Doctorist

03/03/2026

🍁

04/01/2026

Best advice for parents 🤗

゚viralfbreelsfypシ゚viral

01/01/2026

نظم
(2026)
کھلا وہ پھول کہ دل کا چمن مہک سا گیا
گھٹن گھٹن تھی فضا میں سما بدل سا گیا
چمک دمک سا گیا ہے نصیب کا تارا
کہ رب نے مجھکو دیا میری آنکھ کا تارا
ادا ہو کس طرح شکرِ عطاۓ ربِ جہاں
کہ تیرے آنے سے پرُ نور میرے دل کا جہاں
یوں سالِ نو میں مزیّن تری ہنسی کی کھنک
کہ جیسے قوسِ قزح سے سجی ہو چشمِ فلک
فقط ہے رب سے یہی روز و شب دعا میری
مسرتوں سے مہکتی ہو ہر صبح تیری

م ح

16/12/2025

نثر:3

ایبسٹریکٹ آرٹ

بابا میں آپکے ہاتھ پہ بناتی ہوں" شریر نظروں سے، مسکراتے ہوئے چہکتے لہجے میں پورے اعتماد کے ساتھ بیٹی نے مجھے مخاطب کیا ۔ میں نے فی الفور ہاتھ آگے بڑھایا تاکہ وہ دنیا کی بہترین تصویر میرے ہاتھ پر بنانا سکے۔ اور یوں تصویر بننا شروع ہوئی ۔دائرےکی پہلی لکیر ہاتھ کے جنوب مشرقی حصے سے شروع ہوتی ہوئی جنوب پھر مغرب اور شمال کی طرف گامزن ہوئی اور بالآخر مشرق سے ہوتی ہوئی اپنی منزلِ مقصود جنوب مشرق سے جا ملی۔پھر یک لخت اس میں رنگوں اور لکیروں کا بدلاؤ آنے لگا جنکی سمت کا تعیّن کرنا کم وبیش ناممکن۔ غالباً شمال سے جنوب ،جنوب سے شمال،مشرق سے مغرب اور مغرب سے مشرق کی جانب۔ تصویر کی تکمیل کے بعد بیٹی نے مجھے مخاطب کر کہ پوچھا " بابا یہ کیسی ہے؟ بیٹی میں آپکو کیسے بتاؤں کہ ان الجھی ہوئی لکیروں نے میری زندگی کو کس قدر سلجھا دیا ہے۔
مو سموں کا نکھار پنہاں ہے
اک فقط تیرے مسکرانے میں

م ح

11/12/2025

🩺

25/11/2025

زد میں یادوں کی آگیا سورج
کہیں بارش گھٹا بنا سورج

اسکی گلیوں میں روشنی کیلیے
میں نے ہاتھوں پہ رکھ لیا سورج

میں خزف کا چراغ تھا پھر بھی
کیوں مجھے دیکھتا رہا سورج

م ح

27/10/2025

20/10/2025

✨

14/08/2025

نثر 3

غور سے دیکھیے پبلک پلیس پر رکھے اس واٹر کولر کو اور اسکے اسٹیل کے گلاس سے بندھی زنجیر کو۔
آپکے خیال میں اس پرانے سٹیل کے گلاس کی کیا قیمت ہوگی جو اسکو زنجیر باندھنی پڑ گئی۔ سیانے کہتے ہیں کسی بھی معاشرے کی ترقی کا اندازہ لگانا ہو تو اسکا پبلک پلیس دیکھ لیں۔آپکو وہاں کے لوگوں کی اخلاقیات ،انکا رہن سہن، عقائد، نظریات اور ترجیحات سب نظر آجائیں گے کہ وہاں کہ لوگوں کا کردار کیا ہے اور وہ موردِ الزام کس کو ٹھہراتے ہیں۔
آج چودہ اگست ہے اور لوگ جشنِ آزادی منانے میں مصروف ہیں۔اور اکثر وبیشتر اس خوشی کا اظہار باجا بجا کر کر رہے ہیں۔
آئیے آج صحیح معنوں میں حقیقی آزادی کا عہد کریں۔
معاشرتی برائیوں سے آزادی
بعض کینہ و حسد سے آزادی
ہر مسئلے میں اپنے حکمرانوں کو موردِ الزام ٹھہرانے سے آزادی

کیونکہ حقیقی آزادی تب ملے گی جب یہ گلاس زنجیر سے آزاد ہوگا

جشنِ آزادی مبارک

ڈاکٹر ممشاد حسین 🖋️

26/07/2025

نثر :- 2

حیران و ششدر ، ہر گزرتے دن کے ساتھ خوبرو معصوم چالاکیوں میں اضافہ ہوتے دیکھ رہا ہوں۔ ایسا لگتا ہے کہ قدرت کا کوئی انمول کرشمہ ہو۔ جو بات جن الفاظ کے ساتھ جس لہجے میں بس ایک بار بیان کی گئی آخر کیسے وہ ننھے سے وہم و گمان پر ہو بہو نقش ہوتی چلی جاتی ہے ۔ اور پھر کس طرح اپنے انتہائی معصوم اور پیارے سے جزبات کی عکاسی بعینہٖ اسی لہجے اور انھی الفاظ میں کر دیتی ہو۔ کیا ہی حیرت انگیز بات ہے ۔
کیا یہ کسی براہِ راست معجزے سے کم ہے؟
آج دو سال کی ہو گئی ہو ، ہر گزرتا دن تمہارے لیے اور ہمارے لیے طلسماتی اور کرشماتی ہے۔ جگ جگ جیو۔
جنم دن مبارک
بابا کی جان ❤️

20/07/2025

"You only have the option to open fire"

نہتّی اور اکیلی ہو کہ جو مردوں کو للکارے
سرِ مقتل نڈر کوئی بہن ایسی نہیں دیکھی

م ح

غیرت مند اتنے ہیں کہ عزت کے نام پر قتل کرتے اور بے غیرت اتنے کہ بیٹیوں کا حق بھی کھا جاتے۔

10/07/2025

نثر :- 1
گزشتہ کچھ دہائیوں کا تجزیہ کریں تو پتہ چلتا ہے کہ ہمیشہ زوال کو عروج ملتا اور عروج زوال پزیر ہوتا۔ یہ فطرت کا قانون ہے کہ وقت کبھی ایک جیسا نہیں رہتا لیکن وقت بدلنے کے لیے دل میں لگن عزم اور مسلسل جدوجہد کا ارادہ ہوتا ہے۔ لیکن یہ ارادہ آۓ گا کیسے ؟۔ آخر کیوں کوئی اپنے آپکو مشکل میں ڈالے گا؟ کیوں کوئی اپنا سکون داؤ پر لگاۓ گا؟ یقیناً جسے خدا نے عقل دی ، سوچنے سمجھنے کی صلاحیت دی اور وہ اپنے ساتھ یا اپنے معاشرے میں ہونے والی ناانصافیوں کو جان گیا وہی اپنا کل بدلنے پر گامزن ہوا۔ بنیادی انسانی حقوق سے لے کر دولت اور اثاثوں کی غیر منصفانہ تقسیم ، ناانصافی ، استحصال یہ سب محرکات کسی بھی بڑی سے بڑی تحریک کو جنم دیتی ہیں۔
اس کے برعکس دولت کی فراوانی ، آباؤاجداد کی جاگیر و جائیداد ، خاندان کا با اثر ہونا یا وسائل کی فراوانی انسان کو فکری و ذہنی طور پر اپاہج بنا دیتی ہے۔ اسکے اندر مسلسل آگے بڑھنے کی لگن کو ختم کر دیتی ہے ۔کیونکہ وہ یہ سوچتا ہےکہ جب پیسہ ہے تو کام کر کہ کیا کرنا۔ یہ محرکات کسی بڑی انقلابی سوچ کو جنم نہیں دیتے نہ کسی بڑی معاشی یا معاشرتی تبدیلی کا باعث بنتے۔ نتیجتاً معاشرہ کمزوری اور پستی کی طرف چل نکلتا ہے جس میں نکمےّ نکھٹو جنم لیتے ہیں جو نہ تو خود کسی قابل ہوتے بلکہ آباؤاجداد کی محنت و لگن سے بنایا ہوا اثاثہ بھی اجاڑ دیتے ہیں۔

ضرورت اس بات کی ہے کہ اثاثوں کی موجودگی میں ایسا ماحول پیدا کیا جائے یا ایسے محرکات پیدا کیے جائیں جو نسلوں کو اور قوموں کو مسلسل آگے بڑھتے ہوئے منظّم ہونے پر مجبور کرے۔
اسکی زمہ داری والدین کی ہے کہ وہ اپنے بچوں پر بے جا عنایات سے گریز کریں اور انہیں خود کچھ کرنے دیں۔ کیونکہ بے جا عنایات کر کہ آپ ان پر کوئی احسان نہیں کرتے الٹا انکی سوچ نظریات کو ناکارہ بنا دیتے ہیں، انکی طبیعت میں سہل پسندی شامل ہونا شروع ہو جاتی اور وقت گزرنے کے ساتھ وہ نکمے اور بے کار ہوتے چلے جاتے۔ جدوجہد اور آگے بڑھنا کیوں ضروری ہے اس کی تربیت کریں۔ ورنہ آج نہیں تو کل اپنی نسل میں سے نکمے نکھٹو پیدا ہونے کا انتظار کریں جو نہ خود کچھ کریں گے ، کیونکہ سیکھا ہی نہیں ہوگا، اور آپکی ان تھک محنت سے بنائے ہوئے اثاثوں کو بھی دیمک کی طرح چاٹ جائیں گے ۔

م ح