی بھلائی کے لیے لوگوں کو موٹیویٹ کرنا

یومِ استحصالِ کشمیر: جنڈ میں اسسٹنٹ کمشنر احمد علی رضا کی زیرِ نگرانی اظہارِ یکجہتی ریلی، کشمیر کی آزادی تک حمایت جاری ر...
05/08/2026

یومِ استحصالِ کشمیر: جنڈ میں اسسٹنٹ کمشنر احمد علی رضا کی زیرِ نگرانی اظہارِ یکجہتی ریلی، کشمیر کی آزادی تک حمایت جاری رکھنے کے عزم کا اعادہ

جنڈ (نمائندہ خصوصی) 5 اگست یومِ استحصالِ کشمیر کے موقع پر اسسٹنٹ کمشنر جنڈ احمد علی رضا کی زیرِ نگرانی کشمیری عوام سے اظہارِ یکجہتی کے لیے ایک پروقار ریلی کا انعقاد کیا گیا۔ ریلی کا آغاز خمینی چوک سے ہوا جو مین بازار سے ہوتی ہوئی اپنے اختتام کو پہنچی۔

ریلی میں انجمن تاجران جنڈ کے عہدیداران، مشائخِ عظام، علمائے کرام، مذہبی و سماجی شخصیات، مختلف سرکاری محکموں کے افسران، پنجاب پولیس، پیرا فورس، ٹریفک پولیس، ستھرا پنجاب کے اہلکاروں سمیت زندگی کے مختلف شعبہ ہائے زندگی سے تعلق رکھنے والے افراد نے بڑی تعداد میں شرکت کی۔ شرکاء پاکستان اور کشمیر کے پرچم، بینرز اور پلے کارڈز اٹھائے ہوئے تھے جبکہ "کشمیر بنے گا پاکستان" اور کشمیری عوام کے حق میں بھرپور نعرے بھی لگائے گئے۔

اس موقع پر مقررین نے اپنے خطاب میں کہا کہ کشمیر پاکستان کا حصہ تھا، ہے اور ہمیشہ رہے گا۔ انہوں نے کہا کہ پاکستانی قوم اپنے کشمیری بھائیوں اور بہنوں کے ساتھ ہر مشکل گھڑی میں شانہ بشانہ کھڑی ہے اور ان کے حقِ خودارادیت کی جدوجہد کی ہر اخلاقی، سیاسی اور سفارتی سطح پر بھرپور حمایت جاری رکھے گی۔

مقررین نے اس عزم کا بھی اعادہ کیا کہ کشمیری عوام کی آزادی، بنیادی انسانی حقوق کی بحالی اور مسئلہ کشمیر کے منصفانہ حل تک پاکستان اپنی غیر متزلزل حمایت جاری رکھے گا۔

ریلی کے اختتام پر مقبوضہ کشمیر کی آزادی، پاکستان کی سلامتی، ترقی و استحکام اور امتِ مسلمہ کے اتحاد و یکجہتی کے لیے خصوصی دعا بھی کی گئی۔

تحصیل جنڈ کی عوام کے لیے خوش آئند پیش رفت سامنے آئی ہے، جہاں حکومت پنجاب کی خصوصی توجہ اور ضلعی انتظامیہ و محکمہ صحت کی ...
04/08/2026

تحصیل جنڈ کی عوام کے لیے خوش آئند پیش رفت سامنے آئی ہے، جہاں حکومت پنجاب کی خصوصی توجہ اور ضلعی انتظامیہ و محکمہ صحت کی مشترکہ کاوشوں سے تحصیل ہیڈکوارٹر ہسپتال جنڈ میں ڈائیلاسز سروس کا باقاعدہ آغاز کر دیا گیا ہے۔ ہسپتال میں نصب ڈائیلاسز مشینیں فعال ہونے کے بعد گردوں کے مریضوں کا علاج شروع ہو چکا ہے۔

ڈائیلاسز سروس کی فراہمی سے تحصیل جنڈ اور گردونواح کے سینکڑوں مریضوں کو اب علاج کے لیے راولپنڈی، اٹک اور دیگر دور دراز شہروں کا رخ نہیں کرنا پڑے گا، جس سے نہ صرف ان کے قیمتی وقت اور سفری اخراجات میں نمایاں کمی آئے گی بلکہ انہیں ذہنی اور جسمانی مشکلات سے بھی بڑی حد تک نجات ملے گی۔

اہلِ علاقہ نے حکومت کے اس عوامی فلاحی اقدام کا خیرمقدم کرتے ہوئے ضلعی انتظامیہ اور محکمہ صحت کی کوششوں کو سراہا ہے۔ شہریوں نے امید ظاہر کی ہے کہ تحصیل ہیڈکوارٹر ہسپتال جنڈ میں دیگر طبی سہولیات کو بھی مزید بہتر بنایا جائے گا تاکہ عوام کو اپنے ہی علاقے میں معیاری، بروقت اور باوقار طبی سہولیات میسر آ سکیں۔

تحصیل ہیڈکوارٹر ہسپتال جنڈ میں ڈائیلاسز سروس کا آغاز علاقے کے شعبۂ صحت میں ایک اہم سنگِ میل قرار دیا جا رہا ہے، جو مقامی آبادی خصوصاً گردوں کے مریضوں کے لیے امید اور سہولت کی نئی کرن ثابت ہوگا۔

پنڈ گھیب: سمال ڈیم کے اوور فلو سے نشیبی علاقے زیرِ آب، ڈپٹی کمشنر اٹک کا ہنگامی دورہاٹک ( بابو بھائ سے) ڈپٹی کمشنر اٹک ...
31/07/2026

پنڈ گھیب: سمال ڈیم کے اوور فلو سے نشیبی علاقے زیرِ آب، ڈپٹی کمشنر اٹک کا ہنگامی دورہ

اٹک ( بابو بھائ سے) ڈپٹی کمشنر اٹک ڈاکٹر مدثر احمد شاہ نے سمال ڈیم کے اوور فلو ہونے کے باعث پانی سے متاثرہ تحصیل پنڈ گھیب کے مختلف نشیبی علاقوں کا ہنگامی دورہ کیا اور امدادی و بحالی سرگرمیوں کا موقع پر جائزہ لیا۔

ڈپٹی کمشنر نے متاثرہ علاقوں کا تفصیلی معائنہ کرتے ہوئے پانی کے بہاؤ، متاثرہ آبادی اور ضلعی انتظامیہ و متعلقہ محکموں کی جانب سے جاری امدادی اقدامات کا جائزہ لیا۔ اس موقع پر متعلقہ محکموں کے افسران بھی ان کے ہمراہ موجود تھے، جنہوں نے انہیں صورتحال، پانی کی نکاسی، متاثرہ آبادی اور جاری امدادی سرگرمیوں کے حوالے سے تفصیلی بریفنگ دی۔

افسران نے بتایا کہ تمام متعلقہ ادارے مکمل طور پر الرٹ ہیں اور متاثرہ علاقوں میں امدادی سرگرمیاں بلا تعطل جاری ہیں۔ ڈپٹی کمشنر ڈاکٹر مدثر احمد شاہ نے ہدایت کی کہ متاثرہ شہریوں کو ہر ممکن امداد اور ضروری سہولیات بروقت فراہم کی جائیں اور کسی بھی شہری کو مشکلات کا سامنا نہ کرنا پڑے۔

انہوں نے کہا کہ ضلعی انتظامیہ شہریوں کے جان و مال کے تحفظ کے لیے تمام دستیاب وسائل بروئے کار لا رہی ہے، جبکہ تمام متعلقہ ادارے باہمی رابطے کے ساتھ امدادی کارروائیاں جاری رکھیں۔

ڈپٹی کمشنر نے مزید ہدایت کی کہ متاثرہ علاقوں میں بحالی کے کام ترجیحی بنیادوں پر مکمل کیے جائیں، نکاسی آب کے عمل کو مزید مؤثر بنایا جائے اور کسی بھی ہنگامی صورتحال سے نمٹنے کے لیے تمام ادارے ہمہ وقت تیار رہیں۔ انہوں نے واضح کیا کہ امدادی اور بحالی کے کاموں میں کسی قسم کی غفلت، سستی یا لاپرواہی برداشت نہیں کی جائے گی۔

ڈاکٹر مدثر احمد شاہ نے متعلقہ افسران کو متاثرہ علاقوں کی مسلسل نگرانی، عوام سے قریبی رابطہ برقرار رکھنے اور کسی بھی نئی صورتحال کی صورت میں فوری و مؤثر کارروائی یقینی بنانے کی ہدایت کرتے ہوئے کہا کہ شہریوں کے جان و مال کا تحفظ ضلعی انتظامیہ کی اولین ترجیح ہے۔

عرسِ مبارکاکیس، بائیس، تئیس جون (بروز اتوار، سوموار، منگل)دربارِ عالیہ بسال شریف کے روحانی افق پر ایک ایسا آفتابِ ولایت ...
20/06/2026

عرسِ مبارک
اکیس، بائیس، تئیس جون (بروز اتوار، سوموار، منگل)

دربارِ عالیہ بسال شریف کے روحانی افق پر ایک ایسا آفتابِ ولایت درخشاں ہے جس کی ضیا سے دلوں کو سکون اور روحوں کو بالیدگی نصیب ہوتی ہے۔ یہ مبارک ہستی حضرت خواجہ میاں محمد المعروف ثانی سرکار قدس سرہ العزیز کی ہے، جن کا سہ روزہ سالانہ عرس مبارک ہر سال پانچ، چھ اور سات محرم الحرام کو نہایت عقیدت و احترام کے ساتھ بسال شریف میں منایا جاتا ہے۔

آپ، حضرت خواجہ امیر احمد بسالوی قدس سرہ کے جانشین، خلیفۂ اعظم اور سگے بڑے بھائی کی نسلِ پاک سے تعلق رکھتے ہیں۔ حضرت خواجہ امیر احمد بسالوی رضی اللہ عنہ نے آپ کو اپنے درویش صفت بھائی، حضرت خواجہ درویش رحمتہ اللہ علیہ سے خصوصی دعاؤں کے ساتھ طلب فرمایا اور بچپن ہی سے اپنی آغوشِ تربیت میں لے لیا۔ سلوک و تصوف کی ہر منزل آپ نے اپنے مرشد کے زیرِ سایہ طے کی۔ وصال سے قبل نہ صرف خانقاہ اور مسجد کا انتظام آپ کے سپرد فرمایا بلکہ باقاعدہ وصیت کے ذریعے آپ کو اپنا خلیفہ و جانشین مقرر کر کے تمام مریدین و متعلقین کو آپ کی اطاعت کا حکم دیا۔

تحریکِ پاکستان میں آپ کی خدمات سنہری حروف سے لکھے جانے کے قابل ہیں۔ حضرت خواجہ غلام نظام الدین تونسوی قدس سرہ کے حکم پر آپ نے مسلم لیگ کی کامیابی کے لیے اپنے مریدین و وابستگان کو بھرپور انداز میں متحرک کیا۔ اس وقت علاقے کے بااثر وڈیرے خضر حیات ٹوانہ کی یونینسٹ پارٹی کے حامی تھے، مگر آپ نے ان کے فریب کو بے نقاب کرتے ہوئے عوام میں تحریکِ پاکستان کا شعور بیدار کیا۔

قیامِ پاکستان کے وقت بسال شریف اور اس کے گرد و نواح میں آپ کے دستِ مبارک پر کئی ہندو خاندان دائرۂ اسلام میں داخل ہوئے۔ آپ کی روحانی تاثیر ایسی تھی کہ دل بدل جاتے، زبانیں کلمۂ حق سے معطر ہوتیں اور نگاہیں جھک جاتیں۔

ایک ایمان افروز واقعہ یوں ہے کہ قیامِ پاکستان سے قبل جب آپ ایک سفر کے سلسلے میں بسال جنکشن پہنچے تو مقامی لوگوں کے اصرار پر اسٹیشن ماسٹر نے آپ کو ریلوے آفیسرز کا کمرہ مہیا کیا۔ کچھ دیر بعد انگریز افسران وہاں پہنچے اور آپ کی موجودگی پر سخت برہم ہوئے۔ اسٹیشن ماسٹر پر رشوت کا الزام لگا اور انکوائری کمیٹی مقرر ہو گئی۔ جب یہ خبر خواجہ صاحب تک پہنچی تو آپ مسکرا کر فرمانے لگے:
“پریشان نہ ہونا، اللہ مدد فرمائے گا۔”

چنانچہ ایسا ہی ہوا۔ انکوائری کمیٹی کے تینوں دورے ایک پراسرار انداز میں ناکام ہوئے۔ ہر بار سرنگ سے گزرتے ہوئے کسی نہ کسی افسر پر اینٹ یا پتھر آ گرتا۔ بالآخر ریلوے حکام نے اس معاملے کو ختم کر دیا، کیونکہ وہاں ایک اور ہی عدالت کا نظام کارفرما تھا۔

سن انیس سو سڑسٹھ میں آپ نے وصال فرمایا۔ وصال سے چند روز قبل آپ نے پنڈی سلطانی کے ایک دیوبندی عالمِ دین کو، جو عرصہ دراز سے آپ کے مدرسے میں تدریس کے فرائض انجام دے رہے تھے، اپنے پاس بلایا اور نہایت عاجزی سے فرمایا:
“مولانا صاحب! اگر ہم سے کوئی حق رہ گیا ہو تو معاف فرما دیں، ممکن ہے یہ ہماری آخری ملاقات ہو۔”

یہ جملہ سن کر مولانا صاحب حیران رہ گئے، کیونکہ اس سے قبل ایسی بات کبھی نہ سنی تھی۔ جب وہ واپس لوٹے تو خبر ملی کہ خواجہ صاحب وصال فرما چکے ہیں۔ وہ زار و قطار روتے اور کہتے:
“یہ واقعی اللہ کے ولی تھے۔”

وصال سے قبل آپ نے دربار شریف کے صحن میں ایک نیا بیرونی دروازہ تعمیر کروانے کا حکم دیا۔ جب وجہ پوچھی گئی تو مسکرا کر فرمایا:
“پھر کام آئے گا۔”

چنانچہ ایسا ہی ہوا۔ وصال کے وقت نمازِ جنازہ میں لوگوں کے جمِ غفیر کے باعث پرانا دروازہ ٹوٹ گیا اور وہی نیا دروازہ اس ہجوم کے لیے سہارا ثابت ہوا۔ یہ واقعہ آپ کی دوراندیشی اور باطنی بصیرت کا واضح ثبوت ہے۔

آپ کی مبارک زندگی عاجزی، خدمتِ خلق، استقامت اور محبت کا پیکر تھی۔ آپ ہمیشہ غریبوں، مسکینوں اور حاجت مندوں کے لیے سراپا رحمت بنے رہے۔ مرشد خانے کے ادب و احترام میں آپ اپنی مثال آپ تھے اور ہر آنے والے کو روحانی سکون عطا فرماتے تھے۔

آپ کے وصال کے بعد آپ کے فرزندِ ارجمند حضرت خواجہ محمود بخش رحمۃ اللہ علیہ مسندِ سجادگی پر فائز ہوئے، جنہوں نے اس عظیم روحانی سلسلے کو نہایت احسن انداز میں آگے بڑھایا اور فیوض و برکات کا یہ سلسلہ جاری رکھا۔

آج بھی دربارِ عالیہ بسال شریف مرجعِ خلائق ہے، جہاں ہر سال عرس مبارک کے موقع پر عقیدت مندوں کا جمِ غفیر امڈ آتا ہے۔ ذکر و فکر کی محافل سجتی ہیں، درود و سلام کی صدائیں بلند ہوتی ہیں اور زائرین روحانی سکون اور فیض حاصل کرتے ہیں۔

اللہ تعالیٰ حضرت خواجہ میاں محمد المعروف ثانی سرکار قدس سرہ العزیز کے درجات بلند فرمائے اور ہمیں ان کے فیوض و برکات سے مستفید ہونے کی توفیق عطا فرمائے۔ آمین۔

؎
با سلاطین در فتد مردِ فقیر
از شکوہِ بوریا لرزد سریر

بے شک، جب فقیر صاحبِ حال ہوتا ہے تو اس کے جلال سے تخت و تاج لرز اٹھتے ہیں اور سلاطین بھی اس کے سامنے جھکنے پر مجبور ہو جاتے ہیں۔

اسلام آباد: وفاقی حکومت نے عیدالاضحیٰ کے موقع پر ملک بھر میں تین روزہ عام تعطیلات کا باضابطہ اعلان کر دیا ہے۔ وزیراعظم ک...
20/05/2026

اسلام آباد: وفاقی حکومت نے عیدالاضحیٰ کے موقع پر ملک بھر میں تین روزہ عام تعطیلات کا باضابطہ اعلان کر دیا ہے۔ وزیراعظم کی منظوری کے بعد کابینہ ڈویژن نے اس حوالے سے نوٹیفکیشن بھی جاری کر دیا ہے۔
جاری کردہ اعلامیے کے مطابق عیدالاضحیٰ کی تعطیلات 26 مئی بروز منگل سے شروع ہو کر 28 مئی بروز جمعرات تک جاری رہیں گی۔ اس دوران ملک بھر کے تمام سرکاری ادارے بند رہیں گے، جبکہ تعطیلات کا اطلاق وفاقی و صوبائی سرکاری دفاتر پر یکساں طور پر ہوگا۔
حکومتی ذرائع کے مطابق عیدالاضحیٰ مسلمانوں کے اہم مذہبی تہواروں میں شامل ہے، جس کے پیش نظر عوام کو مذہبی رسومات کی ادائیگی، قربانی اور اہل خانہ کے ساتھ وقت گزارنے کے لیے سہولت فراہم کرنے کی غرض سے تعطیلات کا اعلان کیا گیا ہے۔
دوسری جانب توقع کی جا رہی ہے کہ نجی ادارے اور تعلیمی ادارے بھی انہی تاریخوں کے مطابق اپنی تعطیلات کا اعلان کریں گے، تاہم اس حوالے سے حتمی فیصلہ متعلقہ انتظامیہ خود کرے گی۔
عوامی حلقوں نے حکومت کے اس فیصلے کو خوش آئند قرار دیتے ہوئے کہا ہے کہ عید کے موقع پر مسلسل تعطیلات سے لوگوں کو نہ صرف عبادات اور قربانی کے انتظامات میں آسانی ہوگی بلکہ عید کی خوشیوں کو بھرپور انداز میں منانے کا موقع بھی میسر آئے گا۔

08/05/2026

‏اسلام آباد ایئرپورٹ پر 8 تا 10 مئی فلائٹ آپریشن متاثر ہونے کا امکان

آپریشنل وجوہات کے باعث اسلام آباد ایئرپورٹ پر پروازوں کی آمد و روانگی متاثر ہو سکتی ہے

اسلام آباد آنے والی پروازوں کو اضافی ہولڈنگ فیول ساتھ رکھنے کی ہدایت جاری

8 مئی کو صبح 10:45 سے دوپہر 12:15 تک پروازیں متاثر ہو سکتی ہیں

9 اور 10 مئی کو رات 8 بجے سے 9 بجکر 15 منٹ تک بھی آپریشن متاثر رہنے کا امکان ہے

پنجاب حکومت نے صوبے میں بڑھتے ہوئے سائبر کرائم کے واقعات کی روک تھام کے لیے اہم فیصلہ کرتے ہوئے پولیس کو سائبر کرائم کیس...
30/04/2026

پنجاب حکومت نے صوبے میں بڑھتے ہوئے سائبر کرائم کے واقعات کی روک تھام کے لیے اہم فیصلہ کرتے ہوئے پولیس کو سائبر کرائم کیسز میں براہِ راست کارروائی کے اختیارات دینے کی منظوری دے دی ہے۔

اٹک ( بابو بھائ سے) یہ فیصلہ وزیراعلیٰ مریم نواز کی زیرِ صدارت اعلیٰ سطحی اجلاس میں کیا گیا، جس میں آن لائن جرائم کے تدارک کے لیے مؤثر حکمت عملی پر غور کیا گیا۔
ذرائع کے مطابق اس اقدام کے تحت صوبے میں ایک خصوصی سائبر کرائم یونٹ قائم کیا جائے گا جو آن لائن ہراسگی، بلیک میلنگ، سوشل میڈیا فراڈ، شناخت کی چوری، ڈیجیٹل اکاؤنٹس ہیکنگ اور خواتین و بچوں کے خلاف آن لائن جرائم کے خلاف فوری کارروائی کرے گا۔ نئے نظام کے تحت شہری اب سائبر کرائم سے متعلق شکایات کے لیے براہِ راست قریبی تھانے یا قائم کیے جانے والے اسپیشل سائبر سینٹرز سے رجوع کر سکیں گے، جس سے مقدمات کے اندراج اور قانونی کارروائی کے عمل میں تیزی آئے گی اور متاثرین کو فوری ریلیف مل سکے گا۔
پنجاب حکومت کے ترجمان کا کہنا ہے کہ یہ فیصلہ ڈیجیٹل دور کے چیلنجز سے نمٹنے کے لیے کیا گیا ہے اور اب کوئی بھی شہری سوشل میڈیا پر ہراسگی یا دیگر جرائم کا نشانہ بننے کی صورت میں براہِ راست پولیس سے مدد حاصل کر سکے گا۔ ترجمان کے مطابق حکومت نے نہ صرف پولیس کو اختیارات دیے ہیں بلکہ افسران کو جدید ٹیکنالوجی اور سائبر فرانزک کی خصوصی تربیت فراہم کرنے کا بھی فیصلہ کیا ہے۔
ذرائع کے مطابق ابتدائی مرحلے میں پنجاب پولیس کے ایک ہزار سے زائد افسران کو سائبر کرائم انوسٹی گیشن، ڈیجیٹل شواہد اکٹھا کرنے اور سوشل میڈیا مانیٹرنگ کی خصوصی تربیت دی جائے گی، جبکہ لاہور، راولپنڈی، فیصل آباد اور ملتان میں فوری رسپانس سینٹرز قائم کیے جائیں گے تاکہ متاثرین کو بروقت مدد فراہم کی جا سکے۔
واضح رہے کہ ملک میں سائبر کرائم کے مقدمات کی نگرانی وفاقی سطح پر National Cyber Crime Investigation Agency کے پاس ہے جو Prevention of Electronic Crimes Act 2016 کے تحت کام کرتا ہے۔ تاہم پنجاب حکومت کا مؤقف ہے کہ وفاقی اداروں میں کیسز کے طویل التوا کے باعث صوبائی سطح پر فوری کارروائی کے لیے یہ اقدام ناگزیر ہو چکا تھا، جبکہ قومی سلامتی سے متعلق سنگین نوعیت کے مقدمات بدستور وفاقی اداروں کو بھجوائے جائیں گے۔
قانونی ماہرین کا کہنا ہے کہ اس اقدام سے جہاں شہریوں کو فوری انصاف کی فراہمی میں مدد مل سکتی ہے وہیں وفاق اور صوبے کے درمیان اختیارات کے تعین سے متعلق بعض قانونی پیچیدگیاں بھی پیدا ہو سکتی ہیں، کیونکہ Prevention of Electronic Crimes Act 2016 کے تحت سائبر کرائم کی تحقیقات بنیادی طور پر وفاقی دائرہ اختیار میں آتی ہیں۔
ماہرین نے اس فیصلے کو ڈیجیٹل دور کے تقاضوں کے مطابق اہم پیش رفت قرار دیا ہے۔ سائبر سیکیورٹی تجزیہ کار عثمان رضا کے مطابق یہ اقدام آن لائن جرائم کے خلاف فوری انصاف کی فراہمی میں مددگار ثابت ہو سکتا ہے تاہم اس کے لیے پولیس کو جدید سافٹ ویئر اور قانونی مہارتوں سے آراستہ کرنا ناگزیر ہے۔ عوامی سطح پر بھی اس فیصلے کا خیرمقدم کیا جا رہا ہے، خاص طور پر خواتین کے تحفظ کے حوالے سے اسے مثبت قدم قرار دیا جا رہا ہے۔
ذرائع کے مطابق اس اقدام کو حتمی قانونی شکل دینے کے لیے آئندہ چند ہفتوں میں صوبائی کابینہ سے منظوری لی جائے گی، جس کے بعد سائبر کرائم یونٹ کے قیام، اہلکاروں کی تعیناتی اور تربیت کا عمل شروع کیا جائے گا۔ وزیراعلیٰ نے ہدایت کی ہے کہ یہ نظام مرحلہ وار صوبے کے بڑے شہروں میں فعال کیا جائے تاکہ شہریوں کو جلد از جلد اس سہولت کا فائدہ پہنچایا جا سکے





















۔

سولر صارفین کے لیے بڑی سہولت، نیپرا نے لائسنس فیس سے متعلق نیا نوٹیفکیشن جاری کر دیااٹک ( بابو بھائ سے) سولر توانائی است...
28/04/2026

سولر صارفین کے لیے بڑی سہولت، نیپرا نے لائسنس فیس سے متعلق نیا نوٹیفکیشن جاری کر دیا
اٹک ( بابو بھائ سے) سولر توانائی استعمال کرنے والے صارفین کے لیے اہم پیش رفت سامنے آئی ہے، جہاں پاور ڈویژن کی کاوشوں کے نتیجے میں نیشنل الیکٹرک پاور ریگولیٹری اتھارٹی (نیپرا) نے لائسنس فیس سے متعلق نئے قواعد جاری کر دیے ہیں۔
جاری کردہ نوٹیفکیشن کے مطابق 25 کلو واٹ آور یا اس سے کم بجلی استعمال کرنے والے سولر صارفین کو لائسنس فیس سے مکمل طور پر مستثنیٰ قرار دے دیا گیا ہے، جس سے چھوٹے صارفین کو براہِ راست ریلیف ملے گا۔
دوسری جانب 25 کلو واٹ سے زائد بجلی استعمال کرنے والے صارفین کے لیے ایک ہزار روپے فی کلو واٹ کے حساب سے لائسنس فیس مقرر کی گئی ہے۔ تاہم ایسے صارفین کو آن گرڈ کنکشن کے حصول کے لیے یہ فیس صرف ایک مرتبہ ادا کرنا ہوگی۔
نیپرا حکام کے مطابق اس فیصلے کا مقصد ملک میں قابلِ تجدید توانائی کے فروغ کو آسان بنانا اور صارفین کو سولر سسٹم کی طرف راغب کرنا ہے۔
نوٹیفکیشن کے مطابق ان نئے قواعد کا اطلاق 9 فروری 2026 سے ہوگا۔

جنڈ: انجمن تاجران کے صدر ملک غلام شاہ کا دوٹوک مؤقف، باڈی کی مدت مکمل ہونے تک انتخابات کا امکان مستردجنڈ (بابو بھائ سے )...
18/04/2026

جنڈ: انجمن تاجران کے صدر ملک غلام شاہ کا دوٹوک مؤقف، باڈی کی مدت مکمل ہونے تک انتخابات کا امکان مسترد
جنڈ (بابو بھائ سے ) انجمن تاجران جنڈ کے صدر ملک غلام شاہ نے دیگر عہدیداران اور تاجر برادری کے ہمراہ ایک اہم پریس کانفرنس سے خطاب کرتے ہوئے واضح کیا ہے کہ تاجروں کے مفادات کے تحفظ کی جدوجہد ہر صورت جاری رکھی جائے گی اور موجودہ باڈی کی مکمل رضامندی کے بغیر نئے انتخابات کسی صورت قابل قبول نہیں ہوں گے۔
پریس کانفرنس میں سینئر نائب صدر ملک جلیل، جنرل سیکرٹری ریلوے بازار ملک مظہر عباس، جنرل سیکرٹری مکھڈ روڈ قاری عبد الوحید سمیت دیگر عہدیداران اور تاجر برادری کی بڑی تعداد نے شرکت کی۔ اس موقع پر اظہار خیال کرتے ہوئے ملک غلام شاہ نے کہا کہ موجودہ باڈی تاجر برادری کے متفقہ فیصلے کے تحت پانچ سال کے لیے منتخب ہوئی تھی اور اپنی آئینی مدت اور ذمہ داریوں کے مطابق اپنی خدمات جاری رکھے گی۔
انہوں نے اپنی کارکردگی کا حوالہ دیتے ہوئے بتایا کہ انجمن تاجران نے اپنے دور میں تاجروں کے حقوق کے تحفظ، بازاروں کو درپیش مسائل کے حل، صفائی ستھرائی کے نظام کی بہتری اور تنظیمی ڈھانچے کو مستحکم بنانے کے لیے مؤثر اقدامات کیے، جن کے مثبت نتائج سامنے آئے ہیں۔
صدر انجمن تاجران نے دوٹوک انداز میں کہا کہ جنڈ بازار میں اس وقت کسی بھی قسم کے انتخابات کا نہ کوئی جواز ہے اور نہ ہی ضرورت۔ انہوں نے واضح کیا کہ جب تک موجودہ باڈی فعال ہے اور اپنی ذمہ داریاں احسن طریقے سے ادا کر رہی ہے، نئے انتخابات کا سوال ہی پیدا نہیں ہوتا۔
انہوں نے مزید کہا کہ انجمن تاجران اپنی طے شدہ پالیسی اور فریم ورک کے تحت کام جاری رکھے گی اور تاجر برادری کے مسائل کے حل اور حقوق کے تحفظ کے لیے ہر ممکن اقدامات کیے جاتے رہیں گے











۔

خطے میں بڑھتی ہوئی کشیدگی کے باوجود پاکستان نے سفارتی محاذ کے ساتھ ساتھ سمندری میدان میں بھی اپنی موجودگی مؤثر انداز میں...
17/04/2026

خطے میں بڑھتی ہوئی کشیدگی کے باوجود پاکستان نے سفارتی محاذ کے ساتھ ساتھ سمندری میدان میں بھی اپنی موجودگی مؤثر انداز میں منوائی ہے۔

اٹک ( بابو بھائ سے) تازہ پیش رفت کے مطابق پاکستان کا تیل بردار جہاز "شالامار" (Shalamar) کامیابی کے ساتھ آبنائے ہرمز عبور کرتے ہوئے خلیج فارس سے باہر نکل گیا ہے، جو ایک اہم پیش رفت قرار دی جا رہی ہے۔
ذرائع کے مطابق مذکورہ جہاز ایران کے جزیرے لارک آئی لینڈ (Larak Island) کے جنوب سے گزرتا ہوا بحفاظت خلیجِ عمان میں داخل ہوا۔ یہ پیش رفت اس لیے بھی غیر معمولی اہمیت رکھتی ہے کیونکہ خطے میں مبینہ امریکی ناکہ بندی اور بڑھتی ہوئی نگرانی کے بعد یہ پہلا موقع ہے کہ کوئی تیل بردار جہاز خام تیل کے ساتھ خلیج فارس سے باہر نکلنے میں کامیاب ہوا ہے۔
بحری امور کے ماہرین کا کہنا ہے کہ اس سفر سے ظاہر ہوتا ہے کہ پاکستان نہ صرف سفارتی سطح پر متوازن پالیسی پر عمل پیرا ہے بلکہ اس کی سمندری رسائی اور روابط بھی مستحکم ہیں۔ ذرائع کے مطابق نہ ایران کی جانب سے جہاز کو روکا گیا اور نہ ہی امریکی بحری نگرانی نے اس کی راہ میں کوئی رکاوٹ ڈالی، جو پاکستان کے لیے ایک مثبت اشارہ سمجھا جا رہا ہے۔
جہاز اس وقت کراچی کی جانب گامزن ہے اور توقع ظاہر کی جا رہی ہے کہ یہ اتوار کے روز بندرگاہ کراچی پہنچ جائے گا۔ ماضی میں بھی پاکستانی پرچم بردار جہازوں کو بعض اوقات خصوصی کلیئرنس یا محفوظ سمندری راستے فراہم کیے جاتے رہے ہیں، تاہم موجودہ صورتحال میں اس کامیاب سفر کو غیر معمولی اہمیت دی جا رہی ہے۔
تجزیہ کاروں کے مطابق یہ پیش رفت نہ صرف پاکستان کی توانائی سپلائی لائن کے تسلسل کے لیے اہم ہے بلکہ عالمی سطح پر پاکستان کی بحری خودمختاری اور سفارتی توازن کی بھی عکاسی کرتی ہے

۔








Address

Attock

Telephone

+923449076799

Website

Alerts

Be the first to know and let us send you an email when B N N Basal News Network posts news and promotions. Your email address will not be used for any other purpose, and you can unsubscribe at any time.

Contact The Business

Send a message to B N N Basal News Network:

Shortcuts

Share

Category