BAGH News Live

24/12/2025

https://www.facebook.com/share/r/17aV61W7WL/

21/12/2025

باغ آزاد کشمیر
سری منگ بیوہ حنیف مرحوم کے اندھے قتل کا ڈراپ سین
ایس پی باغ ریاض مغل کی خصوصی ہدایت پر تفتیشی ٹیم نے 24 گھنٹے کے اندر قتل ٹریس کرتے ہوئے گرفتاری عمل میں لائی ہے
قاتل کو الہ قتل سمیت گرفتار کر لیا ہے
عوام علاقہ سری منگ ڈھلی کا مقامی پولیس کو خراج تحسین

16/12/2025

لاہور : سابق چیف جسٹس پاکستان قاضی فائز عیسیٰ کو دھمکیاں دینے سے متعلق مقدمے میں کالعدم ٹی ایل پی کے پیرظہیرالحسن شاہ کو سزا سنادی گئی۔

لاہور کی انسداد دہشتگردی عدالت کے جج ارشد جاوید نے سابق چیف جسٹس پاکستان جسٹس ریٹائرڈ قاضی فائز عیسیٰ کو دھمکیاں دینے سے متعلق مقدمے کا ٹرائل مکمل ہونے پر فیصلہ سنادیا۔عدالت نے کالعدم ٹی ایل پی کے پیر ظہیر الحسن شاہ کو مختلف مقدمات کے تحت ساڑھے 35 سال قید اور 6 لاکھ روپے جرمانہ ادا کرنے کا بھی حکم دیا۔

واضح رہے کہ مجرم کے خلاف 2024 میں دھمکیاں دینے پر مقدمہ درج کیا گیا تھا۔

16/12/2025

مراکش میں شدید بارشوں کے سبب سیلاب سے درجنوں افراد ہلاک ہوگئے۔

غیر ملکی میڈیا کے مطابق مراکش کے بحر اوقیانوس کے ساحلی صوبے صافی میں طوفانی بارشوں کے نتیجے میں آنے والے سیلاب میں کم از کم 37 افراد ہلاک ہوگئے۔

مراکش کو 7 سال کی خشک سالی کے بعد اٹلس کے پہاڑوں پر شدید بارش اور برف باری کا سامنا ہے۔رپورٹس میں بتایا گیا ہے کہ سیلاب کی وجہ سے کئی افراد لاپتا ہوگئے جن کی تلاش کیلئے سرچ اینڈ ریسکیو آپریشن جاری ہے جب کہ مختلف حادثات میں زخمی ہونے والے افراد کو طبی امداد بھی دی جارہی ہے۔

ہنگامی صورتحال کے سبب اسکولوں کو 3 روز کیلئے بند کردیا گیا جس کے باعث تعلیمی نظام بھی متاثر ہوا ہے جب کہ کم از کم 70 مکانات اور دکانیں بھی سیلاب کی زد میں آگئیں۔

16/12/2025

لاہور: سرگودھا میں پولیس موبائل کے ٹرین سے ٹکرانے سے 2 اہلکار شہید ہوگئے۔

ترجمان کے مطابق ایس پی یو اہلکار معمول کے گشت پر تھے کہ موبائل ٹرین کی زد میں آگئی جس کے نتیجے میں 2 اہلکار شہید اور 3 زخمی ہوگئے۔ترجمان کے مطابق آئی جی پنجاب ڈاکٹرعثمان انور نے واقعے کا نوٹس لیتے ہوئے ڈی آئی جی ایس پی یو سے رپورٹ طلب کرلی۔

آئی جی پنجاب نے فرض کی راہ میں شہید پولیس جوانوں کو خراج عقیدت پیش کرتے ہوئے کہا کہ پنجاب پولیس شہدا کے اہلخانہ کو تنہا نہیں چھوڑے گی۔

16/12/2025

اسلام آباد: وزیراعظم شہباز شریف نے کہا ہےکہ دہشتگردی کے خلاف زیرو ٹالرنس پالیسی کے تحت کارروائیاں جاری رکھی جائیں گی۔

وزیراعظم شہباز شریف نے سانحہ آرمی پبلک اسکول پشاورکی 11 ویں برسی کے موقع پر اسکول کے شہداء کو خراجِ عقیدت پیش کرتے ہوئے کہا کہ اے پی ایس کے شہداء نے وطن کے مستقبل کے لیے اپنی جانوں کا نذرانہ پیش کیا، دلخراش اے پی ایس سانحہ قوم کے لیے آزمائش تھاوزیراعظم نے کہا کہ سانحے نے ہمارے دلوں کو غم سے بھردیا مگرحوصلے پست نہ کرسکا، پاکستان سے دہشتگردی کا خاتمہ ہی اس سانحے کا حقیقی انصاف ہے، قوم شہداء کے اہلخانہ کے غم میں برابر کی شریک ہے۔

شہباز شریف کا کہنا تھا کہ آج پاکستان ایک بار پھر دہشتگردی کے ناسور کا سامنا کررہا ہے، ملک کے مختلف حصوں میں سکیورٹی اہلکاروں اور معصوم شہریوں کو نشانہ بنایا جا رہا ہے، ریاست، سکیورٹی ادارے اور عوام متحد ہو کردہشتگردی اور انتہاپسندی کے خاتمے کے لیے پرعزم ہیں۔

انہوں نے مزید کہا کہ دہشتگردی کیخلاف زیرو ٹالرنس پالیسی کے تحت بھرپورکارروائیاں جاری رکھی جائیں گی اور آخری دہشتگرد کے خاتمے تک چین سے نہیں بیٹھیں گے۔

16/12/2025

16/12/2025

حکومت نے پٹرولیم مصنوعات کی قیمتوں میں ردوبدل کا اعلان کر دیا ہے۔ سرکاری فیصلے کے مطابق پٹرول کی قیمت برقرار رکھی گئی ہے جبکہ عوام کو ہائی اسپیڈ ڈیزل کی قیمت میں نمایاں ریلیف دیا گیا ہے۔

نوٹیفکیشن کے مطابق ہائی اسپیڈ ڈیزل کی قیمت میں 14 روپے فی لیٹر کمی کی گئی ہے، جس کے بعد نئی قیمتوں کا اطلاق فوری طور پر ہو گیا ہے۔ حکومتی حکام کا کہنا ہے کہ یہ فیصلہ عالمی مارکیٹ میں تیل کی قیمتوں میں اتار چڑھاؤ اور مقامی معاشی صورتحال کو مدنظر رکھتے ہوئے کیا گیا ہے۔

پٹرول کی قیمت برقرار رکھنے کے فیصلے کو مہنگائی کے دباؤ میں کمی کی کوشش قرار دیا جا رہا ہے، جبکہ ڈیزل سستا ہونے سے ٹرانسپورٹ اور اشیائے ضروریہ کی قیمتوں پر مثبت اثرات متوقع ہیں۔ عوامی حلقوں کی جانب سے ہائی اسپیڈ ڈیزل کی قیمت میں کمی کو خوش آئند قرار دیا جا رہا ہے۔

16/12/2025

آزاد جموں و کشمیر کی سیاست میں اہم پیش رفت، وزیراعظم آزاد کشمیر نے سیاسی معاون مقرر کر دیا۔ پیپلز پارٹی آزاد کشمیر کے سینئر اور تجربہ کار رہنما سید عزادار حسین کاظمی کو کھیل، ثقافت اور امورِ نوجوانان کے لیے وزیراعظم کا سیاسی معاون نامزد کر دیا گیا ہے۔اس تقرری کے ساتھ ہی حکومت نے نوجوانوں کے مستقبل، کھیلوں کے فروغ اور ثقافتی ورثے کے تحفظ پر اپنی ترجیحات واضح کر دی ہیں۔
کلیدی شعبوں کی ذمہ داری ایک ایسے رہنما کو سونپی گئی ہے جو وسیع سیاسی اور انتظامی تجربے کے حامل ہیں۔سید عزادار حسین کاظمی اس سے قبل سابق وزیراعظم بیرسٹر سلطان محمود چوہدری کے پولیٹیکل سیکرٹری جبکہ سابق وزیراعظم چوہدری مجید کے دور میں میڈیا ایڈوائزر کے طور پر خدمات انجام دے چکے ہیں۔ علاوہ ازیں وہ سپیکر قانون ساز اسمبلی چوہدری لطیف اکبر کے معاون خصوصی بھی رہ چکے ہیں، جہاں انہوں نے اپنی صلاحیتوں کا بھرپور مظاہرہ کیا۔
ان کی تقرری پر سیاسی و صحافتی حلقوں میں خوشی کی لہر دوڑ گئی ہے جبکہ عوامی اور سیاسی سطح پر اس فیصلے کو خوش آئند قرار دیا جا رہا ہے۔ اس تقرری سے حکومتی ٹیم مزید مضبوط ہو گی اور نوجوانوں، کھیلوں اور ثقافت کے شعبوں میں نمایاں پیش رفت متوقع ہے۔

14/12/2025

دبئی: متحدہ عرب امارات میں جنسی جرائم اور جسم فروشی کی سزاؤں میں بڑی تبدیلیاں کر دی گئیں۔

متحدہ عرب امارات نے جنسی جرائم اور جسم فروشی کے حوالے سے سزاؤں میں اہم تبدیلیاں متعارف کرائی ہیں، یہ اصلاحات بچوں کی حفاظت اور عوامی تحفظ کے لیے کی گئی ہیں۔

کم عمر بچوں کے ساتھ جنسی تعلق پر سخت سزائیں

اماراتی نئے قوانین کے مطابق، اگر کوئی بالغ شخص 18 سال سے کم عمر بچے کے ساتھ جنسی تعلق قائم کرتا ہے، تو اسے کم از کم 10 سال قید اور ایک لاکھ درہم ( تقریباً 76 لاکھ پاکستانی روپے ) جرمانے کی سزا ملے گی۔

یہ سزا اس صورت میں بھی دی جائے گی، چاہے متاثرہ شخص نے رضامندی ظاہر کی ہو۔

تاہم، اگر متاثرہ شخص 16 سال یا اس سے زیادہ عمر کا ہو، تو پھر رضامندی کو بھی مدنظر رکھا جائے گا۔ اس کا مطلب یہ ہے کہ 16 سال سے زیادہ عمر کے نوجوانوں کو جنسی تعلق کے معاملے میں کچھ حد تک آزادی حاصل ہوگی، لیکن 18 سال سے کم عمر کے بچوں کی حفاظت کو انتہائی اہمیت دی جائے گی۔

جسم فروشی اور بدکاری کی ترغیب دینے والوں کے لئے سخت سزائیں

نئے قانون کے تحت، اگر کوئی شخص کسی کو جسم فروشی یا بدکاری کی طرف راغب کرتا ہے، تو اسے کم از کم 2 سال قید اور جرمانے کی سزا دی جائے گی۔ اگر متاثرہ شخص 18 سال سے کم عمر کا ہو، تو سزا میں اضافہ کیا جائے گا۔

یہ اصلاحات ان افراد کے خلاف بھی ہوں گی جو بچوں کو جنسی استحصال یا بدکاری کی طرف مائل کرتے ہیں۔

عوامی تحفظ کے لیے اضافی احتیاطی تدابیر

حکام کو یہ اختیار بھی دیا گیا ہے کہ وہ مجرم کی سزا مکمل ہونے کے بعد اضافی احتیاطی تدابیر نافذ کرسکیں تاکہ عوامی تحفظ یقینی بنایا جا سکے۔ ان تدابیر کا مقصد یہ ہے کہ مجرموں کو دوبارہ ایسی حرکتیں کرنے سے روکا جائے۔

قانون کا مقصد

یہ تبدیلیاں اس بات کو یقینی بنانے کے لیے کی گئی ہیں کہ بچوں اور نوجوانوں کو جنسی استحصال، بدکاری اور دیگر جرائم سے بچایا جا سکے۔

اماراتی نئے قوانین نہ صرف قانونی سطح پر اصلاحات ہیں بلکہ معاشرتی سطح پر بھی ایک مضبوط پیغام ہیں کہ بچوں کی حفاظت اور اخلاقی تحفظ ہر حال میں یقینی بنایا جائے گا۔