Raja Dawood Ayoub Official

04/10/2025

📌 مطالبات منظور

اہم فیصلے:
1. FIR اور عدالتی کمیشن:
• یکم اور 2 اکتوبر کے واقعات میں ہونے والی ہلاکتوں اور زخمیوں پر متعلقہ دفعات کے تحت انسدادِ دہشت گردی ایکٹ میں ایف آئی آر درج ہوں گی۔
• جہاں ضرورت ہو وہاں عدالتی کمیشن بنایا جائے گا۔
2. شہداء و زخمیوں کے معاوضے:
• جاں بحق افراد کے لواحقین کو وہی معاوضہ دیا جائے گا جو قانون نافذ کرنے والے اداروں کے اہلکاروں کو دیا جاتا ہے۔
• گولی لگنے سے زخمی ہونے والے افراد کو فی کس 10 لاکھ روپے دیے جائیں گے۔
• ہر شہید کے لواحقین میں سے ایک فرد کو سرکاری ملازمت دی جائے گی۔
3. تعلیمی اصلاحات:
• مظفرآباد اور پونچھ ڈویژن کے لیے دو نئے تعلیمی بورڈ قائم کیے جائیں گے۔
• آزاد کشمیر کے تمام تعلیمی بورڈز کو وفاقی بورڈ اسلام آباد سے منسلک کیا جائے گا (30 دن میں)۔
4. منگلا ڈیم متاثرین:
• میرپور ڈیم کے متاثرہ خاندانوں کی زمینوں کو 30 دن میں قانونی حیثیت دی جائے گی۔
5. بلدیاتی قانون:
• موجودہ بلدیاتی قانون کو اصل 1990ء کے قانون کے مطابق اور عدالتِ عظمیٰ کے فیصلوں کی روشنی میں 90 دن کے اندر لایا جائے گا۔
6. ہیلتھ کارڈ:
• ہیلتھ کارڈ کے لیے فنڈز 15 دن میں جاری ہوں گے۔
7. صحت کی سہولیات:
• ہر ضلع میں MRI اور CT Scan مشینیں مرحلہ وار فراہم کی جائیں گی۔
8. بجلی کا نظام:
• پاکستان حکومت آزاد کشمیر کے بجلی کے نظام کی بہتری کے لیے 10 ارب روپے فراہم کرے گی۔
9. کابینہ اور بیوروکریسی:
• کابینہ کا حجم کم کر کے زیادہ سے زیادہ 20 وزراء/مشیر رکھے جائیں گے۔
• سیکرٹریز کی تعداد بھی 20 سے زیادہ نہیں ہو گی۔
• محکموں کے انضمام (جیسے سول ڈیفنس اور SDMA) کیے جائیں گے۔
10. احتساب:
• احتساب بیورو اور اینٹی کرپشن ادارے کو ضم کیا جائے گا اور قوانین کو NAB کے مطابق کیا جائے گا۔
11. ترقیاتی منصوبے:
• نیلم ویلی روڈ پر دو ٹنلز کی تعمیر کے لیے فزیبلٹی رپورٹ تیار کی جائے گی۔
• سعودی فنڈ کے منصوبوں کو PC-1 کے مطابق ترجیح دی جائے گی۔
12. آئینی کمیٹی:
• آزاد کشمیر اسمبلی کے بیرونِ حلقہ ممبران کے معاملے پر ایک اعلیٰ سطحی کمیٹی بنے گی جس میں پاکستان، AJK حکومت اور JAAC کے 2-2 قانونی ماہرین شامل ہوں گے۔

⸻

اضافی فیصلے:
• 21 ستمبر تا 2 اکتوبر کے دوران مختلف شہروں میں ہونے والے واقعات (بنجوسہ، مظفرآباد، پلوک، دھیر کوٹ، میرپور، ریاں کوٹلی وغیرہ) کی تحقیقات ہائی کورٹ کے جج پر مشتمل عدالتی کمیشن کرے گا۔
• میرپور میں بین الاقوامی ایئرپورٹ کے قیام کا ٹائم فریم دیا جائے گا۔
• پراپرٹی ٹرانسفر پر ٹیکس پنجاب اور خیبرپختونخوا کے برابر کیا جائے گا (3 ماہ میں)۔
• 2019ء کے ہائی کورٹ کے فیصلے کے مطابق ہائیڈل پراجیکٹس پر عملدرآمد کیا جائے گا۔
• 10 اضلاع کے لیے واٹر سپلائی اسکیم کی فزیبلٹی رپورٹ موجودہ مالی سال میں تیار کی جائے گی۔
• تمام تحصیل ہیڈکوارٹر ہسپتالوں میں آپریشن تھیٹر اور نرسری کے فنڈز ADP سے فراہم ہوں گے۔
• گُلپور اور رحمان (کوٹلی) میں پل تعمیر ہوں گے۔
• ایڈوانس ٹیکس کو گلگت بلتستان اور فاٹا کی طرز پر کم کیا جائے گا۔
• تعلیمی اداروں میں داخلے اوپن میرٹ پر ہوں گے۔
• دادو یال کشمیر کالونی کے لیے واٹر سپلائی اور ٹرانسمیشن لائن دی جائے گی۔
• مہاجرینِ مندر کالونی دادو یال کو ملکیتی حقوق دیے جائیں گے۔
• ٹرانسپورٹ پالیسی کا عدالتی فیصلوں کے مطابق ازسرِ نو جائزہ لیا جائے گا۔
• 2 اور 3 اکتوبر کو اسلام آباد/راولپنڈی میں گرفتار مظاہرین رہا کیے جائیں گے۔

⸻

عملدرآمد اور نگرانی:

ان فیصلوں پر عملدرآمد کے لیے ایک مانیٹرنگ اور امپلیمنٹیشن کمیٹی تشکیل دی جائے گی جس میں وفاقی حکومت، آزاد کشمیر حکومت اور JAAC کے نمائندے شامل ہوں گے۔
• چیئرمین: امیر مقام (وفاقی وزیر برائے کشمیر امور)
• رکن: ڈاکٹر طارق فضل چوہدری (وفاقی وزیر برائے پارلیمانی امور)
• 2 نمائندے حکومت AJK کے
• 2 نمائندے JAAC کے

یہ کمیٹی:
• عملدرآمد کی نگرانی کرے گی
• ٹائم لائنز طے کرے گی
• بجٹ کے مطابق فیصلوں کو آگے بڑھائے گی
• وزراء اور بیوروکریٹس کے مراعات اور فوائد کا بھی ازسرِ نو جائزہ لے گی

02/10/2025

Hero of the Nation Mushtaq Ahmed Khan

02/10/2025

آزاد کشمیر کی قانون ساز اسمبلی اور موروثی سیاست

آزاد جموں و کشمیر میں قانون ساز اسمبلی کا قیام 1970 میں عمل میں آیا۔ یہ ایک تاریخی موقع تھا کہ عوام کو اپنے نمائندے براہِ راست منتخب کرنے کا حق ملا۔ اس وقت توقع تھی کہ یہ اسمبلی عوامی مسائل حل کرنے، ترقیاتی منصوبے شروع کرنے اور حقیقی جمہوریت کی بنیاد ڈالنے کا ذریعہ بنے گی۔ مگر افسوس کہ گزشتہ پچاس سال سے زائد عرصہ گزرنے کے باوجود اسمبلی نے عوامی امنگوں کے مطابق کردار ادا کرنے کے بجائے زیادہ تر موروثی سیاست کو جنم دیا۔

موروثی سیاست کا آغاز

1970 کے پہلے انتخابات سے لے کر آج تک مختلف جماعتیں آزاد کشمیر میں اقتدار میں آتی رہیں، جیسے:
• مسلم کانفرنس
• پاکستان پیپلز پارٹی (PPP)
• پاکستان مسلم لیگ (ن) (PML-N)
• پاکستان تحریک انصاف (PTI)
• دیگر چھوٹی علاقائی جماعتیں

مگر عملی طور پر دیکھا جائے تو اکثر حلقوں میں چند بڑے خاندانوں نے ہی سیاست پر قبضہ رکھا۔ باپ کے بعد بیٹے، پھر داماد، پھر پوتے انتخاب لڑتے ہیں۔ عوامی نمائندگی ایک خاندانی وراثت کی طرح تقسیم ہوئی۔ اس کا نتیجہ یہ نکلا کہ:
• سیاسی پارٹیوں میں قابلیت کے بجائے خاندانی نام کی اہمیت رہی۔
• اسمبلی عوامی مسائل کے حل کے بجائے زمینوں، کاروبار اور جائیدادیں بنانے کا ذریعہ بن گئی۔
• نئی نسل کے تعلیم یافتہ اور باصلاحیت نوجوانوں کو آگے آنے کا موقع نہ ملا۔

کون کون سی جماعتیں اور خاندان نمایاں رہے؟
• مسلم کانفرنس: چوہدری خاندان نے کئی دہائیوں تک سیاست پر اجارہ داری رکھی۔
• پیپلز پارٹی: بھٹو خاندان کے اثر سے آزاد کشمیر میں بھی سیاسی دھڑے بنے اور کئی نشستیں ہمیشہ مخصوص خاندانوں کو جاتی رہیں۔
• مسلم لیگ (ن): نواز شریف خاندان کے زیرِ اثر آزاد کشمیر کی سیاست میں بھی ان کے قریبی خاندانوں اور سیاسی وراثت داروں نے جگہ لی۔
• پی ٹی آئی: اگرچہ نئی جماعت سمجھی جاتی ہے مگر اس میں بھی زیادہ تر وہی پرانے خاندان شامل ہوگئے جنہوں نے پارٹی بدل کر نئے نام سے سیاست جاری رکھی۔

موروثی سیاست کے نقصانات
1. عوامی مسائل (تعلیم، صحت، روزگار) پسِ پشت ڈال دیے گئے۔
2. عوام کو صرف انتخابات میں نعرے ملے، عملی طور پر سہولتیں نہ مل سکیں۔
3. نوجوان نسل بددل ہو کر سیاست سے دور ہوتی گئی۔
4. اسمبلی ایک خاندانی کلب بن کر رہ گئی۔

عوام کے لیے پیغام

اب وقت آ گیا ہے کہ عوام اپنے ووٹ کی طاقت کو سمجھیں۔
• جو لوگ پچاس سال سے ایک ہی خاندانوں کو ووٹ دے رہے ہیں، وہ اپنے بچوں کے مستقبل کو ان ہی سیاستدانوں کے رحم و کرم پر چھوڑ رہے ہیں۔
• آئندہ انتخابات میں عوام کو چاہیے کہ موروثی سیاستدانوں اور ان کے بچوں کو ووٹ نہ دیں۔
• نئے چہرے، پڑھے لکھے نوجوان اور حقیقی عوامی نمائندوں کو اسمبلی میں بھیجیں تاکہ آزاد کشمیر میں اصل جمہوریت اور ترقی کی راہیں کھل سکیں۔

02/10/2025

بریکنگ نیوز
مظفرآباد مذاکراتی کمیٹی کے ممبران بذریعہ ہیلی کاپٹر مظفرآباد پہنچ گئے، جلد مذاکراتی عمل شروع ہو گا

01/10/2025

30/09/2025

آذاد کشمیر میں حکومت کی رٹ عملا" ختم ہے۔ 38 وزرا میں سے کوئی ایک بھی شاید حلقے میں نہیں۔ بیوروکریسی کا کرپٹ ایلیمنٹ تو پہلے سے بحریہ ڈی ایچ اے اور گلبرگ گرین میں ہوتا ہے۔ سکولز بند ہیں۔ سڑکیں بند ہیں، موبائل سگنل اور نیٹ حکومت نے بند کر دیے۔ عوام کی غالب اکثریت بہرحال سیاست دانوں اور حکومت سے بے زار ہو کر ایکشن کمیٹی کے ساتھ ہے۔ نوجوان تو 95فیصد بے زار ہیں۔ یہ تو آج کی صورت حال ہے۔ یہ صورتحال حال کیوں بنی؟ وجہ ایک نہیں۔ وجوہات ہیں۔ ایسا بلکل نہیں کہ ترقی نہیں ہوئی نہ ایسا ہے کہ لوگوں کو سرکاری نوکریاں نہیں ملی ہوئی۔ سرکاری نوکر شاید برصغیر میں سب سے زیادہ آذاد کشمیر میں ہیں۔ پھر کیا ہوا؟
۔1 میرٹ کا قتل عام ہوتا رہا۔
۔2سیاست گندی ہوتی رہی
۔3سیاست دان اخلاقیات سے عاری ہو گے۔
۔4ڈگریوں کی بھرمار ہوئی
۔5 سکیم خور لوگوں کو تنگ کرتے رہے
۔6 بجٹ زمیں پر لگتا نظر نہ آیا
۔7 بلدیات کے بجائے ایم ایل ایز کے ذریعے سوسائیٹی کو کرپٹ کیا جاتا رہا۔
۔8 سوشل میڈیا نے سب کو ننگا کر دیا
۔9 کرپٹ پارٹیوں کو ملا کر حکومت بنائی دی۔اپوزیشن کا وجود ختم کیا گیا
۔10 وزراء کی تعداد 38 تک پہنچا دی گئی
۔11 وزراء اختیارات کے بغیر پٹرول پھونکتے رہے۔
۔12 عوام سے رابطے ختم ہوئے۔
۔13 طلباء سیاست پر پابندی لگی رہی۔
۔14برادریوں کا چورن بیچا جاتا رہا۔
۔15نوجوانوں کے لیے کوئی سرگرمی نہ رہی۔
۔16ریاست نے نوجوانوں کے لیے جابز کے مواقع پیدا نہ کیے۔
۔18 تعلیم مہارتوں سے محروم رہی۔ ڈگری ہولڈرز گلف میں جا کر چوکیداری کرتے رہے۔
۔19 سیاست دانوں نے مراعات کو کئی گنا تک بڑھا دیا۔ کالے ڈالے اور کالی لینڈ کروزر عوام کے ٹیکس سے پٹرول پھونکتی رہی۔
۔20 جنگلات کٹتے رہے۔
اب حل یہی ہے جو کیا اس سے توبہ کریں۔ کھلے عام معافی ما نگیں۔ طاقت کے استعمال سے بچیں اور عوام کو انگیج کرین۔ اس چمن کی تباہی میں سب کا ہاتھ ہے۔ جو تمبر کے ڈنڈے لے کر نکلے ہیں انھوں نے ہی ان کو سروں پر بیٹھایا تھا۔۔۔ وہ عنقریب ٹبر کے نام پر
یا پارٹی کے نام پر پھر ان کے در کے مجاور بنیں گے۔۔۔ یہ وقتی جوش مسئلے کا دیرپا حل نہیں۔ حل اس گندے نظام سے جان چھوڑانا ہے۔۔۔ جو مشکل اور صبر آزما کام ہے۔

28/09/2025

جماعت اسلامی ایکشن کمیٹی کے تمام جائز مطالبات کی حمایت کرتی ہے کوئی دشمنی نہیں رکھتی لیکن اپنی جدوجہد اپنے پلیٹ فارم سے کرتی ہے۔
ڈاکٹر مشتاق احمد

24/09/2025

ایکشن کمیٹی اور وفاقی وزراء کے درمیان دس گھنٹے سے جاری مذاکرات ناکام ایکشن کمیٹی کی پریس کانفرنس

22/09/2025

حق دو عوام کو
بدلو اس نظام کو
خوشحال اسلامی فلاحی ریاست
#انصاف،میرٹ،روزگار،تعلیم #

18/09/2025

میں بطور سابق ممبر اسمبلی مراعات اگر کوئ ہیں تو دستبرداری کا اعلان کرتا ہوں ایکشن کمیٹی مشکوک عناصر سے اعلان برآت کرتے ہوۓ تحریک آذادی کے حوالے سے موقف واضح کرے حکومت اور ایکشن کمیٹی مذاکرات سے مسائل حل کریں بیس کیمپ کو اتشار کا شکار کرنے کے بھارتی ایجنڈے کو تدبر سے ناکام بنائیں سب متحد ہوکر مجاہدین کشمیر کی فعال پشتیبانی کریں جو حالات کا تقاضہ ہے .,سابق ممبر اسمبلی و سابق امیر جماعت اسلامی آزادکشمیر عبد الرشید ترابی ۔

18/09/2025

پاکستان اور سعودی عرب کے مابین اہم دفاعی معاہدہ طے پا گیا